E Diele, 02 Nentor 2003 KOHA JONE http://www.kohajone.com/

PLL-JA KUNDER PD-SE PER PRONAT

Partia e Levizjes se Legalitetit u deklarua dje kunder pranimit te projektligjit per kthimin dhe kompesimin e pronave nga Partia Demokratike ne formen qe e ka paraqitur OSBE-ja. Nga ana e sa, PLL-ja nuk e ka quajtur te drejte nderhyrjen e OSBE-se per ceshtjen e pronave. Murat Basha nenkryetari i PLL-se, pohoi dje se PLL madje disponon te dhena te cilat tregojne se disa nga keto parti kane patur ndikimin e tyre ne OSBE per miratimin e ketij drafti. "Nepermjet autoritetit qe ky organizem gezon ne qarqet shqiptare, synon te publikoje dhe te miratoje nje projektligj i cili cenon rende te drejtat e pronareve shqiptare. U bejne thirrje te gjitha forvave te djathta, vecan-risht PD-se te mos e pranoje kete projektligj" tha dje per mediat nenkryetari i PLL-se, Murat Basha.

 

Shekulli 02/11/2003 http://www.shekulli.com.al
PLL: OSBE deformoi të drejtën e pronës

TIRANË – Partia Lëvizja e Legalitetit ka kundërshtuar dje, në një konferencë për shtyp projektin e paraqitur nga OSBE-ja në Parlament për zgjidhjen e çështjes së pronave. Sipas nënkryetarit të PLL-së, Murat Basha, me këtë projekt po deformohet zgjidhja e problemit të pronave. Ai shprehu qëndrimin e PLL-së në mbrojtje të pronarëve dhe u kërkoi edhe forcave politike të bëjnë të njëjtën gjë. Sipas Murat Bashës, OSBE-ja është ndikuar nga disa forca politike në hartimin e projektligjit për pronat.
Drejtuesit legalistë i janë kundërvënë OSBE-së dhe rolit të saj në Shqipëri. Sipas tyre edhe ky projektligj është një qëndrim i paramenduar ndaj proceseve demokratike të OSBE-së në Shqipëri.
Nënkryetari i PLL-së ka sqaruar dje, edhe pozicionin e kandidatit të tyre në Tropojë Riza Malaj, i cili sipas burimeve zyrtare të policisë është në kërkim dhe akuzohet për pjesëmarrje në sulmin me armë ndaj komisariatit të policisë së Tropojës në 28 nëntor dy vite më parë. Ndërsa tani i shtrohet edhe akuza tjetër ajo e goditjes së një zyrtari lokal si dhe kundërpërgjigja me armë zjarri ndaj kërkesës së policisë për ndalesë, por partia shprehet se Malaj nuk njeh precedent të tillë.