30/04/2003

 

Leka Zogu, vizite ne Britanine e Madhe
TIRANE - Trashegimtari i familjes mbreterore shqiptare Leka Zogu eshte nisur per nje vizite ne Londer, me ftese te perfaqesuesve te Kurores Mbreterore Britanike. Kjo eshte vizita e tij e pare jashte vendit, qe kur u rikthye ne Shqiperi. Sipas njoftimit per shtyp te Oborrit Mbreteror, vizita e Lekes ne Mbreterine e Bashkuar, eshte realizuar pas shume takimeve dhe vizitave qe i kane bere familjes mbreterore shqiptare, perfaqesues te ndryshem nga Britania e Madhe, nga Kurora Mbreterore Britanike, biznesmene dhe shkrimtare te ndryshem britanik. "Gjate vizites ne Londer per nder te Mbretit Leka I, do te shtrohet edhe nje dreke ne Dhomen e Lordeve. Ai do te zhvilloje takime me perfaqesuesit me te larte te Dhomes se Lordeve, me zyrtare te larte te qeverise, si dhe drejtues te Partise Konservatore", theksohet ne njoftimin per shtyp te Oborrit Mbreteror. Sipas po ketij njoftimit per shtyp, behet e ditur se Mbreti Leka pak perpara nisjes theksoi se "ka shume rendesi qe ne shqiptaret te tregojme, se jo vetem kemi plane dhe projekte qe do ta rrisin dinjitetin tone kombetar, por edhe qe dime te punojme dhe ta cojme perpara Kombin shqiptar". "Ne duhet te kembengulim per kete, duke punuar sebashku, larg agresiviteteve partiake. Kete e them jo vetem per ketu ne Tirane, por edhe per Prishtinen etj.,", ka nenvizuar pretendenti i fronit mbreteror Leka Zogu.

A. META

---

29/04/2003 - Korrieri