04062004pronat

--------------------------------------------------------------------------------
04 Qershor 2004 http://www.kohajone.com/

KUVENDI HARRON PRONAT, VAZHDON SHARJET

Deklaruan dje ne seance parlamentare:

Sali Berisha, PD:

- Ti kryetar i seances, je nje vrases i vjeter qe shembellen me halene e Fatos Nanos dhe qe e drejton seancen me 40 te cmendur.

Taulant Dedja, PS:

- Zoti kryetar i seances, nese nuk respektoni rregulloren e Kuvendit, une dhe nje numer i konsiderueshem i deputeteve socialiste do te bojkojtojme seancat plenare per nje afat te caktuar. Nuk mund te pranojme sharjet dhe fyerjet, qe e kane kthyer Kuvendin ne teater.

Jozefina Topalli, PD:

- Ju duhet te jeni nje njeri moderator, zoti kryetar, si i tille ju keni pergjegjesi per mbarevajtjen e Kuvendit. Nese dikush thyen rregulloren nxirreni, ju duhet t'i permbaheni asaj. Ndersa per deputetin Dedja mund te them se eshte nje njeri qe ka shume probleme me veten.

Limoz Dizdari, PS:

- Ngjarja qe ndodhi seancen e kaluar ishte mjaft e shemtuar, dhe shpresoj qe te mos perseritet. Por une nuk besoj se gjerat ndhodhin dhe qe vijne thjesht per shkak te efekteve emocionale. Theksoj se si mazhoranca ashtu dhe opozita duhet te respektojne njera-tjetren.

Oli Xhilaga

Zhvillimet e seancave plenare vazhdojne te ndjekin te njejten rruge, ate te sharjeve dhe fyerjve dhe si rrjedhoje bllokimin e tyre. Keshtu dhe seanca e djeshme plenare degjeneroi ne nje fjalor akuzash dhe fyerjesh. Ne fakt, ajo kishte ne rend te dites shqyrtimin dhe miratimin e disa prej neneve te projektligjit "P-_thimin dhe kompesimin e pronave" te cilit me sa duket i duhet nje kohe e gjate qe te gjeje zgjidhjen perfundimtare. Por qe ne fillim te seances deputeti socialist Taulant Dedja, ka terhequr vemendjen e kryetarit te Kuvendit, per mosrespektim te rregullores se ketij parlamenti. Kjo per arsye se Pellumbi, sipas deputetit Dedja, nuk ka mbajtur qendrimin e duhur kundrejt akuzave dhe sharjeve qe ne seancen e kaluar i jane drejtuar atij nga shefi i opozites Berisha. Socialisti kerkoi nga kryetari i Kuvendit, qe te marre masa ndaj deputeteve, te cilet me sjelljet e manifestuara ne seancen e fundit plenare shkelen etiken parlamentare. Por gjuha me te cilen deputeti socialist shprehu shqetesimin e tij ishte mjaft e vrazhde dhe fyese, gje e cila solli mjaft pakenaqesi tek deputetet opozitare. Nenkryetarja e Kuvendit, Jozefina Topalli, ne emer te Partise Demokratike, duke iu kunderpergjgjigjur deputetit Dedja, i rikujtoi atij pergjegjesine qe ky i fundit ka per vrasjen e deputetit demokrat Azem Hajdari. Gjithashtu Topalli duke iu referuar qendrimit qe ky deputet mbajti ne kete seance theksoi se "ai eshte nje njeri qe ka mjaft probleme me veten", duke kerkuar nga kryetari Pellumbi qe te respektoje rregulloren e parlamentit dhe te tregohet moderator ne drejtimin e seancave plenare. Dedja duke justifikuar veten kundrejt akuzes se Topallit, u shpreh se ne kohen kur ka qene prefekt ka bere vetem detyren. Nga ana tjeter, ne lidhje me akuzat e Berishes ndaj tij, Dedja nuk ngurroi t'i permendte origjinen liderit te opozites.

Pellumbi: "Me beni mocion, po deshet"

Kryetari i Kuvendit Servet Pellumbi deklaroi se "ne rast se opozita mendon se ai shkel rregulloren, atehere i sugjeron asaj te hartoje nje mocion mosbesimi ndaj kryetarit te parlamentit". Ne kete menyre seanca plenare sa vinte dhe acarohej me shume per shkak te debateve te acaruara midis deputeteve. Por kulmin e acarimit kjo seance e arriti ne momentin, kur shefi i opozites Berisha mori fjalen ne kunderpergjigje te fyerjeve qe erdhen ndaj tij prej deputetit Dedja. Nga ana e tij, kryetari i PD-se, Sali Berisha nuk i kurseu fyerjet ne drejtim te pozites, pa kursyer madje as kryetarin e Kuvendit. Zhurma dhe nervozizmi ne salle, shoqeruar me fjale te renda fyese dhe ne perpjekje te deputeteve opozitare per t'u perqendruar grup te faltorja e kryetarit, i detyroi forcat e rendit brenda salles per t'u vene ne mbrojtje te kryeparlamentarit Servet Pellumbi. Duke marre shkas nga situata e krijuar, nga fjalet e pahijshme qe thyenin rende etiken parlamentare, kryetari Pellumbi u detyrua te jepte pushim, kohe gjate se ciles u mblodh Byroja e Kuvendit. Pas mbledhjes se saj, nepermjet nenkryetares Makbule Ceco, u njoftua nderprerja e krejt kesaj seance. Drejtuesi i seances plenare per te qetesuar situaten, i nderpreu punimet e parlamentit per t'i rifilluar ato te henen. Ne kete menyre, dhe kesaj radhe nuk ishte i mundur zhvillimi normal i punimeve parlamentare, duke lene pezull ceshtjen e pronave, e cila po shtyhet per disa here me radhe.

--------------------------------------------------------------------------------

http://www.panorama.com.al/

Faqe 6 - Politikë

4Qershor 2004

“Pronësi e Drejtësi” ankohet te Prodi, Priebe dhe tek ambasada amerikane në Tiranë

“BE të bllokojë ligjin për pronat”

Ish-pronarët: Me ligjin e ri po mbulohet korrupsioni

Nikolin Todolli

Shoqatat e ish-pronarëve do të ankohen për projektligjin që po miraton Kuvendi te kreu i BE-së, Romano Prodi, dhe te kryenegociatori i KE-së për Shqipërinë, Reinhard Priebe.

Gjithashtu, ish-pronarët kanë theksuar se shqetësimin e tyre ia kanë paraqitur edhe ambasadës amerikane në Tiranë, si dhe OSBE-së. Sekretari i shoqatës “Pronësi me Drejtësi”, Agim Toro, tha dje për “Panoramën” se institucionet e huaja duhet të këmbëngulin pranë qeverisë dhe dy forcave kryesore, PS-së dhe PD-së për të mos lejuar miratimin e ligjit për kthimin dhe kompensimin e pronave. “I jemi drejtuar OSBE-së që të shprehë qëndrimin e saj, nëse ligji që po diskutohet në Parlament ofron një zgjidhje të saktë apo jo për kthimin dhe kompensimin e pronave”, tha Toro, i cili ka komentuar edhe nenet që janë miratuar deri tani nga Parlamenti.

“Një ligj antikushtetues”
“Ligji që po miratohet nga Parlamenti është demagogjik dhe shkel Kushtetutën”. Kështu tha dje Toro duke komentuar se neni 9 i draftit, i sapomiratuar nga Parlamenti, bie në kundërshtim me vendimin e vitit 2002 të Gjykatës Kushtetuese, e cila ka përcaktuar që, qiraja e familjeve të pastreha të paguhet me vlerën e tregut. Ndërkohë, që PS-ja dhe PD-ja ranë dakord që qiraja e familjeve të pastreha për dy vjet të jetë me vlerën që do të përcaktojë Këshilli i Ministrave, ndërsa pas këtyre dy viteve qiraja do të jetë me vlerën e tregut. “Nene të tjera gjithashtu ligjërojnë të gjithë ata që janë favorizuar nga politika për të marrë pronë në kurriz të pronarëve të vërtetë”, thekson nënkryetari i shoqatës “Pronësi me Drejtësi”, Ahmet Sulstarova. Po kështu, sipas tij, drafti që po diskutohet është demagogjik, pasi qeveria po përpiqet t’i tregojë Evropës se vërtet po gjen një zgjidhje për problemin e pronave. “Por, Shoqata Evropiane e Pasurive të Paluajtshme, me qendër në Bruksel, ka theksuar me anën e rezolutës së 9 majit të këtij viti se nuk do të pranojë të bëjë investime private në vendet ku nuk respektohet prona dhe, në veçanti, në Shqipëri, ku akoma nuk ka një ligj”, tha Sulstarova.

“Ligji i ri mbulon korrupsionin”
Ish-pronarët këmbëngulin që partitë kryesore, PS-ja dhe PD-ja po tentojnë që me anën e këtij ligji të mbulojnë korrupsionin e bërë deri tani me pronat në Shqipëri. “Gjatë gjithë debatit për pronat, këto dy parti janë përpjekur të bëjnë fushatë elektorale, duke mos mbrojtur interesat dhe të drejtën e pronarëve të vërtetë. Praktikisht, ligji që po miratohet nuk do të mund të zbatohet, pasi shteti nuk ka toka të mjaftueshme për kompensim, ndërsa fatura financiare është e papërballueshme”, tha më tej sekretari i përgjithshëm i shoqatës “Pronësi me Drejtësi”.

Zydi Pepa: Largimi im nuk e dëmton PS-në

Deputeti i PS-së, Zydi Pepa, i cili hoqi dorë nga firma që kishte dhënë për projektligjin e pronave, tha për “Panoramën” se largimi i tij nga seanca nuk do të ketë efekt negativ te deputetët e tjerë të grupit parlamentar të PS-së. Pepa ka refuzuar të marrë pjesë në diskutimin e mëtejshëm të projektligjit, pasi, sipas tij, nuk parashikohet fatura financiare.

Kuvendi
Sot, miratimi përfundimtar

Kuvendi pritet të miratojë sot nenet e mbetura nga seancat e kaluara të projekligjit për kthimin dhe kompensimin e pronave. Diskutimi është parashikuar të nisë paradite, ndërkohë që PD-ja ka paralajmëruar se nuk do të lejojë miratimin pa debat të pikave të rëndësishme, si zonat turistike, emërimit të kryetarit të Komitetit Shtetëror të Kthimit dhe Kompensimit të Pronave etj. Gjithashtu, sot pritet të marrë pjesë në seancë edhe kryeministri, Fatos Nano.

Kreu demokrat shpjegon tek OSBE-ja kundërshtimet mbi pronat
Berisha Liponenit: Ja pse nuk e kalojmë ligjin

Konfliktet e fundit për çështjen e pronave e takojnë sërish Berishën me Liponenin. Kreu i PD-së është ankuar pranë ambasadorit të OSBE-së, lidhur me disa amendamente të miratuara nga socialistët për pronat, për të cilat ka paralajëmruar edhe votën kundër. Konkretisht, ky qëndrim do të jetë nëse nuk do të korrigjohet neni që trajton çështjen e të shpërngulurve. Sipas tij, lënia e këtij problemi mes pronarëve dhe banorëve të ardhur në tokat e tyre do të shkaktojë një gjakderdhje të re mes pronarëve dhe të shpërngulurve. “Ideja se ky problem mund të zgjidhet pa ndërhyrjen e shtetit është me pasoja jashtëzakonisht të rrezikshme, pasi bën të pamundur legalizimin, sjell konflikte mes popullsisë dhe shtim të viktimave për çështjen e pronave”, u shpreh dje lideri demokrat, Berisha, pas takimit dypalësh. Ai ka shprehur shqetësim edhe për polipronësinë që del për të njëjtin truall. Në këtë linjë, ai tha se “në zonat suburbane ka pronarë, por ka edhe një spekulim të pafund dhe mund t’ju them se në këto zona gjen rëndom dy ose tre bashkëpronarë për të njëjtën pronë”. Duke akuzuar PS-në se po bën dallime klasore mes ligjit për shtesat dhe nenit për të shpërngulurit, Berisha theksoi se “u përdoren dy standarde: për qytetarët që kanë ndërtuar me mijëra shtesa dhe jo vetëm në kate, por edhe mbi troje është bërë ligji i legalizimit”.

Liponeni pret edhe negociatorët e Kodit

Vetëm pak orë pas takimit Berisha - Liponen, dje në OSBE kanë “bujtur” negociatorët e PD-së dhe PS-së për reformën zgjedhore. Përkatësisht, Ilir Rusmajli dhe Ylli Bufi, kanë vijuar edhe dje konsultat, për të dalë me një dokument të vetëm për çështjet zgjedhore, i cili do të jetë në formën e një protokolli.

© 2003 Gazeta Panorama

----------------------------------------------------

Rilindja Demokratike - 03/06/2004 http://pages.albaniaonline.net/rd/

Berisha akuzon qeverinë se ka anashkaluar çështjen e të ardhurve, duke vështirësuar legalizimin e tyre

PD kushtëzon votimin e projektligjit të pronave

Ligji i hartuar nga OSBE për të shpërblyer pronarët, po kthehet në ligjin e pronësimit të qeveritarëve. Kjo, për PD, është totalisht e dënueshme

Berisha: "Ligjin e kishim konceptuar për të kompensuar ish-pronarët dhe jo për të pronësuar qeveritarët, por ligji po shndërrohet në ligj të pronësimit të qeveritarëve"

Partia Demokratike ka denoncuar shumicën në Parlament se me ligjin që po kalon, ka anashkaluar apo lënë pas dore çështjen e të ardhurve, duke vështirësuar legalizimin e tyre, si një çështje që prodhon çdo ditë konflikte.

Shkak për këtë reagim të kryetarit të PD, Sali Berisha, është bërë rrëzimi në Parlament i amendamentit të propozuar nga opozita, i cili i jepte përgjigjen më të drejtë problemit të të shpërngulurve që sipas kreut demokrat, janë afërsisht një gjysëm milion shqiptarë në mbarë vendin.

Berisha deklaroi dje gjatë një konference shtypi se me këtë votim kundër, socialistët kanë kompromentuar shumë rëndë procesin e legalizimit.

Sipas liderit demokrat, "ky fenomen, pothuajse masiv, nuk mund të ketë asnjë zgjidhje tjetër përveçse një zgjidhje shtetërore, në të cilën shteti merr përsipër të kompensojë plotësisht pronarët dhe pastaj me ligj të veçantë të bëhet legalizimi i këtyre banesave, vetëm kështu mund të zgjidhet në mënyrë përfundimtare kjo çështje".

Lideri demokrat ka mbrojtur kështu idenë se duhet zgjidhur çështja e legalizimeve, duke kompensuar plotësisht pronarët, për të cilat tha se ka një spekulim të vërtetë. Siç pohoi Berisha, "në zonat e urbanizuara apo suburbane ka pronarë, por ka dhe një spekulim të pafund, dhe mund t'ju them se në këto zona gjen rëndom 2 apo 3 palë pronarë për të njëjtën parcelë, për këtë arsye askush nuk mund ta zgjidhë këtë problem përveçse shtetit. Është shteti që duhet të merret me pronarin, është shteti që duhet të merret me spekulatorin, është shteti që duhet të legjitimojë të shpërngulurit".

Berisha: Qeveria po nxit konfliktin mes të shpërngulurve dhe pronarëve

Kreu demokrat ka deklaruar se vetëm shteti mund të zgjidhë problemin disa herë të ngatërruar midis të shpërngulurve dhe ish-pronarëve

Berisha ka hedhur poshtë idenë që ky problem të zgjidhet midis të shpërngulurve dhe pronarëve, "si diçka absolutisht me pasoja të rrezikshme". Kryetari i PD-së ka argumentuar konkluzionin e tij në këtë mënyrë: "Së pari, bën të pamundur procesin e legalizimit, së dyti, nxit një konfliktualitet të madh si dhe shton viktimat e pronës. Çdo ditë dëgjojmë lajme të tilla". Berisha ka bërë thirrje që shteti të marrë përgjegjësinë që ka për këtë çështje, duke sjellë edhe shkaqet përkatëse. Kjo përgjegjësi, për liderin e opozitës, duhet të merret: "Së pari, sepse shteti solli lëvizjen e lirë në dallim nga shteti i mëparshëm. Ky shtet është shteti i lëvizjes së lirë dhe lëvizja e tyre ka qenë një gjë normale. Së dyti, shteti mund të përcaktonte që në fillim urbanizimin e këtyre zonave para se ato të popullohen, të bënte projektin e urbanizimit të tyre. Pra, ka një seri përgjegjësish në këtë proces dhe vetëm shteti mund të zgjidhë atë". Berisha bëri të ditur se qëndrimi i PD në këtë rast nuk kishte frymë politike, "por vetëm një qëllim shumë fondamental për të zgjidhur çështjen e pronarëve dhe pastaj për të bërë legalizimet me çmime që përcakton ligji tjetër, por që zgjidh çështjen e pronarit".

PD dënon politikën e dy standarteve, për qytetin dhe periferitë

Partia Demokratike ka dënuar politikën e dy standarteve, një për shtesat e paligjshme në qytete dhe një tjetër për banesat e të shpërngulurve në periferi. Këto komente, lideri demokrat Sali Berisha i bëri dje gjatë një konference shtypi të dhënë në selinë blu, ku komentoi politikën e shumicës socialiste për të ndërtuar një ligj për vete dhe pronat e tyre, si dhe anashkaluar çështjen e të shpërngulurve.

Siç tha Berisha: "Janë përdorur dy standarte; për qytetarët që kanë ndërtuar me qindra dhe mijëra shtesa, dhe jo vetëm kate, por edhe troje, u bë ligji i legalizimit, nuk u pyet për asgjë, vetëm të paguhet një shumë dhe dilet në anën tjetër, kurse për ata që në tërësi janë skllevërit e socializmit, u lanë në mëshirën e konfliktit me pseudopronarët apo me ufopronarët dhe ky është një zhvillim shumë negativ".

Më tej Berisha tha se, "unë gjykoj se ligji që po kalon, e bën absolutisht të pamundur zgjidhjen e kësaj çështje".

Shteti ka gjithmonë përgjegjësi ndaj qytetarëve të tij

Shteti ka gjithmonë përgjegjësi për qytetarët e tij dhe ky është një detyrim që zbatohet nga çdo shtet në botë. Shkak për këtë reagim të liderit demokrat është bërë pyetja e një gazetari sipas të cilit, fatura e të shpërngulurve rëndon mbi taksapaguesit shqiptarë. Në vazhdim të komentit të tij, Berisha tha se, "fenomeni i shpërnguljes është një fenomen botëror, është një emigrim i brendshëm, por ne nuk duhet të harrojmë se më shumë shqiptarë kanë emigruar jashtë, në një shifër që shkon të paktën sa dyfishi i shqiptarëve që janë shpërngulur brenda vendit".

"Atëherë sipas kësaj logjike, u shpreh Berisha, taksapaguesit grekë, taksapaguesit anglezë apo gjermanë, paskan disa përgjegjësi për t'i strehuar këta emigrantë shqiptarë, ndërsa vetë Shqipëria nuk i paska këta shtetas asgjë"

Për liderin demokrat, "shteti ka gjithmonë përgjegjësi ndaj qytetarëve dhe unë nuk po them të paguajnë taksapaguesit, por në qoftë se shteti merr përsipër kompensimin, ka kompensim fizik. Pse për në qytete e merr parasysh ligji dhe përreth qyteteve nuk e merr?" pyeti ai. Berisha tha se për ish-pronarët mund të bëhet kompensim fizik. Siç tha ai, "ato 300-400 ha tokë që janë zënë, shteti t'i kompensojë të tjerat e mbetura të pakompensuara. Pushteti duhet të marrë përsipër, sepse kjo është gjendja. Për shembull mund t'i shpërngulë kush ata? Kjo është e pamundur, prandaj nuk duhet të bëjmë gjëra jashtë logjike. Ata nuk i shpërngul dot, prandaj do të bësh legalizim, por në këtë proces legalizimi duhet të respektuar pronari".

Berisha denoncon përpjekjet për arapizimin e Komisionit të Pronave

Kryetari i Partisë Demokratike, Sali Berisha, i ka denoncuar përpjekjet për arapizimin e Komisionit të Pronave ose ndryshimin e drejtimit të tij nga një person i pavarur, në një dorë të kontrolluar nga qeveria. Lideri demokrat u tha gazetarëve se zoti Bode u kishte shpjeguar një ditë më parë shumë qartë, se përpjekjet për arapizimin e Komisionit të Pronave nga Fatos Nano, të cilat përbëjnë përpjekjen e dytë më të paimagjinueshme për të kthyer ligjin e pronave, që synon të kompensojë pronarët, ta kthejnë në një ligj për pronësimin e tyre. Siç dihet, dje, sekretari i Përgjithshëm i PD denoncoi PS se kishte ndryshuar variantin fillestar të ligjit të sjellë nga OSBE. Siç tha ai, "modeli i parë i paraqitur nga OSBE dhe prej deputetëve që paraqitën ligjin në Parlament, ishte ai i ngritjes së një komisioni jashtëqeveritar për të mundësuar kohezionin politik në të gjithë procesin e zbatimit të ligjit. Dhe tani ky model zëvendësohet me një model tërësisht qeveritar nga ana e mazhorancës, e cila ka vullnet të dukshëm për të mbajtur nën kontroll procesin e kthimit të pronave".

Për të provuar këtë konkluzion, Berisha i ftoi gazetarët të lexonin deklaratën e ish- ministrit të Turizmit, Besnik Dervishi, për të kuptuar se si ligji i hartuar nga OSBE, për të shpërblyer pronarët, po kthehet në ligjin e pronësimit të qeveritarëve. Kjo për PD është totalisht e dënueshme.

Siç komentoi Berisha, "përveç nenit për fshatrat turistike dhe vilat e tyre, ata kanë vendosur nenin tjetër në të cilin Fatos Nano u hap rrugën e privatizimit të Piramidës dhe të Pallatit të Kulturës për vete dhe për klanin e tij". Siç tha Berisha, "ligjin e kishim konceptuar për të kompensuar ish-pronarët dhe jo për të pronësuar qeveritarët, por ligji po shndërrohet në ligj të pronësimit të qeveritarëve".

Siç dihet, Partia Demokratike ka deklaruar se nuk do të marrë pjesë në Komitetin e Kthimit dhe Kompensimit të Pronave, në rast se kryetari i këtij institucioni do të zgjidhet nga qeveria dhe jo nga Presidenti. PD ka bërë të qartë se nuk do të marrë pjesë në asnjë rast në një komision apo në një strukturë qeveritare, pasi roli dhe misioni i opozitës nuk është që të ndajë pushtete ekzekutive me shumicën parlamentare.

PD ka deklaruar se kërkon një komision të varur nga Parlamenti. Sipas saj nuk është çështja thjesht për të krijuar një institucion asnjanës, por për të krijuar një strukturë, e cila nuk nënkupton domosdoshmërisht qeverinë si e vetmja palë për të implementuar dhe ekzekutuar ligjin.

Lideri demokrat u tha gazetarëve se ishin bërë konsulta me OSBE edhe lidhur me procesin e arapizimit të Komisionit të Pronave dhe se ajo është shprehur se është ndryshuar ligji i përgatitur prej saj. Pra, OSBE i qëndron ligjit të vet, ajo mbron ligjin e vet. Siç dihet, ligji i OSBE ka përcaktuar një institucion të pavarur dhe neutral për kthimin e çështjes së pronësisë.

Mujë Buçpapaj

------------------------------------------------------

http://www.ballkan.com/

Neritan Ceka: Liponen të shpallet “non-grata”

Autori i Lajmit: Tirane
Tiranë - Aleatët e majtë kanë kundërshtuar një marrëveshje të mundshme mes dy partive të mëdha për përmirësimin e Kodit Zgjedhor, duke e cilësuar atë si ”tradhëti” të radhës. Kreu i Partisë Aleanca Demokratike, Neritan Ceka, ka qenë më i ashpër në deklaratën e tij, duke kërkuar që kreu i OSBE-së të shpallet person “non-grata”, pasi, sipas tij, është fajtor për të gjitha dashuritë mes dy partive të mëdha. “Ky është një protokoll i turpshëm dhe ne duhet të marrim të gjitha masat urgjente që të bllokojmë këtë lloj protokolli dhe të hiqet dorë përfundimisht nga shkatërrimi i zgjedhjeve”, tha dje Ceka. Ai bëri të ditur se ashtu si më parë, “akuzoj direkt zotin Liponen”. Ai bëri të ditur se do u bënte thirrje partive të quajtura të vogla, që të bëjnë një kërkesë zyrtare që Liponen të ikë sa më parë nga Shqipëria. “Të kërkohet gjithashtu që Liponen të quhet ‘persona non-grata’, si organizator i tërë marrëveshjeve të fshehta për shkatërrimin e zgjedhjeve”, deklaroi Ceka. Ky reagim erdhi vetëm një ditë pasi PD-ja pranoi se konsensusi me PS-në ishte i afërt për rikompozimin e KQZ-së. Ndërsa, kreu i Partisë Demokracia Sociale, Paskal Milo, e ka cilësuar një tentativë të partive të mëdha, për të manipuluar zgjedhjet e ardhshme. "Ne do të kundërshtojmë çdo marrëveshje të dy partive të mëdha politike, të cilat kërkojnë të manipulojnë përgatitjet e amendimeve të Kodit Zgjedhor, gjithnjë në përputhje me interesat e tyre”, u shpreh Milo për këtë çështje. Ai bëri të ditur se nuk do jetë dakort dhe shtoi se “do të votoj kundër një Kodi Zgjedhor të tillë, i cili kërkon të ruajë monopolin e manipulimit nga dy partitë e mëdha”. Sipas tij, “kjo marrëveshje synon të mohojë transparencën e nevojshme të procesit elektoral dhe sidomos të procesit të votimit, në përputhje me rekomandimet që janë bërë nga OSBE/ODIHR-i, por edhe nga Presidenti i Republikës”.

Data e Publikimit: 04/06/2004

--------------------------------------------------------------------------------

04/06/2004 http://www.shekulli.com.al/
Çifti Nano u divorcua në 7 nëntor 2001 pas kërkesës së kreut të PS-së për t’u ndarë nga Rexhina

Rexhina, zv/ambasadore në Paris

Ish-bashkëshortja e kryeministrit nuk ka pasur ndonjë karrierë diplomatike

A.Rama

TIRANE- Ish –bashkëshortja e kryeministrit Fatos Nano, Rexhina Nano, është emëruar zyrtarisht zv/ambasadore e Shqipërisë në Paris. Emërimi është zyrtarizuar nga kreu i diplomacisë shqiptare dhe është konfirmuar nga burime konfidenciale pranë Ministrisë së Jashtme. Ndonëse Rexhina Nano, nuk ka dhënë ndonjë kontribut në diplomaci, apo ka pasur lidhje me të, duket se tashmë ajo do të zhvendoset përkohësisht nga Tirana në kryeqytetin francez, Paris për të filluar karrierën si diplomate. Në emërimin e Rexhinës si numri dy i ambasadës sonë në Paris duket se ka ndikuar jo pak edhe ish-bashkëshorti Fatos Nano ndoshta për t’i dhënë mundësinë Rexhinës, të qëndrojë pranë vajzës që ndodhet me studime në Paris. Për një kohë të gjatë, Rexhina Nano ka punuar në Albtelekom. Kriza e martesës në çiftin Nano u shfaq 3 vjet më parë, shumë kohë para se Fatos Nano të bënte publike lidhjen tjetër me Xhoana Nanon. Ndërsa procesi gjyqësor për zgjidhjen e martesës së çiftit Fatos dhe Rexhina Nano ka filluar ditët e para të muajit tetor, kur Evelina Qiriako, avokatja mbrojtëse e Fatos Nanos, ka paraqitur aktpadinë e klientit të saj për t’u ndarë nga e shoqja. As Fatosi, as Rexhina nuk ka qenë prezent në seancë. Në seancën e dytë të procesit, Fatos Nano, refuzoi të pajtohej. Ai gjithashtu me anë të avokates Evelina Qiriako, refuzoi të tërhiqte aktpadinë, që do të sillte ndarjen bashkëshortore midis çiftit Fatos dhe Rexhina Nano. Pala e paditur, Rexhina Nano, as këtë herë nuk ishte e pranishme në sallë. Ajo paraqiti një raport mjekësor ku thuhej se ishte e sëmurë. Seanca e tretë e procesit u zhvillua më datë 27 tetor. Në këtë seancë ishte e pranishme Rexhina e shoqëruar nga djali Sokoli dhe avokati Vladimir Meçe. Duke qenë se pala e akuzuar merrte pjesë për herë të parë në proces asaj iu komunikua padia për divorc. Sipas Kodit të Procedurës Civile, në seancën e parë, gjithmonë synohet që të bëhet pajtimi i palëve. Gjykata i dha asaj mundësinë për t’u pajtuar me bashkëshortin. Rexhina e refuzoi këtë mundësi. Seanca e katërt dhe e fundit përpara vendimit të divorcit, u zhvilluan më datë 2 nëntor. Në këtë seancë të dyja palët lexuan nga një deklaratë. Rexhina në deklaratën e saj i kërkonte trupit gjykues që në vendimin përfundimtar të divorcit të specifikohej i kujt është faji për ndarjen. Kjo kërkesë u pranua nga gjyqtarja. Gjithashtu u vendos që shpenzimet e shkollës së vajzës Edlirës, në Francë të paguhen në mënyrë të barabartë. Më 7 nëntor u zhvillua seanca e fundit ku gjykata vendosi ndarjen bashkëshortore të çiftit Fatos dhe Rexhina Nano.