_________________________________________________________________
Service de Presse de la Maison Royale d'Albanie
albania.institute@online.fr
http://www.french-market.com/albania
_________________________________________________________________

Paris, France, le 17 juillet 2004

C'est avec une grande affliction que le Service de Presse du bureau de Paris de la représentation de la famille Royale d'Albanie, communique la triste nouvelle suivante :

La Cour Royale d'Albanie a la grande douleur d'annoncer le décès de S.M. la Reine des Albanais, Suzan, survenu dans la journée du 17 juillet à Tirana. 

La Reine, en épousant le Roi Leka, avait aussi épousé la cause de la nation albanaise. Elle l'avait accompagné dans les heures difficiles de l'épreuve de l'exil lorsqu'il luttait pour la liberté de son peuple.

Depuis le retour de la famille royale en Albanie, en 2002, elle avait consacré son temps à l'amélioration de la condition de la femme, à soulager l'enfance malheureuse et au développement des œuvres sociales et culturelles.

Nous saluons son sens du devoir, sa droiture, sa simplicité et son courage personnel.

Skender ZOGU
Porte-parole de la famille Royale

Cmdt. Hylle SPAHIJA
A.D.C de Sa Majesté Leka I Roi des Albanais

Patrice NAJBOR
Conseiller du Bureau de Paris  

_________________________________________________________________
Service de Presse de la Maison Royale d'Albanie

Fax  : 01 42 07 57 34
_________________________________________________________________

OBORRI MBRETOR SHQIPTAR                                                               ROYAL COURT OF ALBANIA

Rezidenca: Vishnje, Petrelë                               TEL/FAX: 00355 4 271 191                       P.Box. Kutia postare Nr.8170,

Tiranë, SHQIPËRI                                    E-mail royalcourt@albaniaonline.net                                       Tirana, ALBANIA

 LAMTUMIRA E FUNDIT:

”MBRETËRESHË SUSAN JENI PËRGJITHONË NË DHEUN SHQIPTAR”

-CEREMONIA E HOMAZHEVE TË MBAJTUR MË 21/07/2004-

Në homazhet e lamtumirës në nderim të Mbretëreshës MSSusan të Shqiptarëve, të mbajtur më 21/07/2004, në sallën e hotel “ Dajtit”, morën pjesë personalitete publike dhe shtetërore nga Shqipëria e Kosova, përfaqësues të të gjitha komuniteteve fetare, personalitete të shquar nga të gjitha trojet shqiptare, nga diaspora, perrfaqësues nga Trupi Diplomatik dhe përfaqësitë e tjera të huaja, të akredituara në Shqipëri. Ngushëllime i kanë shprehur Mbretit leka I dhe Princ Lekës shumë nga familjet mbretërore dhe oborret mbretërore të Europës, Azisë dhe Afrikës.

Homazhet filluan në orën 8.00 në sallën e Hotel “Dajtit”. Përfaqësues të popullit, të ardhur nga të gjitha krahinat, fvendosën lule dhe kurora dhe shprehën ngushëllimet e tyre, Mbretit Leka I dhe Princ Lekës. Mijra gra, vajza, burra dhe të moshuar, i lanë ngushëllimet e tyre edhe në librat e Nderimit të MS Susan. Ata nderuan kujtimin e Saj, duke shprehur ndjenjën e respektit  për dashurinë e saj të madhe për Shqipërinë dhe Kombin Shqiptar.

Këtë ka shprehur edhe shkrimtari ynë i shquar, Ismail Kadare në letrën e ngushëllimit, drejtuar Mbretit Leka I: “Madhëri… Si nga një dorë e drejtuar prej Fatit, dy krijesat Tuaja më të shtrenjta, Nëna Mbretëreshë Geraldina dhe Mbretëresha Susan, e lanë njera pas tjetrës këtë botë, për t’u prehur më në fund përbri njera-tjetrës në tokën shqiptare. Duke u bashkuar me dhembjen Tuaj, më lejoni të shpreh besimin e njëherësh dëshirën që ky kthim i dy mbretëreshave, për të pushuar në jetë të jetëve në dheun tonë, të jetë një shenjë kuptimplote për të gjithë, një kumt për pajtim, kthejlltësim e lartësim shpirtëror, për krejt Kombin Shqiptar.”

Kjo ndjenjë u shpreh nga mijra e mijra njerëz, që vinin për të dhënë nderimin e Lamtumirës për MS Susan.

Personailtetet më të larta të shtetit shqiptar dërguan lule dhe kurora për këtë Lamtumirë të fundit… Presidenti, Shkëlqesia e Tij, Alfred Moisiu, nëprmjet z. Z. Afrim Krasniqi Këshilltar Politik dhe Këshilltarit Ushtarak Gjen. Ruzhdi Ramadani, gërgoi një kurorë. Kryetari I Kuvendit të Shqipërisë, gjithashtu dërgoi një kurorë nëpërmjet shefit të Protokollit të Kuvendit të Shqipërisë. Kuvendit i Shqipërisë mbajti një minutë zi për MS Susan në datën 20 korrik 2004 Në emër të Kryeministrit, Shkëlqesisë së Tij Fatos Nano shprehu ngushëllimet z. Arben Malaj Ministër i Financave. Z. Pandeli Majko Ministër i Mbrojtjes dhe Shefi i Shtabit të Përgjithshëm Gjen. Pëllumb Qazimi.

Njëkohësisht, bënë homazhe shumë politikanë dhe deputetë të të gjitha grupeve parlamentare, si: z. Sali Berisha Kryetar i Partisë Demokratike, Z. Besnik Mustafaj, Z. Fatos Beja, Z. Vili Minarolli, Z. Gani Hoxha, Znj. Marjeta Zaçe, etj. Z. Aleksandër Meksi ish kryeministër. Z. Sabri Godo, Z. Neritan Alibali, nga Partia Republikane.  Z. Vangjel Dule, Z. Kristo Goxhi, nga Partia e të Drejtave të Njeriut. Z. Gaqo Apostoli në emër të Partisë Social Demokrate. Z. Adriatik Alimadhi me nënkryetaren dhe një grup nga Partia e Ballit Kombëtar. Z. Arjan Starova, Z. Teodor Laço, nga Partia Liberal demokrate. Z. Bardhyl Agasi Sekretar I Marrëdhënieve me Publikun, z. Lekë Cukaj. Znj. Monika Kryemadhi. Z. Kurt Kola me një grup nga shoqata e të Përndjekurve Politik. Z. Shpëtim Rroqi, Z. Uran Metko, Z. Hysen Selfo.

Nga Kosova pas ngushëllimeve të shprehura nga Presidenti Ibrahim Rugova e Kryeministri Bajram Rexhepi, bënë homazhe Z. Ramush Haradinaj, Kryetar i Partisë Aleanca për Ardhmërinë Kosovës. Z. Aqif Shehu Kryetar i Komunës së Gjakovës, i cili ishte dërguar nga Presidenti I Kosovës z. Ibrahim Rugova. Z. Luan Mulliqi drejtor i galerisë së Arteve të Kosovës. Z. Rauf Dhomi me korin e burrave të Gjakovës dhe të teatrit të Operas së Kosovës. Një përfaqësi nga Prizreni, Ferizaj, Peja, Mitrovica, si dhe nga Gostivari, nga Tetova, nga Dibra, Struga, etj.

Nga personalitete shqiptare Drejtësisë, të Universitetit, të Kulturës, të shkencës, të artit e sportit Z. Mentor Petrela, Znj. Teuta Starova, Z. Maksim Cikuli, Znj.Eni Çobani, Z. Thimio Kondi Kryetar i Gjykatës së Lartë, etj

Komunitetet Fetare ishin prezente në këtë ceremoni lamtumire: Imzot, Monsinjor Rrok Mirdita, arqipeshkvi i Tiranës dhe Durrësit, si Përfaqësues i Kishës Katolike, Baba Sadiku nga Kryegjyshata Botërore Bektashiane, At Nikoll Marku nga Kisha Autoqefale Orthodhokse e Elbasanit, Kryemyftiu i Tiranës nga Komuniteti Mysliman Shqiptar, Përfaqësuesi i kishës Anglikane në Shqipëri Padre Trevor Ëeeler, etj.

NgaTrupi Diplomatik: Ambasadori Italian z. Janucci së bashku me të gjithë Misionin Ushtarak të “DIAS” dhe me të gjithë Komandantët e trupave ushtarake Italiane në Shqipëri. I Ngarkuari me punë i Ambasadës Franceze në Tiranë, Ambasadori i Turqisqë,Ambasadori i Egjyptit, Ambasadori Austriak në Shqipëri, Ambasadori i BE Z. Lutz Salzman, Atasheu Ushtarak i Ambasadës së Mbretërisë së Bashkuar Col. Cox, Ambasadori i Çekisë, etj.

Mesha e Lamtumirës u mbajt nga Padre Trevor Ëeeler, Prift i Kishës anglikane, si dhe nga të katër përfaqësuesit e komuniteteve fetare Shqiptare të cilët u lutën për Mbretëreshën Susan të Shqiptarëve.

Fjalën e Lamtumirës e mbajti Prof, Mentor Petrela i cili tha: 

Miq, Shkëlqesi, Zonja e Zotërinj!

Mbretëresha Susan sot inhuminohet midis Krujës e Petrelës në zemrën e Shqipërisë që ajo e donte, e respektonte dhe e nderonte.

Është simbol i kombit që me personalitetin e Saj inspiron përjetësinë mbretërore.

Mbretëresha Susan admiroi Shqipëtarët, pasardhësit e ilirëve dhe përfaqësoi anglikanizmin me dashurinë për “ Logos”in që i mobilizonte të gjithë instrumentat e shpirtit të saj për të kuptuar njerëzit që e kontaktonin duke gjetur forcën për t’i mbështetur me të gjitha mjetet dhe mënyrat.

Ndërsa Thanatosi po e tërhiqte në brendësinë e tij mbi shtratin e Saj mbetej versioni i fundit i Iliadës së Homerit, vepra më e përkthyer në anglisht.

E pra, kjo Antigonë e shqiptarëve meriton më tepër legjitimitet me gjithë eklipset e kujtesës që ndonjëherë historia ka imponuar.

Tek Mbretëresha Susan vërehej një lidhje hynore e besnikërisë që lindte në zemër dashurinë për Mbretin Leka, Princin, Familjen dhe njohjet e Saj.

Në nderin që m’u ofrua më lejoni që në emër Tuaj për humbjen e Mbretëreshës Susan T’ Ju paraqes Naltmadhnisë Leka, Princit, Familjes dhe të dashurve homazhet tona dhe ndenjat më të thella. Amen!”

Kori i ardhur posaçarëisht nga Kosova, nën drejtimin e kompozitorit Rauf Dhomi kënduan Këngën e Pëcjelljes e të Lamtumirës së Fundit.

            Në fund, ndërsa viheshin lulet dhe kurorat e shumta, NMT Leka I përshëndeti: “Ju falenderojmë për nderimin, që i keni bërëMbretëreshës Susan. Populli shqiptar ka qenë dhe vazhdon me qenë populli më i ndershëm e më i miri në Botë. Ju faleminderit!”

 ZYRA E SHTYPIT

---------------------------------

NJOFTIM PËR SHTYP

Gjatë ceremonive për nderimin e MS Suzanë, në Sallën e Hotel "Dajtit dhe në Rezidencën e Familjes Mbretërore në Fushë Petrelë, kanë ardhur për të shprehur ngushëllime shumë politikanë, të cilët pasi shprehën ngushëllimet për këtë humbje të madhe lanë mbresat e tyre edhe në librin e ngushëllimeve të hapur për këtë rast. Ndër figurat e ardhura për të shprehur ngushëllime ishin edhe Shkëlqesia e Tij z.Alfred Moisiu, i cili në librin e shënimeve shkruajti: Ju shpreh ngushëllimet e mia të përzemërta në emrin tim personal dhe të popullit shqiptar, për humbjen e parakohshme të bashkëshortes Tuaj. Zoti qoftë me ju, u prehtë në parajsë shpirti i Saj. 
Z.Dashamir Shehi, gjithashtu në librin e shënimeve shkroi: Nderim për zonjën dhe nënën që nderoi Shqipërinë. 
Ambasadori Italian në Shqipëri Shkëlqësia e Tij Z.Massimo Atiglio Jannucci: Ngushëllimet më të sinqerta nga populli mik italian dhe nga ana ime për humbjen e Mbretëreshës së Shqiptarëve, të cilën do ta kujtojmë me shumë përzemërsi. 
Z.Sabri Godo: Mbretëresha Suzanë ishte një zonjë e shquar, që përballoi me dinjitet të lartë detyrën e saj, si një nga Simbolet e Kombit, si bashkëshorte e si nënë. Le të prehet në paqe shpirti i saj i ndritur. Shqiptarët do ta kujtojnë gjithnjë me dashuri e nderim.
Znj. Thane Nelson, e cila ishte një mike e afërt e Mbretëreshës: Ne kemi filluar projekte së bashku dhe unë synoj t'i vazhdoj. Me dashuri nga mikesha jote Thane Nelson. 
Z.Robert Nelson shkroi: Ne ishim shumë të nderuar që patëm rastin të njohim Mbretëreshën Suzanë.
Z.Sali Berisha: Me respektin, sinqeritetin dhe ngushëllimet e mia më të sinqerta për vdekjen e Mbretëreshës Suzanë.
Shkëlqësia e Tij Z.Abdullah S. Alhamdan, Ambasador i Arabisë Saudite: Do të dëshironim t'ju shprehnim ngushëllimet më të thella për këtë humbje. Humbja juaj është gjithashtu edhe e jona. Qoftë e bekuar. 
Deputeti Z.Vath Koreshi: Ngushëllime Lartmadhëri për humbjen e Mbretëreshës Suzanë, që iku kaq shpejt e që e donte kaq shumë Shqipërinë.
Kryegjyshi botëror Haxhi Dede Reshat Bardhi: Bashkohemi me hidhërimin e gjithë shqiptarëve, kudo ku janë, për vdekjen e Mbretëreshës Suzanë.
Z.Destan Mustafaj: Ngushëllimet më të thella e të përzemërta.
Z.Zehadin Mustafa: Ngushëllimet më të sinqerta për Mbretëreshën Suzanë.
Z. Ilir Zela: Ngushëllimet e mia më të sinqerta për humbjen e Mbretëreshës Suzanë, me nderim e respekt për të gjitha kontributet e Familjes Mbretërore në shërbim të Kombit Shqiptar.
Z.Petro Koçi: Shpreh ngushëllimet dhe lutje për prehje të Mbretëreshës Suzanë. Durim dhe zemër të fortë për Familjen Mbretërore.
Z.Agron Duka, Ministër i Bujqësisë: Shpreh ngushëllimet e mia më të sinqerta Familjes Mbretërore dhe familjeve të simpatizantëve të Mbretit.
Z.Luigj Gjoka: Është një ditë e dhimbshme për të gjithë shqiptarët, pasi ata humbën radhazi Mbretëreshën Geraldina, Nënën e gjithë shqiptarëve, si dhe Mbretëreshën Suzanë, njeriu që pas martesës me Mbretin Leka mendoi e jetoi si shqiptare e vërtetë. Nuk mund të shprehim gjë tjetër veçse dhimbje të thellë për këtë humbje.
Z.Gani Hoxha: Humbja e Mbretëreshës Suzanë u përjetua me shumë dhimbje nga të gjithë Shqiptarët dhe veçanërisht nga ne matjanët. Ngushëllimet më të thella për Familjen Mbretërore.
Z.Muhamet Ukperaj deputet i Hasit: Shpreh ngushëllimet e sinqerta Familjes Mbretërore. Njëkohësisht shpreh respektin për punën, jetën dhe vuatjet e kësaj Familjeje.
Z. Preç Zogaj: Mbretëresha Suzanë, ashtu si Mbretëresha Geraldina, vdiq në Shqipëri, duke mbetur Mbretëreshë e përjetshme e tokës shqiptare. I shpreh ngushëllimet e mia më të thella Lekës së I-rë dhe gjithë Familjes.
Z.Ibrahim Bruka deputet: ngushëllime dhe mirënjohje të thellë për Familjen Mbretërore Shqiptare, për humbjet e mëdha që ka pësuar nga vdekja e parakohshme e Mbretëreshës Suzanë dhe vdekja e mëparshme e Nënës Mbretëreshë Geraldina. Këto janë një humbje e pakthyeshme dhe e madhe e Familjes Mbretërore Shqiptare dhe e popullit etnik shqiptar. Mirënjohje dhe respekt të përjetshëm në kujtim të veprës së tyre.
Z.Shpëtim Rroqi: Përkulem me respekt përpara kujtimit të Mbretëreshës Suzanë. 
Z.Ferit Hoti: Me respekt të thellë marrim pjesë në pikëllimin e humbjes së Mbretëreshës Suzanë e të mbarë kombit.
Z.Kurt Kola: Shprehim dhimbjen e thellë për vdekjen e Mbretëreshës Suzanë. Emri i saj do të rrojë në mendjet e Shqiptarëve.
Z.Arjan Starova: Qoftë i paharruar kujtimi i Madhërisë së Saj Suzanë! Jeta e Saj do të mbetet përjetësisht simboli i ndershmërisë dhe i përkushtimit për të ardhmen e kombit shqiptar.
Z.Ilirjan Berzani: Shprehim ngushëllimet tona në emër të grupit të PDR dhe të partisë Demokrate e Re Mbretëreshës Shqiptare. Bashkohemi edhe ne në hidhërimin e Familjes Mbretërore.
Z.Adriatik Alimadhi - Partia Balli Kombëtar: Shprehim ngushëllimet tona për Mbretëreshën Shqiptare. Bashkohemi me hidhërimin e Familjes Mbretërore. Qoftë e xhenetit.
Z.Mustafa Kërçuku - Kryetar i Kontrollit Lartë të Shtetit: Sot, më datën 20 korrik 2004, në Tiranë bëra vizitën e ngushëllimit të ndarjes nga kjo botë e Mbretëreshës së Shqiptarëve, Lartmadhërisë së Saj Suzanë. Fati i përcaktuar nga Zoti nuk mund të kundërshtohet, por ai pritet me pikëllim dhe hidhërim të madh e aq më tepër për një zonjë me prejardhje të huaj, që ndau gjithçka me popullin shqiptar. I përjetshëm kujtimi i Saj.
I ngarkuari me punë i Shteteve të Bashkuara të Amerikës në Tiranë Z.Steven E. Zate, gjithashtu dërgoi një letër ngushëllimi ku shkruan se ai bashkë me bashkëshorten e tij shprehin ngushëllimet e tyre të përzemërta Mbretit Leka I dhe Princit Leka për humbjen e Mbretëreshës Suzanë.
I ngarkuari me punë i Ambasadës Franceze shprehu Madhërisë së Tij Mbretit Leka dhe Princit ngushëllimet e sinqerta në emër të Presidentit Francez dhe të Ambasadës Franceze për humbjen e Madhërisë së saj Mbretëreshës Suzanë.
Nunci Apostolik, Shkëlqësia e Tij Arshipeshkv Giovanni Bulaitis, i shprehu ngushëllime Familjes Mbretërore edhe në emër të Papës. 
Ngushëllime kanë paraqitur Presidenti i Kosovës, Shkëlqesia e Tij Ibrahim Rugova dhe Kryeministri Bajram Rexhepi, Kryetari i AAK, z.Ramush Haradinaj, Kryetari i BDI, z.Ali Ahmeti, Kryetari i PDSH z.Arbër Xhaferri, etj. 
Nga Prishtina, Gjakova, Gostivari, Prizreni, Peja, Struga, Shkupi, Ferizaj, nga Elbasani, Shkodra, Korça, Burreli, Tepelena, etj., kanë lënë ngushëllimet e tyre dhe kanë dërguar mesazhe, telegrame e letra shumë autoritete lokale, intelektualë dhe përfaqësues të popullit, nga të gjitha shtresat shoqërore. 
Zyra e shtypit

-----------------------------------

Kronikë e shkurtër e homazheve, në nderim të kujtimit të Mbretëreshës Suzanë

Në dy ditë rresht, (19 dhe 20 korrik 2004), në sallën e Hotel "Dajti" u zhvilluan homazhe në nderim të kujtimit të Mbretëreshës Suzanë. Homazhet u kryen nga mjaft njerëz të shtresave të ndryshme shoqërore, politikanë, intelektualë, veprimtarë dhe simpatizantë monarkistë e legalistë, njerëz të thjeshtë që e ndjenin se duhet të respektonin një figurë të tillë kombëtare.

Midis mjaft prej tyre do të veçonim praninë e intelektualëve, kryetarë të partive politike, kryetarë të shoqatave të ndryshme atdhetare, përfaqësues të komuniteteve fetare në Shqipëri, të fondacioneve të ndryshme, të stafeve të gazetave shqiptare, ish ushtarakë, njerëz të ardhur nga jashtë Shqipërisë, nga Australia - Melburn, Belgjika, Kanadaja, SHBA-ja, përfaqësues të trupit diplomatik në Tiranë, misionarë të ambasadës angleze, hungareze, franceze, bullgare etj. Miq dhe dashamirës të Familjes Mbretërore, të ardhur nga të gjitha rrethet e Shqipërisë.

Në librat e homazhit dhe të ngushëllimeve për kujtimin e Mbretëreshës Suzanë, në të dy ditët u evidentuan mbi 280 shënime të ndryshme, në më shumë se 100 faqe të librave përkujtimorë, në përmbajtjen e të cilave dallojmë shumë mesazhe të sinqerta të njerëzve të ndjeshëm ndaj një fatkeqësie të tillë, si dhe vlerësimin maksimal të Familjes Mbretërore.

Dhimbja që shprehet është e madhe dhe e sinqertë. Mesazhet janë të qarta, jo vetëm për vlerat e mëdha fisnikërore e kombëtare të vet Mbretëreshës Suzanë, por edhe për mbështetjen e fuqishme që njerëzit me këtë rast afrojnë për Mbretin Leka i Parë dhe për Princ Lekën, në misionin e tyre fisnik, për ta shpëtuar Shqipërinë dhe për ta çuar më përpara çështjen kombëtare shqiptare.

Më poshtë janë shkëputur disa momente të shkurtra, të vlerësimeve të njerëzve tanë të mirë për Mbretëreshën Suzanë, e cila ka lënë gjurmë të thella në mjedisin shqiptar.

Perifrazimet janë të shkëputura e pa komente, por reale, siç janë shprehur nga njerëzit, në librin e hapur të jetëshkrimit të Mbretëreshës Suzanë.

*****

Në mënyrë të përmbledhur kanë këtë përmbajtje:

"... Një moment u mbyll një libër i artë i jetës Suaj Mbretëresha e Artë Suzanë. U mbyll një moment, për të ngelur më vonë gjithmonë i hapur, ku çdo faqe e librit Tuaj do të tregojë shëmbullin Tuaj të rrallë të një jete fisnike. S'do të shohim më sytë Tuaj të qeshur, por do të ndjejmë gjithmonë afër zemrën Tuaj të madhërishme, Mbretëresha Suzanë. Mbretëreshë e rrallë, me gjak fisniku shqiptar. Ju erdhët në Shqipërinë tonë për të kontribuar me të gjithë jetën Tuaj. Ju falënderon thellë, thellë nga zemra, i gjithë populli ynë i shumëvuajtur. I lehtë dheu mbi varrin Tuaj!"

Ngushëllime të thella nga familja Luan Kaceli, nga fëmijët e nënë Duhijes, që pati nderin e madh, të priste në momentet e para të jetës së tij, në lindje, Mbretin Leka.

Njeri i mirë, njeri i sakrificës, Ajo, Mbretëresha, tregoi se në Atdhe duhet jetuar e punuar edhe në kushte të vështira, për të dhënë një ndihmesë sado modeste.

Shqiptarët jashtë atdheut "...ju garantojmë NMT Mbreti Leka, se do të jemi gjithmonë pranë jush".

Dhëntë Zoti forcë, për të përballuar dhimbjen dhe për të kryer punëra dhe detyra të mëdha që ju presin.

Fisnikja e Australisë së largët, u bë gruaja më e dashur e shqiptarëve.

Mbretëresha Suzanë i shton edhe një figurë tjetër të ndritur historisë së vërtetë të Shqipërisë dhe të kombit shqiptar.

Jemi thellësisht të brengosur dhe nuk do të harrojmë kurrë, o ëngjëll i Perëndisë, Mbretëresha Suzanë.

Jemi të nderuar e krenarë për shkëlqimin Tuaj, që Ju u kthyet në Shqipëri në krah të Mbretit Leka, në tokën e shqiptarëve, ku dhe do të preheni në qetësi. U prehshi në qetësi, shkëlqesia jonë Suzanë. (Prishtinë - Kosovë)

Vdekja e Mbretëreshës Suzanë, konsiderohet fatkeqësi kombëtare.

Familja Kaloshi nga Dibra, shkruan se familja Mbretërore dhe vet ata, janë nga gjaku fisnik i Gjergj Kastriotit Skënderbeut.

Me vlerat e Saj, një vezullim i përjetshëm për kombin shqiptar.

Australiania e madhe, që fatin e saj e lidhi me hallet e këtij populli të vogël dhe të përvuajtur.

Vdekja e Mbretëreshës Suzanë është "...Një dhimbje për kombin e dëshpëruar...".

Në rrethana të përndjekjes, Ajo, qe e zonja me e përjetësue dinastinë, me Lekën e II-të, Princin trashëgimtar, mbi të cilin sot janë përqëndruar sytë e kombit shqiptar dhe janë varur shpresat e tij.

Një veprimtare e shkëlqyer e çështjes sonë kombëtare. Kontributi i Saj ka vlera të jashtëzakonshme, si një shqiptare e mirë.

Princesha Suzanë, do të kthehet në legjendë të krenarisë sonë kombëtare.

Përfaqësuesit e Frontit për Bashkimin Kombëtar Shqiptar ngushëllojnë: "I lehtë qoftë dheu i tokës mëmë".

Madhëri, meritat e kohës së Mbretit Zog, vijnë pas meritave të Gjergj Kastriotit Skënderbeut, sepse pas 500 vjetësh ai krijoi shtetin dhe kombin shqiptar.

Shqipëria ka humbur një zonjë të nderuar, që të gjithë jetën e Saj ja përkushtoi, po Shqipërisë.

E nderuara Suzanë: Ju për një çast ndritët në horizontin shqiptar si një meteor. Ju ndriçoftë Shqipëria për jetë.

Në këtë ditë hidhërimi, lus Zotin e Madh të ruajë shëndetin e Naltmadhërisë së Tij, që Ai të mbarojë me sukses misionin e tij historik.

Ju u ndatë nga jeta, në një kohë kur kanë nevojë të gjithë shqiptarët. Ju rroni në zemrat tona, o besnikja e Mbretit Leka. Të premtojmë se, në të gjitha trojet shqiptare, do të valvitet flamuri kombëtar.

Mbretëreshë, me një zemër të madhe për shqiptarët.

Zonjë fisnike, që me fisnikëri, butësi dhe optimizëm, me besim tek Zoti, i dha kurajo e mbështetje familjes, që me dashuri të madhe, të aspironin nën shëmbëlltyrën e vet për Shqipërinë.

E dashur Mbretëresha Suzanë: ne nisëm projekte bashkarisht. Unë do të vazhdoj t'i përmbush ato. Me dashuri, mikja jote, Nelson.

Ju ishit dhe do të mbeteni simboli i Princeshës model. Edhe pse e lindur në Australi, Ju e lidhët fatin Tuaj me Shqipërinë dhe shqiptarin e madh Leka Zogu. Me kujtimin Tuaj si një personalitet i lartë, që gjithë jetën në krah të Mbretit Leka, për të mirën e shqiptarëve dhe të kombit shqiptar, sakrifikuat gjithë jetën Tuaj.

Një pjestar i familjes Nika, thotë: "Lejoj veten të përfaqësoj me këto fjali dhe me këtë nënshkrim, ndjenjat dhe lidhjet e sinqerta, askurrë të lëkundura të familjes sonë të madhe e besnike. Nderim e përulje ndaj Mbretëreshës sonë të paharruar".

Zoti i lehtësoftë dhimbjen Mbretit dhe Princit, e bekuar qoftë Familja Mbretërore.

Kjo humbje nuk i përket vetëm Familjes Mbretërore, por të gjithë Shqipërisë dhe hidhërimi për humbjen e Mbretëreshës Suzanë, është i pranishëm në çdo familje të mirë shqiptare.

Ju mbetët simbol për këtë komb. Ju i dhatë atij gjithçka, edhe jetën Tuaj.

Ju Mbretëreshë, latë dhimbje në zemrat tona.

Mbretëresha Suzanë: Ty nuk ditëm të të donim aq shumë, sa i deshe ti shqiptarët.

Ju meritoni respektin e të gjithë shqiptarëve.

Gjergj Liqejza, zëvendësministër: Është një humbje për Familjen Mbretërore dhe për kombin shqiptar.

*****

Kjo përmbledhje e vlerësimeve të sinqerta të shqiptarëve, është respektimi i vlerave të mëdha që ka lënë pas me punën, qëndrimin dhe vullnetin e Saj Mbretëresha Suzanë, për çka të gjithë shqiptarët duhet të ndihen krenarë. Këto janë ndjenjat e popullit shqiptar, të njerzve të thjeshtë, që kanë zëmër dhe dashuri të madhe për jetën dhe veprën njerëzore. Eshtë ky sistem vlerash, pjesë e së cilës është edhe jeta e Mbretëreshës Suzanë, që e detyroi Parlamentin Shqiptar të çohet në këmbë dhe të respektojë një australiane fisnike, që e shkriu jetën e saj për çeshtjen shqiptare. Nuk është i rastit një vullnet i tillë popullor, për të ngushëlluar dhe për të shprehur mbështetjen ndaj Mbretit Leka i I-rë.

Lamtumirë Mbretëresha jonë Suzanë.

Zyra e Shtypit pranë Oborrit Mbretëror