Tiranë

Kompania më e madhe shtetërore e tregtimit të karburanteve do të shesë aksionet e saj shtetërore me ankand të hapur.

Ditën e enjte në ambientet e Agjencisë Kombëtare të Privatizimit do të zhvillohet edhe ankandi i ofertave për këtë kompani. Në ankand do të dalin vetëm pjesa shtetërore e aksioneve, 51 për qind e tyre. Aktualisht vlera e një aksioni është vlerësuar 158 mijë lekë. Rreth 49 për qind e aksioneve të kopmanisë është e zotëruar nga sipërmarrës privatë.

Petrolimpex
“Petrolimpex” Sh.A është një shoqëri tregtimi e karburanteve dhe lubrifikanteve, që funksionon si e tillë që nga viti 1993, vit i cili shënoi krijimin e kësaj shoqërie, si rrjedhojë e ndarjes së ish-Ndërmarrjes Tregtare të Karburanteve në dy subjekte tregtimi, përkatësisht “Albpetrol” dhe “Petrolimpex”. Në vitin 1995, Ndërmarrja e karburanteve “Petrolimpex” u shndërrua në Shoqëri Anonime. “Petrolimpex” zotëron pasuri të paluajtshme të hipotekuara. Ajo ka depozita karburanti te shkëmbi i Kavajës 7000 m3, në Mëzez 5400 m3, dhe Mjedë 2524 m3. Ka 13 objekte shitje karburanti në Tiranë, Vorë, Shijak, Shkozet, Rrogozhinë, Lushnjë, Gjirokastër, Fier, Vlorë, Sarandë, Korçë, Shkodër.

Bashkëpunimi
Shoqëria “Petrolimpex” Sh.A, mbështetur në një marrëveshje shtetërore në vitin 1993, në bashkëpunim me kompaninë angleze “AIR BRTTISH PETROLEUM” Limited, kanë krijuar një Join Venture “Air BP Albania” Sh.A për funizimin e avionëve me karburant në aeroportin e Rinasit. Sipas akt-marrëveshjes me afat 15-vjeçar, “Petrolimpex” Sh.A përfiton 50% të fitimit neto. Në mars të vitit 2001, mbështetur në ligjin “Për tregtimin e karburanteve me shumicë dhe pakicë”, “Petrolimpex” Sh.A ka krijuar shoqërinë “Petrol Tir” sh.p.k për tregtimin me pakicë të karburanteve në stacionet e shitjes, me qendër në të njëjtën seli në “Petrolimpex” Sh.A.

Kompania

• Shoqëria “Petrolimpex” Sh.A është themeluar në vitin 1993
• 150.998.030 lekë është kapitali në natyrë i “Petrolimpex” Sh.A
• 138.223.031 lekë është kontributi i shtetit në kompani
• 12.774.998 lekë është kontributi i ortakëve privatë në kompani
• 176 individë privatë kanë aksione në kompani
• Kapitali themeltar i shoqërisë është i barabartë me 271.026 aksione
• Shteti zotëron 138.223 aksione ose 51 për qind
• Ortakët privatë zotërojnë 132.803 aksione ose 49 për qind

Bilanci

• 189 milionë Të ardhurat e kompanisë gjatë vitit 2002
• 145 milionë Shpenzimet totale të kompanisë gjatë 1 viti
• 34 milionë Vlera e fitimit neto në fund të vitit
• 44 milionë Të ardhurat me “Brtish Petrolium”
• 43 milionë Vlera monetare e dividentëve të ndarë në vit
• 1.4 milionë Vlera e investimit gjatë vitit 2002
• 49 punëtorë Janë të angazhuar për punët e kompanisë