E Shtune, 26 Korrik 2003 http://www.kohajone.com/ Copyright © KOHA JONE

SPAHIA: NE SEANCE, KUNDER QEVERISE

Z.Spahia, pas angazhimit te ri te qeverise Nano lidhur me kthimin e pronave te familjes mbreterore, a i vleresoni ato si nje tentative te re te saj per t'iu rrembyer votat tuaja gjate seances se dites se hene ne parlament?

- Aspak, nuk mund ta them nje gje te tille. Angazhimi i qeverise per kthimin e pronave te familjes mbreterore eshte me se i drejte. Por nuk mund te them se perkon edhe me momentin e votimit, pasi ajo edhe me pare ka plotesuar disa nga kushtet e paraqitura prej nesh. Mund te permend ketu levizjen jashte vendit me ane te pasaportave diplomatike te anetareve te familjes mbreterore, si ajo ne France para pak kohesh e Nenes Mbretereshe etj.

- A mund t'iu beje per vete nje mase e tille sa te arrini deri ne nje vote pro ndryshimeve te qeverise Nano?

- Jo, kjo gje nuk mund te ndodhe ne asnje menyre. Per me teper duhet t'iu them se eshte absurditet qe nje parti e se djathtes, cilado qofte ajo, te votoje pro qeverise socialiste. Megjithe favoret e merituara qe na ben qeveria, ne do te renditemi perkrah gjithe partive te tjera opozitare per te shprehur qendrimin tone te deklaruar tashme kunder qeverise se re Nano.

- A mendoni se mund te ndermerrrni ndonje mase ekstreme si ajo e braktisjes se seances parlamentare?

- Jo nuk do e bejme nje gje te tille. Ne do te jemi ne seance dhe do te votojme kunder qeverise se Nanos.

VOTIMI, PARTITE E VOGLA NE PROVE

Anila Rama

Egla Nasi

Deputetet qe perfaqesojne partite e vogla parlamentare, do te jene ata qe do te kene peshe me votat e tyre ne seancen plenare. Per dy dite me rradhe, eshte folur per nje skeme qe do te ndiqet gjate seances parlamentare: deputetet e partive te vogla, do te largohen ne momentin e votimit, duke ulur keshtu prezencen ne salle te deputeteve, dhe duke garantuar 50 perqind plus nje te votave te te pranishmeve qe kerkohen per te kaluar dekretet e Presidentit. Kjo ndodh per nje fakt te thjeshte: shumica e tyre edhe pse mund te kene pakenaqesi me Nanon, kryetarin actual te qeverise, kane ruajtur marredhenie shume te mira me kandidatin per Minister te Jashtem Marko Bello. Ky i fundit, si gjate kohes kur ka qene minister integrimi, ashtu edhe ne aktivitetin e tij parlamentar ne punen ne komisionin e jashtem, ka ndjekur nje politike te qarte bashkepunimi, me te gjithe aktoret, jo vetem te majte, por edhe te djathte. Ndaj, ne nje dalje publike, shumica e kolegeve deputete, pavaresisht nga opinioni qe kane per kryeministrin Fatos Nano e kane shume te veshtire qe te rrezojne ne Parlament kandidaturen e Marko bellos ne postin e Ministrit te Jashtem. Ndaj, per te mos u shfaqur publikisht ne kete situate te veshtire: kunder Nanos por pro Bellos, ata sipas burimeve, do te ndiqnin skemen e lenies se punimeve te kuvendit ne momentin e votimit, uke garantuar nje numer me te vogel te te pranishmeve, dhe nje numer me te madh te votave pro. Nga ana tjeter, pese ditet gjate te cilave u shty votimi i qeverise se re ne parlament, e ndihmoi kryetarin socialist Fatos Nano per te rikuperuar nje pjese te deputeteve qe mendonte se mund te votonin kunder. Pritet e hena per te pare se si do te shkojne ngjarjet dhe se si do te pozicionohet vota e hapur e partive te vogla.

 

PLL: Do të votojmë kundër edhe pas urdhrit për kthimin e pronave të Zogut

TIRANE- Legalistët thanë dje se do të votojnë kundër qeverisë “Nano” edhe pse ky i fundit ngarkoi dy ditë më parë ministrin e Shtetit Blendi Klosi për të ndjekur me përparësi praktikat amdinistrative për kthimin dhe kompensimin e pronave të ish-Familjes Mbretërore. Kryetari i legalistëve Eqerem Spahia e cilësoi absurde faktin që PLL të votonte pro qeverisë “Nano”. “Është absurditet fakti që një parti opozitare të votojë për qeverinë e kujtdoqoftë, aq më tepër për qeverinë socialiste që nuk u ofron shqiptarëve asnjë zgjidhje përveçse do të mbrojë krizën. Kjo do të thotë që vota e legalistëve do të jetë kundër qeverisë “Nano””, -tha ai. Të njëjtin qëndrim mbajti dje edhe nënkryetari i PLL, Murat Basha. “Ne nuk mund të shesim votën tonë për këtë qeveri për të marrë disa prona të mbretit. PLL do të votojë kundër ditën e hënë”, -tha Basha. Zëdhënësi i Familjes Mbretërore, Fluturak Germenji sqaroi gjithashtu dje se pronat që i kthehen Mbretit nuk vijnë si rezulat i votave për kryeministrin Nano sepse një lëvizje e tillë është mjaft e qartë në aspektin teknik dhe administrativ. Edhe demokratët nga ana e tyre shpresojnë se vota e legalistëve do t’i bashkangjitet votës së tyre ditën e hënë kundër dekretit të presidentit Moisiu për emërimin e dy ministrave Bello dhe Meksi. “Deklarata e kryetarit të PLL Eqerem Spahia se forcat legaliste do të kenë të njëjtin qëndrim me votat e opozitës në përgjithësi, do të thotë se opozita do të japë votën kundër qeverisë së z.Nano”, -tha sekretari për Burimet Njerëzore ne PD, Fatos Beja.
N.Perndoj

http://www.gazeta55.com/

Nano do t'i kthejë Mbretit "Pallatin e Brigadave" për 4 vota

Nga Fahri Balliu

Burime që pretendojnë se janë të sakta, duan të thonë se Fatos Nano, krahas kthimit të viles së Durrësit për Mbretin, po përpiqet të bëjë një hap tjetër, t'i kthejë atij "Pallatin e Brigadave".

Siç është komentuar gjerazi, kthimi i viles se Durresit u lidh me nevojen qe ka Fatos Nano per votat ne parlament diten e hene, per dy ministrat e rinj. Mirepo loja eshte kaq e hapur, saqe nuk mund te quhet koinçidence, caktimi i ministrit te Shtetit dhe data e kthimit te prones, me krizen qe e kercenon qeverine dhe kabinetin "Nano".

     Nderkaq, kreu u Legalitetit, Ekrem Spahija, deklaroi se kjo nuk i ben ata qe te votojne ministrat e Fatos Nanos. Ne nje rast tjeter, ka ndodhur qe dy vota nga Legaliteti jane dhene per qeverine socialiste. Mirepo kjo atehere, u shoqerua me nje reaksion te madh moral e politik, si per protagonistet, dhe per fushen e lojes parlamentare.

    Ne keto kushte, Ekrem Spahija dhe votat e Legalitetit, e kane shume te veshtire te pergatisin nje skeme te konsideruar "tradhtare", pasi distanca politike midis PS-së e mbretërorëve, eshte teper serioze.

     Burimet thone qe, per kete shkak, Fatos Nano ka ndermarre nje hap, duke takuar apo biseduar vete me Leka Zogun, lidhur me kete situate.

      Nano eshte perpjekur qe te binde trashegimtarin e fronit se votat e Legalitetit do t'i sherbejne stabilitetit te vendit, i cili forcon unitetin kombetar. Mirepo, kjo terminologji me unitet e stabilitet, eshte pak e huaj per Mbretin, aq me shume qe ne Shqiperi ka pasur dhe nje Parti te Unitetit Kombetar, kryetari i se ciles, nje recidivist vjedhjesh, ka qene aleat i Nanos dhe pjese e "Aleances per Shtetin".

      Atehere, Nano si xhongler ka ofruar "Pallatin e Brigadave", duke kerkuar 4 vota. Sigurisht, joshja eshte shume e madhe, mirepo dokumenti per kthimin e "Pallatit", do te behet pas votimit. Kjo do te thote, qe mund te mos behet kurre. Nga ana tjeter, dokumenti s'mund te behet perpara, se s'dihet si vete votimi!

       Nano, megjithëse e mbushi grepin me ushqim te shijshem, nga Leka Zogu ka marre nje pergjigje te tille, se ai "mund t'i napi votat, veç për Shqypninë etnike".

       Ne kete lloj terminologjie pastaj, ngec Nano, i cili, edhe si marksist, edhe si lojtar i politikes greke ne Shqiperi e Ballkan, që me "etnike", koncepton disa pune e vepra greke.         

Opozita: Me mashtrime, Nano kërkon të blejë grupin parlamentar të PLL-së

Ka qene paksa i papritur premtimi i bere nje ditë me parë nga kryeministri Nano, që do t'i ktheje te gjitha pronat familjes mbreterore te ndodhur ne Shqipëri. Kjo, nga opozita, është parë si mashtrimi i radhës, i cili kërkon të përdore çdo mjet për të blerë sa më shumë vota që të jete e mundur dhe për te siguruar kalimin e dy emrave te propozuar prej tij në parlament. Por deputetë te opozitës dhe ato të kampit të majtë, janë shprehur se ky nuk është një premtim, i cili duhet marrë në konsideratë, pasi sipas tyre, e drejta e familjes mbreterore per prone, është njëlloj kushtetuese, si edhe për të gjithë pronarët e ligjshem. Deputetët e opozites ne komisionin e Ligjeve, shprehen se "kjo nuk eshte e moralshme. Nano, për të marre votat në parlament, po kompromenton vullnetin e grupit parlamentar të legalistëve". Beja dhe Mediu shprehen te bindur se, legalistët e kanë kuptuar këtë lojë të Nanos dhe kane deklaruar publikisht, votën e tyre "kunder" qeverisë. Beja thekson se "absolutisht kjo eshte nje perpjekje që po ben Nano, ne kuader te presionit që po ben ditet e fundit, ne menyre që te perdorë elemente te ndryshem, si instrumente te garantimit te votes ne parlament. Nga deklarata e deritanishme, dihet se votat e legalisteve do te jene te njejta me ato të opozitës ne përgjithësi, për ministrat e propozuar nga Nano. Që do te thote, kunder qeverisë "Nano". Ndërsa Mediu thekson se "çeshtja e zgjidhjes se pronesisë së mbretit, lidhet me zgjidhjen e çeshtjes së pronës për gjithe Shqipërine. PR ka qene e prirur të bashkëpunoje me te gjitha forcat politike te djathta dhe te majta, për të arritur perfundimisht që te konsolidoje te drejtat e pronës, si per mbretin, dhe per te tjeret, nje tentative e Nanos per te krijuar nje konfuzion brendapërbrenda opozitës, dhe per te vendosur ne nje pozicion të paqene deputetet e PLL-së, per shkak te nje favori që kerkon t'i beje familjes mbreterore. Nga ana e tyre, deputetë te PLL-së jane deklaruar se qeveria e Nanos ështe e deshtuar, dhe ne asnjë rast nuk do te votonin "pro" saj.

e.gj                             

---

 

Faqja 4 - POLITIKE

Korrik 26, 2003 Korrik 26, 2003

SPAHIA: JAM KUNDER QEVERISE

Legalistët në dilemë për votën

Deputetët e PLL: Vendosim të hënën

Legalistët ende në dilemë për votën, nëse ajo do të jetë pro apo kundër dekreteve të presidenti Moisiu për dy zëvendësimet e reja në qeverinë e Nanos. Dilema e tyre vjen si pasojë e vendimit të kryeministrit Nano që ministri i Shtetit, Klosi, të merret me procedurat për kthimin e pronave ish-familjes mbretërore. Kryetari i Partisë Lëvizja e Legalitetit, Eqerem Spahia, e shprehu hapur dje votën kundër këtyre dekreteve, pavarësisht nga vendimet që merr kryeministri për familjen mbretërore. Por ky është vetëm vendimi personal i Spahisë, pasi ende nuk është marrë një vendim politik i grupit parlamentar për këtë votim apo edhe i strukturave drejtuese. Nënkryetari i PLL-së, Murat Basha, njihet si njeri që mund t'i ndryshojë në moment vendimet e kryesisë. Deputeti legalist Ethem Fejzollari i pyetur për votën pro apo kundër dekreteve të Moisiut dhe zëvendësimeve në qeveri deklaroi se "s'kam si të jap një prononcim, vota jonë kundër, por të hënën vendoset në mbledhjen e grupit parlamentar të partisë sonë". Fejzollari është njeriu që përfaqëson familjen mbretërore në negociatat e hapura me qeverinë shqiptare lidhur me kthimin e pronave kësaj familjeje. Ai drejton një grup ekspertësh për çështjen e pronave dhe ka si qëllim që të kthehet fillimisht një pjesë e këtyre pronave, të cilat janë edhe të hipotekuara si prona të ish-mbretit Ahmet Zogu. Fejzollari është njeriu i afërt me familjen e mbretërore, madje ka ndihmuar në ardhjen dhe në qëndrimin e kësaj familjeje në Shqipëri. Duke qenë se i biri i Zogut, Leka, dhe familja e tij ende vazhdojnë të qëndrojnë me qira, trupi i nënës mbretëreshë, e cila vdiq pak muaj pas ardhjes në Shqipëri, gjendet në Sharrë, ai dhe grupi i ekspertëve fillimisht kërkojnë kthimin e një prone, vilë, për të qëndruar familja, më pas do të negociojnë për pronat e tjera. Këshilltari i familjes së mbretit Zog, Gërmenji, theksoi dje se "fillimisht duhet të kthehet një vilë banimi për familjen, pasi ajo vazhdon të jetë me qira". Sipas tij, vila e Durrësit do të ishte një zgjidhje; ai propozoi se do të ishte e mirë që të kthehej edhe pallati mbretëror. Ethem Fejzollari dhe Bahri Kollçaku ishin dy deputetët legalistë që thyen bojkotin parlamentar të partive të djathta dhe hynë në Parlament. Po këta të dy, Fejzollari dhe Kollçaku, nuk iu bindën kryesisë së legalistëve për t'u larguar nga salla e votimit kur do të votohej Moisiu për president. Vetëm Spahia dhe Balla u larguan nga salla dhe deklaruan se nuk kanë gjë me Moisiun, por partia e tyre është për mbretëri. Spahia, Balla nuk iu bindën vendimit të të gjitha partive të djathta për të votuar kundër mbylljes së Dytu Free Shop-eve dhe bashkuan votat me socialistët. Berisha: PLL do votojë kundër "Asgjë s'i detyron të votojnë pro Nanos" Kryetari i Partisë Demokratike, Sali Berisha, u shpreh i sigurt se vota e legalistëve për zëvendësimet në qeveri do të jetë kundër. "Asgjë nuk i detyron ata të votojnë pro Nanos, nuk do ta bëjnë, pavarësisht nga sa flitet", tha ai dje në një konferencë për shtyp. Sipas tij, ata janë parti e djathtë, e cila është pozicionuar kundër qeverisë Nano. Berisha foli me siguri, edhe pse votat e legalistëve bënë që ai të humbiste një sfidë parlamentare, siç ishte mosmbyllja e Dytu Free Shop-eve. Nëse ata nuk do t'i kishin bashkuar votat me socialistët, ky projektligj ende do të ishte në diskutim. Reagimi i atëhershëm i demokratëve ndaj legalistëve nuk ishte shumë pozitiv. Takimi mes kryetarit të grupit parlamentar të PS-së, Ruçi, kryetarit të grupit parlamentar legalist, Spahia dhe Fejzollari, i cili u realizua më këmbë dhe në minutat e fundit të seancës, nuk është harruar ende nga PD-ja. Ishin deputetët e kësaj partie që më së shumti firmosën kthimin në atdhe të familjes mbretërore në atdhe dhe për këtë as nuk u falënderuan nga legalistët. Sigurinë e Berishës për legalistët, të cilët i janë larguar edhe nga koalicioni, do ta shohim të hënën në seancën e votimit. Ai deklaroi se të gjitha partitë e djathta do të votojnë kundër ndryshimeve të reja në qeverinë e Nanos që, sipas tij, nuk do të sjellin asgjë të re. Kryetari i PD-së përshëndeti gjithashtu presidentin Moisiu me rastin e njëvjetorit të mandatit të tij në postin e presidentit. Ai vuri në dukje se Moisiu gjatë gjithë kësaj kohe tregoi integritet të plotë dhe se ai i ka kryer gjithnjë detyrat duke u mbështetur në Kushtetutën e Shqipërisë. Sipas tij, zgjedhja e Moisiut në postin e presidentit ishte zgjidhja më e mirë e krizës së politike shqiptare, krizë e cila u shkaktua nga manipulimi i zgjedhjeve të përgjithshme të qershorit 2001.