14092003pll

\Kryeministri italian Silvio Berluskoni ka deklaruar se Italia e ka Korridorin VIII një impenjim strategjik si dhe u ka kërkuar investitorëve italianë që të të shohin investimet në vendin fqinj, në funksion të realizimit sa më të shpejt të këtij projekti. Në ceremoninë e hapjes së sesionit të 67-të të panairit të Fiera del Levante, në Bari, kanë marrë pjesë kryeministri shqiptar Fatos Nano, kryeministri italian, Silvio Berluskoni dhe autoritete të rajonit të Pulias. Presidenti i këtij rajoni Rafaele Fito, gjatë hapjes së ceremonisë i ka kërkuar kryeministrit Berluskoni vemendjen maksimale për Korridorin VIII, projekt që do të çojë në zhvillimin e jugut të Italisë dhe të rajonit. "Korridorin VIII e gjetëm si të mirënjohur dhe të pranuar për partneritet nga autoritetet italiane jo vetëm në Pulia, por edhe si presidencë e Bashkimit Europian", është shprehur Nano, i cili ndër të tjera ka theksuar se brenda mujave të parë të vitit të ardhshëm Korridori do të arrijë në Qafë- Thanë me financime të bashkëpunimit italian. Berluskoni dhe Nano kanë ndarë të njëjtin mendim se ky është një projekt strategjik dhe që kërkon mbështetjen dhe bashkëpunimin ndërmjet të gjitha vendeve të përfshira në këtë projekt. "Jma i bindur që më këtë vullnet europian që po manifestojnë të gjitha vendet e Ballkanit që përshkon Korridori, ai do të realizohet", ka dekluarar kryeministri Nano. Gjatë ceremonisë së hapjes të panairit, të dy kryeministrat kanë zhvilluar një takim në pavionin e rezervuar ku kanë diskutuar çështjet e riaktivizimit të procesit të negociatave për Marrëveshjen e Stabilizim Asociimit të Shqipërisë në Bashkimin Europian. Ndër të tjera, Berluskoni ka siguruar Nanon se Italia do të vazhdojë të jetë "avokat i Shqipërisë" në procesin e integrimit drejt Europës. Gjithashtu gjatë këtij takimi të dy kryeministrat kanë biseduar rreth procesit të privatizimit në Shqipëri dhe hapave konkretë për pjesëmarrjen e investitorëve italianë në privatizimin e sektorëve strategjikë. Kryeministri italian ka përshëndetur marrëveshjen e nënshkruar ndërmjet ministrit të Ekonomisë Arben Malaj dhe presidentit të Rajonit të Pulias Rafaele Fito, duke rikonfirmuar dë-shirën për të pasur me Shqipërinë një raport gjithnjë e më të ngushtë. Berluskoni ka theksuar se qeveria që ai drejton është duke ndjekur politika që i çojnë të dy vendet në një bashkëpunim më intesiv në fusha të ndryshme të vendit.

Malaj e Fino nënshkruajnë paktin që zgjat tre vjet

Marrëveshje me Italinë edhe për rrugën Durrës-Kukës-Prishtinë
BARI - Italia angazhohet edhe në ndërtimin e aksit rrugor Durrës-Kukës-Prishtinë. Kjo është përcaktuar në marrëveshjen nënshkruar dje në Pulia mes Shqipërisë dhe këtij rajoni. Në këtë marrëveshje palët angazhohen që të bashkëpunojnë në zhvillimin ekonomik, shërbimet publike dhe në infrastrukturë. Në kuadër të programeve Interreg e Cards Shqipëria dhe Italia, veçanërisht rajoni i Pulias do të mbështesin ndërtimin e Koridorit paneuropian VIII si dhe të rrugës së rëndësishme drejt Prishtinës. Marrëveshja e nënshkruar dje përfshin një sërë fushash që shkojnë deri ek shërbimet shëndetësore, shkëmbimet kulturore, shkëmbimet ekonomike. Parashikohet ndërtimi i një grupi pune i cili cdo vit do të shikojë se cilat janë interesat e ardhshmë të të dyja palëve. Kjo marrëveshje nënshkruar dje mes Shqipërisë dhe Italisë, kjo e fundit e përfaqësuar nga rajoni i Pulias do zgjasë tre vjet. Kështu përcaktohet në termat e marrëveshjes e cila është zbardhur dje nga ANSA.

"Janë shkurtuar financimet për ndërtimin e Korridorit"

D'Alema akuzon Berluskonin: Qeveria italiane la pas dore Korridorin VIII
BARI - Fjalët e Berluskonit duhen marrë në përgjithësi me shumë kujdes. Nëse shikohen faktet, konstatohet se maxhoranca qeverisëse ka lënë mënjanë impenjimin italian për Korridorin VIII", kështu tha dje presidenti i Demokracisë së Majtë italiane, Masimo D'Alema, për realizimin e projektit transeuropian që kalon nga Pulja drejt vendeve të Ballkanit, i destinuar të favorizojë flukset e transportit mes Adriatikut dhe Detit të Zi. Për Korridorin VIII, vazhdon D'Alema, "ishte parashikuar një investim prej 400 miliardë; deri më tani janë parashikuar 50 miliardë që besoj se mund të shërbejnë për të financuar ndonjë projekt". Në një anë qeveria italiane mundi ta fusë këtë projekt në prioritetet europiane, por, nga ana tjetër, ka prerë financimet italiane. Besoj se fjalët e Berluskonit nuk kanë asnjë bazë konkrete". Mendoj se në realitet, vazhdon D'Alema, "qeveria italiane e ka braktisur këtë projekt dhe nuk e konsideron më prioritar. Vetëm ka thënë ndonjë fjalë të mirë, por vetëm kaq", përfundon replikën e tij me kryeministrin Berluskoni, drejtuesi i Demokracisë së Majtë italiane, Masimo D'Alema. ANSA

© 1999 - 2003 Southeast European Times. All Rights Reserved.

EU, Russia Urge Belgrade, Pristina to Move Towards Talks