communique24122003

http://www.balkanweb.com/

Shqiptarët protestë para BBC, pas fyerjes së himnit kombëtar

Lajmi i ores 8:45 AM

Pamje nga Londra

LONDER (27 Dhjetor) - Fyerja e himnit kombëtar gjatë një emisioni televiziv të BBC është duke prishur atmosfëren e festës së Krishtlindjeve për shqiptarët e Anglisë të cilët janë duke organizuar një tubim proteste. Indinjata që shtohet mund të konstatohet edhe në një adresë interneti që gjigandi televiziv anglez BBC ka vënë në shërbim të ankesave të teleshi-kuesve. Në këtë adresë janë dërguar me dhjetra mesazhe nga shqiptarë me banim në territorin e Britanisë së Madhe, të cilët kanë shprehur nëpërmjet tyre indinjatën për fyerjen publike të hymnit kombëtar. Me anë të mesazheve anku-ese kërkohet që ky kanal televiziv të kërkojë falje publike për incidentin e ndodhur në programin e së mërkurës me protagonistë producentët dhe aktorët e një telenovele të ndjekur nga rreth 7 milionë njerëz në Britaninë e Madhe. Incidenti u shkaktua gjatë një dialogu mes regjisores dhe një prej aktorëve kryesorë. Regjisorja duke i'u drejtuar Shane Ritchie, që është aktori kryesor i telenoveles në rolin e Alfie Moon, lëshon batutën: "Can she fart the Albanian anthem?" që në shqip përkthehet: "A mund ta pjerdhë ajo himnin shqiptar?".
Protesta para BBC
Ende nuk është ndërmarrë ndonjë hap, porse burime të shumta nga komuniteti i emigrantëve në Angli thonë se shqipatrët e Londres janë duke u organizuar për një tubim proteste para selisë qendrore të kanalit televizin BBC që ndodhet në rrugën "Regent" të qytetit. Një tubim I cili është duke u organizuar me më shumë nerv pas mosreagimit të medias së fuqishme televizive BBC në lidhje me incidentin. Ndërkohë nga një telefonatë që Gazeta ka marrë nga një emigrant shqiptar në Londër mësohet se emri i regjizores që konsumoi batutën ofenduese është Joe Brown. Emri i regjisores mbetet ende i pakonfirmuar zyrtarisht nga faki se BBC ende nuk lëshuar një komunikatë për shtyp rreth incidentit. Sipas të njëjtit person thënia e regjizores nuk është gjë tjetër veçse një thënie e dalë nga mendja e saj nën avujt e alkolit të pirë gjatë ceremonisë festive të Krishlindjeve dhe aspak e përfshirë në skenarin e parapërgatitur nga drejtuesit e programit (Eastenders Christmas Party) trasmetuar nga "BBC 1" mbrëmjen e së mërkurës. Por nisur nga reagimet e telespektatorëve duket se zonja Brown do përballet me një lum ankesash jo vetëm nga shikuesit shqiptarë të telenovelës por edhe nga vetë anglezët miq të Shqipërisë dhe shqiptarëve. dxh/dxh (GazetaShqiptare/Balkaneb)

Në BBC fyhet himni shqiptar, reagojnë emigrantët në Londër

Lajmi i ores 8:15 AM

Pamje nga Londra

TIRANË (26 Dhjetor) - Himni kombëtar shqiptar është nëpërkëmbur gjatë njërit prej emisioneve televizive më të famshme në Britani. "Easteanders" quhet telenovela që trasmetohet në kanalin "BBC 1" katër herë në javë. Seria speciale e kësaj telenovele me rastin e Krishtlindjeve (Eastenders Christmas Party) trasmetuar nga "BBC 1" mbrë-mjen e së mërkurës nga ora 20.00 deri më 21.00 ka konsumuar incidentin e rëndë. Dialogu mes aktorëve të telefilmit, pjesëmarrës në bashkëbisedimin televiziv dhe një regjisoreje të pranishme në këtë emision, është bërë shkak për një lum reagimesh nga emigranët shqiptarë në Angli. Në dialog, regjisorja duke i'u drejtuar Shane Ritchie, që është aktori kryesor i telenoveles në rolin e Alfie Moon, lëshon batutën: "An she fart the Albanian anthem?" që në shqip përkthehet "A mund ta pjerdhë ajo himnin shqiptar?". Edhe pse ende nuk dihet cili ka qënë shkaku që dialogu mes regjisores dhe aktorëve është përqëndruar te himni shqiptar, përveçse argëtimit të audiences, ky dialog ka ngjallur reagime të shumta të bashkëkombasve tanë emigrantë në Angli.
Reagimet e emigrantëve shqiptarë
Menjëherë pas dialogut të transmetuar direkt nga "BBC 1" reagimet kanë qenë të forta, kryesisht nga komuniteti shqiptar në Angli. Episodi flagrant nga protagonistë të një telenovele që ndiqet përmes ekranit të televizorit nga pothuaj shtatë milionë anglezë, ishte ndjekur drejtpërdrejt me indinjatë edhe nga një numër i konsiderueshëm telespektatorësh shqiptarë të telenovelës. Duke filluar që nga ai moment, ata i janë drejtuar me letra ankese gjigantit televiziv anglez. Ilir Ndreu, njëri prej emigrantëve shqiptarë, i revoltuar nga përmbajtja e dialogut mes njerëzve të stafit të telenovelës për himnin kombëtar, u shpreh për Gazetën, se "është shumë poshtëruse që kur njerëzit bashkohen pranë familjeve në këtë ditë gëzimi, producentët e kësaj telenovele gjetën momentin për të abuzuar e ofenduar rëndë himnin shqiptar. U bëj thirrje të gjithë shqiptarëve në Britaninë e Madhe, duke përfshirë intelektualët, gazetarët dhe studentët, që t'i drejtohemi kanalit "BBC 1" me letra proteste rreth këtij akti të pa precedent talljeje me himnin e një kombi ndër më të vjetrit në Europë". I njëjti shqetësim është shprehur dje edhe nga shumë emigrantë të tjerë shqiptarë, të cilët jetojnë prej vitesh në Britani.
BBC, ende asnjë reagim
Gjiganti televiziv "BBC", në valët e të cilit është transmetuar emisioni, nuk ka dhënë ende sqarime mbi faktin përse himni shqiptar ëshë bërë objekt i bisedës direkte. E kontaktuar nga Gazeta, zëdhënësja e shtypit pranë BBC, e cila mbulon marrëdhëniet me publikun, nuk pranoi të bënte asnjë koment. Ajo u shpreh se "për momentin koorporata televizive është e pamundur të bëjë ndonjë koment rreth këtij rasti". Por ndërsa nuk ka marrë përsipër një jusifikim mbi atë që ka ndodhur nga transmetimet e "BBC 1" për himnin kombëtar shqiptar, ajo është shprehur se "ne i marrim tejet seriozisht ankimet nga publiku". .dxh/dxh (GazetaShqiptare/Balkaneb)

Nga Londra Muhamed Veliu

Himni kombëtar shqiptar është nëpërkëmbur gjatë njërit prej emisioneve televizive më të famshme në Britani. "Easteanders" quhet telenovela që trasmetohet në kanalin "BBC 1" katër herë në javë. Seria speciale e kësaj telenovele me rastin e Krishtlindjeve (Eastenders Christmas Party) trasmetuar nga "BBC 1" mbrë-mjen e së mërkurës nga ora 20.00 deri më 21.00 ka konsumuar incidentin e rëndë. Dialogu mes aktorëve të telefilmit, pjesëmarrës në bashkëbisedimin televi-ziv dhe një regjisoreje të pranishme në këtë emision, është bërë shkak për një lum reagimesh nga emigranët shqiptarë në Angli. Në dialog, regjisorja duke i'u drejtuar Shane Ritchie, që është aktori kryesor i telenoveles në rolin e Alfie Moon, lëshon batutën: "An she fart the Albanian anthem?" që në shqip përkthehet "A mund ta pjerdhë ajo himnin shqiptar?". Edhe pse ende nuk dihet cili ka qënë shkaku që dialogu mes regjisores dhe aktorëve është përqëndruar te himni shqiptar, përveçse argëtimit të audiences, ky dialog ka ngjallur reagime të shumta të bashkëkombasve tanë emigrantë në Angli.

Reagimet e emigrantëve shqiptarë
Menjëherë pas dialogut të transmetuar direkt nga "BBC 1" reagimet kanë qenë të forta, kryesisht nga komuniteti shqiptar në Angli. Episodi flagrant nga protagonistë të një telenovele që ndiqet përmes ekranit të televizorit nga pothuaj shtatë milionë anglezë, ishte ndjekur drejtpërdrejt me indinjatë edhe nga një numër i konsiderueshëm telespektatorësh shqiptarë të telenovelës. Duke filluar që nga ai moment, ata i janë drejtuar me letra ankese gjigantit televiziv anglez. Ilir Ndreu, njëri prej emigrantëve shqiptarë, i revoltuar nga përmbajtja e dialogut mes njerëzve të stafit të telenovelës për himnin kombëtar, u shpreh për Gazetën, se "është shumë poshtëruse që kur njerëzit bashkohen pranë familjeve në këtë ditë gëzimi, producentët e kësaj telenovele gjetën momentin për të abuzuar e ofenduar rëndë himnin shqiptar. U bëj thirrje të gjithë shqiptarëve në Britaninë e Madhe, duke përfshirë intelektualët, gazetarët dhe studentët, që t'i drejtohemi kanalit "BBC 1" me letra proteste rreth këtij akti të pa precedent talljeje me himnin e një kombi ndër më të vjetrit në Europë". I njëjti shqetësim është shprehur dje edhe nga shumë emigrantë të tjerë shqiptarë, të cilët jetojnë prej vitesh në Britani.

BBC, ende asnjë reagim
Gjiganti televiziv "BBC", në valët e të cilit është transmetuar emisioni, nuk ka dhënë ende sqarime mbi faktin përse himni shqiptar ëshë bërë objekt i bisedës direkte. E kontaktuar nga Gazeta, zëdhënësja e shtypit pranë BBC, e cila mbulon marrëdhëniet me publikun, nuk pranoi të bënte asnjë koment. Ajo u shpreh se "për momentin korporata televizive është e pamundur të bëjë ndonjë koment rreth këtij rasti". Por ndërsa nuk ka marrë përsipër një jusifikim mbi atë që ka ndodhur nga transmetimet e "BBC 1" për himnin kombëtar shqiptar, ajo është shprehur se "ne i marrim tejet seriozisht ankimet nga publiku".

Komuniteti i shqiptarëve në Angli, i konsiderueshëm

Komuniteti i shqiptarëve në Angli llogaritet të jetë i konsiderueshëm. Sipas stastistikave thuhet që Anglinë e kanë invaduar rreth 40 mijë shqiptarë, nga të cilët 20 mijë janë vendosur në Londër. Një pjesë e madhe e tyre është e organizuar në shoqata të ndryshme. Porse duke qenë larg inkuadrimit në shoqrinë angleze për shkak të vështirësisë së fitimit të lejeve të qendrimit, shumica e shqiptarëve janë ilegalë. Duke patur një stastus të tillë ata kanë qenë shpesh edhe autorë të disa krimeve të amplifikuara si të rënda nga opinioni. Kohët e fundit për shkak të pamundësisë për të fituar leje qendrimi, shumë shqiptarë janë duke e lënë Anglinë. Një pjesë tjetër e shqiptarëve kanë aplikuar azilin politik, por askush nuk di një numër të saktë për sasinë e fituesve të tij.

Ambasadori Robo: Do interesohem për incidentin

Gjatë një kontakti me Gazetën, ambasadori shqiptar në Angli, Kastriot Robo tha se do të interesoihet mbi të gjitha hollësitë e incidentit. "Me rastin e festave, jam me vizitë në Shqipëri dhe nuk kamë ende ndonjë informacion për incidentin e fyerjes së himnit kombëtar shqiptar, por me të mbërritur në Angli, do të interesohem mbi atë çfarë ka ndodhur gjatë emisionit televiziv dhe do të mbaj edhe qëndrimin përkatës. Ai u shpreh se të dhënat mbi këtë incident e shqetësojnë dhe se do të komunikonte më vartësit dhe bashkëpunëtorët e tij në Angli për të mësuar për të vërtetën e incidentit me qëllim që më pas të vendoste për reflektimin e mundshëm ndaj tij.