29052003pll

Legalistet, ngrijne bisedimet e opozites
Mosnjohja me ndryshimet e parashikuara ne Kodin Zgjedhor detyron PLL te terhiqet nga negociatat me partite opozitare, per bashkepunimin ne zgjedhjet lokale. Rritet tensioni ne seline blu

TIRANE - Partia "Levizja e Legalitetit" ngrin bisedimet me partite opozitare, ne lidhje me formulat e ballafaqimit ne zgjedhjet vendore te vjeshtes se ketij viti. Ky vendim politik i legalisteve, do te jete ne fuqi deri ne sqarimin e plote te kuadrit ligjor per zgjedhjet. Lajmi eshte bere publik nga ana e kryetarit te PLL, Eqrem Spahiu. Sipas tij, per te kthjelluar me mire situaten rreth ndryshimeve ne ligjin per zgjedhjet, PLL eshte e angazhuar plotesisht ne baze dhe ne takime dypaleshe me partite parlamentare per reformen zgjedhore. "PLL keto dite do te organizoje nje tryeze te perbashket me partite parlamentare per te unifikuar qendrimet e tyre per Kodin Zgjedhor", ka theksuar Spahiu. Sipas tij, nuk eshte e veshtire te dalesh ne konkluzionin se mosrespektimi dhe cenimi i votes se lire, eshte shkaku kryesor i kesaj qe po vuan shoqeria dhe shteti shqiptar. Kreu i legalisteve informon se ne kalendarin 2-javor (26 maj-5 qershor 2003) te punimeve te Kuvendit, eshte jane vene ndryshimet ne Kodin Zgjedhor. "Sipas kalendarit, projektligji do te shqyrtohej vetem ne Komisionin e Ligjeve ne datat 27 dhe 28 maj, dhe do te kalonte ne seance plenare per miratim me daten 29 maj 2003, ne nje kohe qe projektligji nuk u ishte shperndare deputeteve, e aq me teper kryetareve te grupeve parlamentare qe jane anetare te Byrose se Kuvendit. Ketu fillon cudia dhe dyshimi me i madh", thote Spahiu, duke pretenduar per shkelje te te gjitha procedurave parlamentare. "Duke u nisur nga kjo, PLL i ben thirrje Kryetarit te Kuvendit Servet Pellumbi, qe te vere ne dispozicion te deputeteve, sa me shpejt, projektligjin per Kodin Zgjedhor, qe eshte nder ligjet me te rendesishme te Kuvendit dhe ka te beje direkt me proceset e ardhshme zgjedhore, qe jane jetike per shqiptaret dhe Shqiperine", ka theksuar Spahiu. Sipas tij, eshte ky konfuzion persa i perket reformes zgjedhore, ai qe ka shtyre PLL qe te ngrije per momentin negociatat ne lidhje me formulat e ballafaqimit ne zgjedhjet vendore. Spahiu eshte i mendimit se projektligji duhet t'i nenshtrohet nje debati dhe shqyrtimi te gjere ne te gjitha komisionet dhe grupet parlamentare per cdo kapitull, nen, paragraf, rresht, fjale, pike dhe presje. Kreu i PLL u ka bere thirrje socialisteve qe te mos perdorin shumicen e kartonave ne Kuvend per te kaluar nje projektligj, qe eshte ne dem te pluralizmit dhe demokracise ne Shqiperi, si dhe kryetarit te PD Sali Berisha, qe te mos behet pale, por t'i kundervihet skenarit te PS.

A. META

Ndryshuar: E Enjte, 29 Maj, 2003

Spahia: Berisha të mos bëhet palë me PS për reformën zgjedhore

TIRANE- Vazhdojnë negociatat për zhvillimin e një tryeze të përbashkët opozitare mes reformatorëve dhe legalistëve. Pas takimit Pollo- Spahia dje në zyrat e kryesisë, nënkryetari i PLL, Murat Basha dhe ai i reformatorëve Nard Ndoka zhvilluan një tjetër takim pikërisht për procedurat që do të ndiqen për mbajtjen e një tryeze të përbashkët për mundësinë e bashkëpumimit dhe platformën zgjedhore. Ndërkohë në tryezën e ardhshme pritet të marrin pjesë të gjitha partitë e vogla për të kundërshtuar marrëveshjen PS-PD për reformën zgjedhore. Kjo iniciativë u rikonfirmua dje edhe nga kryelegalisti Eqerem Spahia. Në një deklarim për shtypin, ai u shpreh se PD duhet të japë sqarime për marrëveshjen e dytë të nënshkruar në zyrat e OSBE me PS lidhur me reformën zgjedhore. “PLL i bën thirrje PD dhe Sali Berishës si rithemelues i pluralizimit në Shqipëri, që të mos bëhet palë, por t’i kundërvihet skenarit të PS. Aktualisht PLL ka ngrirë bisedimet me partitë opozitare për zgjedhjet e ardhshme të pushtetit lokal, por është e angazhuar totalisht në bazë dhe në takime bilaterale me partitë parlamentare për reformën zgjedhore”, -tha Spahia. Ai gjithashtu i kërkoi kryetarit të Kuvendit Servet Pëllumbi që ky i fundit të vendosë në dispozicion të deputetëve projektligjin për Kodin Zgjedhor. “Projektligji duhet t’i nënshtrohet një debati dhe shqyrtimi të gjerë në të gjitha komisionet dhe grupet parlamentare”, -shtoi Spahia.
N.P

Spahia pezullohet nga punimet, s'pranon të dalë nga salla

Lajmi i ores 1:30 PM

Parlamenti shqiptar
TIRANE (29 Maj) - Ndërpritet përkohësisht seanca plenare e paradites së sotme. Gjatë raportimit të ministrit të rendit Luan Rama, mbi qëndrimin e forcave të policisë në protestën e ish-të përndjekurve, ka reaguar deputeti legalist Ekrem Spahia. Ky i fundit ka fyer dhe sharë ministrin, duke u përpjekur të hedhë poshtë deklaratat, sipas të cilave, policia ka zbatuar ligjin. Qëndrimi i Spahisë ka deturuar kryetarin e Kuvendit Servet Pëllumbi, të urdhërojë pezullimin e tij për 15 ditë dhe largimin e menjëhershëm nga salla. Spahia nuk ka pranuar tu bindet rojeve të parlamentit, që kërkonin ta shoqëronin përjashta dhe kjo ka sjellë ndërprerjen e seancës. Për disa minuta deputetët kanë qëndruar në sallë, në pritje të largimit të Spahisë, dhe seanca ka rifilluar kur ai ka dalë nga salla. anjo/ro (BalkanWeb) http://www.balkanweb.com/