Artemida Çollaku

Refomatorët duken të palëkundur përballë kërkesës për realizimin e zgjedhjeve të parakohshme. Madje, Tritan Shehu thotë se këto zgjedhje duhet të zhvillohen në vjeshtën e vitit të arshshëm. Ndërsa nënkryetari PDR Ferdinand Xhaferri u shpreh se vetëm me realizmin e këtij kushti politik reformatorët do të fillojnë negociatat për të diskutuar rreth posteve që do të kenë në qeverinë "Aleanca për Integrimin".

LAJMI

Duket se edhe Pollo do të mbetet jashtë qeverisë. Kjo u bë e qartë pas deklaratës së prerë dhënë publikisht ditën e djeshme se PDR pranon të hyjë në qeveri, vetëm nëse pranohet kushtu për të hyrë në zgjedhje të parakohshme. Nënkryetari i Partisë Demokrate të Re, Ferdinand Xhaferri, tha dje se reformatorët janë ende në pritje të përgjigjes së kryeministrit Nano, për realizimin e zgjedhjeve të parakohshme. Realizimi i këtij kushti të vënë nga kjo parti me gjashtë deputetë do të përcaktojë edhe futjen e kësaj partie në qeverinë e koalicionit, që do të quhet "Aleanca për Integrim". "Natyra e negociatave tona me qeverinë është krejtësisht e ndryshme nga ajo e partive të tjera të majta", tha Xhaferri. Sipas tij, ndryshimi midis negociatave që reformatorët kërkojnë të realozjnë është mjaft thelbësor për faktin se "qeverisë i është vënë një kusht politik" siç është realizimi i zgjedhjeve të parakohshme. Nënkryetari i reformatorëve u shpreh se një kërkesë e tillë tregon qartë se qëllimi i kësaj force politike nuk është thjesht zënia e një apo dy posteve ministrore. "Ky kusht politik ka një kuptim më të thellë pasi duke kërkuar zgjedhjet e parakohshme ne tregojmë qartë se reformatorët pranojnë të jenë pjesë e kësaj qeverie për të realizuar një gjë shumë të nevojshme për popullin shqiptar, e cila do t'u japë zgjidhje shumë problemeve", tha Xhaferri. Megjithatë burime brenda reformatorëve bëjnë të ditur se puna midis negociatorëve janë në vijë, pasi në platformën e shpallur nga kryeminsitri për qeverinë "Aleanca për Integrim", janë paraqitur një sërë kërkesash të bëra nga përfaqësuesit e reformatorëve gjatë takimit që patën dy ditë më parë më kryeministrin Nano. Gjithsesi reformatorët duken të palëkundur përballë përgjigjes pozitive që presin të marrin nga kryeminsitri Nano për realizimin e zgjedhjeve të parakohshme. "Ne jemi në pritje të përgjigjes së kërkesës sonë për zgjedhje të parakohëshme në vend, kërkesë kjo e bërë kryeministrit gjatë takimit që ne patëm", tha Xhaferri. Sipas tij, vetëm nëse kjo përgjigje do të jetë pozitive atëherë reformatorët do të fillojnë negociatat për postet që do të kërk-ojnë në këtë qeveri të re.

Kreu i grupit parlamentar

Ndoka: Me Nanon kemi rënë dakord në parim
Partia Demokrate e Re vazhdon negociatat me PS-në. Kryetari i grupit parlamentar të PDR-së Nard Ndoka tha për gazetën se ka patur takim me Nanon ku u diskutua në parim për mundësinë e një lloj bashkëpunimi për qevrisjen e vendit ku PDR-ja paraqiti kushtet dhe kërkesat e saj në takim të cilat janë reformini i kodit zgjedhor, përgatitja e infrastruktutës së nevojshme për të shkuar në zgjehdjet e parakohëshme siç janë lista e zgjedhësve, kartat e votuescve rregjistart e gjëndjes civile si dhe realizimi i disa mungesave të tjera që jnë vënë re gjatë zgjehdjeve të 12 tetorit. Ndoka, e shikon një zgjidhje të situatës zgjedhjet e parakohëshme "ku të kishte edhe një rikonformim nga votuesit shqipatrë për mazhora-ncën e re qoftë ajo si mazho-rancë e majtë apo e djathët, por mendojmë se kjo është majft e domosdoshme që të bëhet sa më shpejt që të jetë e mundur. Një gjë e tillë do të realizohet me një palë zgjedhje të lira dhe të ndershme". Përsa i përket mosmarrëveshjeve brenda PDR-së për koalicionin me qeverinë Nano, Ndoka tha se "ka një vendim të Kryesisë së PDR-së se ne do të realizojmë negociata me të gjitha llojet e forcave politike. be.ka

Deputetët legalistë, nuk konfirmojnë ofertat

Legalistët: Nuk i japim votat për qeverinë "Nano"
Deputetët legalistë e hedhin poshtë idenë e pasqyruar ditë më parë në mediat e shkruara se tre prej tyre do të jenë pjesë e grupit paralmentar të reformatorëve. Në një prononcoim për Gazetën njëri prej të përfolurve Bahri Kollçaku u shpreh se futja e tij në grupin parlamentar të reformatorëve është thjesht një dëshirë e shtypit. "Nuk ka asnjë lloj vendimi për të bërë një gjë të tillë as vendim partiak dhe as vendim personal", tha Kollçaku. Sipas tij shpresat e tij janë në përmirësimin dhe në shtimin e numrit të deputetëtve të grupit parlamentar të legalistëve. "Ajo që është më shumë e rëndësishme për mua është fakti që unë jam anti-Nano dhe nuk mund të ndodhë kurrë që vota ime të jetë pro kësaj qeverie". Po kështu edhe deputeti tjetër legalist Sadedin Balla u shpreh se nuk është e vërtetë që ai do të jetë pjesë e grupit parlamentar të PDR-së. "Unë nuk jam shprehur kurrë pro kësaj ideje dhe nuk do të kem një vendim pozitiv për të", tha Balla.