17052003pll

Bashkepunimi, gati takimi Pollo- Spahiu

TIRANE - Zyrtaret e larte te PD(r), pritet te zhvillojne takime me drejtuesit e legalisteve, lidhur me parapergatitjet per zgjedhjet vendore te vjeshtes se ketij viti. Per kete qellim, kane filluar disa takime informale midis deputeteve reformatore dhe legaliste per te pare mundesite e bashkepunimit ne keto zgjedhje, si dhe per te testuar interesat politike te te dy forcave opozitare. Deputetet reformatore jane shprehur te gatshem per te mbeshtetur aktivisht kandidatet legaliste, ne ato zona ku kjo parti meton se ka influence si ne Mat, Shkoder, Diber dhe ne nje sere zonash te vendit. Ne kembim te kesaj reformatoret do te kerkojne qe PLL te mbeshtese kandidatet e saj ne zonat e tjera te vendit si ne Durres, Elbasan, Korce, Sarande, Vlore, Delvine e disa rrethe te tjera. Takimet informale midis deputeteve te PLL dhe te PD(r), mesohet se jane ne funksion te pergatitjes se nje takimi midis krereve te kesaj partie Eqrem Spahiu dhe Genc Pollo. Pergatitjet per nje takim dypalesh midis niveleve me te larta te PD(r) dhe PLL, behen nen sfondin e vendimit te kryesis se PD, per rritjen e bashkepunimit midis partive opozitare ne prag te zgjedhjeve. Per kete qellim, kryesia demokrate ka caktuar edhe dy negociatore per kete ceshtje, qe jane Sekretari i Pergjithshem Ridvan Bode dhe ai i Burimeve Njerezore Fatos Beja. Eshte i paqarte fakti, nese takimi midis PD(r) dhe PLL, eshte nje perpjekje per te rritur presionin politik mbi PD, apo nje levizje per te fituar kohe ne keto negociata.

A. META

17/05/2003

Partitë e opozitës, përmes deklarimeve të tyre publike, shprehen se përkrahin protestat e ditëve të fundit të ish‑të përndjekurve politikë, për dëmshpërblimin e tyre për periudhën e kaluar në burgje dhe internime, në vitet e diktaturës. Përkrah PD-së, e cila i mbështet këto protesta, janë rreshtuar edhe partitë e tjera opozitare. Kryetari i Partisë Lëvizja e Legalitetit, Ekrem Spahia dhe kryetari i Partisë Balli Kombëtar Shpëtim Rroqi, gjatë një deklarimi të përbashkët për shtyp, shprehën përkrahjen e tyre për këto protesta, duke theksuar "angazhimin në koordinimin e kësaj lëvizjeje". Po ashtu, Antoneta Luli, kryetare e Forumit të Gruas në Partinë Demokrate, nënvizoi dje për mediat se "qeveria duhet të gjejë një zgjidhje të mundshme, duke caktuar edhe afat kohor për përballimin e saj". Ish‑të përndjekurit politikë prej disa ditësh kanë nisur protestat ndaj qeverisë, lidhur me mosmiratimin ende të projektligjit për kompensimin financiar të tyre. Për këtë çështje, kryeministri Fatos Nano ka ngritur një grup pune ndërinstitucional, edhe me përfaqësues të shoqatave të ish‑të dënuarve dhe përndjekurve politikë, që do të saktësojë të gjitha çështjet teknike të ndeshura deri më sot. Ai sqaroi se, fatura financiare prej 199 miliardë lekësh, e kërkuar në projektligjin e iniciuar nga një grup deputetësh të opozitës, për dëmshpërblimin e kësaj kategorie shoqërore, "është e papërballueshme për buxhetin e shtetit, qoftë edhe me një ndarje të zbatimit të tij në një periudhë disavjeçare".