04092003pll

PLL: Me Papen, per Bashkine e Tiranes
Kandidati i PLL per Bashkine e Tiranes, Robert Papa, ka hapur dje zyrtarisht fushaten e tij elektorale per postin e numrit nje te Kryeqytetit. Papa u ka kerkuar banoreve te Kryeqytetit qe te peshojne me gjakftohtesi voten e tyre, ne menyre qe te japin zgjidhjet me te mira per Kryeqytetin dhe per familjet e tyre. Sipas tij, elektorati duhet te votoje kandidaturen e tij per faktin se ky elektorat deri me tani eshte ngopur me premtimet boshe te bera nga dy forcat e medha politike per 13 vite me rradhe. "As PS dhe as PD nuk e kane zgjidhur ceshtjen e prones, per shkak te interesave te tyre te ngushta. Kjo ka penguar zhvillimin, jo vetem ne Tirane, por edhe ne mbare vendin. Tirana nuk ka perse te besoje me premtimet boshe te dy forcave politike. Ajo duhet te votoje per kandidatin e PLL per Bashkine e Tiranes, ne menyre qe Kryeqyteti t'i afrohet sa me shpejt standarteve te nje Kryeqyteti europian", ka nenvizuar Papa. Sipas tij, problemet me shqetesuese te Tiranes, gjejne zgjidhjet me te mira dhe me te pranueshme ne programin e tij elektoral. Papa siguron banoret e kryeqytetit se ai do te jete i perkushtuar ne punen e tij per ta bere Tiranen nje Kryeqytet te te gjithe shqiptareve dhe jo vetem te atyre qe banojne brenda harkut te unazes.

http://www.kohajone.com/

KOHA JONE - OBORRI MBRETEROR SHQETESOHET PER "SHKUPIN"

Oborri mbreteror ka reaguar dje ndaj situates ne komunen e Likoves, ne fshatrat Vaksinice dhe Lojane. Sipas nje njoftimi zyrtar te ketij oborri nderhyrja e forcave te medha ushtarake dhe policore qe kane mesyre fshtrat e kesaj zone, duke shkaktuar largimin masiv te banoreve shqiptare, shenon nje situate lufte, qe planifikohet me zell nga qeveritare te caktuar. E gjitha kjo sipas ketij njoftimi erdhi pas takimit te presidenteve te Oher. "Per cudi Shkupi edhe pse e firmosi kete deklarate, parapelqeu nje mbledhje urgjente te Keshillit te Sigurimit Kombetar dhe dergimin e rreth 3000 forcave ushtarake-policore, nen pretendimin e arrestimit te "krimineleve ekstremiste"". Sipas tyre qeveria e Shkupit eshte duke ndjelur me fanatizem dhe ne kundershtim te hapur marreveshjen e Ohrit, sipas te cileve nuk eshte pare asnjehere me seriozitet per t'u zbatuar. Duke ju permbajtur kesaj dhune te ushtruar ne komunen e Likoves, kane kerkuar nderhyrjen e qeveritareve te zgjidhin kete problem, duke respektuar dinjitetin kombetar te shqiptareve, qe jetojne ne trojet e tyre.

Ethet shqiptare

Nga VETON SURROI

1.
Pensionistëve u rriten pensionet, bujqve u zbritet taksa në diesel për traktorët e tyre, mjekëve u rritet rroga për të shërbyer në fshatra të largëta. Çka po ndodh kështu, këtë të mërkurë? Përgjigja është e thjeshtë, po afrohen zgjedhjet. Edhe në Greqi, sikundër në demokracitë zgjedhore perëndimore të shekullit XX, njerëzit e dinë se po afrohen zgjedhjet kur anëtarët e qeverisë fillojnë të presin shirita për punë të reja publike, fabrika të reja apo ndonjë shkollë që rastësisht tash ka përfunduar së ndërtuari. Gjithashtu, kur nga qeveria dalin pako sociale, që sikur në rastin grek, përfshin një shumë respektabile prej 2,4 miliardë eurosh që duhet të krijojnë ndjenjën e mirëqenies së përgjithshme. Kryeministri grek Simitis, i njohur në qarqet evropiane si një ekonomist i kujdesshëm me buxhetin e vendit të tij, zbulon një atu të fshehur, atë të gjetjes së parave edhe brenda një buxheti të kontrolluar strikt për shpenzime sociale që gjithnjë gëzojnë popullatën dhe hidhërojnë ata që kanë paramenduar destinim tjetër për buxhetin.
2.
Fakti që Greqia po hyn në zgjedhje dhe fakti se po e bën këtë duke përdorur truqet e vjetra të të gjitha fushatave parazgjedhore nuk është ndonjë risi. Risi, për të gjithë ne në Ballkan, meqë Greqia është vendi i vetëm ballkanik anëtar i BE-së, është se çfarë do të prodhojë rezultati i zgjedhjeve që priten të mbahen deri në pranverën e vitit të ardhshëm. Në rast se fiton, a do ta mbajë tërë mandatin kryeministri Simitis, apo do të fillojë procesin e trashëgimisë drejt ministrit të tanishëm të Jashtëm Papandreou, figurës së dytë më të popullarizuar, brenda kampit socialist. Në rast se humbet, çfarë do të jetë politika greke e qeverisur nga konservatorët. Për Ballkanin, këto nuk janë pyetje retorike. Në gjysmën e dytë të viteve nëntëdhjetë, qeverisja Simitis arriti të bëjë ndryshim të dukshëm cilësor në drejtim të marrëdhënieve në Ballkan. Brenda një mandati, qeveria Simitis, me aktivitet të jashtëzakonshëm të shefit të diplomacisë Papandreou, arriti të krijojë marrëdhënie të paprecedencë me Turqinë, duke u shndërruar madje në avokatin më të fortë evropian për integrimin e Turqisë në BE. Karshi të gjithë fqinjve të tjerë, Greqia lozi me një politikë dinamike që krijonte që tregjet e këtyre shteteve të hapeshin ndaj ekonomisë greke, tregu grek i punës ndaj punëtorëve të këtyre shteteve ndërsa politikat e tyre të jashtme ta fitonin sponsorin më të fortë evropian te Greqia. Për shqiptarët, qeveria Simitis arriti të tejkalojë dy barriera të forta psikologjike. Së pari, të legalizojë qëndrimin e imigrantëve nga Shqipëria, fakt ky që prek mbi gjysmë milionë shqiptarë. Së dyti, arriti të jetë përkrahës i bombardimit të NATO-s në luftën për Kosovën, ndonëse gati 90 për qind e opinionit publik ishte fare kundër fushatës së bombardimeve.
3.
Kryeministri Simitis mund të shpresojë se disa prej gjërave që i inicoi ai gjatë qeverisjes do të mbeten, pa marrë parasysh se kush fiton. Ndoshta kanë fundament shpresat e tij: p.sh. vështirë është të imagjinohet se Greqia përnjëherë të vendosë që t’i kthejë marrëdhëniet me Turqinë në gjendje akuzash të ndërsjella, të anulojë qëndrimin legal të shqiptarëve në Greqi, apo të tërheqë kontigjentin e vet ushtarak prej KFOR-it në Kosovë. Por, do thënë, vështirë do të ishte e imagjinueshme që të arrihen këto përparime pa qeverisjen e qetë të Simitisit. Krejtësisht i kundërt prej politikës populliste me të cilën u përfaqësuan paraardhësit Mitsotakis dhe Andreas Papandreou, Simitisi krijoi imazhin e Greqisë teknokratike, punëtore dhe të qetë.
4.
Në gjashtë muajt e fundit, për ata që merren me politikën e jashtme të Greqisë, është koha kur duhet intensifikuar puna. Jo sepse nuk dihet se kush do ta fitojë pushtetin (konservatorët prijnë në sondazhe), por sepse edhe politika e jashtme mund ende të rrumbullakësohet me disa rezultate. Për shqiptarët, tri janë çështjet themelore që duhet trajtuar në këto gjashtë muajt e ardhshëm: eliminimi i marrëzive të Ligjit të luftës, rrumbullakësimi i procesit të legalizimit të qëndrimit të imigrantëve shqiptarë (duke përfshirë këtu edhe të drejtën e qarkullimit të lirë) dhe së fundi përkrahja në zgjidhjen e çështjes së Kosovës.