28052003pll

Pollo-Spahiu, koke me koke per bashkepunimin
Reformatoret dhe legalistet, gjejne gjuhen e perbashket persa i perket problematikes se reformes elektorale qe duhet bere ne ligjin per zgjedhjet. Kryetari i PD(r) Genc Pollo, ka zhvilluar dje paradite nje takim koke me koke me homologun e tij legalist Eqrem Spahiu, me te cilin ka diskutuar per zhvillimet me te fundit politike ne vend ne prag te zgjedhjeve vendore te vjeshtes, si dhe per paketen e hartuar nga komisioni bipartizan per reformen zgjedhore. Dy drejtuesit e larte te opozites, kane shprehur shqetesim, lidhur me mungesen e thelle te bashkepunimit midis partive te opozites dhe PD gjate punes ne komisionin bipartizan, si edhe per mungesen e plote te transparences nga perfaqesuesit e PS dhe PD, lidhur me draftin e pergatitur nga komisioni per ndryshimet ne ligjin per zgjedhjet. Pollo dhe Spahiu kane bere te ditur, se megjithese komisioni bipartizan ka kohe qe ka perfunduar punen e tij, zyrtarisht PD(r) dhe PLL nuk kane marre ne dore draftin e hartuar nga komisioni bipartizan. Kreret e PD(r) dhe PLL, kane theksuar se nuk mund te behet fjale per bashkepunime serioze politike midis partive te opozites, kur vihet re qartazi se ka mungese transparence dhe bashkepunim aktiv me te majten, per te therrmuar te djathten plurale. Ne kete takim, Spahiu e ka informuar Pollon se partia qe ai drejton ka marre nismen per te thirrur tryezen e partive te pozites dhe te opozites, pervec PS dhe PD, per te diskutuar rreth problematikes se reformes elektorale. Spahiu e argumentoi kete nisem me faktin se duhet t'u pritet rruga perpjekjeve te lidershipit te PS dhe PD, per te bipolarizuar skenen politike dhe per te zbehur rolin e partive te tjera politike. "Negociatoret e PLL, Sadedin Balla dhe Murat Basha, kane zhvilluar takime me te gjithe drejtuesit e partive te tjera te pozites dhe te opozites, me qellim organizimin e nje tryeze politike per ceshtjen e reformes zgjedhore. Ky takim eshte ne vazhden e nje takimi te zhvilluar muaj me pare nga keto parti, te cilat formuan edhe Koalicionin e Votes se Lire", ka theksuar Spahiu. Pollo nga ana e tij ka siguruar se reformatoret do te marrin pjese ne kete tryeze te organizuar nga PLL. Dy drejtuesit e PLL dhe PD(r) kane rene dakort qe kontaktet midis dy partive te vazhdojne edhe ne te ardhmen, me qellim rritjen e bashkepunimit politik, i domosdoshem ky, sipas tyre, ne prag te zgjedhjeve vendore te vjeshtes se ketij viti.

A. META

Berisha e Pollo pergatisin takimin
TIRANE - Berisha dhe Pollo bien dakort per zhvillimin e nje takimi, per te kaluar ne site problematiken qe ekziston midis dy partive dhe qe behet pengese per arritjen e nje marreveshje te besueshme midis paleve ne prag te zgjedhjeve vendore. Lajmi per takimin midis dy drejtuesve me te larte te opozites ne vend konfirmohet nga selite qendrore te PD e PD(r). Per te mundesuar kete takim, Berisha dhe Pollo mesohet se kane shfrytezuar kanalet e meparshme te komunikimit ne nivel sekretaresh per Organizatat Partnere, perkatesisht Sokol Olldashi nga PD dhe Antoneta Luli nga PD(r). Olldashi dhe Luli zhvilluan nje cikel takimesh informale pak jave me pare, ne perpjekje per te shtruar udhen per nje takim ne nivel te larte partiak mes Berishes dhe Pollos. Takimet mes zyrtareve te PD dhe PD(r), ishin ne vazhden e perpjekjeve te kreut demokrat per te krijuar nje koalicion te gjere opozitar ne prag te zgjedhjeve vendore. Kreu i PD dhe i PD(r) mesohet, se pasi kane rene dakort per zhvillimin e nje takimi koke me koke mes tyre, ende nuk kane vendosur per daten dhe vendin e takimit. Pavaresisht nga kjo, burime te besueshme nga te dy selite bejne te ditur se takimi ne fjale pritet te zhvillohet ne fillim te javes qe vjen. Takimi mes Berishes dhe Pollos pason nje takim qe dy drejtuesit e larte te opozites zhvilluan pak kohe me pare ne Bruksel, kur PD mori statusin e vezhguesit ne PPE, duke u bere partia e dyte e spektrit te djathte ne vend qe merrte kete status pas PD(r).

A.M

Spahia-Pollo: Të zbardhet pakti PD –PS për zgjedhjet

TIRANE- Starton takimi i parë mes partive të vogla kundër marrëveshjes së nënshkruar mes PS dhe PD në zyrën e OSBE -së për reformën zgjedhore. Kryelegalisti Eqerem Spahia dhe kryetari i reformatorëve Genc Pollo u takuan dje për t’i paraprirë tryezës opozitare që do të zhvillohet së shpejti. Pas takimit, kryelegalisti Eqerem Spahia deklaroi për “Shekullin” se në tryezën e ardhshme partitë e vogla të opozitës do t’i kërkojnë shpjegime selisë blu për arsyet që çuan në nënshkrimin e marrëveshjes mes saj dhe PS për reformën zgjedhore. “Takimi që unë zhvillova sot me kryetarin e PDr, Genc Pollo ishte thjesht një bisedë që do t’i paraprijë thirrjes së një tryeze të ardhshme mes partive të vogla. Ne folëm në parim pasi me hollësitë do të merret grupi negociator i partive përkatëse. Kodi Zgjedhor duhet t’i nënshtrohet një gjykimi të thellë në të gjitha komisionet, në mënyrë që ai të mos jetë i kontestueshëm. Ndërkohë ne kërkojmë që të zbardhet marrëveshja që ka bërë PS dhe PD në OSBE nga Ruka dhe Gjana si bashkëkryetarë të komisionit bipartizan, në një kohë që mandati i tyre kishte mbaruar tashmë”, -tha dje Spahia. Kryelegalisti shtoi se ndryshimet në Kodin Zgjedhor duhet të konvergojnë në një pikë të përbashkët që t’i shërbejë një klime sa më të qetë në shërbim të politikës dhe elektoratit shqiptar. “Duhet të gjejmë një mekanizëm që të thithim votën abstenuese që i përket opozitës”, -shtoi Spahia. Kryetari i legalistëve theksoi se takimi i djeshëm ishte fillimi i një bashkëpunimi të përbashkët me reformatorët që do të konkretizohet përmes takimeve në nivel nënkryetarësh dhe sekretarësh deri në mbajtjen e tryezës. ”Ne jemi dhe do të mbesim një parti e hapur. Për këtë arsye ne do të vazhdojmë kontaktet e bashkëpunimit edhe me partitë që janë jashtë koalicionit opozitar “Bashkimi për Fitore” për çështje të rëndësishme siç është edhe mbrojtja e votës së lirë”, -tha Spahia.
N.Perndoj

PLL: Të unifikohen qëndrimet për Kodin Zgjedhor

Lajmi i ores 4:20 PM

TIRANE (28 Maj) - Kryetari i Partisë Lëvizja e Legalitetit (PLL), Ekrem Spahia, shprehu nevojën sot që partitë parlamentare "të mbajnë një qëndrim të unifikuar, për ndryshimet e Kodit Zgjedhor, hartuar nga komisioni dypalësh për reformën zgjedhore. Spahia shprehu domosdoshmërinë për organizimin e një tryeze të përbashkët të partive parlamentare, për të unifikuar qëndrimet e tyre, nismë që do të ndërmerret nga PLL". "Jemi të angazhuar në organizimin e takimeve dypalëshe me partitë parlamentare opozitare dhe më gjerë, për të biseduar lidhur me reformën zgjedhore". Spahia kërkoi gjithashtu, vënien në dispozicion të deputetëve, nga ana e Kuvendit, të projektligjit për Kodin Zgjedhor". anjo/dxh (BalkanWeb) http://www.balkanweb.com/

GAZETA55- 28/05/2003

Berisha: Do të bashkëpunojmë me të gjitha partitë e djathta

Shefi i opozitës ka deklaruar, se "kam dashur të sjell në vëmendjen e intelektualëve dhe kam kërkuar prej tyre, që të pranohen tre të vërteta të hidhura të shoqërisë, të cilat janë: mungesa e votës së lirë, lidhjet e politikës me krimin, krimi i organizuar dhe komisioni"

Kreu i opozites z.Berisha, ka deklaruar dje se miratimi i kodit të ri zgjedhor do te thote vote e lire dhe e ndershme. Sipas tij, neqoftese ekziston vullneti politik i te gjitha paleve, zgjedhesit duhet t'u drejtohen masivisht kutive te votimit. Berisha ka theksuar se "unë kam dashur te sjell ne vemendje te intelektualeve dhe kam kerkuar prej tyre që të pranohen tre te verteta te hidhura te shoqërisë, të cilat jane: mungesa e votes se lire, lidhjet e politikes me krimin, krimi i organizuar dhe komisioni. Une kam besim se me ndryshimet shume te thella që jane bere ne "Kodin Zgjedhor", procesi i votimit ështe bere shumë i vlerësueshëm dhe ne do te punojmë per kete". Kreu demokrat, duke iu referuar takimeve neper rrethe deklaroi, se "ështe rendësi e dores së parë komunikimi me zgjedhesit nepërmjet rretheve intelektuale, per te krijuar klimen dhe besimin tek ata", ndërsa lidhur me marrëdheniet e PD-së me aleatët e djathte, ai tha se "po shkohet drejt një bashkepunimi me te gjitha partite e vogla ne prag te zgjedhjeve". Ai tha, se "PD është treguar e gatshme te pranoje kerkesat e partive te vogla, lidhur me sistemin profesional zgjedhor".

e.gj

KONSERVATORET ANGLEZE, MBESHTESIN POLLON

Partia Konservatore e Britanise se Madhe, organizoi nje pritje per nder te Partise Demokrate te Re. Ne qender te kesaj pritje ishte demostimi i lidhjes dhe miqesise me PDr-ne si dhe per te mbledhur fonde ne ndihme te saj. Ne kete pritje moren pjese rreth 200 personalitete politike, deputete, funksionare te larte te Partise Konservatore etj. Te ftuar nderi ne kete takim ishin dhe ishSekretari i Jashtem Britanik, Sir Malcolm Rifkind, Lordi Brook, Deputeti Anthony Steen, Deputeti Tim Boseell, Kolonel David Smiley, Sir Charles Tannock etj. Rifkind mbajti dhe fjalimin kryesor. Ai vleresoi bashkepunimin e ishqeverise konservatore me Demokratet e Rinj Shqiptare, duke shprehur keqardhjen e thelle per humbjen e aftesise udheheqese te Partise Demokratike te Berishes. "Une vleresoj faktin qe Partia Konservatore po mbeshtet fuqishem nje parti te re si PDr-ja, qe po punon me perkushtim per t'u afruar shqiptareve nje platforme solide te vizionit perendimor, nje platforme alternative per te ardhmen e vendit", cilesoi Rifkind ne fjalen e tij mbajtur ne kete pritje. Nga ana tjeter ai shprehu rezervat e tij per menyren e vjeter te drejtimit te PD-se, duke besuar nga ana tjeter se "Reformatoret do t`ia dalin mbane per te treguar vlerat perendimore te qendres se djathte_.

Nga ana e tij kryetari i PDr-se, vec falendrimeve te rastit, u shpreh nder te tjera se "sfida jone e ardhshme eshte t'u ofrojme shqiptareve qe do te votojne vizionin e nje te ardhmeje te sigurte, gje qe do ta bejme pa u lodhur ne cdo cep te vendit, deri sa vendi te qeveriset nga duart e pergjegjshme te partise tone". Per kete Pollo ka kerkuar mbeshtetjen e interesin e Partise Konservatore te Britanise se Madhe.

E.Prenga