29062003pll

E Diele, 29 Qershor 2003 KOHA JONE - http://www.kohajone.com/

PLL PERGATITET PER ZGJEDHJE

Partia Levizja e Legalitetit mblodhi dje Komitetin Drejtues te saj per te hartuar strategjine per zgjedhjet e ardhshme lokale ketij viti. Kryetari i kesaj partie Ekrem Spahia, shprehu bindjen se "PLL ka premisat e duhura per te pasur rezultate pozitive ne fushaten elektorale te keti viti", pasi sipas tij "perfaqesimi yne ne keshillat lokale dhe ne bashki do te kete ne qender figura te spikatura nga komuniteti". Gjithashtu, Spahia vuri ne dukje se "PLL ne keto zgjedhje do te kete mbeshtetjen maksimale te diaspores legaliste" pa harruar ketu, sipas tij dhe "rendesine e prezences ne Shqiperi te familjes mbreterore dhe te Mbretit Leka I", gje qe "do te jete nje inkurajim per PLL", tha ai. Spahia perseriti serish kontestimet e PLLse, lidhur me miratimin nga Kuvendi te Kodit Zgjedhor, qe sipas tij "shenon nje antireforme", pasi "nuk garanton voten e lire dhe nje proces te ndershem demokratik". Kryetari Spahia, beri te ditur se se shpejti PLL do te mbledhe dhe Keshillin Kombetar te saj ku do te diskutoje rreth kandidaturave per zgjedhjet e ardhshme lokale .

Legalistët hartojnë strategjinë për zgjedhjet lokale

Lajmi i ores 4:30 PM

TIRANE (28 Qershor) - Partia Lëvizja e Legalitetit (PLL) thirri sot Komitetin Drejtues të saj për të hartuar strategjinë për zgjedhjet e ardhshme lokale këtij viti. Kryetari i kësaj partie Ekrem Spahia, shprehu bindjen se "PLL ka premisat e duhura për të pasur rezultate pozitive në fushatën elektorale të këti viti", pasi sipas tij "përfaqësimi ynë në këshillat lokale dhe në bashki do të ketë në qendër figura të spikatura nga komuniteti". Gjithashtu, z. Spahia shprehu bindjen se "PLL në këto zgjedhje do të ketë mbështetjen maksimale të diasporës legaliste" pa harruar këtu, sipas tij dhe "rëndësinë e prezencës në Shqipëri të familjes mbretërore dhe të Mbretit Leka I", gjë që "do të jetë një inkurajim për PLL", tha ai.Spahia përsëriti sërish kontestimet e PLL-së, lidhur me miratimin nga Kuvendi të Kodit Zgjedhor, që sipas tij "shënon një antireformë", pasi "nuk garanton votën e lirë dhe një proces të ndershëm demokratik". Kryetari Spahia, bëri të ditur se së shpejti PLL do të mbledhë dhe Këshillin Kombëtar të saj ku do të diskutojë rreth kandidaturave për zgjedhjet e ardhshme lokale. ro/ro (BalkanWeb) http://www.balkanweb.com/

Thaçi: Konsensusi i brendshëm për zgjidhjen e statusit, domosdoshmëri

Lajmi i ores 8:50 PM

PRISHTINE (28 Qershor) - "Objektivi ynë në këtë debat ka qenë gjetja e rrugëve më të mira për të ardhmen e vendit. Ndërtimi i një dialogu lokal dhe ndërtimi i një konsensusi të brendshëm për zgjidhjen e statusit të Kosovës janë domosdoshmëri", ka thënë kryetari i PDK-së Hashim Thaçi, në hapje të tribunës mbi të ardhmën e Kosovës, e cila u mbajt sot në Prishtinë. Të ftuar nga Partia Demokratike e Kosovës, në këtë tryezë ka marrë pjesë një spektër i gjerë i partive politike kosovare, përfshirë edhe ato minoritare, me përjashim të LDK-së, dhe partive politike serbe. Në këtë debat morën pjesë edhe figura të njohura të jetës institucionale dhe joinstitucionale të Kosovës ,si dhe përfaqësues të jetës politike nga Shqipëria, si ish-presidenti Rexhep Mejdani dhe deputeti i parlamentit shqiptar, Sabri Godo, zëvendëskryeministri i Maqedonisë Musa Xhaferi. ro/anjo (Kosovapress/Balkanweb)

Të hënën, takim në Tiranë për përshpejtimin e "Korridorit 8"

Lajmi i ores 8:40 PM

Korridori 8

TIRANE (28 Qershor) - Ministrat e Punëve të Jashtme të Shqipërisë, të Maqedonisë, të Italisë, të Greqisë, të Bullgarisë dhe të Turqisë, do të takohen të hënën në Tiranë për të biseduar rreth mundësive të përshpejtimit të zbatimit të projektit "Korridori 8". Takimi do të zhvillohet me ftesë të zëvendëskryeministrit dhe ministrit të Punëve të Jashtme të Shqipërisë, Ilir Meta. Zbatimi i këtij projekti vlerësohet si një ndihmesë për stabilitetin dhe për zhvillimin ekonomik të rajonit. Takimi në Tiranë do të orientohet drejt gjetjes së mënyrave më efektive për realzimin e projektit, për të cilin pritet edhe mbështetja financiare konkrete e Bashkimit Evropian. anjo/ro (BalkanWeb)