04/03/2003
Leka Zogu I gjen
ditelindjen
Pretendenti i fronit mbreteror
verteton juridikisht ne Gjykaten e Tiranes faktin e lindjes me 5 prill te vitit
1939. Fakti i njohur boterisht dhe telegrami i urimit te Kryeministrit te
atehershem, drejtuar mbretit per lindjen e trashegimtarit, i dhane Lekes se
I-re, te drejten per t'u regjistruar ne regjistrat e Zyres se Gjendjes Civile,
ashtu si cdo shtetas shqiptar
Fatos PELLUMBI
"Ne baze te faktit qe
njihet boterisht dhe telegramit te urimit te kryeministrit Koco Kota drejtuar
mbretit Ahmet Zogu I, i dates 5 prill 1939, gjykata vendosi vertetimin e faktit
juridik te lindjes se shtetasit Leka Zogu, i biri i Ahmetit dhe Geraldines me 5
prill te vitit 1939". Ky vendim i marre dje ne gjykaten e Tiranes nga
gjyqtari Gerdi Hoxha ben qe edhe pretendenti i fronit mbreteror te kete mundesi
te regjistrohet ne zyrat e Gjendjes Civile dhe te pajiset me certifikate
lindjeje, ashtu si cdo shtetas shqiptar tjeter. Kerkesa per vertetimin e faktit
juridik te lindjes, Leka I, u depozitua pak dite me pare ne sekretarine e
Gjykates se Tiranes, nepermjet avokatit te vet, Shaqir Hasanaj. Pas hedhjes se
shortit kryetari i gjytkates ngarkoi gjyqtarin Hoxha te shqyrtoje kete kerkese.
Hoxha i rikrijoi dje te birit te Ahmet Zogut mundesine e regjistrimit ne
regjistrat e Gjendjes Civile, ate qe ligji shqiptar ia kishte kerkuar para 64
vjetesh, qe ne momentin e lindjes.
Si mbeti pa u regjistruar Leka
I?
Sipas dokumentacionit qe
ekzistonte deri dje djali i vetem i mbretit Zog, nuk rezulton te jete
regjistruar ne asnje zyre te Gjendjes Civile ne Shqiperi, megjithese i ka kapur
64 vjetet. Shkak per kete ka qene largimi i shpejte i familjes mbreterore nga
Shqiperia, ende pa u mbushur dy dite nga lindja e trashgimtarit Leka, pasi
zbarkuan ushtrite italiane. Nga kujtimet e ardhura per here te pare nga Familja
Mbreterore, te hartuara nga adjutanti i Zogut te I, kolonelit Hysein Selmani,
shkruhet se: "Me 5 prill 1939, ne oren 5 te mengjesit, lindi Princi
Trashegimtari i Shqiperise". Ne kroniken e asaj dite, duke iu referuar
kujtimeve, shtohet se:" Ne oren 8 te mengjesit erdhi per te uruar
Kryeministri Koco Kota me gjithe Qeverine. Po ashtu arriten edhe Kryetari i
Parlamentit Pandeli Evangjeli, me nje delegacion, per te paraqitur urimet
gazmore te Lindjes se Trashegimtarit te Kombit". Por, ate dite, mbreteresha
nuk mund t'i priste per shkak se ndodhej shume e semure ndaj nje infeksioni. Ne
oren 10 te mengjesit filluan te hidhen 101 topa, qe eshte shenje e nje ngjarje
te jashtezakonshme ne vend. Pas kesaj filluan parakalimet para Pallatit
Mbreteror ne lulishten e tij. "Ishin te radhitur shkollat, populli i veshur
me kostum kombetar, ushtria e bandat luanin Himnin Mbreteror e te Flamurit".
E vecante per kete dite eshte se ka ardhur nje nga Ultimatumet e Italise per
pushtimin, kur ne te njejten kohe, ministri i Italise ne Tirane (atehere
diplomati i pare emerohej minister), Jakomoni, i paraqiti per lindjen e Princit,
pershendetjet e tij Mbretit Zog i I. Nje reference tjeter jane kujtimet e Kontit
Ciano,ish-minister i Jashtem i Italise, qe tregon se eshte shfrytezuar edhe
momenti i ardhjes ne jete te Princit Leka per pushtimin.
Familja e Zogut, me pasaporte
diplomatike
Leka I, bashkeshortja e tij
Suzane dhe djali i tyre Leka, jane pajisur me pasaporte diplomatike, nje dite
pas vendimit te qeverise. Sipas burimeve zyrtare nga Ministria e Puneve te
Jashtme, me te dale vendimi i qeverise eshte bere edhe pajisja e tre personave
me pasaporte diplomatike. Me kete vendim, sipas burimeve zyrtare, qeveria
synonte rehabilitimin civil dhe qytetar te familjes se ish-mbretit Zog, duke e
pare kete edhe ne kendveshtrimin e frymes se re politike ne vend, si dhe te
precedenteve te tjere te ngjashem, qe kane ndodhur kohet e fundit ne vendet e
tjera evropiane. Qeveria ka vleresuar se me kete rast, duke qene se Shqiperia ka
hyre ne nje faze te re, cilesisht te re, ate te integrimit evropian eshte cmuar
se edhe familja e ish-mbretit Zog duhet te jete pjese e ketyre zhvillimeve.
Familja e pretendentit te fronit mbreteror u rikthye per te jetuar pergjithmone
ne Shqiperi ne fund te qershorit 2002, duke i thene fund nje shtegrimi te gjate
disavjecar ne shume vende te botes.
Provat qe vertetuan lindjen e
Leka Zogut I
Fakti qe Leka Zogu ekziston si
njeri eshte konsideruar i njohur boterisht prej gjyqtarit Hoxha. Ndersa
percaktimi i dates se lindjes eshte bere nepermjet nje telegram urimi me ane te
te cilit Koco Kota, Kryeministri i atehershem i vendit, uron mbretin Ahmet Zogu
per lindjen e princit trashgimtar Leka i I. Kryeministri Kota kete telegram ia
kishte dorezuar zyrtarisht mbretit dhe mbante daten 5 prill. Duke e konsideruar
te plote bazen juridike, gjykata dha verdiktin mbi vertetesine e faktit juridik
te lindjes se tij. Fotokopja e noterizuar e telegramit e nxjerre nga fondi i
Arkivit te Shtetit dhe e paraqitur nga avokati Hasanaj, mjaftoi per te vertetuar
5 prillin e '39-tes si datelindje te pretendentit te fronit mbreteror, si dhe
shkurtoi procedurat gjyqesore, duke ezauruar pyetjen e deshmitareve etj.
Dokumentat qe duhen per te marre
pasaporten shqiptare
Shtetesine shqiptare Lekes I-re,
ligji shqiptar ia ka njohur ne baze te ekzistimit te faktit se ka lindur nga nje
prind shqiptar. Ndersa marrja e nje pasaporte shqiptare ne sportelet e
Komisariateve te Policise, sipas kreut te Sektorit te Pasaportave ne policine e
Tiranes Vladimir Nano, kerkon permbushjen e disa procedurave. Se bashku me
kerkesen per t'u pajisur me pasaporte shtetasit duhet te dorezojne ne sportel
nje certifikate me fotografi e cila te rezultoje e leshuar nga zyrat e Gjendjes
Civile jo me teper se nje muaj nga data e paraqitijes, si dhe kater fotografi te
formatit 4x6. Nano shpjegoi se deri tani ne sportelet e policise se Tiranes nuk
eshte paraqitur asnje prej anetareve te familjes mbreterore per t'u pajisur me
pasaporte.