TIRANË – Përfaqësuesit e partive të vogla parlamentare kanë shprehur pakënaqësinë sërish dje, në komisionin e Ligjeve, për Kodin e ri Zgjedhor. Anëtarët e komisionit parlamentar të Ligjeve kanë shqyrtuar edhe në praninë e dy bashkëkryetarëve të komisionit dypalësh, Jemin Gjana dhe Et'hem Ruka, një për një nenet e Kodit Zgjedhor, i cili pritet të miratohet të enjten në seancë plenare. Socialistë e demokratë kanë kaluar shumë shpejt rreth 25 nene të Kodit, ndërsa pjesa tjetër pritet të diskutohet në ditët në vijim. Anëtarët e komisionit debatuan veçanërisht për nenin 7 të projektligjit, që sipas deputetëve të partive të vogla, "synon eliminimin e kandidatëve të pavarur". Këtë sqarim e ka dhënë deputeti socialist Et’hem Ruka, pas kundërshtimit që i ka bërë republikani Fatmir Mediu. Mediu tha se “kjo është një mendjeshkurtësi e deputetëve të komisionit bipartizan”. Neni i propozuar në Kod, parashikon që të gjitha subjektet pjesëmarrëse në zgjedhje, që kanë fituar mbi 20 për qind, detyrimisht duhet të vendosin kandidatë në të 100 zonat e votimit. Kjo shihet e vështirë për t'u realizuar nga partitë e vogla, ndaj dhe ato e kanë kundërshtuar edhe dje. Duke iu përgjigjur këtyre vërejtjeve, ish-bashkëkryetari i komisionit dypalësh, Gjana, sqaroi se "ky nen është mbështetur plotësisht në rekomandimet e ndërkombëtarëve".Sipas tij, "përdorimi i kandidatëve të pavarur në zgjedhjet e fundit ka qenë një shqetësim i ngritur dhe nga OSBE-ja dhe që është kontestuar nga ekspertë të ODIHR-it. Ndërsa Mediu tha se, “ky nen është në dëm të së djathtës dhe nuk ka pse të zbatohen dy standarde të ndryshme”. Menjëherë ka reaguar Gjana. “Unë nuk i kam matur mendjen askujt. Nuk duhet të flisni me atë gjuhë”, -i ka thënë ai Mediut, i cili ka qenë edhe më i ashpri. Diskutime ka patur edhe për nenin, sipas të cilit, një parti nuk lejohet të bëjë aleancë me më shumë se një parti apo koalicion tjetër. Mediu është shprehur se “aleancat “fluide” ndonjëherë janë të nevojshme”, duke kujtuar vitin 2001 kur përfaqësues të PS-së dhe PD-së në Himarë, bënë një aleancë të përkohshme kundër kandidatit të PBDNJ-së. Ndryshimet në Kodin Zgjedhor pritet që të shqyrtohen në Kuvend ditën e enjte. Në atë seancë pritet që debatet mes dy forcave të mëdha dhe partive të vogla të jenë të ashpra. Por ndërsa nëntë krerët e tyre do të zhvillojnë edhe takime të tjera me ndërkombëtarët siç është ambasadori amerikan Xhejms Xhefri apo me përfaqësues të institucioneve kushtetuese, si kreu i shtetit, Moisiu