04092004

Ilir Meta, lideri i Levizjes Socialiste per Integrim, do te kete tre zevendeskryetare ne forcen e re politike qe pritet te linde me 6 shtator. Sabit Brokaj dhe Dritan Prifti vleresohen si emrat me te mundshem per postet e larta drejtuese ne LSI, ndersa nje tjeter deputet, ndoshta Braho, do te plotesoje kuartetin drejtues. Gjithashtu, partia e re do te kete ne kupolen e saj sekretaret per marredheniet me jashte dhe per marredheniet me publikun, ndersa pritet te funksionoje pas disa javesh edhe nje organ zyrtar shtypi. Ne postin e sekretarit te pergjithsem te Levizjes emri me i diskutuar eshte ai i Petrit Vasilit, aktualisht zedhenes politik i LSI-se. Megjithate, zyrtarizimi i Levizjes Socialiste per Integrim dhe miratimi i dokumenteve themelore te saj, si statuti dhe programi, do te behen te henen me 6 shtator.

Levizja Socialiste per Integrim e ish-Kryeministrit Ilir Meta do te kete te pakten 10 deputete ne Parlament. Grupit thuajse solid prej 8 parlamentaresh, te udhehequr nga deputeti i Skraparit, i jane bashkuar edhe socialistet Eduart Alushi dhe Albert Çaçi. Deputeti i Vlores Alushi ka bere nje deklarate te zjarrte ne mbeshtetje te forces se re politike, ndersa Çaçi, ish-zv/minister dhe i cilesuar deri pak muaj me pare si mbeshtetes kryesor i Kryeministrit Nano, mesohet te kete nenshkruar ne dokumentet e Levizjes. Ne kete menyre nen urdhrat e Nanos e Ruçit do te mbeten vetem 60 deputete socialiste, ndersa mbledhja e tyre e pare pas pushimeve verore pritet te zhvillohet te marten e ardhshme. Gjithashtu, te enjten pritet te mbyllet edhe procesi i deklarimit te deputeteve ne grupet parlamentare. Nje procedure standarte ne fillim te çdo sesioni, por qe kete here pritet te marre rendesi te veçante per shkak te largimit te te pakten 10 deputeteve nga rradhet e socialisteve.

Megjithate, ne planet e Metes dhe bashkepunetoreve te tij duket te kete optimizem, ndersa numri 10 i deputeteve cilesohet si minimumi i arritur. Vemendja eshte hedhur nga dy deputetet e Partise Bashkimi per te Drejtat e Njeriut, te cilet u jane rebeluar urdherave te Vangjel Dules. Kristo Goxhi dhe Ligoraq Karamelo ne disa votime ne Parlament kane bashkuar votat me ish-Kryeministrin Meta per te kundershtuar liderin socialist Nano. Deri tani mbetet ende e paqarte nese edhe dy deputetet e PBDNJ-se do te jene pjese e grupit te ri parlamentar te LSI, por sidoqofte ata jane rreshtuar jashte mazhorances qe mbeshtet qeverine e Kryeministrit Nano.

Ne kete menyre, shifrat per shefin e qeverise ribehen te veshtira ne Parlament, ndonese kundershtaret e tij, ne opozite ose jo, kane hezituar te kerkojne nje mocion mosbesimi per shkak te pasigurise ne arritjen e 71 votave. Pasi arriti te shperbente kundershtaret e tij ne parti, qe e bllokuan per 6 muaj ne plotesimin e vendeve bosh ne qeveri pas largimit te Ilir Metes dhe Sokol Nakos ne korrik 2003, Kryeministri socialist ia doli te miratonte ne fund te dhjetorit 2003 nje ekip te ri ministrash.

"Kam marre nje vendim per te qene anetar i kesaj Levizjeje. Eshte nje moment qe mua me ngarkon me shume emocione, mbasi asnjehere ne angazhimin tim 15-vjeçar politik nuk e kisha deshiruar te vinte ky moment". Eshte kjo deklarata e deputetit Eduart Alushi, me te cilen ai konfirmon rreshtimin ne Levizjen Socialiste per Integrim te ish-Kryeministrit Meta. "Duke qene nje nder themeluesit e PS, duke qene tete vjet drejtues i PS se Vlores ne vitet me te veshtira te saj, absolutisht nuk e kisha menduar se do te vinte kjo dite qe PS te ndahej", eshte shprehur Alushi. Ai tha se motivet lidhen me lidershipin aktual te PS-se, i cili ka qene gjate gjithe historise se PS ne pluralizem. "Pra lidhen me drejtuesit kryesore te PS, me zotin Nano, me zotin Ruçi, te cilet per pergjegjesi te plote te tyre, e kane çuar PS deri ne kere pike te ndarjes se saj. Pra motivet dhe pergjegjesia per ndarjen e PS i mbetet lidershipit te kesaj partie, te cilet kerkonin te mbysnin frymen oponente ne parti, mendimin ndryshe ne parti, pavaresisht se PS ka patur nje renie te theksuar ne elektoratin e saj ne mbare Shqiperine", u shpreh deputeti Alushi. Sipas tij, rreth 2/3 e elektoratit e kane braktisur PS dhe kjo eshte nje humbje e madhe. "PS nuk duhej te kenaqej me qenien ne pushtet per shkak te mbeshtetjes se ulet ne elektorat te Partise Demokratike, por PS duhet te analizonte me pergjegjesi keto fenomene, qe çuan ne percipitimin e situates dhe ne tkurrjen e elektoratit dhe te mbeshtetjes se saj", nenvizon Alushi. Sipas deputetit me te ri te Metes, ndermjet ketyre dy rrugeve, asaj per luajalitetin dhe bashkepunimin ne PS, qe do i sherbente forcimit te PS dhe rruges tjeter per te siguruar hegjemonine e lidershipit aktual ne PS, fatkeqesisht lidershipi zgjodhi rrugen e dyte.
------------------------------------------------------------

Përveç PS-së, PD-së, PDR-së dhe PR-së, të gjitha partitë e tjera parlamentare si Partia Socialdemokrate, Partia Agrare, Partia Bashkimi për të Drejtat e Njeriut, Partia e Ballit Kombëtar, Partia Lëvizja e Legalitetit, janë në pritje të huazimit të deputetëve nga të dy partitë e mëdha, PS-ja dhe PD-ja, për krijimin e grupeve parlamentare. Kështu, nga 11 grupe parlamentare vetëm katër prej tyre janë ligjërisht të rregullta e të plota. Ndërkohë, shumë deputetë si nga e majta, ashtu edhe nga e djathta, presin ftesa të veçanta nga partitë e ndryshme për formimin e grupeve parlamentare, ku në skenën politike kanë dalë Lëvizja Socialiste për Integrim, e drejtuar nga ish-kryeministri Meta, dhe Lëvizja për Zhvillim Kombëtar, e drejtuar nga pretendenti i Fronit Mbretëror, Leka Zogu.

Lëvizja monarkiste
Edhe dy ditë kanë mbetur nga hapja zyrtare e punimeve parlamentare që partitë politike të paraqesin zyrtarisht emrat e deputetëve që do të jenë në grupet e tyre parlamentare. Në skenën politike kohët e fundit po luan fuqishëm edhe pretendenti i Fronit Mbretëror, Leka i Parë, i cili, sipas burimeve, ka nisur kontaktet me deputetët e partive të vogla për të krijuar grupin parlamentar me emrin e Lëvizjes për Zhvillim Kombëtar. Sipas burimeve, Leka Zogu pritet të zhvillojë takime të veçanta me deputetët e PBK-së, Shpëtim Rroqin e Uran Metkon, si dhe të PBKD-së, Alfred Cakon. Gjithashtu, në përpjekje për të krijuar një grup parlamentar, me më shumë se pesë deputetë, Leka i Parë po tenton të kontaktojë edhe me deputetin Dashamir Shehi dhe deputetë të PDR-së. Ndërkohë, PLL-ja, si pjesë e LKZH-së, ka aktualisht në Kuvend katër deputetë. Eqerem Spahiu, Et´hem Fezollari, Bahri Kollçaku dhe Sadedin Balla, janë deputetët që së bashku me deputetin e përbashkët të PD-së, Sali Shehu, kanë pasur grupin e tyre parlamentar. Nuk dihet nëse Shehu do të jetë përsëri pjesëtar i këtij grupi, pas shkëputjes që PLL-ja i bëri koalicionit të djathtë me PD-në.

PSD-ja dhe agrarët
PSD-ja, të Gjelbërit, Qendra Liberal-Demokrate (me deputetët Karamelo, Ceka, Goçi, Dule dhe Hushi i PS-së) janë në pritje të zbatimit të marrëveshjes me socialistët për huazimin e deputetëve për moshumbjen e grupeve parlamentare. Nënkryetari i PSD-së, Gaqo Apostoli, deklaroi dje për gazetën “Panorama” se “socialdemokratët janë në pritje të rikonfirmimit të paktit me PS-në për grupet parlamentare”. “Patjetër, që ne do të kemi edhe për këtë sesion grupin tonë parlamentar, dhe kjo nuk mund të diskutohet”, theksoi Apostoli.

Kryetari i Kuvendi ka lajmëruar të gjithë deputetët e Kuvendit se të hënën pasdite, në ora 18.00, do të zhvillohet seanca e parë për këtë sesion të ri parlamentar. Më 6 shtator pritet të mblidhet Kuvendi për të përcaktuar kalendarin e punimeve për dy muajt e ardhshëm. Ndërkohë, po të hënën paradite, do të mblidhet Byroja Parlamentare për të miratuar programin e punës së Kuvendit, si dhe kalendarin e punimeve dyjavore. Sfidat më të mëdha të Kuvendit, për këtë periudhë, janë përfundimi i reformës zgjedhore dhe miratimi i buxhetit të ardhshëm për vitin 2005. Pas krijimit të grupeve të reja parlamentare, krijimi i LSI-së, shkëputja e pjesës më të mirë të deputetëve nga Grupi Parlamentar i PS-së, mund të sjellë zhvillime në votimin e ligjeve shumë të rëndësishme, siç është edhe buxheti i shtetit. Largimi i 10 deputetëve nga PS-ja për t’iu bashkangjitur LSI-së, sjell moskontrollimin e maxhorancës nga ana e socialistëve. Gjithashtu, në këtë sesion kaq të rëndësishëm parashikohet edhe votimi i Kuvendit për guvernatorin e Bankës së Shqipërisë, si dhe për kreun e Kontrollit të Lartë të Shtetit. Ndërkohë, gjatë këtyre dy javëve të punimeve të Kuvendit, parashikohet zhvillimi i shtatë interpelancave me ministrat e Rendit, Mjedisit e të Arsimit. Komisionet më të rëndësishme pritet të shqyrtojnë një sërë projektligjesh, ku më të rëndësishmet janë ato “Për legalizimin e zonave informale” dhe drafti i ngjashëm “Për legalizimin e ndërtimeve në ngulmimet e reja komunitare në qytete”. Nismat ligjore janë marrë nga qeveria, si dhe nga një grup deputetësh të Kuvendit.

Projektligji “Për industrinë joushqimore”
Projektligji “Për disa shtesa dhe ndryshime në ligjin për barnat narkotike dhe lëndët psikotrope”
Projektligji “Për disa ndryshime në ligjin për koncensionet dhe pjesëmarrjen e sektorit privat në shërbimet publike dhe infrastrukturë”
Projektvendimi për ndryshimin e vendimit të Kuvendit “Për krijimin e Komisionit Parlamentar për shqyrtimin e rekomandimeve të OSBE-së dhe ODIHR-it, për përmirësimin e Kodit Zgjedhor”, paraqitur nga PDR-ja
Projektvendimi për një shtesë të vendimit të Kuvendit “Për krijimin e Komisionit Parlamentar për shqyrtimin dhe zbatimin e rekomandimeve të OSBE-së dhe ODIHR-it, për përmirësimin e Kodit Zgjedhor”
Projektvendimi “Për caktimin e anëtarëve të Komisionit të Posaçëm të Kuvendit për përgatitjen e ligjit për ndarjen e re administrativo-territoriale”