21/06/2003 - http://www.korrieri.com/

 http://www.shekulli.com.al/

Miratimi i ligjit zgjedhor detyron partitë e vogla që t’i drejtohen të hënën Gjykatës Kushtetuese

Kodi Zgjedhor, 9 parti të vogla ankohen tek Abdiu

Aleatëve të PD -së dhe PS-së u mungojnë dy firma për të vënë në lëvizje Kushtetuesen

Nevila Perndoj
TIRANE- Partitë e vogla pozitë-opozitë do të ankimojnë ndryshimet e Kodit Zgjedhor në Gjykatën Kushtetuese. Pas miratimit të Kodit Zgjedhor në Kuvend, drejtues të partive të vogla deklaruan dje se ata do t’i drejtohen Gjykatës Kushtetuese për tre çështje thelbësore, të cilat ata i cilësojnë si antikushtetuese për zgjedhjet e ardhshme lokale. Të vegjlit nuk kanë hartuar ende një dokument të përbashkët por parimisht ata shprehen se janë të gatshëm tashmë që të falen pranë institucionit kushtetues. Nënkryetari i PDR-së, Nard Ndoka theksoi dje se: “Kodi ka probleme antikushtetuese me amendimet që kanë përgatitur dy ish-bashkëkryetarët e komisionit bipartizan, Ruka dhe Gjana. Mendoj se mund të merret edhe një vendim tjetër i rëndësishëm për të dërguar një ankimim pranë Gjykatës Kushtetuese”. Të njëjtin opinion dha dje edhe kryetari i Partisë Demokratike të Rinovuar, Dashamir Shehi. “Unë mendoj se në një vend ku shkelen disa aspekte kushtetuese është mirë që t’i drejtohemi Gjykatës Kushtetuese”, -tha Shehi. Për firmosjen e një dokumenti ankimues drejtuar Gjykatës Kushtetuese kanë rënë dakord dje të gjithë krerët e partive të vogla të opozitës. Këtë radhe, iniciativës së tyre i janë bashkëngjitur edhe partitë e vogla të maxhorancës. Kryetari i PAD-së, Neritan Ceka deklaroi dje se amendimet për Kodin Zgjedhor përbëjnë shkelje të rënda të Kushtetutës. Ndërsa kryesocialdemokrati Skënder Gjinushi u shpreh skeptik ndaj kësaj iniciative. “Kërkesa për në Gjykatën Kushtetuese është një çështje delikate sepse gjykatës kur iu kërkua në 2001 të prononcohej për të pavarurit apo për mandatet shtesë u prononcua gabim dhe atëherë ajo doli jashtë loje nga OSBE-ODIHR-i, të cilët i kërkuan politikës që në asnjë mënyrë të mos lejonte të pavarur. Vetë gjykata nuk e bëri këtë gjë, pra në këtë drejtim ajo është e kompromentuar”, -tha dje Gjinushi. Edhe kryetari i PBDNJ-së, Vangjel Dule, e ka mbështetur qëndrimin në fjalë duke shtuar se shanset për të ndryshuar diçka përmes ankimimit në Gjykatën Kushtetuese janë tepër të pakta. “Ne do t’i drejtohemi javën që vjen Gjykatës Kushtetuese. Shanset për të ndryshuar diçka janë minimale, sepse ekziston një përvojë e hidhur e politizimit të gjyqësorit, qoftë edhe të Kushtetueses në vendin tonë”, -tha Dule. Gjithsej partitë e vogla plotësojnë plot 26 vota, çka nuk janë të mjaftueshme për të bërë një ankesë. Për këtë arsye deputetët e partive të vogla parlamentare kanë kontaktuar edhe me disa deputetë të pozitës dhe opozitës si Lekë Çukaj, Petro Koçi, Taulant Dedja, Pjetër Arbnori , Azgan Haklaj etj. për të plotësuar numrin e mjaftueshëm prej 28 firmash që ligji kërkon për të bërë një ankesë pranë Gjykatës Kushtetuese. Votimi i zgjedhjeve në një raund, formula e ndarjes së mandateve për proporcionalin si dhe mënyra e rikompozimit të Komisionit Qendror të Zgjedhjeve janë tre pikat për të cilat partitë e vogla do të kërkojnë ndihmën e Gjykatës Kushtetuese për të përcaktuar nëse çështjet në fjalë janë ose jo në kundërshtim me Kushtetutën.

Ceka: Zgjedhjet u kompromentuan
TIRANE- Presidenti i PAD-së, Neritan Ceka, ashtu si në seancën parlamentare, ku u miratua Kodi i ri Zgjedhor e ka cilësuar atë si një ligj që nuk siguron zgjedhje të lira dhe të ndershme. Sipas tij, amendamentet e Kodit përmbajnë shkelje të rënda kushtetuese. Madje Ceka mendon se edhe sikur të rregullohen nenet e kontestuara, ose të quajtura ndryshe shkelje, siç janë ato që kanë të bëjnë me trajtimin e mandateve shtesë në zgjedhje, këto të fundit janë të kompromentuara. Dhe ky kompromentim, sipas tij fillon që në momentin që zgjedhjet kontrollohen nga dy partitë e mëdha. Ceka shprehu pakënaqësinë për mënyrën se si është përcaktuar të merren vendimet në komisionet zgjedhore. Presidenti aleancist e ka cilësuar miratimin e një ligji të tillë “aventurë”. Sipas tij, ky nuk është një kod që siguron transparencë dhe zgjedhje të rregullta.

Gjinushi: Ky Kod lejon të “pavarurit”
Kryetari socialdemokrat Skënder Gjinushi ka përmendur dje, një ditë pas miratimit të Kodit Zgjedhor nga Parlamenti, pikërisht paketën që sipas tij është ofruar nga dy deputetët e PS-së dhe të PD-së. Sipas tij kjo paketë nuk përmirëson asgjë nga problemet që u vunë re në zgjedhjet e vitit 2001. Ai ka vënë në dukje si probleme më shqetësuese çështjen e kandidatëve të pavarur, shpërndarjen e mandateve shtesë, e të tjera probleme që sollën edhe mjaft kontestime për zgjedhjet e kaluara të vitit 2001. Edhe në seancën plenare Gjinushi e cilësoi antikushtetues ligjin e miratuar, madje ai tërhoqi vëmendjen se nëse do të shkohet në zgjedhje me këtë Kod mund të bllokohen zgjedhjet. Problematike është, sipas tij, edhe kërkesa që bëhet për balancën politike të Komisionit Qendror të Zgjedhjeve që kërkon PD-ja. Ai u shpreh se KQZ politike dhe KQZ të pavarur njëkohësisht nuk mund të ketë.

Dule: Kodi eliminon partitë e vogla
Kryetari i PBDNJ-së Vangjel Dule është shprehur dje se partitë e vogla, përveçse preken nga Kodi i miratuar dy ditë më parë, kërkojnë të shmangin me çdo kusht bipolarizimin artificial që duan t’i imponojnë realitetit politik shqiptar dy partitë e mëdha, PS-ja dhe PD-ja. Ashtu siç deklaroi edhe në seancë parlamentare, Dule u shpreh se nëpër komisione nuk garantohet vendimmarrja 50+1% të votave. Nga amendamentet e propozuara në paketën e firmosur nga dy bashkëkryetarët Et’hem Ruka dhe Jemin Gjana, thuhet që zgjedhjet duhet të zhvillohen me një raund, kjo bazuar edhe në rekomandimet e paszgjedhjeve të fundit të OSBE-ODIHR-it. PBDNJ ka firmosur tashmë një marrëveshje bashkëpunimi me PS-në, por ende nuk është saktësuar ndonjë gjë përfundimtare, pasi në këmbim të aleancës PBDNJ kërkon zona të lira në disa zona të jugut të vendit.

OSBE përshëndet miratimin e Kodit Zgjedhor

TIRANE- Takimi i drejtuesve të partive të vogla me kryetarin e Prezencës së OSBE në Tiranës, Osmo Lipponen, duket se nuk ka shërbyer për asgjë. Menjëherë pas miratimit të Kodit Zgjedhor në Kuvend, ambasadori i OSBE-së në Tiranë, Osmo Lipponen deklaroi se: “Miratimi me konsensus i amendamenteve të Kodit Zgjedhor ishte një hap përpara jo vetëm për demokracinë parlamentare, por edhe për demokratizimin e jetës politike në vend. Prezenca e OSBE-së në Shqipëri shpreh vlerësimin e saj për këtë zhvillim konsensual për komisionin dypalësh. Amendimet trajtojnë çështje që lidhen me sistemin zgjedhor (votimin me një raund), balancimin politik të përfaqësimit në komisionet zgjedhore të të gjitha niveleve, kritere të reja për caktimin e kufijve të zonave zgjedhore, koalicionet, rolin e organeve shtetërore dhe policisë gjatë procesit zgjedhor, listat e votuesve, mbulimin nga media të procesit zgjedhor dhe çështje të tjera, shumë prej të cilave ishin trajtuar si problematike edhe në raportin përfundimtar të ODHIR-it për zgjedhjet parlamentare të vitit 2001.
N.P

E Shtune, 21 Qershor 2003 KOHA JONE http://www.kohajone.com/

PARTITE E VOGLA, NJE PARTI E MADHE

Nente partite parlamentare pergatiten pern nje skeme te re ne sulm te dy partive te medha. Pas miratimit ne parlament te kodit elekoral, ku nente partite parlamentare te djathta dhe te majta kundershtuan kompromisin mes Rukes dhe Gjanes, keto forca politike tashme do te ndjekin rruge te tjera per te konretizuar nismen e tyre. Amendamentet e ndryshuara te kodit zgjedhor, bien ndesh me kushtetuten dhe njera nga rruget e mundshme te ketyre forcave politike eshte drejtimi ne Gjykaten Kushtetuese. Kryetarii grupit parlamentar te PDr-se, Nard Ndoka shprehet pesimist ndaj kesaj inisiative. "Duke patur parasysh qe Gjykata Kushtetuese eshte nen ndikimin direkt te zotit Nano, por kuptohet qe mund te beje dhe rolin e servilit te PD-se nuk shohim ndonje rreze drite te kjo gjykate", u shpreh Ndoka dje per "KJ". Ideja me e re e partive politike eshte formalizimi i nje lobi te te gjitha forcave te tyre, duke perjashtuar ne kete rast PSD-ne dhe PA-ne, te cilat mbeten prane PS-se. Kjo do te bente qe njera nga forcat politike te dilte jashte loje ne zgjedhjet lokale. "Sikur te mblidheshin nente partite politike, ose PD-ja ose PS-ja mund te dilnin jashte loje dhe kjo ndodh nese do te kete nje pol te trete", u shpreh Ndoka. Nga ana tjeter ai shprehet i dyzuar vetem per faktin e vendosjes se partise se tij ne qendren e djathte e veshtireson kete skeme. "Ndoshta kjo eshte nje skeme inatcore dhe gjerat ne te ardhmen do te sheshohen, pasi priten levizje te tjera politike", cilesoai ai duke i dhene dhe nje here mundesi PD-se te korigjoje gabimet e saj me forcat aleate.

Kryetari i PDr-se se Re, Dashamir Shehi u shreh se do te ndiqen te gjitha hapat e duhura per ta cuar kete inisative deri ne fund. Sipas tij, nese nuk behet gje gjate kesaj periudhe, perleshja do te jete diten e zgjedhjeve. "Perleshja me e madhe tani do te jete ne kutite e votimit", u shpreh ai per "KJ". Kryetari i PBDNJ-se, Vangjel Dule edhe pse eshte ne prag te neshkrimit protokollar te marreveshjes me PS-ne, u shpreh dje se do te ndiqen te gjithe hapat e duhur, duke mos perjashtuar mundesine e ankimimit ne Gjykaten Kushtetuese. "Te gjithe hapat do te ndiqen rast pas rasti". Me te lekundur ne qendrimin e tyre jane socialdemokratet. Te pozicionur ne qendren e majte ata do te njekin vijimesine e tyre gjate fushates elektorale. Sekretari i Pergjithshem i PSD-se, Gaqo Apostoli edhe pse nuk u shpreh kunder drejtimit ne Kushtetuese, ai cilesoi se kjo tashme eshte nja faze reflektimi. "Ne thelbin e tyre amandamentet kishin anti kushtetuetshmerine. Kur ka dhe anti kushtetuetshmemri, natyrisht qe i duhet drejtuar dhe ne Gjykaten Kushtetuese". Nga ana tjeter ai cilesoi se si parti e qendres se majte "do te shikojme interesat e socialdemokracise".

Defektet kryesore te verejtura nga partite e vogla parlamentare ne kodin e ri zgjedhor kane te bejne kryesisht me financat e partive politike, me kohen televizive, ne formulen e ndarjes se mandateve, zgjedhjet me nje raund, amdedime te cilat u miratuan pa konsensusin e tyre. Kjo per keto forca politike do te thote qe procesi elektoral eshte i minuar edhe per faktin tjeter se komisionet e votimit kane nje numer bllokues nga PS-ja dhe PD-ja dhe praktika e meparshme ka treguar se keto forca politike i kane bllokuar keto komisione.

Gazeta55  http://www.gazeta55.com/

Partitë e vogla kërkojnë shtyrjen e diskutimeve për "Kodin Zgjedhor"

Amendamentet e "Kodit Zgjedhor" kane hapur debate te forta në parlament. Partitë e vogla kanë kundershtuar deri ne fund disa prej shtesave te "kodit", pasi sipas tyre, jane kundershtuese me Kushtetuten dhe kane shkelje proçeduriale. Republikani Mediu ka theksuar, se "shtyrja e diskutimit te ketij ligji dhe diskutimit përsëri ne komisionin bipartizan për të shmangur shkeljet kushtetuese, per te pasqyruar edhe shqetesimet e partive politike, te cilat nuk lidhen me faktin e te qenurit të madh apo të vogël, por në radhe te pare, me respektimin e Kushtetutes dhe e dyta, me te drejten siç eshte ne çdo kod elektoral, ne çdo vend te botes, për te patur te drejten e kontrollit ne proçesin e votimit. Mendoj se jane hapa që duhet te kryhen, thekson Mediu. Vlen për të theksuar se, janë më tepër se 66 nene të reja që reformojnë thellësisht sistemin dhe procesin zgjedhor të Shqipërisë. Përmirësimet ligjore u përgatitën mbi bazën e rekomandimeve të OSBE-së dhe zyrës së ODIHR-it për institucionet demokratike dhe të drejtat njerëzore, që u hartuan pas vëzhgimit të zgjedhjeve të fundit problematike në Shqipëri. Por deputetët e partive të vogla i dhanë një kthesë të papritur seancës parlamentare, duke kërkuar shtyrjen e diskutimeve për një kohë tjetër, pasi nuk ishin njohur me to dhe nuk pranonin disa prej tyre, që ishin hartuar me miratimin vetëm të dy partive kryesore, PS dhe PD. Përfaqësues të partive të vogla pretenduan se forma proceduriale se, si ato kishin ardhur në seancë plenare, nuk ishte e rregullt. Komisioni dypalësh pozitë‑opozitë për reformën zgjedhore u ngrit një vit më parë me mirëkuptimin e forcave kryesore politike, pas një memorandumi që u nënshkrua nga Nano dhe Berisha ne zyrat e OSBE-së. Komisioni do të përpiqej të shmangte përsëritjen e shkeljeve ligjore që u vërejtën në zgjedhjet e fundit të kontestuara, nga tejzgjatja dhe manipulimet. Raporti i vëzhguesve ndërkombëtarë renditi një seri shkeljesh në zgjedhje, që kishin të bënin me ndryshime të rezultateve në kutitë e votimit, zgjatjen e dyshimtë në 5 raunde zgjedhore, falsifikime të dokumenteve të zgjedhjeve, akte dhune, si dhe kritika ndaj KQZ-së dhe gjykatave që trajtuan ankesat e kandidatëve për deputetë. 

e.gj