27072003pll

http://www.balkanweb.com/gazeta/gazeta.htm

Faqja 4 - POLITIKE

Korrik 27, 2003

PADITET KQZ NE GJYKATE

Zgjedhjet, PD fut në sherr PLL me republikanët

Partia Demokratike i fut në sherr republikanët dhe legalistët për një anëtar të Komisionit të Qendrës së Zonave Zgjedhore. Për këtë shkak legalistët e hodhën dje në gjyq Komisionin Qendror të Zgjedhjeve, i cili, sipas legalistëve, caktoi që PR-ja duhet të përfaqësohet në këto komisione dhe jo PLL-ja. Por qendra nga filloi konflikti për këtë anëtar është pikërisht PD-ja. Në këto komisione përfaqësohen partitë politike në bazë të përqindjeve të votave të marra në maxhoritar dhe proporcional në zgjedhjet lokale të vitit 2000. PD-ja dhe partitë e tjera të djathta hynë në koalicion në zgjedhjet e kaluara me kandidatë dhe lista të përbashkëta. Pra, në listën e partive fituese të zgjedhjeve të kaluara figuron që koalicioni "Bashkimi për Fitore" mori një përqindje të caktuar votash, si në maxhoritar, ashtu dhe në proporcional. Ndarja e përqindjes së fituar nga këto parti në zgjedhjet e kaluara, që dolën me kandidatë të përbashkët, nuk bëhet duke u bazuar në ndonjë rregull të brendshëm të KQZ-së, por në bazë të një rregulli politik të partive pjesëmarrëse në koalicion, rregull i vendosur dhe i nënshkruar para zhvillimit të zgjedhjeve. E njëjta gjë ndodh edhe me përcaktimin e përbërjes së KQZV-ve dhe të KQV-ve në momentin kur do të mbahen zgjedhjet e përgjithshme. PD-ja, si partia më e madhe e koalicionit "Bashkimi për Fitore", përcaktoi se një nga tre përfaqësues të saj në KQZV, njëri -në bazë të përqindjes- duhet jetë i republikanëve. Republikanët, sipas të dhënave të demokratëve, dolën të dytët në zgjedhjet e kaluara lokale, po kështu edhe në zgjedhjet e përgjithshme, prandaj si rregull i takon PR-së të përfaqësohet në KQZV-të.
Por me këtë nuk bie dakord PLL-ja, e cila dërgoi në Gjykatën e Apelit ankimimin e saj për këtë çështje. Nënkryetari i PLL-së, Sadedin Balla, kërkoi gjithashtu që KQZ-ja duhet t'i bllokojnë vendimet që mund të ndërmerren në këtë drejtim, deri sa Apeli të japë një përgjigje.

Gazeta55 http://www.gazeta55.com/

PLL kundërshton vendimin e KQZ-së

Heqja e anëtarit të PLL-së nga KZQV, është e paligjshme Partia Legalitse ka përshendetur dje idene e presidentit, se zgjedhjet e 12 tetorit duhet te jene te lira dhe te ndershme, por gjithashtu, kanë shprehur edhe shqetësimin e tyre lidhur me KQZ-në, se po fillon te dëmtojë që tani votimet lokale. Legalistët janë shprehur gjatë një konference për shtyp, se KQZ eshte demtuesi kryesor dhe permanent i proceseve zgjedhore ne Shqiperi. Dekreti e KQZ-së për t'i hequr PLL-së te drejten e anetarit të komisionit në qeverisjen vendore, eshte krejtesisht i paligjshëm, për t'ia lënë atë PR-së. Ata theksojnë se në bazë të "Kodit të ri Zgjedhor", neni 29,pikat 1 dhe 8, i takon PLL-së të kete anëtarë në KZQV dhe PR. Drejtuesit e kesaj partie, kanë theksuar dje se kanë denoncuar ne Gjykaten e Apelit veprimin e KQZ-së, dhe KQZ detyrimisht duhet të ngrije proçesin, derisa të japë vendimin Gjykata e Apelit.

http://www.panorama.com.al/ © 2003 Gazeta Panorama

Faqe 8 - Politikë

27Korrik 2003

Përçarja

“Nuk mund të flitet për një unifikim të opozitës, kur nga një palë shprehet vullneti për konkretizim veprimesh për zgjedhjet e tetorit, dhe nga ana tjetër Berisha, kundërshton këtë bashkëpunim”, u shpreh dje PDr

Demokratët ikin nga PD

Reformatorët deklarojnë prishjen e koalicionit opozitar

Tiranë

Reformatorët, të cilësuar deri tani nga Berisha si aleatët kryesorë për zgjedhjet lokale të tetorit, deklaruan dje, përfundimin e bashkëpunimit mes këtyre dy partive.

Partia Demokrate u shpreh dje se, kundërshtimi nga ana e Berishës për të mos pranuar kandidaturat më të mira të kësaj partie, veçanërisht për Durrësin, do të sjellë daljen më vete të kësaj force politike.

Braktisja
“Nuk mund të flitet për një unifikim të opozitës, kur nga një palë shprehet vullneti për konkretizim veprimesh për zgjedhjet e tetorit, dhe nga ana tjetër Berisha, kundërshton këtë bashkëpunim”, u shpreh dje PDr. Sipas kësaj partie, ata nuk kishin shpallur kandidaturë në kryeqytet, në këmbim të kandidatit për qytetin e Durrësit. Por, kjo kërkesë u hodh poshtë nga Berisha, i cili u shpreh se bashkitë kryesore do të jenë të përfaqësuara nga kandidatët e selisë blu dhe partitë e tjera të djathta, duhet të japin mbështetje për ata. Reagimi i djeshëm i reformatorëve tashmë, duket se e ka vënë selinë blu në një vështirësi, pasi edhe kjo forcë politike, e cilësuar nga vetë Berisha, si partner kryesor, i ka kthyer kurrizin. Vendimi i reformatorëve, është vazhdë e kundërshtisë që kanë shfaqur edhe parti të tjera të spektrit të djathtë, si partia e Dashamir Shehit, përfshi këtu edhe parti aleate të PD-së, si Lëvizja e Legalitetit. Këto kundërshtime ndaj Berishës janë krijuar edhe ndaj vetë gjirit të PD-së.

Kriza blu
Kryetari i Partisë Demokratike, Berisha, ditët e fundit është njohur jo vetëm me vendimet e partive të mësipërme për të dalë të vetëm në zgjedhje, sikurse atë më të fundit, të reformatorëve për t’i dhënë fund bashkëpunimit, por është përballur edhe me kritika nga drejtues të selisë blu. “Nëse nuk do të arrijmë të gjejmë mirëkuptim me partitë e djathta, përfshi reformatorët për zgjedhjet lokale atëherë, do t’i japim shansin e fitores socialistëve”, është shprehur nënkryetarja, Jozefina Topalli. Po ashtu, kriza ka përfshirë edhe vetë partinë, pas duelit mes kandidatit të selisë blu, Spartak Ngjela dhe nënkryetarit të PD-së, Bamir Topi, i cili është mënjanuar nga drejtimi i fushatës elektorale pas këmbënguljes së Ngjelës, ndonëse me vendim kryesie të partisë, ishte caktuar drejtues i shtabit elektoral dhe fushatës në kryeqytet.

Tritan Shehu
“Berisha po ndihmon Nanon”

Nënkryetari reformator, Tritan Shehu, shprehu dje keqardhjen për një qëndrim aspak realist të kryetarit të PD-së, Berisha mbi mosnjohjen e kandidaturës së reformatorëve, në qytetin e Durrësit. “Ne patëm kërkuar përfaqësimin në këtë qytet me kandidaturën tonë, atë, të Ferdinant Xhaferrit, pasi nga partia Demokratike nuk ishte shfaqur asnjë emër konkret për këtë qytet. Po ashtu, në këmbim të mbështetjes së selisë blu në Durrës, ne nuk shpallëm kandidatin tonë në kryeqytet, pasi dalja me kandidatë më vete, do të dëmtonte dhe cënonte fitoren e opozitës”, u shpreh dje ai.

Sipas drejtuesit reformator, kundërshtimi i Berishës për të mos pranuar këtë kandidaturë, nuk i shërben aspak bashkëpunimt mes këtyre dy partive. “Megjithatë, ne mbetemi të hapur për një bashkëpunim, por nëse ky koordinim veprimesh mes opozitës do të ngrihet mbi vendime konkrete”, tha ai.

Legalistët gjyq me Republikanët

Partia Lëvizja e Legalitetit, do të hedhë në gjyq partinë Republikane, pasi me vendim të Komisionit Qendror të Zgjedhjeve, janë përfshirë në mënyrë të padrejtë në Komisionet Qendrore Zgjedhore Vendore. “Nga ana e KQZ-së, para pak ditësh është përcaktuar skema e përfaqësimit të partive politike në KQZV. Por ndërsa u deklarua se caktimi i anëtarëve në këto komisione, do të ngrihej mbi rezultatet e zgjedhjeve lokale të fundit, ky institucion nuk ka respektuar aspak rezultatet e tyre, pasi ka zhvendosur partinë, Lëvizja e Legalitetit dhe ka vënë përpara saj Partinë Republikane”. Kështu, deklaroi dje sekretari i përgjithshëm legalist, Isadedin Balla. Ai shtoi se legalistët do t’i drejtohen Gjykatës së Apelit, për të zgjidhur këtë problem, i cili është krijuar nga KQZ edhe si rrjedhojë e partneritetit të dy forcave politike kryesore PS-PD. “Ky mënjanim i yni, ka të bëjë pikërisht me kundërshtimin tonë, ndaj politikës së ndjekur nga selia blu për zgjedhjet lokale, në një kohë që, republikanët kanë pranuar të jenë nën hijen e saj”, u shpreh ai.

Mediu: Nuk ka akoma koalicion me PD

Kryetari republikan, Fatmir Mediu, u shpreh dje se edhe pas takimit të djeshëm me drejtuesin e Partisë Demokratike, Berisha nuk ka arritur të gjejë një gjuhë të përbashkët, për mënyrën e bashkëpunimit të këtyre dy partive për zgjedhjet lokale. “Megjithatë javën e ardhshme negociatat do të vazhdojnë, në varësi të të cilave, do të jetë edhe qëndrimi ynë përfundimtar”, tha ai.