24072003pll

PLL PARAQET NJE GAZETAR PER TIRANEN

Partia Levizja e Legalitetit prezantoi dje kandidatin e saj per zgjedhjet lokale te tetorit, gazetarin Robert Papa. Behet e ditur se komiteti drejtues i deges se Tiranes per PLL-ne e ka miratuar kete kandidature ne menyre unanime. Sipas sekretarit te pergjithshem te kesaj partie, Sadedin Balla kjo kandidature perfaqeson shtresen e intelektualeve me mentalitet te ri, produkt i viteve te pluralizmit dhe i kualifikuar ne perendim. Kandidati Papa gjate qendrimit te tij ne Shtetet e Bashkuara te Amerikes u perpoq te hyje ne te fshehtat e funksionimit te mekanizmave te demokracise amerikane per t'ia shpalosur ato edhe publikut shqiptar, qofte nepermjet emisioneve direkte, ashtu edhe botimeve te tij sikunder "Pragmatizmi amerikan dhe Shqiperia" apo libri tjeter qe do te dale se shpejti nga botimi "Te fshehtat e Shtepise se Bardhe". "Ne jemi te bindur se z.Papa, qysh tani ne nje projektplatforme per Tiranen, ka zbuluar mjaft nga te fshehtat e jetes se tiranasve, si pasoje e keqqeverisjes. Ai duke fituar besimin e elektoratit tiranas do te dije te ndricoje, permiresoje dhe vere ne rrugen e zgjidhjes, hallet dhe problemet e panumerta te kryeqytetit. Si intelektual i emancipuar dhe me vizion te gjere, z.Robert Papa ka ditur te zgjedhe modelin e vertete te zhvillimit te Tiranes, ka ditur te zgjedhe modelin e Mbretit Zog I qe e ka futur Tiranen ne rrugen e formesimit si qytet europian" pohoi Balla gjate prezantimit te kandidatures. Partia Levizja e Legalitetit vendosi qe te beje nje levizje te tille pas ndarjes perfundimtare qe beri me Partine Demokratike ne kete prag te fushates elektorale. Ndryshe nga zgjedhjet e fundit elektorale, gjate se ciles PL L-ja iu bashkangjit koalicionit te se djathtes "Bashkimi per Fitore" kete radhe legalistet vendosen te dalin te vetem ne fushate.

24 Korrik, 2003 http://www.shekulli.com.al/

Robert Papa: Rama, kandidat i fortë

TIRANE- Gazetari Robert Papa shpalli dje zyrtarisht kandidimin e tij për kryetar i Bashkisë së Tiranës, për Partinë Lëvizja e Legalitetit dhe "divorcin" me Partinë Demokratike që e ka përkrahur mjaft në fushata elektorale, përmes emisionit "Fokus" në TV Shqiptar. Lidhur me mbështetjen që ai ka dhënë për shumë vite PD, Papa deklaroi se "është e vërtetë që unë kam qenë një përkrahës i Partisë Demokratike, por ajo tashmë është e konsumuar dhe ky nuk është faji im". Papa tha se e gjente veten tashmë tek forca politike monarkiste dhe shtoi se besonte se monarkia mund të sjellë diçka produktive për vendin tonë. “Një garë bëhet më e fortë kur kandidatët janë të fortë dhe jam krenar dhe e kam për nder që një kandidat shumë i fortë siç është Edi Rama do të përballet me mua”,- tha dje Papa. Gazetari Papa që është bërë i njohur për emisionin “Fokus” është prezantuar dje nga kryelegalisti Eqerem Spahia dhe nënkryetari Murat Basha.

Kryetari i PLL-së z.Eqerem Spahia, ka deklaruar edhe nje herë dje se "presidenti Moisiu është përgjegjes për krizën institucionale që është krijuar në vend, pasi nuk ndërhyn për të dhene zgjidhjen e duhur, ashtu siç e lejon Kushtetuta". Kryetari i legalistëve Spahia, thote se "kreu i shtetit, pas nje viti ne këtë post, pa nderhyrjen, ose me ndërhyrjen e tij, ka ndikuar ne thellimin dhe ne përkeqesimin e kesaj krize". Ai gjithashtu i ka kujtuar presidentit sërish "Kodin Zgjedhor", i cili sipas tij, është jetik për demokracinë në Shqipëri. Spahia ka theksuar se "dhjete parti parlamentare denoncuan mangësitë e ketij kodi, i cili bie ndesh me nenet kushtetuese dhe nuk sjell progres, prandaj kërkuam takim me presidentin e Republikës, që te ndikoje ne permiresimin e tij. Z.Moisiu shperfilli kerkesen e dhjete partive parlamentare dhe me te shpejte, bekoi kete "Kod Zgjedhor", sikurse deklaruan edhe partite kryesore, se eshte kodi me i mirë, ka shtuar kryetari i PLL-së. Më tej, Spahia është shprehur se e vetmja zgjidhje per kete krize institucionale ne te cilen është zhytur vendi, jane zgjedhjet e parakohshme. Por Spahia ka deklaruar, se do të votojë kundër emrave te rinj për postin e dy ministrive të mbetura bosh, se do të votojë "kundër" tyre, duke u bashkuar kështu me deputete e tjere të PD-së.