07052003statutfamilleroyale

07/05/2003 - http://www.shekulli.com.al/

Grupi parlamentar mbështeti dje dhënien e statusit pasardhësve të Zogut, por pronat si gjithë të tjerët

PS miraton gjysmën e privilegjeve për familjen mbretërore

TIRANË – Socialistët do të mbështesin projektligjin për statusin e familjes mbretërore shqiptare, ndërsa çështja e pronave të saj do të rregullohen nga ligji për kthimin e kompensimin e pronave ish-pronarëve. Kështu kanë vendosur dje, deputetët socialistë në mbledhjen e tyre të djeshme. Kështu deputetët e PS-së kanë vendosur që në seancën kur do të diskutohet ky projektligj, të miratojnë pikën ku thuhet që anëtarët e familjes mbretërore shqiptare gëzojnë imunitet të njëjtë me atë të deputetit të Kuvendit të Shqipërisë. Pozita protokollare e familjes mbretërore përfshihet në dispozitat që rregullojnë procedurat protokollare të shtetit. Me pozitë protokollare, kuptohet të gjitha ato marrëdhënie protokollare në të cilat marrin pjesë anëtarët e familjes mbretërore shqiptare. Po kështu, anëtarët e familjes mbretërore pajisen me pasaporta diplomatike, privilegj që do ta kenë edhe një numër i kufizuar i oborrit mbretëror. Gjithashtu deputetët socialistë janë shprehur dakord për kthimin në Shqipëri të eshtrave të Mbretit Zog I dhe të varrosen me ndërime shtetërore. Familja Mbretërore do të mund të rimarrë në pronësi të saj truallin ku ishte varrosur Nëna Mbretëreshë Sadije, që ndodhet në Parkun Kombëtar të Tiranës dhe ai vend do të shërbejë si vend varrimi për anëtarët e tjerë të familjes. Por ndërkohë, deputetët socialistë nuk janë shprehur dakord që familjes mbretërore t’i kthehen pronat mbi bazën e dokumenteve përkatëse të pronësisë para 7 prillit 1939. Kjo pikë, është vendosur që të rregullohet me anë të ligjit “Për kthimin dhe kompensimin e pronarëve ish-pronarëve”. Nga ana tjetër, trashëgimtari i fronit Leka Zogu ka të drejtë të mbajë dhe të pasurojë koleksionin e armëve të familjes mbretërore në gjendjen e tyre funksionale, bashkë me municionet përkatëse, mbi bazën e të cilit do të ngrihet dhe muzeu i familjes mbretërore shqiptare, duke përfshirë të gjitha koleksionet që ata ruajnë. Kjo do të thotë që Leka Zogu do të marrë edhe pjesën tjetër të koleksionit të tij. Gjithashtu, anëtarët e familjes mbretërore shqiptare kanë të drejtën e mbajtjes së armëve.
D.Tanushi

PS miraton
Anëtarët e familjes mbretërore gëzojnë të njëjtin imunitet si deputetët
Të jetë prezentë në ceremonitë protokollare
Ata pajisen me pasaporta diplomatike
Familja mbretërore ka të drejtë që të mbajë koleksionin e armëve
Të kthehen në Shqipëri eshtrat e Mbretit Zog dhe të varrosen me nderime

Nuk miratohet
Të mos i kthehen pronat mbi bazën e dokumenteve përkatëse të pronësisë para 7 prillit 1939

07/05/2003 Korrieri - http://www.korrieri.com/

Grupi parlamentar i Partise Socialiste miratoi projektligjin per statusin e familjes mbreterore shqiptare. Ky projektligj, qe pritet te diskutohet ne seancen plenare te Kuvendit, i njeh pretendentit te fronit mbreteror Leka Zogu, te drejten per te mbajtur pasaporte diplomatike dhe per te gezuar imunitet te njejte me ate te deputetit te Parlamentit shqiptar. Gjithashtu, familja mbreterore shqiptare do te kete te drejten rojeve dhe shoqeruesve te armatosur te perhershem, si dhe do te perfshihet ne protokollin e shtetit. Sipas projektit, familja e Leka Zogut do te kete te drejten te mbaje dhe pasuroje koleksionin e armeve dhe municionet perkatese. Nje pike tjeter e percaktuar ne projektligj, eshte edhe rikthimi ne Shqiperi i eshtrave te mbretit Zog, i cili vdiq ne France ne vitin 1961. Megjithate, grupi parlamentar i PS nuk ka miratuar propozimet e projektligjit te lidhura me rikthimin dhe kompensimin e pronave te mbretit Zog, duke vendosur ta trajtoje familjen Zogu ne kuader te ligjit per kthimin dhe kompensimin e pronave, qe po diskutohet ne komisionet parlamentare.

Miratimi i statusit te familjes mbreterore dhe dhenia e pasaportave diplomatike me nje vendim te qeverise "Nano" eshte nje levizje politike ne kembim te mbeshtetjes qe deputetet legaliste, te udhehequr nga Ekrem Spahia, u dhane socialisteve per miratimin e ligjit per mbylljen e dyqaneve pa taksa ne pikat tokesore te kufitare.

Kush perfiton status

1 - Trashegimtari Leka I Zogu

2 - Susan I Zogu

3 - Princi Leka II Zogu

MBRETI FITON PRONAT

Mbreti sic duket po kthehet tek ish-pronat e veta. Pas shume kohe perpjekjesh dhe koncesionesh mes PS dhe PLL, duket se nje akord eshte arritur. Grupi parlamentar socialist kaloi ne mbledhjen e djeshme ligjin per trajtimin me status te vecante te Familjes Mbreterore ne Shqiperi. Neser ne seancen plenare, ky ligj, do te miratohet dhe nga parlamenti shqiptar. Ne mbledhjen e fundit te grupit socialist, miratimi i ketij ligji u shty me arsyetimin se duhej te kalonte se pari ligji i pronave dhe me pas ai per familjen mbreterore. Por vendimi i marre dje nga socialistet ka ardhur si pasoje e negociatave te bera serish mes legalisteve dhe PS-se. Burime prane PLL-se bejne te ditur se gjate kesaj kohe ka patur takime intensive mes tyre dhe kryetarit te grupit arlamentar te PS-se, Gramoz Ruci. Legalistet kane kerkuar nga Ruci qe ai ta mbaje premtimin e dhene per miratimin e ligjit. Po te njejtat burime theksojne se legalistet do te vazhdojne ta mbeshtesin PS-ne ne parlament. Ky eshte dhe kushti qe kryetari i grupit socialist u ka vene atyre. Nga ana tjeter, socialistet kane premtuar se do te mbeshtesin PLL-ne ne zgjedhjet lokale te tetorit. Ne kete menyre legalistet po punojne per perzgjedhjen e kandidaturave dha daljen te vetem ne zgjedhjet per pushtetin vendor. Duke ju shtuar dhe kthimi i mbretit ne Shqiperi dhe marrja e statusit te vecante me mbeshtetjen e socialisteve, PLL mbetet jashte koalicionit "Bashkimi per Fitore".

Kryetari i PLL-se, Eqerem Spahia e vleresoi miratimin e ketij ligji, duke theksuar nga ana tjeter se ishte i vonuar. "E pershendes kalimin e ligjit ne grupin parlamentar socialist, megjithese ai ishte i vonuar", u shpreh ai per "KJ", duke shtuar se "nderimi qe i behet mbretit nga parlamenti eshte nje vleresim qe i behet mbare kombit shqiptar". Legalistet moren premtimin e socialisteve, per miratimin e ligjit per trajtimin me status te vecante te Familjes Mbreterore, ne kembim te votes se tyre per magazinat doganore ne parlament. Por dhe pse ky ligj tashme ka kaluar, mbretit do t'i kthehen pronat sipas ligjit qe do te miratohet nga komisioni i pronave per kthimin dhe kompensimin e tyre.

Edlira Prenga

MBRETI PRONAR, JETON ME QERA

Edlira Prenga

Familjes Mbreterore shqiptare sot do t'i kthehen te gjitha pronat e saj. Me vendimin qe u mor para dy ditesh ne grupin parlamentar socialist per trajtimin me status te vecante te kesaj familje dhe miratimin e ligjit sot ne parlament, Mbreti Leka i I, behet pronar i ligjshem i nje pjese te madhe te pronave te te atit. Pas paisjes me pasaporta diplomatike per anetaret e familjes mbreterore, i cili u dha me nje vendim te posacem qeverie, parlamenti shqiptar merr iniciativen e kthimit dhe kompensimit te pronave per kete familje. Per momentin, Familja Mbreterore jeton ne shtepi me qera dhe gjeja e pare qe do te kerkoje pas miratimit te ligjit, eshte marrja e njeres prej pronave per t'iu larguar detyrimeve financiare te qerase. Rasti me i mundshem per Familjen Mbreterore eshte Vila e Zogut ne Durres. Kjo vile, prej kohesh eshte jashte funksionit dhe mbreti Leka, menjehere pas miratimit te ligjit ne parlament, do te filloje me rregullimin e saj me fondet e veta dhe pa ndihme nga qeveria apo shteti.

Nga ana tjeter, mbreti Leka i I mbetet besnik i qendrimit te tij te bere publik qe ne vitin 1997. "Pronat e mia te shikohen si atyre te gjithe pronareve shqiptare dhe te kthehen sipas ligjeve qe jane ne fuqi", eshte shprehur mbreti atehere. Sipas zedhenesit te tij, Fluturak Germenji, kthimi i pronave do te shikohet rast pas rasti. "Asnje nga njerezit qe jetojne ne pronat e mbretit nuk do te nxirren jashte, por do te behet kompensimi i tyre sipas ligjeve qe ka parlamenti shqiptr", u shpreh Germenji dje per "KJ". Pavaresisht formes, familja mbreterore gezon shume prona dhe shtetit i duhet t'i ktheje nje pjese te mire te ndertesave ne kryeqytet. Ligji per pronat akoma nuk ka marre forme nga komisioni i pronave. Puna e ketij komisioni ka mbetur ne vend. Kjo do te thote qe dhe kthimi dhe kompensimi i pronave per familjen mbreterore, te filloje vetem pas miratimit te ketij ligji. Deri ne ate kohe e gjithe Familja Mbreterore do te vazhdoje te jetoje me qera, pasi procedurat per hartimin dhe miratimin e ligjit te kthimit dhe kompensimit te pronave po kerkon nje kohe te gjate.

Pronat e mbretit qe do t'i kthehen pas miratimit te ligjit

Vila e Duresit

Vila e Shirokes, Divjakes, Delvines dhe ne Burgajet

Pallati Mbreteror, tek Milenium 2

Pallati i Brigadave

Pallati i Pionereve

Biblioteka e vjeter te Tiranes

Godina ku eshte dhe Akademia e Shkencave

Trualli ku eshte varrosur Nena Mbretereshe, qe ndodhet ne Parkun Kombetar te Tiranes.

PLL: TE VETEM NE ZGJEDHJE

PLL eshte e vendosur te mbetet jashte koalicionit "Bashkimi per Fitore", per zgjedhjet lokale. Legalistet po punojne per daljen e tyre te vetem ne keto zgjedhje. Burime prane PLL-se bejne te ditur se fakti qe ata kane vendosur te dalin te vetem, nuk eshte vetem kthimi i mbretit dhe favoret qe po perfiton ai, po dhe mbeshtetja qe do te marrin nga socialistet. PS-ja e mbajti premtimin e saj per trajtimin me status te vecante te Familjes Mbreterore, kjo ne kembim te votes se legalisteve ne parlament. Po te njejtat burime bejne te ditur se bashkepunimi mes PLL-se dhe PS-se do te jete i ndersjellte ne zgjedhjet per pushtetin vendor. Socialistet do t'i mbeshtesin kandidatet e PLL-se ne ato zona ku do kerkojne te fundit. Keshtu koalicionit "Bashkimi per Fitore", i largohet nje force politike. Por nga ana tjeter, bashkepunimi i PD-se me PDr-ne eshte nje hap shume i rendesishem ne kuader te ketij koalicioni, gje qe do te lere ne hije largimin e legalisteve.

Faqja 5 - POLITIKE

Maj 8, 2003

SHKURT

PS dakord më statusin e familjes mbretërore

Grupi parlamentar i PS-së vendosi dje të miratojë në seancë plenare projektligjin "Për statusin e familjes mbretërore". Ky draft i paraqitur në Kuvend nga PLL-ja, parashikon lehtësira për pretendentin e fronit mbretëror Leka Zogu dhe për familjen e tij. Miratimi i këtij ligji ishte pjesë e marrëveshjes që socialistët lidhën disa javë më parë me legalistët për vendosjen e mbylljes së dyqaneve pa taksa në kufijtë tokësorë. Megjithëse ranë dakord që të votojnë pro në seancën e nesërme plenare, deputetët e PS-së vendosën të bëjnë disa ndryshime në projektligjin "Për statusin e familjes mbretërore".