E Diele, 01 Gusht 2004 http://www.korrieri.com/

Pronat perfundojne ne Gjykaten Kushtetuese

Partia Republikane do te kerkoje shpalljen si antikushtetues te nenit 6 te
ligjit per kthimin e pronave, qe kufizon deri ne 60 hektare token qe mund
t'u kthehet ish-pronareve: "Eshte ne kundershtim flagrant me Kushtetuten, e
cila i konsideron te gjithe qytetaret te barabarte para ligjit".

Renato KALEMI

Gjykata Kushtetuese duket se do te jete institucioni qe do te jape verdiktin
e fundit per ligjin "Per Kthimin dhe Kompensimin e Pronave", ose te pakten
do t'i duhet, qe shume shpejt, te vendose per njerin nga nenet e tij.
Keshtu, "telenovela" e njerit prej ligjeve me te perfolur ne Shqiperi, per
konsensusin e kerkuar nga te dyja forcat kryesore politike te vendit, do te
vazhdoje ende. Partia Republikane ka deklaruar dje, se do t'i kerkoje, ne
nje te ardhme te afert, institucionit me te larte te gjyqesorit ne vendin
tone, qe te shpalle si antikushtetues nenin 6 te ligjit ne fjale dhe ne te
njejten kohe, ta hedhe poshte ate.

Deputeti republikan, Maksim Begeja ka komentuar dje, gjate nje konference
per shtyp, miratimin e ligjit te pronave ne Kuvend, pak dite me pare, duke e
cilesuar kete akt, si nje deshtim te plote te shumices socialiste. Sipas
tij, me forcen e kartonit, deputetet e PS-se, perjashtuan te gjithe pronaret
nga e drejta e prones dhe miratuan nje ligj qe bie ne kundershtim me
Kushtetuten e Shqiperise, duke i vene perfundimisht vulen, ligjerimit te
korrupsionit dhe abuzimit, nepermjet tjetersimit te prones se pronareve te
ligjshem. "Kerkuam qe te hiqej kufizimi i kthimit te tokes bujqesore ne 60
hektare. Kjo eshte ne kundershtim flagrant me Kushtetuten, e cila i
konsideron te gjithe qytetaret te barabarte para ligjit. Per kete do te
kerkojme ne Gjykaten Kushtetuese, qe pikerisht ky nen (neni 6), te shpallet
si antikushtetues dhe te shfuqizohet", theksoi dje, deputeti i PR-se,
Begeja. Gjithashtu, ai shtoi se ligji i pronave nuk mund te jete kurrsesi,
monopol i dy forcave politike dhe nuk mund te perdoret per kapital politik,
per te mashtruar zgjedhesit ne zgjedhjet e ardhshme te pergjithshme te vitit
2005.

Nderkohe, Kuvendi miratoi seancen e te enjtes, ne mungese te plote te
konsensusit mes PS-se dhe PD-se, ligjin qe do te tentoje t'u ktheje tokat
ish-pronareve te ligjshem. Ky konsensus i paarritur, u kerkua me force nga
Presidenti Alfred Moisiu, si dhe nga Prania e OSBE-se ne vendin tone. Madje,
keta te fundit, si nismetare te ligjit, vetem dy dite me pare, shprehen
keqardhjen e tyre per mungesen e konsensusit, si dhe per bojkotimin e
seances nga ana e deputeteve te opozites.

----------------------------------
 01 Gusht 2004 http://www.kohajone.com/

KUSHTETUESJA RREZON "PARTITE E VOGLA"

Gjykata Kushtetuese ka hodhur poshte kerkesen e partive te vogla per t'u
shprehur mbi kushtetueshmerine e ngritjes se komisionit te posaçem te
Kuvendit per reformen zgjedhore. Ky vendim u justifikua nga Gjykata
Kushtetuese me argumentin se nuk zoteron kompetencat per te vendosur nje gje
te tille. Gjykata vleresoi se komisioni bipartizan eshte marrdhenie e
brendshme e Kuvendit. Sipas ligjit, Gjykata kushtetuese kontrollon
perputhshmerine e akteve normative me Kushtetuten ose ligjet nderkombetare
te ratifikuara. Reagimi i Gjykates Kushtetuese erdhi pasi partite e vogla
politike derguan nje kerkesen per interpretimin e vendimit te Kuvendit te
Shqiperise per komisioni bipartizan per reformen zgjedhore. Puna e ketij
komisioni u kontestua nga partite e vogla pasi ato nuk kane te drejte
vendimmarrjeje, por jane te pranishme me statusin e vezhguesit. Dy jave me
pare Partia Socialiste dhe ajo Demokratike nenshkruan nje protokoll
bashkepunimi per reformen zgjedhore, ne prezencen e ambasadorit te OSBE-se,
Osmo Liponen. Nderkohe, ne kryesine e Kuvendit eshte depozituar nje kerkese
e grupit parlamentar te Partise Demokrate ku kerkohet qe edhe partite e
vogla te jene pjese te vendimmarrjes per reformen.

Kryetari i grupit parlamentar te PDR-se, Nard Ndoka kerkon qe partite e
vogla ne kete komision te mos kene thjesht status vezhguesi, por edhe te
drejten e votes. "Nisur nga bojkoti qe i kane bere komisionit te gjitha
partite parlamentare, perjashto PD dhe PS, nisur nga absurditeti i pikes IV
te vendimit Nr.34, date 01.07.2004, ne te cilen shprehimisht theksohet se:
"Vendimet e Komisionit merren me shumice votash dhe quhen te miratuara kur
votojne "pro" perfaqesuesit e dy partive te medha "parlamentare", formule
kjo e cila le jashte cdo lloj vendimarrje dhe te drejte vote perfaqesuesit e
grupimeve te tjera parlamentare, si dhe eshte ne kundershtim me parimet baze
te demokracise, me Kushtetuten dhe Rregulloren e Kuvendit; Grupi Parlamentar
i Partise Demokrate te Re propozon qe: "Pika IV e vendimit nr.134, date
01.07.2004 te shfuqizohet, duke i lene ne kete menyre hapesira te barabarta
vote dhe vendimmarrje te gjithe anetareve perberes te ketij komisioni",
thuhet ne relacionin qe shoqeron propozimin e Partise Demokrate. Sipas
Ndokes, miratimi i ketij projektvendimi, ne thirrjen qe ju ben te gjithe
deputeteve, eshte nje akt emancipues per Kuvendin e Shqiperise, per dy
grupimet e medha politike. "Akt, i cili do te bente te mundur perfshirjen ne
kete komision te gjithe faktoreve politike, duke dhene kontributin e tyre ne
kete komision te rendesishem per fatin e zgjedhjeve te ardhshme ne vendin
tone", thuhet ne propozimin e tij. Kreu i grupit parlamentar shton se
Kuvendi i Shqiperise me miratimin e amendamentit te paraqitur nga PDR-ja, do
t'i jepte zgjidhje te menjehershme ngerçit institucional dhe do bente te
mundur fillimin e punes se komisionit me perberjen e tij te plote. "E
kunderta, do te thote se PD-PS kane mbetur dy forca politike te
paemancipuara, te pareformuara dhe regresive. Pasojat e demtimit te sistemit
zgjedhor do te bien mbi ta, por vendi yne do te beje mjaft hapa prapa nga
kjo papergjegjshmeri politike e binomit PS-PD", perfundon relacioni qe
shoqeron projektligjin e paraqitur nga Partia Demokrate e Re.

Nderkohe, bashkekryetari i komisionit bipartizan per reformen zgjedhore,
Jemin Gjana ka shpallur se Partia Demokratike ka gjetur nje gjuhe te
perbashket me Partine Republikane persa i perket pjesemarrjes ne kete
komision. Gjana i ftoi te gjitha partite e vogla te aleances te se djathteve
qe te jene pjese e bipartizanit ne menyre qe te marrin vendimet e
rendesishme per reformen zgjedhore. Nderkohe, negociatat jane ne vazhdim
edhe me Partine Levizja e Legalitetit dhe ato mund te konkludohen
pozitivisht gjate kesaj jave. Nderkaq, me Partine Republikane, demokratet
kane nenshkruar nje marreveshje te qarte e cila parashikon thyerjen e
konsensusit nese PD-ja nuk respekton kerkesat e partise se drejtuar nga
Mediu.

--------------------------------------
http://www.balkanweb.com/ Lajmi i ores 7:20 PM
PR: Kushtetuesja të shpallë antikushtetues nenin 7501 të ligjit për pronat

TIRANE (31 Korrik) - "Partia Republikane do t'i kërkojë Gjykatës Kushtetuese
që të shpallë si antikushtetues dhe të abrogojë nenin 7501 të ligjit të
pronave që ka të bëjë me tokën bujqësore". Kjo u bë e ditur sot nga kryetari
i grupit parlamentar republikan, Maksim Begeja, i cili u shpreh për mediat
se "PR kërkon që të hiqet kufizimi deri në 60 hektarë i kthimit dhe
kompesimit të tokës bujqësore". "Kjo është në kundërshtim me kushtetutën, që
i konsideron qyetarët të gjithë të barabartë para ligjit. Me ligjin e
miratuar ish-pronari i tokës bujqësore nuk merr mbi 60 ha, ndërkohë që
pronarët e trojeve të tokave pyjore, livadheve dhe kullotave i kthehet dhe i
kompesohet pa kufizim toka", tha ai. Gjithashtu, PR konsideron të padrejtë
edhe vendimin e marrë nga KRRTRSH për dhënien e 70 hektarëve tokë bujqësore
një firme private për të ndërtuar një Fshat Turistik në zonën e Kakomesë.
ro/ro (BalkanWeb)


----------------------------------
 http://www.panorama.com.al/ © 2003 Gazeta Panorama



Faqe 6 - Politikë
1Gusht 2004

Republikanët do t´i kërkojnë Gjykatës Kushtetuese interpretimin e ligjit të
sapomiratuar

"Neni 6 i Pronave, antikushtetues"

Begeja: Kufizimi është shkelje e të drejtave themelore


Bledar Hoti

Partia Republikane do t'i drejtohet Gjykatës Kushtetuese për të interpretuar
ligjin e sapomiratuar në Kuvend "Për kthimin e kompensimin e pronave".

Pas shoqatës "Pronësi me Drejtësi", janë republikanët që i drejtohen
Gjykatës Kushtetuese, duke i kërkuar këtij institucioni të interpretojë nene
të veçanta të këtij ligji, të miratuara pa një konsensus politik mes pozitës
dhe opozitës. Deputeti i PR-së, Maksim Begeja, deklaroi dje se "Gjykata
duhet të intepretojë Nenin 6 të Ligjit të Pronave". "Për ne si republikanë,
ky nen është antikushtetues, pasi kufizon të drejtën e dhënies së pronës.
Kjo është edhe arsyeja që ne do të kërkojmë intepretimin e këtij neni, pasi
bie ndesh me Nenin 41 dhe 18 të Kushtetutës", deklaroi Begeja. Neni 6 i
ligjit "Për kthimin e kompensimin e pronave" parashikon që pronarëve u
kompensohen pronat deri në 60 hektarë dhe jo më shumë. Ky sanksionim i tillë
ka hasur me kundërshtinë e PR-së dhe partive të tjera të vogla të djathta,
si dhe të shoqatës së pronarëve, të cilët kanë kërkuar heqjen e tavanit të
ligjit aktual për kthimin e pronave.

Debati për Nenin 6
"Subjekteve të shpronësuara u njihet e drejta e pronësisë dhe u kthehen pa
kufizim pronat e paluajtshme, me përjashtim të tokës bujqësore, e cila
kthehet ose kompensohet deri në 60 ha, edhe kur në këtë ligj përcaktohet
ndryshe", thuhet në Nenin 6 të këtij ligji. Pikërisht, ky nen është bërë
objekt i shumë debateve politike mes socialistëve dhe republikanëve. Kohët e
fundit edhe demokratët kanë insistuar në kërkesën e republikanëve, duke
mbrojtur tezën e partive të vogla. Por socialistët nuk kanë pranuar që ta
ndryshojnë tavanin për kthimin e tokës, pasi shteti nuk ka tokë disponibël
të mjaftueshëm. "Ne nuk mund të pranojmë kërkesën e partive të vogla,
veçanërisht të republikanëve, pasi shteti nuk ka mundësi financiare të
kompensojë më shumë se 60 ha tokë, si dhe të kompensojë deri në këtë masë",
tha Ylli Bufi.


Ligji Mediu dhe Cako

Republikanët, së bashku me shoqatën "Pronësi dhe Drejtësi" kanë qenë të
parët që kanë paraqitur një projektligj të vetin për "Kthimin dhe
kompensimin e pronave ish-pronarëve". Kjo nismë ligjore u mbështet edhe nga
PBKD-ja, duke u paraqitur në Kuvend si nismë e dy deputetëve, republikanit
Fatmir Mediu dhe ballistit Alfred Cako. Ky draft i tyre nuk u pranua në
komisionet parlamentar nga PS-ja dhe PD-ja, pasi parashikonte shfuqizimin e
Ligjit 7501 "Për Tokën".


OSBE
Me pronat, dështim

Ambasadori i OSBE-së në Tiranë, Osmo Liponen, shprehu keqardhjen për
miratimin në Kuvend pa një konsensus politik PS-PD të ligjit "Për kthimin
dhe kompensimin e pronave". Liponen, nëpërmjet një deklarate për shtyp u
shpreh se "bojkoti i opozitës nxorri në pah si dështimin e opozitës dhe atë
të pozitës". Më tej, në deklaratën e Prezencës së OSBE-së theksohej se ajo
pret me interesim zbatimin e ligjit dhe përsërit përkushtimin për asistencë
të mëtejshme teknike dhe çdo lloj mbështetje në realizimin e tij.