Copyright - KOHA JONE 31 Mars 2003

LEGALISTET JASHTE KOMISONIT TE FAJDEVE

Perberja e komisionit, per diskutim ne byrone parlamentare. Sipas PLL-se duhet te rritet numri i anetareve per t'u perfaqesuar edhe ajo ne komision. Por socialistet kundershtojne, sepse tashme procedurat jane votuar per ngritjen e komisionit, dhe ajo e numrit te anetareve. Prandaj, legalistet do mbeten jashte komisionit.

Edlira Prenga

Komisioni i transparences se transparences se firmave rentiere eshte bllokuar akoma pa nisur punen e tij. Shkak per kete eshte bere Partia Levizja e Legalitetit, e cila kerkoi te perfaqesohej me nje anetar ne komision. Parlamenti shqiptar ne nje nga seancat plenare miratoi objektin e ketij hetimi, numrin e anetareve, perberjen e tyre, menyren se si do te hetohet si dhe kohezgjatjen e ketij komisioni. Ne kohen kur do te votohej per kryetarin dhe nenkryetarin e tij, ishte kryetari i PLL-se, Eqerem Spahia i cili kerkoi perfaqesim ne kete komision. Pas ketij veprimi, komisioni ne vend qe te fillonte punen, u detyrua te kaloje edhe nje here ne diskutim ne byrone parlamentare. Pretendimi i PLL-se ishte qe te rritej numri i anetareve te ketij komisioni, ne menyre qe te perfaqesoheshin dhe ata. Por kane qene socialistet te cilet e kane kundershtuar kete ide, pasi sipas tyre tashme kane kaluar te gjithe procedurat e votimit ne parlament per ngritjen e ketij komisioni. Sipas tyre, eshte votuar edhe numri i anetareve dhe nuk ka perse te kete nje procedure te fillimit per ngritjen e komisionit. Ne kete menyre legalistet do te mbeten jashte komisionit hetimor te transparences se fajdeve. Por nese nuk do te ndryshohet numri i anetareve ka te gjitha gjasat qe te ndryshoje perberja e tij.