24092003pll

Partitë e opozitës debate për ndarjen e parave për fushatën elektorale

Lajmi i ores 10:25 AM

TIRANE (24 Shtator) - Partitë e opozitës firmosën një marrëveshje paraprake për ndarjen e parave për fushatën elektorale, megjithatë debatuan ashpër derisa gjetën një gjuhë të përbashkët. Partia Demokratike mori pjesën kryesore të parave që u akorduan nga Ministria e Financave; ajo arriti të bindë partitë e vogla për formulën e propozuar nga përfaqësuesit të saj. PD-ja do të përfitojë 8.8 milionë lekë të reja, PLL-ja 2.1 milionë, PR-ja 1.7 milionë, PBK-ja 1.2 milionë dhe PBL-ja 1.6 milionë lekë të reja.
Vendimi
Përfaqësuesi i PD-së në KQZ, Ferdinand Pone kërkoi dy ditë më parë që ky institucion të shtyjë ndarjen e parave që do të financojnë fushatën elektorale të partive opozitare. PD-ja u propozoi aleatëve të saj që ndarja e këtyre parave të bëhet sipas një formule të përcaktuar që më parë, ndërsa partitë e vogla kërkuan që të merret parasysh vetëm rezultati që ato kanë pasur në zgjedhjet e kaluara të pushtetit vendor. Kryetarët e partive të vogla vizituan dje pasdite selinë blu ku morën kontakte me drejtuesit demokratë. Pas debatesh të vazhdueshme, katër kryetarët e partive aleate vendosën të pranonin formulën e propozuar nga Partia Demokratike. Në bazë të kësaj formule, partia e Berishës përfiton 8.8 milionë lekë të reja; e dyta vjen Partia Lëvizja e Legalitetit e kryetarit Eqerem Spahia me 2.1 milionë lekë të reja. Më të pakënaqur mbetën kryetarët e Partisë Balli Kombëtar, Republikane dhe Bashkimi Liberal të cilët nuk e kaluan shifrën e 2 milionë lekëve të reja. dxh/dxh (GazetaShqiptare/BalkanWeb) http://www.balkanweb.com/

PLL: PS, po na bllokon parate per fushaten

PLL akuzon te majten ne pushtet se ka perdorur dhe po perdor te gjitha mjetet qe i jep pushteti, per te fituar avantazhe ne zgjedhjet vendore. Ne lidhje me kete akuze, Kryetari i PLLL, Eqrem Spahiu, argumentoi se, nje nga mjetet kete rradhe eshte vonesa e celjes se fondeve te partive per fushaten elektorale. Nje padrejtesi e pushtetit te sotem ndaj PLL, konsiston ne perllogaritjen qellimisht te gabuar te fondit qe na takon, sipas rezultatit 3.7% nga zgjedhjet e kaluara. PS e ka kuptuar edhe nga ecuria e deritanishme e fushates sone elektorale se, PLL do te jete e suksesshme ne keto zgjedhje, ndaj nuk i kursen pengesat ndaj saj. Pas neneve arbitrare te Kodit Zgjedhor, moscelja e fondeve perben nje goditje tjeter te rende ndaj pluralizmit ne Shqiperi, ka deklaruar Spahiu.

Perfundojne hetimet ndaj dy krereve te AKSH
Prokuroria e Tiranes ka deklaruar dje zyrtarisht mbylljen e hetimeve per dy shqiptaro-maqedonasit, te akuzuarit si krere te AKSH-se Gafurr Adili dhe Taip Mustafa, arrestuar me 1 korrik ne rrethinat e Peshkopise. Mbi ta rendojne 3 akuza dhe rrezikojne maksimalisht deri ne 17 vite burg. Sot dosja mberrin ne gjykate

Organi i akuzes i kryeqytetit pohon se dje u mbyllen hetimet per dy drejtuesit e Armates Kombetare Shqiptare, Gafurr Adili dhe Taip Mustafaj, te akuzuar per veprat penale te nxitjes se urrejtjes nacionale mes kombesive, rracave dhe feve te ndryshme, kalim te paligjshem te kufirit dhe fallsifikim te dokumentave. Prokuroria e Tiranes, beri te ditur se, tashme kane perfunduar hetimet per dy drejtuesit e AKSH-se dhe gjate dites se sotme pritet qe dosja e plote hetimore te dergohet ne gjykate per shqyrtim gjyqesor. Pas depozitimit te dosjes ne gjykate, do te jete shorti i cili do te percaktoje dhe trupin gjykues i cili do te merret me gjykimin e saj. Ne baze te nenit 265 te Kodit Penal, dy shqiptaro-maqedonasit, Adili dhe Mustafa, rrezikojne te denohen maksimalisht me 17 vjet burg, nese gjykata arrin te vertetoje ndaj tyre akuzat e ngritura tashme nga prokuroria. Ata u arrestuan ne fillim te korrikut te ketij viti nga policia e kryeqytetit ne rrethinat e Peshkopise. Mbi Adilin, 44 vjec, lindur ne Krecove te Maqedonise dhe banues ne Zvicer si dhe Mustafen, 39 vjec, lindur dhe banues ne Gostivar, pas kryerjes se veprimeve te para hetimore, u arrit te sigurohen dhe sekuestrohen nje sere provash qe vertetojne veprimtarine e tyre si drejtues dhe pjestare te AKSH-se. Aktualisht keta te dy ndodhen nen masen e sigurise se burgut pa afat. Sipas versionit te akuzes, Adili, drejtuesi politik i AKSH-se dhe Mustafa, qe mendohet te jete koordinatori i kesaj organizate ne Shqiperi, kane bere propagande duke konsumuar elementet e vepres penale te nxitjes se urrejtes etnike mes kombeve, feve dhe rracave te ndryshme. Me 1 korrik 2003, Zyra Rajonale e Luftes Kunder Akteve Terroriste ne Drejtorine e Policise se Qarkut te Tiranes beri te mundur identifikimi, kapjen dhe arrestimin ne flagrance te shtetasve Gafurr Adili, 44 vjec, Taip Mustafa, 39 vjec, lindur dhe banues ne Gostivar.

Kercenohet Prokuroria: Terhqini fletarrestet per kreret e AKSH
Prokuroria e Pergjithshme Shqiptare, eshte kercenuar dje ne faqen e saj zyrtare ne internet, ne adresen eee. Ribashkimiishqiperise. com/lajme, nepermjet nje deklarate te te ashtequajturit Kastriot Drenica, i veteparaqitur si Komandanti i njesise Kobra te AKSH. Reagimi ka ardhur pak dite pas botimit te nje lajmi se Prokuroria e Tiranes kishte firmosur nje fletearresti per Idajet Beqirin, i njohur ne Shqiperi si Kryetari i Partise se Unitetit Kombetar, i cilesuar edhe si nje prej drejtuesve te Armates Kombetare Shqiptare. Gje qe ka koinciduar edhe me njoftimin e perfundimit te hetimeve per Gafurr Adilin dhe Taip Mustafaen, te arrestuar ne fillim te muajit korrik ne Shqiperi dhe dergimin e dosjes se tyre nga Prokuroria e Tiranes ne Gjykate, per nisjen e procesit. Kerkojme qe te terhiqni fletearrestet qe keni leshuar ndaj zoterinjve Idajet Beqiri, Gafurr Adili dhe Taip Mustafa sa nuk eshte bere vone, ndryshe do beheni vete pergjegjes nese do te kujtoheni vone per kete akt te domosdoshem, thuhet ne deklarate. Ne te thuhet se arrestimi i Gafurr Adilit te jete i pari dhe i fundit qe behet nga Ju. Ne e nderojme dhe e respektojme shtetin ame, por jo pjesen kolaboracioniste te saj,- duke shtuar se ndaj jemi treguar te matur ndaj reagimeve dhe veprimeve te pamatura te disa individeve te papergjegjshem te atij shteti.

"KOBRA" E AKSH-SE KERCENON PROKURORINE

Sebi Alla

Tirane - Armata Kombetare Shqiptare kercenon Prokurorine e Tiranes per arrestimin e Gafurr Adilit dhe Taib Mustafait. Drejtuesit politik dhe ushtarak te AKSH-se, i kane kerkuar prokurorise qe te terheqe akuzat ndaj dy pjestareve te kesaj organizate, pasi reagimet do te jene me pasoja te renda. Reagime ka patur per gjate gjithe kohes pas arrestimit te perfaqesuesve te AKSH-se, por ajo e pak diteve me pare eshte konsideruar si me e ashper. "Kerkojme qe te terhiqni sa nuk eshte bere vone. Fletearrestimet qe keni leshuar ndaj zotrinjeve Idajet Beqiri, Gafurr Adili dhe Taip Mustafaj, ndryshe do beheni vet pergjegjes nese do te kujtoheni vone per kete akt te domosdoshem", thuhet ne deklarimet e nje prej formacioneve ushtarake e politike me qender ne Maqedoni. Kercenimi i hapur ne faqet e internetit si ndaj institucionit te akuzes ashtu edhe prokuroreve te ceshtjet nuk eshte marre ne konsiderate. Dosja hetimore ndaj Gafurr Adilit dhe Taib Mustafait do te kaloje ne gjykate per shqyrtim. Burime nga Prokuroria e Tiranes kane bere te ditur se ndaj tyre eshte vendosur akuza e "nxitjes se urrejtjes nderetnike dhe falsifikim te dokumenteve". Provat e grumbulluara deri me tani nga prokuroria jane konsideruar si te mjaftueshme per te ngitur keto akuza. Ceshtja penale ndaj dy te dyshuarve anetare te AKSH-se, ka nisur tre muaj me pare, pas arrestimit te bere ne Peshkopi. Per shume muaj me radhe Adili ishte vene nen vezhgimin e agjenteve te Sherbimit Informativ Shteteror "SHISH) dhe punonjes te Antiterrorit. Loja e tyre per te futur ne "kurth" nje nga liderat politik te Armates Kombetare Shqiptare ka qene e efekshme. Ne vitin e kaluar Adili ka kaluar ne kufi dhe eshte lene i lire te futet. Me pas per shume kohe veprimtaria e tij eshte survejuar per gjate gjithe kohes. Provat e grumbulluara ju paraqiten prokurorise e cila ka leshuar urdher-arrestet per Adilin dhe Mustafain. Gjate kontrollit te ushtruar ne banesat e tyre policia kapi dhe me pas seksutroi ne cilesine e proves materiale disa dokumentacione dhe nje objekt minakerkues. Ndersa dje pas tre muaj hetim dosja ka marre rrugen e gjyqesorit, megjithe kundershtimet e hapura te AKSH-se.

"Sugjerimet" e AKSH-se, deri tek Presidenti Moisiu

"Terheqim verejtjen se arrestimi i Gafurr Adilit te jete i pari dhe i fundin qe behet nga ju". Kjo eshte nje nga deklarimet e bera nga anetare te AKSH-se ne faqen e saj te internetit. Ndersa ka patur edhe nje reagim ne forme kercenimi nga nje formacion ushtarak te quajtuar "Kobra", drejtuar Prokurorise se Tiranes dhe prokuoreve qe jane marre me hetimin e kesaj ceshtje. Shume "sugjerime" jane drejtuar edhe Presidentit te Republikes Alfred Moisiu. Ata kane kerkuar qe ne baze te kompetencave qe i lejohet te nderhyje per te shmangur kete proces qe e konsiderojne pa baze ligjore. Sipas tyre Adili nuk ka kryer asnje veprim te kundraligjshme ne token shqiptare, ndaj edhe akuzat jane te pabaza. Ndersa grupi i hetimit shprehet se emri i Gafurr Adilit eshte ne "listen e zeze" te akuzuar per terrorizem, qe jane nxjerre nga Presidenti i SHBA-se, Xhorxh Bush. Po sipas tyre nuk eshte vetem ky shkakua i arrestimit por ka prova qe vertetojne se veprimtaria e Adilit eshte e dyshimte per destabilitetin e rajonit. "Ne e nderojme dhe e respektojme shtetin ame, por jo pjesen koloboracioniste te saj. Ndaj jemi treguar te matur ndaj reagimeve dhe veprimeve te pamatura te disa individeve t` papergjegjshem te atij shteti" thuhet ne deklarimet e AKSH-se. Tashme pritet me interes shqyrtimi i ceshtjes ne Gjykaten e Faktit Tirane.

AKSH: Prokuroria e Tiranës të lirojë urgjentisht Adilin dhe Mustafajn

Lajmi i ores 6:30 PM

Logo AKSH

Gafurr Adili
TIRANE (23 Shtator) - Armata Kombëtare Shqiptare ka kërkuar nga Prokuroria e Tiranës, që të lirojë menjëherë nga burgu dy prej drejtuesve të kësaj organizate, Gafurr Adilin dhe Taip Mustafajn, të arrestuar disa kohë më parë nga policia shqiptare. "Ne po presim që ju urgjentisht të lironi nga burgu politik Gafurr Adilin dhe Taip Mustafajin, luftëtarët e nderuar të Shqipërisë së Ribashkuar dhe të ndalni dorën me pranga që ju kanë shtrirë qarqet reaksionare kundër zgjidhjes së drejtë të çështjes kombëtare shqiptare", thuhet në një reagim të publikuar në faqen e internetit të AKSH-se, ndaj një flete-arresti të lëshuar nga prokuroria e Tiranës për sekretarin politik të FBKSH, Idajet Beqiri. Me këtë reagim të AKSH-së është njohur edhe vetë kreu i Prokurorisë së rrethit të Tiranës, Vexhi Muçmata. Muçmata ka deklaruar se "kërkesa të tilla nuk mund të pengojnë hetuesit për të kryer detyrën e tyre që ua përcakton ligji." "Ne kurrsesi nuk mund të ndikohemi nga elementë të tillë, të cilët prekin dhe cënojnë inetresat e vendit tonë dhe bashkëjetesës mes etnive dhe kombësive të ndryshme." Ka thënë Muçpapa. Prokuroria e Tiranës ka mbyllur sot hetimet për dy drejtuesit e "Armatës Kombëtare Shqiptare", Gafurr Adili dhe Taip Mustafaj, të akuzuar për veprat penale të "nxitjes së urrejtjes nacionale mes kombësive me rraca dhe fe të ndryshme" dhe "fallsifikimit të dokumentave". Burime të Prokurorisë, bënë të ditur se, nesër pritet që dosja e plotë hetimore të dërgohet në Gjykatën e Faktit për shqyrtim gjyqësor. Dy shqiptaro-maqedonasit, Gafurr Adili dhe Taip Mustafaj, rrezikojnë të dënohen maksimalisht me 10 vjet burg, nëse gjykata arrin të vërtetojë ndaj tyre akuzat e ngritura tashmë nga prokuroria. dxh/dxh (BalkanWeb) http://www.balkanweb.com/