Koha Jone - 30/12/2003 http://www.kohajone.com/

MBRETI, REFUGJAT NE ATDHE

Nga Gavrosh Levonja

Kthimi i familjes mbreterore ne atdhe, rreth nje vit e gjysem me pare, nga cdo kendveshtrim, ka qene nje nga zhvillimet me pozitive te jetes politike shqiptare ne keto vitet e fundit. Aq me teper bie ne sy kjo po te kihen parasysh paradokset qe prodhon vazhdimisht politika shqiptare. Me kete, familjes mbreterore i u dha nje e drejte legjitime, e mohuar padrejtesisht. Duke eliminuar barrierat artificiale e absurde qe pengonin kthimin e Lekes se I-re, te paharruares, Nenes Mbretereshe dhe pjesetareve te tjere te familjes mbreterore, politika shqiptare, si te thuash beri nje autokritike edhe ndaj akteve te tilla indinjuese per cdo shqiptar, si debimi pas 18 oresh qendrimi ne dhjetorin e vitit 1993, apo procesi farse i viti 1997 i cili degjeneroi ne nje tragjikomedi te turpshme per klasen politike ne pushtet dhe drejtesine e manipuluar prej saj. Vec kesaj, duke qendruar ne atdhe, Mbretit Leka i zgjerohej dhe hapesira per te vepruar si nje faktor i pazevendesueshem ne dobi te kombit, gje qe e tregoi dhe vizita ne Kosove, ku ai u prit me nje respekt te tille qe do ta kishin zili te gjithe politikanet e hapesires mbareshqiptare. Per nje moment, u duk sikur me kthimin ne atdhe, moren fund dhe sakrificat e peripecite e shtegtimeve te detyruara te tij ne vende te ndryshme te botes, ndonjehere dhe si ndeshkim per qendrimet e tij pa kompromis, ne mbrojtje te te drejtave te bashkekombasve dhe ceshtjes shqiptare ne pergjithesi. Por, politika shqiptare, e cila e ka te veshtire t'i coje gjerat deri ne fund, nuk do te mungonte ta pasqyronte kete edhe ne kete rast. Megjithese po mbushet viti i dyte nga dita kur familja mbreterore u kthye ne Shqiperi, mund te thuhet se ajo perseri i eshte nenshtruar nje minishtegtimi ne vila te ndryshme, fillimisht ne Tirane, e tani se fundi ne nje fshat te Kavajes duke u detyruar te kthehet ne nje qiraxhine nje kohe kur ka nje numer vilash e terrenesh.. Kjo sepse, qeveritaret shqiptare, nuk dihet per c'arsye, nuk vendosin t'i kthejne mbretit pronat e trasheguara familjare, te cilat ne fund te fundit, nuk kane asnje lidhje me pozitat shteterore qe ka pasur babai i tij Mbreti Zog. Eshte absurde ne cdo aspekt qe zyrtaret dhe institucionet e shtetit shqiptar nuk i kane kthyer Mbretit Leka, te pakten nje objekt, fjala vjen vilen e Durresit ku te banoje normalisht me familjen duke mos mbetur pre e qirave te kripura apo qofte dhe filantropise se ndonje individi qe ushqen respekt per te. Nuk mungojne zerat qe atij do t'i kthehen pronat njesoj si pronareve te tjere, por kjo, eshte shume pak. Pavaresisht se ai, per te mos nxitur tensione, pranon te jete pjese e nje zgjidhjeje te pergjithshme, per pozit`n qe ka ne jeten mbareshqiptare si dhe per permasat e personalitetit te tij eshte e papranueshme qe ai te vendoset ne kushtet e nje qiraxhiu te rendomte duke qene i shtrenguar te kaloje nga nje banese ne tjetren. Nje individ ne poziten e tij, sipas logjikes me te thjeshte nuk mund te futet ne tufe me mijera pronare te ligjshem te cilet po presin pafundesisht kthimin e pronave te tyre. Ne kushtet e mesiperme, edhe sikur Mbreti Leka te mos kishte trasheguar asgje, duhej te ishte shteti shqiptar ai qe duhej ta kishte sistemuar ate ne nje banese te perhershme, ne perputhje me poziten dhe aktivitetin qe zhvillon ne dobi te kombit. Mirepo kthimi i munguar i pronave per mbretin, te pakten i viles se Durresit, ku ai te vendoset nje here e mire, eshte dhe nje fakt tjeter qe demaskon karakterin demagogjik e mashtrues te kryeministrit dhe kryesocialistit, Fatos Nano. Dihet se pak muaj me pare, pikerisht ne momentin kur do te votohej kandidatura e pasardhesit te ministrit te jashtem Meta, ai filloi te trumbetonte se qeveria kishte vendosur t'i kthente Mbretit Leka vilen e Durresit. Mirepo ndonese kane kaluar disa muaj, vec zhurmes se atehershme, asgje konkrete nuk eshte bere ne kete drejtim. Ne kete menyre rezulton se zhurma per kthimin e viles se Durresit, ka qene thjesht vetem nje manover bizantine e Nanos per te marre votat e deputetetve legaliste ne favor te kandidatit te tij per minister te jashtem. Ndoshta dhe tani ai e ka arkivuar problemin e strehimit te mbretit ne nje nga pronat e tij per te perdorur ne te ardhmen si monedhe shkembimi me votat e grupit legalist, per me teper kur, pak kohe me pare u pa se ketij grupimi i mungonte kohezioni dhe homogjeniteti.