21082002spahija

PLL: Fajin e ka qeveria
Legalistet akuzojne qeverine shqiptare per neglizhence lidhur me gjendjen e veshtire te krijuar ne kufirin me Greqine. Kryetari i PLL-se Ekrem Spahia, e cilesoi racist qendrimin e autoriteteve greke me emigrantet shqiptare ne te dyja pikat e kufirit ne Kapshtice dhe Kakavije, duke kerkuar nga Kryeministri Fatos Nano nderhyrje urgjente ne menyre qe kjo rraskapitje dhe lodhje e gjate te marre fund. "Socialistet e kane shpallur aleat strategjik te Shqiperise Greqine, fakt qe u deklarua edhe nga Kryeministri Nano ne parlament gjate paraqitjes se programit qeveritar. Shtetit, grek nuk i mjafton shfrytezimi i emigranteve shqiptare deri ne skllaverim, por ditet e fundit po demonstron me nje histeri te papare, racizmin ndaj shqiptareve", tha Spahia. Sipas tij ferri qe po perjetojne emigrantet ne Kakavije dhe Kapshtice, ka ardhur si pasoje se partneri strategjik i Shqiperise, ka bllokuar kalimin emigranteve pa asnje arsye te mireqene. Duke iu referuar situates se renduar te ketyre diteve ne kufirin jugor, legalistet japin alarimin e nje katastrofe humanitare, ne rast mos nderhyrjeje nga te dyja shtetet. Nderkaq sipas Spahise qeveria shqiptare eshte mjaftuar vetem me disa deklarata te thata per shtyp, duke ia lene fajin pales greke. Jashte vemendjes se PLL-se nuk ka ngelur edhe situata kritike ne pajisjen me pasapota, ku serish nuk mungojne radhet e pafund, kete radhe jo per faj te grekeve.

A.R

Kreu i legalistëve fajëson ngathtësinë e diplomacisë shqiptare për emigrantët
Spahia: Bllokimi në kufi vjen nga racizmi i grekëve

TIRANË - Partia Lëvizja e Legalitetit është shprehur me nota të ashpra ndaj palës greke dhe shqiptare për bllokimin e mijëra shqiptarëve në dy pikat e kalimit të kufirit, Kapshticë dhe Kakavijë. Sipas kryetarit të kësaj partie, Eqerem Spahia, një situatë e tillë vjen si pasojë e racizmit që Greqia tregon ndaj shqiptarëve, edhe pse këta të fundit janë me dokumenta të rregullta. "Përveç shfrytëzimit të emigrantëve shqiptarë në shtetin e vet, Greqia po tregon një racizëm të paparë ndaj shqiptarëve, duke bllokuar kalimin e tyre në kufi me ditë të tëra",- vuri në dukje Spahia. Ai e quajti të pajustifikueshme heshtjen e qeverisë shqiptare, e cila prej ditësh flet për masa të marra, por nuk ka dhënë asnjë rrugë se si mund të zgjidhet kjo situatë e rënduar në pikat e kalimit të kufirit me Greqinë. Kreu i legalistëve kërkoi nga qeveria shqiptare që të jetë më efektive dhe më e shpejtë në kontaktet diplomatike me palën greke, në mënyrë që qytetarët shqiptarë që presin me ditë në kufi, të shpresojnë që kjo situatë jo vetëm të kalohet shpejt, por edhe të mos përsëritet më. "Partia Lëvizja e Legalitetit i kërkon kryeministrit Nano që të angazhohet në zgjidhjen sa më shpejt të situatës",- u shpreh Spahia. Ai bëri të ditur se pala shqiptare duhet të kishte reaguar, madje protestuar ndaj këtij fenomeni, që në momentin kur në kufirin me Greqinë makinat filluan të mbanin radhën. Heshtjen e zyrtarëve shqiptarë ndaj kësaj situate, Spahia e quajti paaftësi dhe dështim të qeverisë dhe diplomacisë shqiptare, që duhet të kishin dalë në mbrojtje të qytetarëve shqiptarë. Sipas tij, qeveria shqiptare duhet t'u kushtojë vëmendje mijëra qytetarëve që vazhdojnë të presin duke i çuar atyre në vend ndihmën mjekësore. Për Spahinë, ambulancat që dërgohen në Kakavijë dhe Kapshticë janë të pamjaftueshme për t'u dhënë ndihmën e duhur njerëzve që presin me tre katër ditë në kufi, veçanërisht kjo ndihmë duhet të jepet shpejt për fëmijët që këto ditë po jetojnë jashtë çdo kushti normal të jetës.