korrieri28092002

Nena Mbreteresha, mbreti Leka, mbreteresha Suzane dhe princi Leka do te largohen nga Vila 4, prane selise se qeverise. Banesa e re, nje vile moderne me 15 dhoma, ne periferi te kryeqytetit, dy pishina, nje fushe basketbolli dhe nje oborr te bollshem. Oborri: Arsyet e spostimit

Familja mbreterore shqiptare do te ndryshoje serish vendbanimin. Por kete here jo per te shtuar listen e gjate te shteteve ku ajo ka banuar prej largimit nga Shqiperia me 6 prill 1939. Burime nga oborri mbreteror i thane dje "Korrieri"-t se Nena Mbretereshe, mbreti Leka, mbreteresha Suzane dhe princi Leka do te zhvendosen ne nje vile ne dalje te Tiranes, ne krah te autostrades qe lidh kryeqytetin me qytetin e Durresit. Ne kete menyre, Leka Zogu dhe familja e tij do te lere Vilen 4, vetem pak metra larg selise se qeverise, ku ishte vendosur prej rikthimit ne Shqiperi me 28 qershor.

Sipas oborrit mbreteror, arsyet e transferimit, qe pritet te behet brenda nje jave dhe ndoshta te dielen apo te henen, jane te lidhura me ndotjen e larte te ambjentit, qe ka rezultuar ne Vilen 4 dhe rreth saj. Permiresimi i shendetit te Nenes Mbretereshe dhe fillimi prej saj i levizjeve, kerkojne, sipas oborrtareve, kushte me te qeta, qe duket se nuk i ploteson vila prane bulevardit qendror te Tiranes dhe shume prane institucioneve te rendesishme shteterore. Gjithashtu, arsye tjeter e spostimit te vendbanimit te familjes mbreterore mesohet te jete edhe hapesira me e madhe qe nevojitet tashme, pasi pritet mberritja brenda nje jave e bibliotekes, mobiljeve dhe kujtimeve te mbretit Ahmet Zogu. Nje arkiv ky shume i rralle per te cilin familja mbreterore dhe vete Leka Zogu mesohet te kene qene te interesuar per ta sistemuar ne kushte sa me te mira. Dhe vila e re, ne dalje te Tiranes, duket se ploteson nevojat e familjareve te mbretit Zog, pasi ajo ofron dyfishin e kubatures se baneses aktuale, qe ndodhet pas hotel "Rogner".

Banesa e re e Geraldines, Leka Zogut dhe bashkeshortes e djalit te tij, eshte nje vile trekateshe, me kushte shume moderne. E gjitha vila ka rreth 14-15 dhoma, te mobiluara me shije dhe me nje sistem shume modern ndricimi. Gjithashtu, vila eshte e pajisur me dy pishina, njera prej te cilave e destinuar per femijet. Nuk mungon ne kete kompleks edhe nje fushe basketbolli. Per te cilen ndoshta princi Leka do te personi me i interesuar. Gjithashtu, oborri perpara dhe rreth viles ofron te gjitha kushtet shplodhese, mjaft te nevojshme edhe per Nenen Mbretereshe Geraldina, me nje moshe te thyer.

Familja mbreterore mesohet te kete mbetur e kenaqur nga ambjentet moderne dhe hapesirat e bollshme qe ofron banesa e tyre e re, prone e presidentit te klubit te futbollit "Partizani", Albert Xhani. Vila eshte pare gjithashtu edhe nga sherbimi i sigurimit te familjes mbreterore per te marre masat e duhura. Ashtu si ne vilen 4, edhe ne banesen e re te familjes mbreterore, masat e sigurise pritet te jene ne nje shkalle te larte.

Ndonese data e transferimit te Zogolleve ne banesen e re nuk eshte percaktuar ende, vila prane selise se kryeministrise shume shpejt do te zbrazet. Ate do ta lene edhe truprojat e shumte qe cdo terheqin vemendjen e kalimtareve. Tashme, per te disaten here prej prillit 1939, familja mbreterore do te kete nje adrese te re. Ndoshta ne pritje te zgjidhjes se problemit te pronave te mbretit Zog.

Cfare ofron vila

Vile trekateshe, ku do te banoje prej javes se ardhshme familja mbreterore, eshte me kushte shume moderne. E gjitha vila ka rreth 14-15 dhoma, te mobiluara me shije, si dhe me nje sistem shume modern ndricimi. Gjithashtu, vila eshte e pajisur me dy pishina, njera prej te cilave e destinuar per femijet. Ne kete kompleks modern ka edhe nje fushe basketbolli. Ne te njejten kohe, oborri perpara dhe rreth viles ofron te gjitha kushtet shplodhese, mjaft te nevojshme edhe per familjen mbreterore.

Nena Mbretereshe Geraldine doli per here te pare ne ambiente publike, gjate diteve te fundit, qe pas kthimit nga Franca, ne atdhe. Sipas Oborrit Mbreteror, gjendja mjaft e mire shendetesore, pas nje rekonvaleshence te suksesshme, mundesoi daljen e Saj publike, ne ambientet e Hotel "Rogner Europa Park" dhe ne qytetin e Durresit. Nena Mbretereshe Geraldine, ne Hotel "Rogner", shtroi nje dreke per nder te Konteshes Julia Hendriks, mbesa e Nenes Mbretereshe, me banim ne Bruksel; baroneshes Miro Darenyi, mikeshe e femijerise se Nenes Mbretereshe, me banim ne Keln te Gjermanise, si dhe baroneshes Mogdy Darenyi, vajza e Baroneshes Miro Darenyi, me banim ne Sao Paolo te Brazilit, te ardhura enkas per t'u njohur nga afer me shendetin e Geraldines. Sipas Oborrit, dreka kaloi mjaft kendshem dhe zonjat mysafire mbeten teper te kenaqura nga pritja e mrekullueshme e Nenes Mbretereshe Geraldine, e cila komunikoi me ta ne hungarisht, gjermanisht, frengjisht dhe shqip. Gjithashtu, mjaft e kendshme mesohet te kete qene edhe vizita e Nenes Mbretereshe ne qytetin e Durresit, vizite ne te cilen ajo ishte shume e interesuar per te pare nga afer ndertesat publike te kohes se mbreterimit te Saj gjate periudhes prill 1938-prill 1939. Dalja e pare ne publik e Nenes Mbretereshe pas sherimit te plote eshte shfrytezuar nga perkrahesit e monarkise dhe te familjes mbreterore per t'i uruar Madherise se Saj shendet e jete te gjate, shoqeruar edhe me komplimenta dhe urime reciproke. Madje, takimet e Madherise se Saj me adhuruesit durresake, mesohet te kene qene mjaft prekese dhe mbreselenese, sepse evokuan kujtime dhe njohje te vjetra. Nena Mbreteresha eshte rithyer ne atdhe prej pak javesh, pas nje kurimi disaditor ne France.

Leka shtyn turin ne rrethe

Pretendenti i fronit mbreteror, Leka Zogu, duket se ka shtyre turin e tij ne disa rrethe te Shqiperise. Sipas burimeve zyrtare te Oborrit Mbreteror, shkaqet e shtyrjes se turit, te nisur me nje vizite ne Burgajet, fshati i lindjes se mbretit Zog, jane te lidhura me ndryshimin e baneses se familjes mbreterore. Gjithashtu, situata e krijuar ne vend si pasoje e permbytjeve te javes se fundit, ka ndikuar ne shtyrjen e turit mbreteror, qe kishte percaktuar si etapa te tij te ardhshme Shkodren dhe Vloren. Vete pretendenti i fronit mbreteror ishte shprehur ne nje konference shtypi se do te zhvillonte nje tur te ngadalte ne disa rrethe te Shqiperise. Duke paralajmeruar ne kete menyre se takimet e tij me perkrahesit e monarkise nuk do te ishin intensive.

Etapat e nje turi 63 vjecar

Ne prag te Luftes se Dyte Boterore, me 6 prill 1939, Mbreteresha Geraldine u largua nga Shqiperia, duke qendruar perkohesisht ne Greqi. Dhe me pas ne Turqi, Rumani, Poloni, Letoni, Suedi dhe Norvegji. Per te mberritur ne mesin e gushtit te vitit '39 ne France, ku Familja Mbreterore qendroi deri ne maj te '40-tes. Me ftese te Mbretit Xhorxh VII te Mbreterise se Bashkuar, vendosen ne Liverpul, ne nje vile ne Sanindeil Esket, 60 km larg Londres. Ne kete zone ishin vendosur pas emigrimit edhe disa familje te tjera mbreterore evropiane, si ajo e Holandes, Belgjikes dhe familjet mbreterore nga Ballkani. Nga janari i vitit '46 deri ne gusht te vitit '55, mbreti Zog dhe mbreteresha Geraldine, me oborrin mbreteror, qendrojne ne Kajro si te ftuar te mbretit Faruk (me lidhje gjaku nga e ema, Sadije Zogu). Ne oborrin e mbretit Faruk ndodheshin edhe shume familje mbreterore te merguara si Romanovet e Rusise, Heset, Otomanet, dhe ajo e Bullgarise (Mbreteresha Xhovana, Princi Simeon, Princesha Mari Luiza). Me influencen qe fitoi Bashkimi Sovjetik ne Egjipt, ndikoi per largimin e familjes mbreterore shqiptare nga ky vend. Ne gusht te '55-es Mbreti Zog dhe oborri, rikthehen ne France, ku fillimisht vendosen ne Kane e me vone ne Paris. Me 9 prill te vitit 1961, Mbreti Zog u nda nga jeta. Presidenti francez Sharl De Gol jep urdher te vecante per organizimin zyrtar te ceremonise se varrimit, gjate se ciles u hapen per shqiptaret nga e gjithe bota te gjitha pikat kufitare. Me 15 prill te po ketij viti, ne prani te deputeteve te Parlamentit te kohes se Mbreterise shqiptare dhe 70 te deleguarve nga komunitetet e mergimtareve shqiptare, princ Leka beri betimin si Mbret i Shqiptareve. Mbreteresha Geraldine tashme eshte Nena Mbretereshe. Nga viti '62 deri ne vitin '82, Nena Mbretereshe Geraldine vendoset ne Madrid te Spanjes. Gjate kesaj kohe ndermerr udhetime ne SHBA, Kanada, Itali, Zvicer, Belgjike etj., ku organizon takime me personalitetet boterore, si Papa Gjon Pali II dhe kryetare shtetesh. Ne kete periudhe themelon fondacionin e saj "Nena Mbretereshe". Ne vitin '82 deri ne vitin 2002 vendoset ne Afriken e Jugut. Ndersa me 28 qershor te ketij viti rikthehet ne Tirane se bashku me familjen mbreterore.