Është përkujtuar dje, një vjetori i vdekjes së Mbretëreshës Geraldina, bashkëshortja e mbretit të shqiptarëve, Ahmet Zogu, i cili mbretëroi vendin në vitet 1928-1939. Nëpërmjet një meshe solemne në Tiranë, ku ishin të ftuar edhe funksionarët më të lartë të qeverisë shqiptare si dhe shumë figura të tjera të spikatura nga fusha të ndryshme, Mbretëresha Geraldina, është përkujtuar edhe me një meshë solemne. Princi Leka Zogu, pretendent për fronin mbretëror të Shqipërisë, në përkujtimin e tij të djeshëm, u tregua shumë i kënaqur për faktin se nëna e tij mbretëreshë, kishte vdekur në vendin ku mbretëroi. “Unë ndjehem i lumtur sikurse është ndjerë Nëna Mbretëreshë, për faktin se sado pak ditë, arriti të jetonte e lumtur në vendin ku dëshironte të mbyllte sytë”, u shpreh Princi i Shqipërisë. Mbretëresha Geraldinë, vdiq një vit më parë në Spitalin Ushtarak të Tiranës, pas rreth një jave në gjendje tepër të rëndë. Megjithë përpjekjet e shumta të një ekipi të specializuar mjekësh, të cilët u kujdesën hap pas hapi për shëndetin e Mbretëreshës Geraldinë, në moshën rreth 90-vjeçare, ajo nuk arriti t’i shpëtojë vdekjes dhe ndërroi jetë. Ndërkohë, që nga data e djeshme, në çdo përvjetor, familja e Nënës Mbretëreshë, do të organizojë mesha solemne për të kujtuar mbretërimin e saj.