Gazeta55 - 10/06/2003

Partitë e vogla, kundër zgjedhjeve me një raund

Partitë e vogla nuk janë dakord me "Kodin Zgjedhor" të miratuar nga dy partitë kryesore, me mbeshtetjen e OSBE-së dhe ODIHR-it, për të pasur vetem një raund zgjedhor ne vend. Në byronë parlamentare ka pasur mjaft debate lidhur me kete çështje dhe së fundi, u vendos edhe nje here shtyrja e votimit për ndryshime ne "Kodin Zgjedhor". Kjo gjë u bë me kërkesën e partive te vogla, të cilat kërkuan me shume kohe per te patur mundesi të ndryshojnë ato nene, ku sipas tyre, PD dhe PS kanë bërë kompromis për te vendosur mbi polaritetin, ne kurriz te partive te tjera. Kryetari i PLL z.Spahia, gjatë fjalës së tij në byronë parlamentare është shprehur se "ne zgjedhjet e kaluara ka qene se, kush fiton shtatë vendet e para, do të jete anëtar e komisionit ne te gjitha nivelet e komisionereve zgjedhore, ndërsa tani, është shprehur ai, kthehemi prapa duke përjashtuar kështu shtatë parti parlamentare dhe vihet vetoja, se do të kete anëtar komisioni PD dhe PS. Me mire thoni se nuk ka pluralizëm në Shqipëri, ose është pluralizëm fiktiv, me dy parti PD dhe PS. Ne kërkojmë që partitë e medha të na lëshojnë dhe jo ato të na fundosin", përfundon Spahia. Ndërsa kryetari i PR-së z.Mediu shprehet, se "OSBE dhe ODIHR ka qene gjithnjë i gatshëm për të bashkëpunuar për proçesin zgjedhor dhe unë i falenderoj ekspertët e OSBE-së dhe te ODIHR-it, por po ju them se, shpesh është lozur dhe eshte manipuluar me dëshirën e tyre per të bashkëpunuar me forcat politike. Shume pjesë të këtij kodi kanë qene pjesë të një marrëveshjeje politike, për të përjashtuar partitë e tjera politike dhe per të shuar ne nje lloj mënyre, pluralizmin dhe është marrë vetëm nje miratim ne aspektin juridik të momentit, jo në aspektin e zhvillimin e demokracisë shqiptare dhe nuk besoj se ne aspektin juridik, mund të kete kundërshti, por në çështjen e zhvillimit demokratik, besoj se ka probleme jo te vogla, siç është ai i përjashtimit nga kontrolli i votës.

Ndërsa dy partitë e mëdha kane kërkuar që projektligji të miratohet, sepse ky kod është i plotë dhe ka edhe bekimin e OSBE-së dhe ODIHR-it. Mësohet se deri me datë 19, partite e vogla do të mbledhin nje tjeter tryezë në nivel kryetarësh per "Kodin Zgjedhor" dhe do te organizojne nje takim të veçantë me ambasadorin e OSBE-së në Tiranë, z.Liponen.

e.gj