19/06/2003

http://www.korrieri.com/

Partite e vogla: Moisiu po na anashkalon
TIRANE - Drejtuesit me te larte te partive te vogla parlamentare te pozites dhe te opozites, akuzojne Presidentin Moisiu se, eshte bashkuar me PS dhe PD, ne perpjekjet per te groposur partite e vogla politike ne vend. Shkak per kete akuze te ashper te krereve te partive te vogla, jane bere perpjekjet e keshilltareve te kreut te shtetit, per te mos mundesuar takimin e Presidentit me perfaqesine e ketyre partive. Kryetari i PLL Eqrem Spahiu, informon se keshilltaret e Presidentit kane nxjerre nje numer te madh problemesh burokratike, me te vetmin qellim qe partite parlamentare, jashte PS dhe PD, te mos takohen me Moisiun. "Keshilltaret e tij kerkojne qe ne te hartojme me shkrim kerkesat dhe ankesat tona, ne lidhje me amendamentet per reformen zgjedhore. Kjo me duket se nuk eshte nje praktike serioze, sepse dihen boterisht se cilat jane ankesat tona. Per me teper, ne jemi nje grup deputetesh qe kerkojme takim dhe nje burokraci e tille eshte e pakuptimte", shprehet Spahiu. Sipas tij, burokracia po perdoret si mjet per te mos mundesuar takimin me Presidentin. Nga ana tjeter, burime nga presidenca sqaruan se do te ishte nje hap jo i gjetur politikisht, qe Presidenti te takonte kreret e partive te vogla, nje dite perpara shqyrtimit ne seancen plenare te amendamenteve ne ligjin per zgjedhjet. Po te njejtat burime sqaruan se, Presidenti duke qene se ka te drejten per te dekretuar ligjin per zgjedhjet te miratuar ne Kuvend, perpara se te hedhe firmen e tij, do te konsultoje drejtuesit me te larte te partive te vogla parlamentare te pozites dhe opozites, per t'u njohur me nga afer me metimet e tyre rreth ligjit per zgjedhjet.

A.META