KOHA JONE  E Premte, 06 Qershor 2003 http://www.kohajone.com/

PARTITE E VOGLA, NE TRYEZE PER KODIN ZGJEDHOR

Partite e vogla parlamentare do mblidhen sot ne tryeze politike per te diskutuar mbi kodin elektoral. Ai eshte hartuar me te gjitha ndryshimet qe kane paraqitur dy partite e medha PS dhe PD. Ndersa partite e vogla nuk jane pyetur mbi kete ceshtje. Per kete, partite parlamentare te djathta akuzuan PD-ne per kompromis me PS-ne duke rrezikuar daljen nga koalicioni. PLL-ja qe ka iniciuar kete tryeze, eshte shprehur se vendimet e marra nga PD-ja rrezikojne seriozisht koalicionin opozitar. Madje shtuan se do dalin te vetem ne zgjedhjet lokale. Edhe aleatja me e re e mundshme e PD-se, PDr-ja ishte kunder miratimit te ketij kodi, duke patur parasysh dhe pasojat qe sjell ai. Madje nje nga ceshtjet me problematike per keto zgjedhje, eshte ajo e komisionereve, qe rrezikon seriozisht kete force politike. Kjo ka bere qe gjer tani te mos nenshkruhet marreveshja mes dy forcave politike. Nga ana tjeter, dhe partite e koalicionit qeveritar edhe pse kane rikonfirmuar pjesemarrjen ne koalicion jane shprehur kunder miratimit te kodit elektoral dhe zhvillimit te zgjedhjeve me nje raund. Ne tryezen e sotme te partive parlamentare te vogla do mbahet dhe nje qendrim perfundimtar qe me pas do t'i kaloje parlamentit. Nga kjo tryeze jane perjashtuar dy partite e medha, pasi ato tashme e kane bere kompromision e tyre. Megjithese ne nje nga konferencat e tij per shtyp Berisha i eshte pergjigjur pozitivisht kesaj tryeze, duke u shprehur se "mirepret cdo tryeze te te partivete saj aleate", ai nuk ka marre nje ftese te tille.

E.Prenga