03102004

Dashamir Shehi: Gati bashkepunimi me LZHK

Deputeti Dashamir Shehi, ka deklaruar dje se, Levizja per Zhvillim Kombetar, e nismuar nga metonjesi per fronin mbreteror Leka Zogu, eshte nje shenje pozitive e gjallerimit te jetes politike ne kampin opozitar. Sipas tij, PDRn gjykon se LZHK eshte nje levizje qe i largohet gjithnje e me shume konceptit te monarkise, i afrohet konceptit te shtetit modern shqiptar dhe eshte i mbeshtetur mbi bazat e patriotizmit. "Ne kete kuader, gjykojme se LZHK do te gjeje gjithmone e me teper pasues dhe mbeshtetes ne te gjithe harkun opozitar, si dhe tek te gjithe shqiptaret", nenvizon Shehi. Sipas tij, nga kjo pikepamje, Partia Demokrate e Rinovuar e shikon me simpati kete levizje te re opozitare dhe eshte e gatshme per bashkerendim ne te gjitha nivelet, duke qene e bindur qe ky bashkepunim, do te jete frutdhenes per jeten politike dhe kontribues i rendesishem per rrezimin e qeverisjes se majte dhe kthimin ne pushtet te opozites.

03 Tetor 2004 http://www.kohajone.com/

KONSENSUS ME PS-NE PER KREUN E PRONAVE

Edlira Prenga

Te dy lideret e partive te medha dje gati ne te njejten kohe kane hedhur akuza per njeri-tjetrin. Por ndersa kryetari i mazhorances Nano kishte nje fjalim te gjate ne KPD ky 30 minuta ja kushtoi kundershtarit te tij politik, kryetari i selise blu Sali Berisha, u shpreh dje se me Nanon eshte ne lufte politike, por per ligje qe jane ne interes te integrimit te vendit opozita do te jape voten e saj pro ne parlament. Megjithate kryetari i opozites duke ju referuarraportit me te fundit te OSBE-se dhe deklarates se BE-se, beri te qarte se respektimi i atyre udhezimeve duhet te sherbeje si nje nxitje e madhe per daljen e vendit nga udhekryqi ky eshte perfshire. (PD vlereson se keto deklarata jane dokumente te nje rendesie te vecante dhe nje nxitje e madhe per daljen e Shqiperise nga udhekryqi dhe pershpejtimin e reformave dhe procesin e integrimit(, u shpreh shefi i selise blu ne takimin e djeshem me mediat duke qene teresisht dakort me problemet qe ngrihen ne keto dokumente dhe se opozita eshte e gatshme te mbeshtese cdo ligj dhe perpjekje qe sherben per pershpejtimin e procesit te integrimit. (PD vlereson si vendimtare per fatin e reformave dhe integrimin e vendit, zgjedhjet e lira(, vuri dje ne dukje Berisha. Ne kete konteskt ai kerkoi si kusht te domosdoshem per arritjen e kesaj alterantive balancimin e Komisionit Qendror te Zgjedhjeve, duke marre ne konsiderate votimin e njerit prej kater varianteve te paraqitura nga ekspertet e OSBE-se. Por kjo deklarate e liderit Berisha erdhi ne te njejten kohe kur Nano ne Pallatin e Kongresve u shpreh qarte se nuk ka balancim te KQZ-se dhe se PS e ka dhene versionin e saj. Berisha u shpreh i bindur se vetem respektimi i rekomndimeve te OSBE-se dhe i eksperteve qe kane bere reformen zgjedhore duke mos pranuar asnje takim tjeter mes Nanos dhe tij. (Une dhe Nano nuk jemi eksperte te reformes zgjedhore. Jane ulur ekspertet dhe kryetaret e grupeve parlamentare dhe une nuk pranoj te shkel mbi ato qe jane firmosur nga te dy ne, fjale per fjale. Nese mendojme ta bejme reformen si pelhura e Penelopes, thur e prish dhe dalim ne si shpetimtare te situates kjo nuk shkon. Kane firmosur dy perfaqesuesit tane krere te grupeve parlamentare, atehere le te respektojme ate qe eshte firmosur(, cilesoi ai ne fjalen e tij duke shtuar se mbeshtetja e nderkombetareve eshte e mjaftueshme per te.

Ne tryeze me PS-ne per kryetarin e komisionit te Pronave

Duke ju referuar gjithnje raportit te OSBE-se dhe deklarates se te gjithe faktorit nderkombetar, lideri demokrat beri te qarte se PD eshte e gatshme te ulet ne nje tryeze me PS-ne per zgjedhjen e kryetarit te Kthimit dhe Kompensimit te Pronave. (Ne keto raporte kerkohet te behen perpjekje per nje emerim konsensual te kryetarit te komisionit te kthimit dhe Kompesimit te Pronave. Pavaresisht nga kundershtite e edha qe linden ne parlament ne rast se qeveria tregon gatishmeri per te negociuar, jemi plotesisht te predispozuar per te negociuar ne menyre qe te gjejme nje person qe do te pezullonte edhe disa nga mangesite qe ndodhen ne ligj(. Keshtu u shpreh kryetari i opozites duke bere te qarte ne kete menyre se eshte i gatshem te ulet ne nje tryeze tjeter me PS-ne. (Nese do te miratohej nje kandidature qe do te pranohej nga te gjitha palet, mendoj se do te kompesonte shume defekte te ligjit. Ne jemi shume dakort qe te angazhohemi ne nje proces qe te gjendej nje person qe te kete besimin e te gjitha paleve, per te drejtuar kete proces pavaresisht nga problemet tona qe kemi per ligjin(, vuri ne dukje ai. Gjithashtu lideri demokrat cilesoi se opozita eshte e angazhuar dhe per miratimin e rregullores se parlamentit duke ciclesuar se

(jemi te vendosur qe kundershtite politike, serioze te mos na pengojne per te votuar per te mbeshtetur te gjitha perpjekjet te kujdo qofshin ne rrugen e integrimit dhe kompletimit te reformes).

03/10/2004 http://www.shekulli.com.al/

Shehi: LZHK, sjell opozitën në pushtet

A. Rama

TIRANE - Kryetari i Partisë Demokrate të Rinovuar Dashamir Shehi deklaroi dje se kjo forcë politike do të mbështeste Lëvizjen për Zhvillim Kombëtar të iniciuar nga pretendenti i fronit mbretëror Leka Zogu. Shehi pohoi se ndonëse forumet e partisë nuk kanë marrë një vendim për këtë lëvizje, tashmë përfaqësohet nga një grup prej 6 deputetësh në Kuvend. Sipas tij, kjo lëvizje e re politike, ishte shansi i vetëm që e djathta të kthehet në pushtet vitin tjetër pas zgjedhjeve të përgjithshme parlamentare. “Do të vendosin forumet, kur të mblidhet edhe Këshilli Kombëtar, por e shohim me simpati, si një lëvizje frytdhënëse për shëndetin e opozitës, dhe si një shans që pjesa më e mirë e shqiptarëve që nuk kanë votuar për krahun opozitar t’i bashkangjiten. Vetëm ky është shansi real dhe i mundshëm që opozita shqiptare të kthehet në pushtet”, -tha Shefi. Ndërkohë ai bën pjesë në një tjetër grup parlamentar në Parlament, i krijuar me deputetë të huazuar nga PD. Shehi nuk pohon nëse do t’i bashkohet edhe grupit të ri të LZHK-së në Kuvend, por është i mendimit se partia e tij do të bashkëpunojë me Lëvizjen për Zhvillim Kombëtar.

-----------------------------------------------------------------

Kreu i PD i përgjigjet Nanos: Nuk do të hakmerrem kur të vij në pushtet

Berisha: Konsensus me PD për kreun e Komisionit të Pronave

A. Rama

TIRANE - “Unë nuk jam hakmarrës dhe nuk do të hakmarren ndaj kundërshtarëve politikë, kur të jemi në pushtet”. Ky ka qenë ragimi i kreut të PD-së Berisha për fjalën e Nanos në KPD i cili tha se nëse opozita vjen në pushtet, do të sjellë me vetë pranga, kaos dhe destabilizim. “Po të isha hakmarrës nuk do të kisha firmosur dekretin e vitit ‘97. Ne jemi për një shtet ligjor dhe jo për hakmarrje”, -tha ai. Nga ana tjetër pavarësisht nga ftesa që kreu socialist i bëri dje nga mbledhja e KPD-së lidhur me gjetjen e zgjidhjeve për t’i dhënë fund ngërçit të reformës zgjedhore, kreu demokrat tha se nuk do të shkelte mbi atë që kanë nënshkruar krerët e grupeve parlamentare të PS-së dhe PD-së. “Pavarësisht se nuk kam firmën aty, i qëndroj fjalë për fjalë. Unë dhe Nano nuk jemi ekspertë të reformës zgjedhore, janë ulur ekspertët, janë ulur kryetarët e grupeve parlamentare dhe nuk pranoj të shkel mbi ato që janë firmosur. Ka disa mënyra për të garantuar dhe Kodi i Venecias, është një kod i cili e trajton shumë gjatë. Ne jemi dakord me një nga 4 variantet, ndërsa socialistët i hedhin poshtë të gjitha”, -tha Berisha. Berisha ritheksoi se në rast se socialistët nuk do të tërhiqen nga qëndrimi për reformën zgjedhore, opozita do të fillojë zbatimin e të gjitha formave demokratike për garantimin e zgjedhjeve të lira e të ndershme vitin e ardhshëm. Berisha për herë të parë u shpreh në favor të emërimit të një kandidature të pranueshme nga të dyja palët për kryetarin e ri të Komitetit Shtetëror të Kthimit dhe Kompensimit të Pronave me qëllim që të pezulloheshin disa nga defektet gjatë miratimit të ligjit “Për kthimin dhe kompensimin e pronave. “Nëse do të miratohej një kandidaturë që do të pranohej nga të gjitha palët, mendoj se do të kompensonte shumë defekte të ligjit. Ne jemi shumë dakord që të angazhohemi në një proces që të gjendej një person që të ketë besimin e të gjitha palëve, për të drejtuar këtë proces pavarësisht nga problemet tona që kemi për ligjin”, -tha Berisha. Duke u ndalur tek zbatimi i parimit një anëtar një votë, ai saktësoi se ky ishte një proces që donte kohë të realizohej. “Ky është një proces që kërkon mbi të gjitha një regjistër partiak korrekt. Ne po përgatisim regjistrin dhe brenda dy viteve mendojmë ta konkretizojmë. Ky mekanizëm nuk duhet të dështojë. Duhet të sigurojmë periudhën e sigurt të kuorumit pasi mbi 50 % duhet të marrin pjesë në votim, se përndryshe bllokohet procesi. Duhet të mendojmë edhe për votimin me postë”, -përfundoi Berisha.