11/06/2003

http://www.korrieri.com/

 

Partite e vogla paralajmerojne greve urie
Kryetari i PLL Eqrem Spahiu, informoi dje se ka filluar nje proces i bashkerendimit te qendrimeve politike midis partive te vogla parlamentare te pozites dhe opozites, ne lidhje me reformen elektorale. Sipas tij, PLL ka marre nismen e organizimit te nje tryeze te partive parlamentare, per te kundershtuar Kodin Zgjedhor te pergatitur nga PS dhe PD, jashte komisionit dypalesh pozite-opozite. "Tryeza e dates 6 qershor vendosi qe grupet parlamentare, jashte PS-se dhe PD-se, te mbajne nje qendrim te unifikuar ne Byrone e Kuvendit dhe seance plenare, qe Kodi Zgjedhor te mos i nenshtrohej shumices se kartonave, por nje konsensusi sa me te gjere partiak. Tashme ka filluar nje bashkerendim i qendrimeve te te gjithe kryetareve te partive parlamentare, pa PS-ne e PD-ne, qe synon te pengoje tentativen e dy partive, per ta kthyer pluralizmin ne Shqiperi ne nje formalitet", deklaron Spahiu. Sipas tij, nese PS dhe PD, do te vazhdojne te kembengulin ne qendrimin e tyre, duke dhunuar te drejten e partive te tjera per nje proces zgjedhor te lire, te ndershem dhe me shanse te barabarta per te gjithe, atehere te gjitha partite deklarojne me bindje se zgjedhjet e ardhshme jane komprometuar qysh sot, apo ne momentin qe Kodi PS-PD do te miratohet ne Kuvend. Burime prane ketyre partive bene te ditur se nese nuk do te merren ne vleresim objeksionet e partive te vogla parlamentare, atehere deputetet e ketyre partive mund te hyjne edhe ne greve urie ne sallen e Kuvendit.

A.M