02/06/2004 http://www.korrieri.com/

PD: Projektigji per pronat eshte ne pikepyetje

Zyrtaret e larte te PD-se kundershtojne ashper pika te vecanta te ligjit per
kthimin dhe kompensimin e pronave. Sekretari i Pergjthshem i PD, Ridvan
Bode, deklaroi dje se ligji ne fjale po hyn ne nje faze te rendesishme
miratimi dhe po vihet re se per interesa te ngushta te mazhorances
parlamentare, po synohet qe ne ligj te sanksionohen amendamente, te cilat e
demtojne rende dhe e komprometojne zbatimin e ligjit. Sipas tij, keto
amendamente synojne qe te marrin ne mbrojtje perfitimin e paligjshem qe
klane brenda mazhorances kane mundur te sigurojne deri me sot, permes
kontratave te qerase apo amfiteozes. "Permes ligjit, tashme ata kerkojne te
behen, jo vetem thjesht perdorues, por pronare te ketyre objekteve. Nga ana
e PD eshte bere mese i qarte qendrimi yne, i cili do te jete kategorik
kunder legjitimimit te grabitjes se pasurise nga ana e qeveritareve, qe
dreri me sot eshte zhvilluar permes praktikave korruptuese te qeverise",
nenvizon Bode. Sipas tij, parashikimet e amendamenteve te bera per nenin 8,
pika 4, do te jene percaktuese per qendrimin PD per ligjin e pronave. Bode
sqaron se, sipas amendamenteve te bera nga shumica paralemantare, synohet qe
nepermjet nenit 8, pika 4, te gjitha kontratat dhe qerate, si dhe
marreveshjet e amfiteozes, te bera mbi pasurite publike qe u takojne ish-
pronareve apo shtetit, te tjetersohen permes blerjes se truallit mbi te
cilat jane ngritur keto objekte qe shfrytezohen permes kontratave te qerase.
"Pika nje e ketij neni synon bllokimin e pronesise e te tjetersimit te
prones publike, pas futjes ne fuqi te ketij ligji, ndersa pika 4, kerkon qe
kontratat e lidhura deri me sot, ne formen e qerase, te tjetersohen ne
interes te qiramarresit aktual. Bejme te qarte se ne kete ceshtje, PD nuk
behet pjesetare e grabitjes qe i eshte bere prones publike dhe private",
nenvizon Bode. Sipas tij, PD kerkon qe ne rastet kur ekziston nje ish-
pronar ne keto troje te zena, te transferohet kontrata sipas Kodit Civil,
ndermjet ish- pronarit shtet tek ish- pronari, deri ne perfundimin e ketyre
kontratave te nenshkruara ne marreveshjet respektive. Bode sqaron se, PD nuk
kerkon prishjen e kontratave, por vetem transferim te tyre nga pronari
shtet, tek ish-pronaret. Kjo, sipas tij, do te sillte uljen e kostos,
transparence dhe drejtesi ne procesin e kompensimin dhe rikthimit te
pronave.

A. META

----------------------------------------------------------------------------


03 Qershor 2004 http://www.kohajone.com/

BERISHA: LEGALIZIMET DO TE PERGJAKIN PRONAT
Tedi Blushi

Ceshtja e legalizimeve mban peng miratimin e projektligjit per kthimin dhe
kompensimin e pronave. Pasi siguroi ne parim votat e dy forcave me te medha
politike ne vend, ky ligj rrezikon tani te mos siguroje "kartonat jeshile"
te ligjvenesve demokrate ne seancen e ardhshme plenare, nese varianti i
PS-OSBE nuk do te pesoje ndryshime ne kete nen. Kete paralajmerim dha dje
selia blu, nepermjet nje konference per shtyp qe kreu i saj, Sali Berisha,
zhvilloi nje ore pas mesdite. Ne takimin e tij te radhes me gazetaret per
kete ceshtje, kryedemokrati u perpoq fale argumenteve bindese, te
justifikonte arsyet se pse lidershipi i Partise Demokratike, ndryshoi
qendrim ne lidhje me "Ligjin per Pronat". Gjate deklarimit te tij, qe ne
ndryshim nga heret e kaluara, karakterizohej nga tone me te qeta, lideri i
opozites iu kerkoi publikisht kundershtareve te tij politike, te
kontribuojne ne arritjen e nje konsensusi te perbashket per kalimin ne
Kuvend te projektligjit ne fjale. Pasi vetem ne kete menyre, sipas tij, do
te mund t'i jepej fund nje procesi qe u ka kushtuar shume shqiptareve por
dhe qe kushtezon integrimin e shpejte te Shqiperise ne Bashkimin Europian
dhe ne NATO. E, si per te shpjeguar kete konstatim, ai u mundua te servirte
perpara opinionit publik, te gjitha pasojat negative qe rrjedhin nga
miratimi i nenit per legalizimet e me konkretisht problemet sociale qe
lindin prej tij. "Nese ky proces do te lihet per zgjidhje ne doren e
pronareve dhe banoreve te ardhur ne tokat e tyre, kjo padyshim qe do te
shkaktoje nje gjakderdhje te re mes pronareve dhe te shperngulurve",
arsyetoi kreu demokrat. Madje, ai nuk nguroi te ftoje dhe vete strukturat
shteterore te behen pale ne zgjidhjen e ketij problemi, nje nderhyrje qe ai
e percaktoi si teper te nevojshme per te shmangur keshtu nje gjakderdhje te
mundshme, qe mund te gjeneroje nga konfliktet mes qytetareve. Berisha e
vleresoi si teper te domosdoshem rolin e arbitrit qe duhet te luaje shteti
ne kete rast. "Ideja se ky problem mund te zgjidhet pa nderhyrjen e shtetit
eshte me pasoja jashtezakonisht te rrezikshme, pasi ben te pamundur
legalizimin, sjell konflikte mes popullsise dhe shtim te viktimave per
ceshtjen e pronave, ishte konkluzioni ne te cilin arriti lideri i opozites e
njekohesisht paragrafi i fundit i deklarates se tij per shtyp. Por ndersa
opozita vazhdon te publikoje sugjerimet e veta per permiresimin e
projektligjit per kthimin dhe kompensimin e pronave, Kuvendi po mbush rreth
tre jave diskutime per kete ceshtje. Pas rrezimit ne seance plenare te
variantit te paraqitur nga dyshja Mediu-Cako, tani ka mbetur vetem ligji i
paraqitur nga qeveria, i plotesuar edhe nga asistenca e eksperteve
nderkombetare, kryesisht e atyre te OSBE-se. E, megjithese ka kaluar rreth
nje muaj qe ky projektligj vazhdon te mbetet ne axhenden e punimeve
parlamentare, miratimi i tij me konsensus pritet te kete nje jehone teper
pozitive, per t'u radhitur keshtu si nje nder ligjet me te bujhme te votuar
ne kete legjislature.

Berisha takohet me Liponen per pronat

Tema e prones, ishte dje dhe kryefjala e takimit qe kryedemokrati Berisha
zhvilloi me perfaqesuesin e OSBE-se, ne Tirane Osmo Liponen. Ne qender te
kesaj bisede u vendos pikerisht projektligji per kthimin dhe kompensimin e
pronave, e me konkretisht ato amendamente te hartuara nga socialistet qe
hasin ne kundershtimin e Partise Demokratike. Perpara diplomatit te huaj,
shefi i opozites theksoi edhe njehere angazhimin e selise blu, per te mos u
bere pale me abuzimet e metejshme qe jane bere me pronat. Madje, ai e
informoi ambasadorin Liponen edhe me vendimin e grupit parlamentar demokrat,
per te votuar kunder ketij projektligji nese nuk do te korrigjohet neni qe
trajton ceshtjen e te shperngulurve.

----------------------------------------------------------------------------


02/06/2004 http://www.shekulli.com.al/
Ligji i pronave ngec tek kreu i komisionit

A.Rama

TIRANE- Kryetari i komisionit të Ekonomisë Ylli Bufi tha dje se Parlamenti
kishte përfunduar punën kryesore për miratimin e ligjit "Për kthimin dhe
kompensimin e pronave ish -pronarëve". Sipas tij, Bufi tha dje se Kuvendi,
kishte mbyllur me konsensus çështjet më delikate të projektligjit të hartuar
nga Kuvendi nën asistencën e ekspertëve të OSBE-së. Ai sqaroi se nenet që do
të shqyrtohen në seancën e ditës së enjte janë thjesht teknike dhe
përcaktimi i kompetencave që do të ketë Komiteti Shtetëror i Kthimit dhe
Kompensimit të Pronave, si strukturë që do të zbatojë këtë ligj. "Nenet dhe
çështjet më të vështira, u miratuan. Pjesa më e rëndësishme e këtij ligji,
lidhej me saktësimin përfundimtar të pronave që nuk kthehen. Dhe këtë ligji
e zgjidh në mënyrë të qartë dhe të drejtë", -tha Bufi. Sipas tij edhe
çështja e emërimit të kryetarit të Komitetit Shtetëror, nga qeveria ose
presidenti, nuk ishte thelbësore për këtë ligj, pikë kjo e parashikuar në
nenin 15 të ligjit. "Kjo është një çështje teknike që nuk duhet ekzagjeruar.
Ne do të shohim se si ka funksionuar kjo strukturë në shtetet e tjera për të
vendosur për versionin përfundimtar, pra nga cili është drejtuar", -shtoi
Bufi. Nga ana tjetër, sekretari i përgjithshëm i PD-së Ridvan Bode tha dje
se opozita nuk do të tërhiqet nga kërkesa e saj për të emëruar anëtarin e
5-të të KSHKKP-së nga presidenti. Ai gjithashtu e konsideroi të
panegociueshme pikën 4 të nenit 8 të projektligjit. Gjatë shqyrtimit dhe
miratimit të disa neneve në seancën e ditës së hënë, dy palët nuk ranë
dakord se nga kush do të emërohet kreu i KSHKKP-së, duke e shtyrë miratimin
e nenit 15 për nesër. Opozita kërkoi që kryetari i kësaj strukture që do të
ndjekë nga afër të gjithë procesin e kompensimit, të emërohet nga
presidenti, ashtu siç është përcaktuar në draftin fillestar. Ndërsa shumica
parlamentare kërkon që kryetari të emërohet nga qeveria, për të mos e lënë
strukturën të pavarur nga ekzekutivi.

----------------------------------------------------------------------------


Ligji për pronat, Berisha takon ambasadorin e OSBE-së Liponen
 Lajmi i ores 6:00 PM http://www.balkanweb.com/


Osmo Liponen

 TIRANE (2 Qershor) - Kryetari demokrat Sali Berisha ka takuar sot
ambasadorin e OSBE-se Osmo Liponen. Ne qender te bisedes ka qene
projektligji per kthimin e kompensimin e pronave, ku demokratet nuk bien
dakort me disa amendamente te hartuara nga socialistet. Sipas Berishes
opozita nuk do te behet pale per abuzimet e metejshme me pronat. Ai sqaroi
ne nje konference shtypi se PD-ja do te votoje kunder nese nuk korigjohet
neni qe trajton ceshtjen e te shperngulurve. Sipas Berishës lenia e ketij
problemi mes pronareve dhe banoreve te ardhur ne tokat e tyre do te
shkaktoje nje gjakderdhje te re mes pronareve dhe te shperngulurve. "Ideja
se ky problem mund të zgjidhet pa ndërhyrjen e shtetit është me pasoja
jashtëzakonisht të rrezikshme, pasi bën të pamundur legalizimin, sjell
konflikte mes popullsisë dhe shtim te viktimave për cështjen e pronave", u
shpreh lideri demokrat Berisha. Kuvendi në këto tre javë po diskuton rreth
projektligjit më të bujshëm atë të pronave. Varianti Mediu-Cako i paraqitur
në kuvend, u rrëzua nga shumica e deputetëve. Socialistët me asistencen e
eksperteve te OSBE-se kane paraqitur variantin e projektligjit per pronat, i
cili prej disa ditesh vazhdon te jete ne axhenden e seancave plenare.
bm/bm(BalkanWeb)

-----------------
PD: Ja ku s'bashkohemi me PS, 3 kushte për të miratuar "Pronat"

Lajmi i ores 10:45 AM

TIRANE (2 Qershor) - Sekretari i Përgjthshëm i Partisë Demokratike dhe
njëkohësisht nënkryetar i komisionit të Ekonomisë, Ritvan Bode kontestoi
çështje të përfshira në ligjin e ri për Kthimin dhe kompensimin e proanve.
Një nga pikat të cilën Bode e konsideroi të panegociueshme ishte ajo që ka
të bëjë me personat, të cilët kanë marrë me qera, apo me koncesion,
ndërtesa, të cilat janë ndërtuar mbi trojet e ish pronarëve dhe që kanë të
drejtë për të privatizuar trojet duke i blerë ato me çmimin e tregut. Kjo
sipas demokratëve është e paligjshme. Sipas Bodes, një gjë e tillë do të
thotë tjetërsim i pronave. "PD-ja kërkon që në rastet kur ekziston një ish
pronar në këto troje të zëna, të transferohet kontrata sipas kodit civil,
ndërmjet ish pronarit shtet tek ish pronari privat, deri në përfundimin e
këtyre kontratave të nënshkruara në marrëveshjet perspektive. Çështja e
propozimit të kryetarit të Komitetit të Kthimit dhe Kompesimit të pronave,
është një tjetër kontestim nga ana e PD-së për ligjin e pronave. Kështu,
sipas Bodes, propozimi i kryetarit të këtij komiteti nga ana e qeverisë, do
të thotë se ky institucion nuk do të jetë i pavaruar, ashtë siç edhe është
propozuar nga ekspertët e OSBE-së. Në rast se mazhoranca nuk do të tërhiqet
nga propozimi i saj, atëherë demokratët kërcënojnë me mospjesmarrje në këtë
komitet. "Misioni i opozitës është që të gjejë rrugën e një procesi
transparent, nëpërmjet praktikave të tjera parlamentare, por jo pjesë e
strukturave qeveritare", tha Bode. Për demokratët një çështje e rëndësishme
ishte kompensimi i pronave të zëna nga ndërtimet e paligjëshme në zonat
interurbane. Në nenin e miratuar në seancën e ditës së hënë u vendos që të
jetë pronari i banesës i cili duhet të paguajë çmimin e truallit mbi të
cilin është ndërtuar kjo ndërtesë. PD propozoi që shteti duhet të paguajë
ashtu si për çdo pronë të zënë, dhe pas miratimit të ligjit për legalizimet
e zonave informale, të shikohen mundësitë e kthimit të këtij kopmensimi.
Sipas tij, një mënyrë e tillë do të ulte mundësitë e konflikteve midis
pronarëve të tokës dhe pronarëve të banesave. ro/ro (BalkanWeb)

----------------------------------------------------------

http://www.gazeta55.com/
Për kthimin e pronave, Nano jep vetëm 100 milionë dollarë

Kryetari i komisionit qeveritar për kthimin e pronave, Sokrat Sino, deklaroi
dje se vetëm 100 milionë dollarë ishin përcaktuar për kompensimin e 30% të
pronave, edhe pse, sipas shikimit faktit, nuk ka troje të pazëna për kthimin
fizik të 70% të tyre

Projektligji i njohjes së kthimit dhe kompensimit të pronave, pritet të
miratojë sot një sërë nenesh të mbetura nga seanca paraardhëse e së enjtes.
28 nenet e këtij projektligji kanë qenë në qendër të një debati të ashpër
mes të gjitha forcave politike, të përfaqësuara në parlament. Ndërsa nga
qeveria aktuale ende nuk ka dalë ndonjë faturë se sa do të jetë kostoja e
kompensimit të 30 përqindëshit të pronave të cilat nuk do të kthehen, por
sipas projektligjit që pritet të miratohet, do të ketë kompensim sipas
vlerës së tregut të tokës.

Ndërkohë, që 70 përqind e tokave do t'i rikthehen fizikisht pronarëve. Por
fatura me të cilën duhet të përballet shteti shqiptar për kompensimin e 30
përqindëshit të tokave të vendit, është shumë e madhe, pavarësisht se
projektligji e parashikon që problemi i pronave të mos ekzistojë në mbarim
të 15-vjeçarit të parë të 2000-shit. Kryetari i komisionit shtetëror të
kthimit dhe kompensimit të pronave Sokrat Sino, ka theksuar se kjo faturë
është e papërballueshme nga shteti. Sino shprehet për një shifër rreth 100
milionë dollarë, për të bërë kompensimin finaciar të 30 përqindëshit të
tokave.

Ndërkohë që, dhe deputetetët e Partisë Demokratike kanë shprehur të njëjtin
shqetësim gjatë diskutimeve për draftin e pronave.

Kështu, drafti i hartuar nga OSBE dhe një grup deputetësh të parlamentit,
pas diskutimeve të shumta që ka njohur dhe debateve që do të pasojnë, duhet
të ketë dhe një zë të veçantë në buxhetin e shtetit shqiptar, për vite më
radhë dhe nuk mund të jetë pjesë e një qeverisjeje, por do të ketë një
shtrirje kohore disavjeçare. Zbatimi i ligjit për pronat, natyrisht do dhe
konsensusin e shoqërisë shqiptare, e cila është ajo që do të prekë efektet e
ligjit.

Ndërsa konsensusi i politikanëve ka kaluar njërën prej pikave më të nxehta
të projektligjit, siç ishte ajo e tatimit të jashtëzakonshëm, të aplikuar në
1945, por ende ka disa nene, për të cilat debati i ditës së sotme në sallën
e parlamentit, pritet të jetë i ashpër.

Përveç debatit, duhet të ishte paraqitur një formulë e saktë e kompensimit
ku, sipas deputetëve të Partisë Demokratike, pjesa më e madhe e fondeve për
kompensimin, duhet të vijnë nga privatizimi i tokave të bregdetit, të cilat
janë dhe më të lakmuarat nga njerëzit e veshur me pushtet dhe rrethit të të
afërmve të tyre. Shuma prej 100 milionë dollarësh, e parashikuar nga
kryetari i komisionit shtetëror për kthimin dhe kompensimin e pronave, Sino,
tashmë i takon shtetit dhe punës së këtij komisioni, për të mbledhur fondet
e duhura dhe për t'i çuar në destinacion.

Projektligji, ende pa marrë formën e tij të një ligji, ka njohur
përnjëherësh kundërshtarët e vet. Republikanët, ballistët, legalistët, si
dhe shoqata "Pronësi për drejtësi", etj, kanë shprehur kundërshtimin e
miratimit të projektligjit, duke kërcënuar deri në protesta, për të marrë
nga parlamenti zgjidhjen që, sipas tyre, është më e mira.

Ndërsa deputetët e PR-së, të PBK-së, të PLL-së, të PDR-së, janë shprehur se
do të bojkotojnë seancën e shqyrtimit të projektligjit, për njohjen, kthimin
dhe kompensimin e pronave.

-----------------------------------------------------

© 2003 Gazeta Panorama 3Qershor 2004 http://www.panorama.com.al/



Faqe 5 - Politikë
3Qershor 2004

Ligji i pronave
kritikat


Diskutimi i ligjit, Federata e Shoqatës së Pronarëve të Ballkanit, letër
Nanos, Berishës dhe Pëllumbit

Paradias: Ligji për pronat, i nxituar

"Do të isha i lumtur të raportoja në BE një zgjidhje pozitive"


Nikolin Todolli

Qeveria dhe partitë shqiptare janë nxituar në përgatitjen e ligjit për
pronat.

Ky apel vjen nga Federata Helenike e Pronave (UIPI), e cila i ka drejtuar
një letër kryeministrit Nano, liderit të opozitës, Berisha,
kryeparlamentarit Pëllumbi, si dhe dy deputetëve opozitarë, nismëtarë të një
projektligji për pronat, Mediut dhe Cakos. Dy ditë para votimit përfundimtar
në Kuvend të draftit për pronat, sekretari i përgjithshëm i UIPI-it, Strato
Paradias, thekson se komisionet parlamentare duhej të kishin diskutuar më me
seriozitet pikat e rëndësishme që prek kthimi dhe kompensimi i pronave.
Gjithashtu, partitë kryesore, PS-ja dhe PD-ja, duhej të kishin marrë në
konsideratë kërkesat e ish-pronarëve shqiptarë, të cilët kanë paraqitur
mjaft amendamente për draftin për pronat.

Kështu, Federata Helenike e Pronave thekson se Shqipëria duhet të rregullojë
në mënyrë korekte të gjitha problemet që burojnë nga dhunimet e ndodhura më
parë. Duke kërkuar indirekt shfuqizimin e Ligjit 7501 për pronat, Paradias
thekson në letrën e tij se kjo masë, përveçse do të zgjidhte problemin e
pronës në vendin tonë, do t'u hapte gjithashtu rrugë investimeve të huaja në
vend. "Një zgjidhje e drejtë e çështjes së kthimit të pronave pronarëve të
ligjshëm, do të zgjidhte një çështje jo vetëm morale e sociale, por edhe një
çështje shumë të rëndësishme financiare dhe ekonomike", nënvizon Paradias. E
shqetësuar për zgjidhjen që do të marrë problemi i kthimit të pronave në
Shqipëri pas miratimit të draftit të OSBE-së dhe të një grupi deputetësh,
UIPI kërkon miratimin sa më parë nga Parlamenti të ligjit për kthimin dhe
kompensimin e pronave, por me kusht që të zbatohen rekomandimet e Komisionit
të Venecias dhe të BE-së. "Ne, sinqerisht, dëshirojmë që drafti ligjor për
pronat të jetë plotësisht në përputhje me standardet ndërkombëtare të
mbrojtjes së pronës private", thekson presidenti Paradias në letrën që u ka
dërguar liderëve të politikës shqiptare.

Apeli ballkanik për pronat
Shoqatat e ish-pronarëve të vendeve ballkanike dhe vendeve të tjera të
Evropës Lindore kanë miratuar një rezolutë për çështjen e pronave. E
mbledhur në datat 7 e 8 maj të këtij viti në Selanik të Greqisë, UIPI u
drejtohet kështu të gjitha qeverive të Ballkanit, mes të cilave edhe asaj
shqiptare. "Kthimi i të drejtave të pronësisë, të shkelura padrejtësisht dhe
mbrojtja e të drejtave të pronave ekzistuese janë një pjesë integrale e të
drejtave të njeriut, ku e drejta e kthimit duhet të ketë prioritet mbi çdo
të drejtë pronësie që rrjedh nga transaksionet me pronat e konfiskuara
padrejtësisht, përpara kthimit të tyre", thuhet në rezolutën e kësaj
federate. Së fundi, presidenti i UIPI-it shpreson që politika dhe qeveria
shqiptare të miratojnë një ligj të saktë për pronën. "Do të ishte kënaqësi e
madhe, nëse unë do të isha në gjendje të raportoja diçka pozitive për vendin
tuaj në takimin e ardhshëm të shoqatave të ish-pronarëve me përfaqësuesit e
BE-së në Gjermani", thekson Paradias.

Fatura financiare
Rekomandime në adresë të qeverisë shqiptare kanë dërguar edhe zyrtarët e
Këshillit të Evropës. Në paketën e detyrave që KE-ja i ka dorëzuar qeverisë
shqiptare theksohet se ligji duhet të parashikojë një faturë financiare për
kthimin dhe kompensimin e pronave. Këtë fakt e kanë denoncuar në Parlament
dhe në komisione edhe deputetët e opozitës dhe një pjesë e mazhorancës.
Ndërkohë, gjatë debatit në Parlament për pronat, ministri i Financave, Arben
Malaj, ka përllogaritur vetëm vlerën ekonomike që mund të kapë kreditimi për
familjet që banojnë në qira në shtëpitë e ish-pronarëve. Ndërkohë, KE-ja i
ka sugjeruar qeverisë që ligji të shoqërohet edhe me një studim
ekonomiko-social të situatës së tokave dhe pronave në Shqipëri. Këto dy pika
janë kontestuar edhe nga opozita gjatë debatit në Parlament.



Komiteti Shtetëror, i kërkohet ndihmë OSBE

Ligji i pronave mbetet sërish në duart e ekspertëve të OSBE-së. Kuvendi i ka
kërkuar institucionit ndërkombëtar që të ofrojë asistencën e tij për
Komitetin Shtetëror të Kthimit dhe Kompensimit të Pronave. Diskutimi për
përbërjen e këtij komiteti ngjalli debate të forta në seancën e fundit të
Kuvendit, gjatë shqyrtimit të nenit 9 të projektligjit "Për kthimin dhe
kompensimin e pronave". Drafti ligjor që po diskutohet në Parlament
përcakton formulën 2+2+1 për anëtarët e këtij komiteti. Por, Partia
Demokratike nuk ka pranuar që një anëtar të propozohet nga Këshilli i
Ministrave, pasi kjo do të bëjë që ky komitet të mos jetë i pavarur.
Ndërkohë, Grupi Parlamentar i PS-së dhe përfaqësues të qeverisë kanë
kundërshtuar duke theksuar se Komiteti Shtetëror i Pronave duhet të ketë
patjetër një emër të propozuar nga qeveria. Në këtë pikë debati,
kryeparlamentari Pëllumbi ka kërkuar ndihmën e OSBE-së. Ekspertët e këtij
institucioni pritet të kontaktojnë sot me përfaqësuesit e forcave
parlamentare kryesore dhe me komisionet parlamentare për të sqaruar këtë
pikë. Ata do të shpjegojnë mënyrën se si vendet e tjera të Evropës
Juglindore dhe të asaj Perëndimore e kanë zgjidhur këtë çështje.



Ish-pronarët, ankesë në BE

Shoqatat e ish-pronarëve kërkojnë sërish ndërhyrjen e kryekomisionerit të
jashtëm të BE-së, Kris Paten, që të ndërhyjë pranë qeverisë shqiptare për të
zgjidhur problemet e tyre. Krerët e shoqatave kanë paralajmëruar protesta,
duke bërë publik qëndrimin e tyre kundër variantit përfundimtar që po voton
PS-ja e PD-ja.



Bode paralajmëron bojkot për pronat
PD, kushte të reja në këmbim të votës

Demokratët shtojnë kushtet në këmbim të votave për projektligjin e kthimit
dhe kompesimit të pronave. Sekretari i përgjithshëm i PD-së, Ritvan Bode, ka
paralajmëruar dje me bojkot të seancës plenare, në rast se kreu i komitetit
shtetëror për kthimin dhe kompesimin e pronave nuk do të caktohet nga
presidenti i Republikës. Gjithashtu, Bode nuk është dakord edhe me nenin 8,
pika 4 dhe 1, për të cilat akuzon se mazhoranca synon grabitjen e pronave
publike. "Interesa të caktuara brenda shumicës parlamentare po synojnë që në
ligj të sanksionohen amendamente, të cilat dëmtojnë rëndë dhe kompromentojnë
zbatimin e ligjit. Këto klane brenda mazhorancës duan të marrin në mbrojtje
përfitimin e paligjshën që kanë mundur të sigurojnë deri më sot nëpërmjet
kontratave të qirasë apo amfiteozës", tha dje Bode. Sipas tij, kjo metodë do
t'i bëjë këta njerëz me pushtet jo thjesht përdorues të këtyre pasurive
publike, por pronarë të tyre. Ai konsideron se sipas amendamenteve të bëra
nga shumica e parlamentarëve, synohet që të gjitha kontratat e qirasë e të
marrëveshjeve të tjera të amfiteozës të bëra mbi pasuritë publike që u
takojnë ish-pronarëve apo që i takojnë shtetit, të tjetërsohen nëpërmjet
blerjes së truallit mbi të cilin janë ngritur këto objekte. "Neni 8 pika 1,
i miratuar tashmë, synon bllokimin e procesit të transferimit të pronës
publike, privatizimit apo dhënies me qira pas futjes në fuqi të këtij ligji.
Ndërsa, neni 8, pika 4, sipas formulimit të qeverisë, kërkon që kontratat e
lidhura deri më sot në formën e qirasë, të tjetërsohen në interes të
qiramarrësit aktual apo disponuesit të kontratave amfiteozë", sqaroi dje
qëndrimin e PD-së, Bode.

----------------------------------------------
Data e Publikimit: 02/06/2004 http://www.ballkan.com/
PS-PD, përplasje për Komisionin e Pronave
 Bode: "Nëse nuk ndryshon, ne votojmë kundër", Bufi kundër: "Qeveria ka
përgjegjësi për ndarjen e pronave"

 Autori i Lajmit: Bledar Hoti
TIRANË - Dy partitë kryesore politike, Partia Socialiste dhe Partia
Demokratike, përplasen sërish për ligjin e pronave për varësinë e Komisionit
Shtetëror të Pronave, të institucionit të ri që do të merret me procesin e
ndarjes së pronave. Sekretari i Përgjithshëm i PD-së, Ridvan Bode, deklaroi
se mosdhënia e pëlqimit nga ana e socialistëve mund të sjellë votën kundër
të demokratëve, për votimin përfundmitar të ligjit të "Për kthimin dhe
kompensimin e pronave për ish-pronarët". "Nëse PS-ja nuk ndryshon mendimin e
saj për mënyrën e drejtimit të Komisionit të Kthimit Shtetëror të Pronave,
për t'ia lënë drejtimin Këshillit të Ministrave, këtë strukturë të re,
atëherë, ne si Parti Demokratike do të votojmë kundër këtij projektligji të
pronave, duke fajësuar socialistët për mungesën e konsensusit", deklaroi
Bode. Sipas nënkryetarit të Komisionit parlamentar të Ekonomisë, demokratit
Bode "është shumë e rëndësishme që këtë Komitetit Shtetëror të mos ta
drejtojë Qeveria, por të jetë i pavarur dhe kryetari i saj, të propozohet
nga ana e presidentit të Republikës". "Ne mendojmë se mbikëqyrja e këtij
institucioni nga ana e Qeverisë, do të kishte mungesë transparencë në
dhënien e vendimeve dhe ndarjen e pronave", theksoi Bode.
Bufi
Kryetari i Komisionit parlamentar të Ekonomisë, socialisti Ylli Bufi gjatë
deklarimit për median ka kundërshtuar idenë e hedhur nga demokratët, duke e
cilësuar si të zbatueshme. Sipas tij, komisioni shtetëror është një
institucion që duhet të lihet në varësi të Këshillit Ministrave. "Procesi i
ndarjes së pronave ka një përgjegjësi të madhe, dhe duhet ta mbajë Qeveria
të gjithë ngarkesën për procesin e kompesimit dhe dhënies së pronave. Nëse
ne duhet të vazhdojmë me idenë e një KQZ-je të balancuar, mendoj se kjo
frymë nuk duhet të futet në ndërtimin e institucioneve", deklaroi deputeti i
PS-së, Bufi. Ndërkohë sekretari për Marrëdhëniet me Publikun në PS, Bardhyl
Agasi, tha se PS-ja ka dhënë kontributin e saj në miratimin me konsensus të
projektligjit për "Kthimin dhe kompensimin e pronave për ish-pronarët".
Sipas tij, demokratët nuk kanë pse të vendosin kushte të tilla, pasi ka disa
qëndrime që PS-ja nuk mund t'i lëshojë. Diskutimet për projektligjin e
pronave, vazhdojnë akoma në Kuvend. Deri tani Kuvendi ka miratuar disa nga
nenet kryesore të këtij projektligji, duke vendosur heqjen e tatimit të
jashtëzakonshëm, si një pjesë e konsensusit të arritur mes pozitës dhe
opozitës. Deri tani janë miratuar 15 nene të projejktligjit të pronave, duke
pritur miratimin e 13 neneve të tjera të këtij drafti. Në votimin e këtij
projektligji në Kuvend nuk kanë marrë pjesë deputetët e partive të vogla
parlamentare, si PR-ja, PLL-ja, PBK-ja. Deputetët e këtyre partive janë
shprehur se "drafti i paraqitur nga qeveria nuk e zgjidh çështjen e pronave,
duke lënë në fuqi abuzimet e kryera në procesin e shpërndarjes së pronave
gjatë 14 viteve".

---------------
SHBA vlerëson paktin PS-PD për ligjin e pronave


 Autori i Lajmit: Tirane
Tiranë - Pakti që u arrit në Parlament mes Partisë Socialiste dhe Partisë
Demokratike për çështjen e pronave, ka marrë vlerësimin e Shteteve të
Bashkuara të Amerikës. Në një takim me zëvendëskryeministrin Namik Dokle, i
ngarkuari me punë i SHBA-së në Tiranë, Steven Zate, ka bërë të ditur këtë
qëndrim, duke e cilësuar këtë konsesus si një hap të mirë për të ardhmen e
vendit. Zate vjen në Tiranë, pas largimit të ambasadorit amerikan Xhejms
Xhefri, i cili akoma nuk është zëvendësuar nga Uashingtoni. Në këtë takim,
Zate ka shprehur përgëzimet e Qeverisë Amerikane për progresin e bërë për
ligjin për pronat. "Ky është me të vërtetë një hap pozitiv, si për
shqiptarët që do të qartësohen për të drejtën për pronën, por edhe për
investitorët e huaj që duan të investojnë në Shqipëri", tha ai në këtë
takim. Kështu bën të ditur zyra e shtypit pranë qeverisë. Zate ka shtuar se,
"Qeveria Amerikane shprehet optimiste për këtë hap pozitiv dhe për më tëpër
që mazhoranca dhe opozita shqiptare po bashkëpunojnë për probleme
fondamentale". Sipas tij, Qeveria e SHBA-së dhe e vendeve të tjera e
konsiderojnë këtë bashkëpunim mes pozitës dhe opozitës një mundësi shumë të
mirë edhe për anëtarësimin e Shqipërisë në NATO dhe BE. "Bashkëpunimi midis
të gjitha forcave politike", shtoi më tej i ngarkuari me punë i SHBA-së,
"duhet të bëhet real edhe për zgjedhjet e vitit 2005, gjë që do të përbëjë
edhe një hap tjetër shumë pozitiv për Shqipërinë". Ndërsa Dokle nga ana e
tij vlerësoi se marrëdhëniet e Shqipërisë me SHBA-në janë marrëdhënie
strategjike. Ai është shprehur se, "SHBA-ja është miku ynë më i madh". Dokle
e njohu të ngarkuarin me punë të SHBA me masat që po merr Qeveria për
zbatimin e thellimin e reformave në të gjitha fushat, për diskutimin me
seriozitet që po i bëhet në Parlament ligjit të pronave, duke e garantuar
për miratimin e tij. Po ashtu, Dokle e informoi të ngarkuarin me punë të
SHBA-së për punën e vazhdueshme dhe me përgjegjësi që po bën Qeveria për
integrimin në BE dhe në NATO, duke vënë në dukje se përgatitjet janë
intensifikuar përpara Samitit të Stambollit. Shqipëria, sipas Dokles, kërkon
që të përfaqësohet sa më denjësisht dhe me një platformë të qartë dhe
realiste.


---------------------
Mardi, Juin 1, 2004 Signalé: 2:52 PM

Le projet de loi pour la restitution des propriétés et la
compensation des propriétaires vers son adoption définitive

TIRANA, 1er juin /ATA/ Par Anila Struga/ - Le Parlement
albanais a réussi . adopter hier soir six autres articles du
projet de loi "pour la restitution des propriétés et la
compensation des propriétaires" tenant compte également d'une
partie des changements faits par les commissions parlementaires
et en leur ajoutant certains amendements proposés par des
députés.
Même si on est parvenu . un consensus sur certains des
articles les plus importants de ce projet de loi, les
représentants de la majorité et de l'opposition ont débattu de
nouveau lors de la séance plénière de la veille de questions
particulières.
L'article 9 concernant les habitations des anciens
propriétaires ,tait le point le plus débattu de ce projet de loi.
Les discussions sur cet article ont durée environ trois heures. A
la fin, la proposition du député social-démocrate, Skënder
Gjinushi, a été soutenue par la plupart des députés.
Cette proposition prévoit que les habitations des anciens
propriétaires leur soient restituées dans trois ans et qu'après
ce délai, les locataires payent le loyer selon une valeur adoptée
par le Conseil des ministres. En même temps, le gouvernement
assurera des habitations à loyer minimal pour abriter 3400
familles locataires qui vivent dans des propriétés privées.
De même, un autre point débattu de l'article 9 était aussi
les constructions illégales faites dans les propriétés privées.
Après les débats et certains amendements rejetés, le Parlement a
décidé que, partant d'hier, les personnes qui ont construit leurs
habitations illégalement dans une propriété, qui n'est pas la
leur, achètent cette propriété, après le processus de la
légalisation de leur habitation.
A l'issue de la séance de la veille, le Parlement a réussi .
adopter la moitié des articles de ce projet de loi, alors que le
reste est prévu être adopté, jeudi, 3 juin./klod/JDE