Copyright 2002 Shekulli http://www.shekulli.com.al/

 

 

Partitë e vogla takohen sot me Lipponen për çështjen e zgjedhjeve

Lajmi i ores 9:40 AM

TIRANE (12 Qershor) - Krerët e partive të vogla pozitë-opozitë do të takohen sot me ambasadorin e OSBE-së Osmo Lipponen. Në këtë takim ata do të paraqesin një draft të përbashkët. Ky draft u hartua në mbledhjen e djeshme që krerët e partive të vogla zhvilluan në ambientet e kryesisë së Kuvendit. Në këtë material, partitë e vogla kundërshtojnë zhvillimin e zgjedhjeve në një raund, përveç socialdemokratëve. Përbërja e komisioneve zonale të qendrave të votimit, çështja e kandidatëve të pavarur, shfuqizimi i mandateve plotësuese, metodat e apelimit si dhe koha televizive në kohë fushatash ndaj partive të vogla janë pikat kryesore të draftit që do t'i servirin sot drejtuesit e partive të vogla ambasadorit të OSBE-së në Tiranë, Osmo Lipponen. ro/anjo (BalkanWeb) http://www.balkanweb.com/

 

---

 

GAZETA55 12/06/2003 http://www.gazeta55.com/

PD: Reagimi i partive të vogla vjen nga mosnjohja e mirë e "Kodit"

"Problemi i sistemit zgjedhor është një problem, i cili ka qenë në axhendën e komisionit hetimor dypalësh për reformën zgjedhore, në marrëveshjen e nënshkruar mes përfaqësuesve të PS-së dhe PD-së, ajo ka mbetur një çështje e hapur për t'u diskutuar dhe për të shkuar drejt ndryshimeve të sistemit, për të shkuar drejt një sistemi proporcional zgjedhor, i cili mbetet i hapur për t'u diskutuar nga faktorët politikë vendas, nën drejtimin e presidentit të Republikës dhe nën ekspertizën dhe asistencën e OSBE/ODIHR-it"

Reagimit të partive te vogla kundër "Kodit Zgjedhor", për të zhvilluar zgjedhje me një raund dhe qëndrimi kundër dy partive te medha PS dhe PD, i është përgjigjur ish-bashkëkryetari demokrat i komisionit hetimor dypalësh për reformen zgjedhore z.Gjana, i cili e ka kundërshtuar këtë reagim ndaj "Kodit Zgjedhor". Sipas tij, e gjithe kjo vjen nga mosnjohja mirë e "Kodit", i cili tashme pret miratimin ne parlament me 19 qershor. Z.Gjana deklaroi se, pjesa më e madhe e amendimeve janë bërë gjatë mandatit te komisionit dypalësh për reformen zgjedhore, ndërsa pjesa tjetër e rregulluar nga Gjana dhe Ruka, në prani të OSBE-së, nuk bie në ndesh me interesat e spektrit politik parlamentar dhe është ne perputhje me rekomandimet e OSBE-së dhe ODIHR-it, pranuar nga të gjitha këto parti. Gjana është shprehur se gjate punës së komisionit dypalësh për reformen zgjedhore, por edhe per çeshtjet që mbeten te pazgjidhura nga puna e komisionit, megjithese atij i është shtyrë dy here mandati, jane që të gjitha ne përputhje me raportin e OSBE/ODIHR-it, jane që të gjitha në përputhje me standardet e ODIHR-it dhe me standardet e Venecias.  Ankesave te partive te vogla lidhur me "Kodin Zgjedhor", z.Gjana u është përgjigjur, se "problemi i sistemit zgjedhor është një problem i cili ka qene ne axhendën e komisionit hetimor dypalësh për reformen zgjedhore, ne marrëveshjen e nënshkruar mes përfaqësuesve te PS-së dhe PD-së, ajo ka mbetur nje çeshtje e hapur për t'u diskutuar dhe për te shkuar drejt ndryshimeve te sistemit, për te shkuar drejt një sistemi proporcional zgjedhor, i cili mbetet i hapur per t'u diskutuar nga faktorët politikë vendas, nen drejtimin e presidentit te Republikes dhe nen ekspertizen dhe asistencen e OSBE/ODIHR-it dhe une çmoj se, edhe ne raportimin më të fundit te OSBE-së së Tiranës në Viene, është parashikuar se 2004 do të jenë në axhenden e kesaj prezence problemet që kane te bejne me sistemin zgjedhor ne Shqipëri". Gjana tha, se të gjitha partitë që ankohen, duhet te studiojne me seriozitet të gjitha amendimet. Ai tha se, nese ekziston vullneti i përbashkët politik, kodi i ri zgjedhor garanton zgjedhje te lira dhe te ndershme".   

e.gj        

 

Spahia: Sot do të takohemi me ambasadorin e OSBE-së, për "Kodin Zgjedhor"

Partitë e vogla vazhdojnë të këmbëngulin në deklarimet e tyre se nuk janë dakord me "Kodin Zgjedhor". Kryetari i PLL z.Spahia, u është kundërvënë lidhur me këtë, dy partive më të mëdha në vend, PS-së dhe PD-së dhe ka deklaruar se, sot do të kete nje takim   mes partive te vogla dhe ambasadorit të OSBE-së në Tiranë, z.Liponen. Spahia ka theksuar, se "siç jeni në dijeni, PLL ka marrë nismën e organizimit të një tryeze të partive parlamentare për të kundërshtuar "Kodin Zgjedhor" të përgatitur nga PS dhe PD, jashtë komisionit dypalësh pozitë‑opozitë. Tryeza e datës 6 qershor, vendosi që grupet parlamentare jashtë PS‑së dhe PD‑së, të mbajnë një qendrim të unifikuar në byronë e Kuvendit dhe seancë plenare, që "Kodi Zgjedhor" të mos i nënshtrohej shumicës së kartonave, por një konsensusi sa më të gjerë partiak. Tashmë ka filluar një bashkërendim i qendrimeve të të gjithë kryetarëve të partive parlamentare, pa PS‑në e PD‑në, që synon të pengojë tentativën e dy partive, për ta kthyer pluralizmin në Shqipëri në një formalitet. Nëse PS dhe PD do të vazhdojnë të këmbëngulin në qendrimin e tyre, duke dhunuar të drejtën e partive të tjera për një proces zgjedhor të lirë, të ndershëm dhe me shanse të barabarta për të gjithë, atëherë themi me bindje se zgjedhjet e ardhshme janë komprometuar qysh sot, apo në momentin që "Kodi PS‑PD" do të miratohet në parlament. Në këtë kuadër, për t'i paraprirë kësaj tentative antidemokratike të dy partive kryesore, kryetarët e partive parlamentare, pa PS-në dhe PD-në, do të zhvillojnë nesër pasdite një takim me kreun e OSBE‑së z.Osmo Lipponen, për ta informuar realisht mbi procesin e hartimit të "Kodit", për të cilin "dy partitë" pretendojnë se kanë marrë O.K. e OSBE‑së, jashtë tryezës së komisionit dypalësh. Gjejmë rastin ta falenderojmë Përfaqësinë e OSBE‑së në Shqipëri për punën e bërë në Shqipëri dhe posaçërisht për proceset zgjedhore, por e shohim të nevojshme që të sqarojmë opinionin, se dy partitë PS&PD spekulojnë me emrin e saj. Mbas takimit me kreun e OSBE‑së, të gjitha partitë parlamentare do të ndërmarrin të gjitha hapat e duhur për t'iu dhënë shqiptarëve mundësinë të shprehin realisht bindjet e tyre politike dhe të respektohet vota e lirë e tyre".

e.gj