E Enjte, 25 Dhjetor 2003 Copyright ? KOHA JONE

Diten e hene deputetet e PD, PR, PLL, PAA, PDR, PDK, PAD, PBL si dhe deputetet Karamelo, Goxhi dhe Dade nuk do te marrin pjese ne Parlament, cka kryeministri nuk siguron hapjen e seances

KABINETI I RI I KRYEMINISTRIT NANO

Kryeminister Fatos Nano

Zv/kryeminister Namik Dokle

Minister i Jashtem Kastriot Islami

Minister i Drejtesise Fatmir Xhafa

Minister i Brendshem Igli Toska

Minister i Mbrojtjes Pandeli Majko

Minister i Financave Arben Malaj

Minister i Ekonomise Anastas Angjeli

Minister i Turizmit Bashkim Fino

Minister i Transporteve Spartak Poci

Minister i Energjitikes Viktor Doda

Minister i Pushtetit Lokal Ben Blushi

Ministre e Integrimit Ermelinda Meksi

Minister i Punes Engjell Bajtaj

Minister i Shendetesise Leonard Solis

Minister Shteti Marko Bello

Ministre e Kultures Saemira Pino

Minister i Mjedisit Et'hem Ruka

Minister i Arsimit Luan Memushi

Minister i Bujqesise Agron Duka

 

PROMOVOHET NE MINISTRINE E KULTURES

120 perla të "Marubit" në një album fotografik

mi.ho. TIRANE Realizimi i albumit "Marubi 2003" bëhet i mundur pas një periudhe kohore gati dy dekadash, nga botimi i fundit i albumit të fundit të këtij lloji. Albumi i ri përfshin rreth 120 fotografi të karakterit historik, social, portrete të familjeve të mëdha të qytetit të Shkodrës, njerëz të zakonshëm e fisnikë, luftëtarë e filozofë, dijetarë e diplomatë. Pjesa më e madhe e tyre botohen për herë të parë. Ato janë marrë në arkivin e fototekën "Marubi" në Shkodër, e cila përmban rreth gjysmë milionë negativë, nga këto 150.000 të familjes Marubi, 70.000 të familjes Pici, 50.000 të familjes Jakova, 3000 të familjes Raboshta dhe 230.000 të familjes Nenshati. Kujtojmë se nga familja Marubi dolën tri emra të mëdhenj si Pjetër Marubi, Kel Marubi dhe Geg Marubi. Sipas ministres Dade me anë të këtij albumi jemi munduar që "në një koncept të ri të risjellim veprën e tre brezave të shkëlqyer fotografësh, që lanë pas një thesar sa unik aq edhe magjepsës". "Personalisht, u shpreh ministrja Dade, bëj pjesë tek ata njerëz që besojnë se imagjinata jonë kolektive për Shqipërinë e kësaj periudhe, do të ishte përfundimisht e gjymtuar e për pasojë e deformuar, nëse në duart tona nuk do të kalonin imazhet e pazareve dhe shtëpive të vjetra, të fshatarëve e tregtarëve, të kuvendeve të Malësisë dhe portreteve të rilindasve tanë të fundit, të fotografuar nga Marubi." "Tek Marubët, vazhdon Tasho, pashë me sa dashuri, respekt e seriozitet vlerësonin ata punët e tyre, ndjeva rishtazi ato momente të pavdekshme që ata i 'kishin vjedhur' natyrës dhe shpirtit njerëzor, për t'ia dhuruar më pas njerëzimit si një vepër historike". Ndërsa kuratori i albumit Roland Tasho u shpreh se "ashtu si punët e gjithë klasikëve të mëdhenj, me kalimin e kohës edhe këtyre fotove do t'u rriten vlerat. Për këtë fototeka 'Marubi' është quajtur një nga perlat e kulturës shqiptare". Prezantimi i albumit "Marubi 2003" u bë paralelisht me kalimin, nga ana ligjore, të fototekës "Marubi" në vartësi të drejtpërdretë nga Ministria së Kulturës e jo më nga Bashkia e Shkdorës, siç ka qenë deri tani.

Faqe 7 - Politikë

25Dhjetor 2003

Buxheti

Ashtu siç kishte deklaruar më parë, opozita kundërshtoi buxhetin deri në fund me votë kundër. Lideri demokrat, Sali Berisha, u shpreh se “ky është buxheti i falimentimit të biznesmenëve dhe i papunësisë së qytetarëve”

Bashkohet koalicioni i majtë. Ja debatet për fondet

Miratohet Buxheti 2004, 81 vota pro dhe 50 kundër

Elisabeta Ilnica

Pas një seance “maratonë”, kalon në parlament Buxheti i vitit 2004. Me 81 vota pro dhe 50 kundër, deputetët e mbledhur në minutat e fundit kanë miratuar shpenzimet dhe të ardhurat e shtetit për vitin e ri. Grupi i Metës, edhe pse ka kritikuar ashpër buxhetin, në fund ka votuar pro. Për herë të parë në historinë parlamentare, deputetë të djathtë e të majtë, kanë shfrytëzuar seancën 14-orëshe për të kërkuar më shumë fonde nga Buxheti i Shtetit për zonat të tyre. Edhe ata deputetë që nuk e kishin hapur gojën ndonjëherë, dje janë dëgjuar të ngrejnë zërin për më tepër investime. Opozita Ashtu siç kishte deklaruar më parë, opozita kundërshtoi buxhetin deri në fund me votë kundër. Lideri demokrat, Sali Berisha, u shpreh se “ky është buxheti i falimentimit të biznesmenëve dhe i papunësisë së qytetarëve”. I ashpër në diskutime ka qenë edhe nënkryetari demokrat Bamir Topi, që jo vetëm ka hedhur poshtë buxhetin, por edhe i ka bërë thirrje Kryeministrit Nano të përballet me hetimin parlamentar. Kurse, më i saktë në shifra ka qenë sekretari i Përgjithshëm i PD-së, Ridvan Bode, i cili ka analizuar një nga një të gjitha defektet e buxhetit të ri. Republikanët janë “ngulur” për çështjen e pronave, ndërsa legalistët për dëmshpërblimin e ish-të përndjekurve dhe burgosurve politikë. Një “kthesë” nga ana e opozitës ka patur vetëm Dashamir Shehi, që la një shteg të hapur, nëse do të merreshin parasysh propozimet e bëra prej tij. Maxhoranca Ndërkohë që, dy ditë më parë, Kryeministri qëndroi deri në fund të punëve plenare, dje ai është dukur në sallë vetëm për të votuar. I “zhdukur” prej mëse 4 seancash radhazi ka qenë edhe ish-kryeministri Ilir Meta dhe bashkëshortja Kryemadhi. Gjithashtu ka munguar edhe shumica e grupit mbështetës të Metës. Por, kundërshtimet për buxhetin gjatë diskutimeve, maxhoranca i ka patur pikërisht nga pjesa prezente e këtij grupi. “Nuk ka luftë kundër krimit të organizuar e ordiner, në qoftë se nuk stimulohet sistemi i drejtësisë. Ajo maxhorancë që nuk i jep fonde drejtësisë, është e destinuar të dështojë”, tha Spartak Braho. Ndërsa Koja ka vendosur si kusht për votën pro “nëse pranohen sugjerimet tona për të shtuar 250 milionë lekë investime për onkologjikun”. Ministrat kanë “avulluar” gjatë gjithë diskutimeve, por janë kthyer së bashku me Nanon, rreth orës 22.00.   Relacioni është hartuar nga deputetë të majtë e të djathtë 53 deputetë i kërkojnë Islamit më shumë fonde për të përndjekurit 53 deputetë kanë firmosur një relacion ku kërkojnë përcaktimin e një zëri konkret në buxhetin e shtetit për dëmshpërblimin e ish-të burgosurve dhe të përndjekurve politikë. Edhe pse kjo nismë ishte e opozitës dhe drejtohej nga Pjetër Arbnori, kësaj here kanë lëvizur edhe deputetë të mazhorancës. Madje, që në krye të listës ka rënë në sy edhe emrat e dy dekreteve ministrore që u rrëzuan më së fundmi në Kuvend. Marko Bello, Namik Dokle, kanë dhënë votën e tyre pro ish-të përndjekurve dhe të burgosurve politikë, ndërkohë që këta po protestonin disa hapa larg dyerve të Kuvendit. Por, të këtij mendimi kanë qenë edhe deputetë të tjerë si Çukaj, Pepa, Dule, Karamelo, Goxhi, Ndoka, Tepshi etj. Kryetari i Komisionit të të Drejtave të Njeriut, Pjetër Arbnori, teksa ka lexuar një nga një emrat që kanë firmosur, u shpreh se “Nano ka vënë gjyslykë të zinj vetëm për të mos lexuar Kushtetutën”. Sipas tij, qindra e mijëra ish-të burgosur politikë, jo vetëm sot, por pothuajse çdo ditë rrijnë në erë e shi, duke vuajtur për bukë e për strehë. “Nuk duam që t’i japim karakter politik kësaj çështje, por refuzimi i Kryeministrit Nano e bën të tillë”, tha ai.   Deklaratat Dashamir Shehi Jemi shumë mbrapa me buxhetin. Për vitin 2004, duhet që në Ministrinë e Mbrojtjes të ishin rritur të ardhurat në përmbushje të parametrave evropianë. Megjithatë, nëse buxheti do të mbulojë edhe shpenzimet për statusin e ushtarakëve, atëherë ne do të jemi pro tij edhe pse ka shumë difekte. Teodor Laço Si mund të jepet një votë për këtë buxhet, që me mungesë investimesh çon drejt denigrimit të kulturës. Duhet të kihet parasysh se Integrimi vjen në radhë të parë nga kultura e një populli dhe nga ajo çka investohet në të. Ndërkohë, në Shqipëri, jo vetëm që nuk po ndërtohet kjo kulturë, përkundrazi po shkatërrohet. Fatmir Mediu Ky është buxheti fals. Si mund të flitet për buxhet, kur qeveria sapo shkeli afatin e saj që kishte premtuar për zgjidhjen e çështjes së pronave, ku çdo ditë shtohen konfliktet në gjykata dhe aq më tepër që nuk ka parashikuar asnjë zë për këtë vit. Ky është buxheti që do të çojë në degjenerimin e vendit dhe jo në integrim. Shpëtim Roqi Buxheti i vitit 2004, nuk mund të krahasohet as me buxhetin e qeverisë së parë komuniste, atë të dalë në 1945-ën, nën drejtimin e Enver Hoxhës. Kjo, pasi edhe Hoxha mendoi në atë kohë për qytetarët e tij, të paktën të hanin një copë bukë, ndërkohë që Nano po mendon për varfërinë e tyre dhe t’ua heqë atë çapë. Preç Zogaj Ky projektbuxhet jo vetëm që nuk përkrah interesat e biznesmenëve, përkundrazi i shkel ato me këmbë. Taksat nuk rriten me përqindje, por me “hapa”. Pa kaluar as tri muaj, ky buxhet do të çojë drejt falimentimit dhjetëra biznese, çka do të thotë më shumë punëtorë në rrugë të madhe. Vangjel Dule Çdo buxhet ka mangësitë e veta, në të kundërt nuk kishte pse të votohej çdo vit. Kryesorja është se nuk është më i keq se i viteve të kaluara. Madje, nga privatizimi i Bankës së Kursimeve, do të arrihet që të zihen shumë “vrima” të hapura nga vitet e kaluara. Investimet në shumë sektorë janë në rritje dhe synohet ulja e borxhit të jashtëm. Engjëll Bejtaj Nuk është problemi një votë më tepër pro apo kundër këtij projektbuxheti. E rëndësishme është që të diskutohet nga të gjithë dhe të përmirësohen defektet, pasi nga mënyra se si do të korrigjohen gabimet varet edhe një pjesë e mirë që ka të bëjë me integrimin e Shqipërisë në strukturat euroatlantike. Eqerem Spahiu Të japësh votën për këtë buxhet, do të thotë ta bësh vendin që të ecë me hapa prapa e jo para. Gjatë gjithë shqyrtimit të projektbuxhetin, unë nuk kam vërejtur që të jetë përmbushur ndonjë nga kërkesat që ne kemi bërë me kohë. Të përndjekurit politikë, janë lënë duke u zvarritur për turp edhe sot para Kuvendit.

Fotografia PUBLIKOHET ALBUMI I RRALLE Marubi, një femër shqiptare nudo që në vitin 1878