E Enjte, 05 Gusht 2004 http://www.korrieri.com/

Levizja e Lekes, ne daren e krizes

Pas shpalljes publike te Levizjes per Zhvillim Kombetar, nga pretendenti i
Fronit Mbreteror, Leka Zogu, kane lindur pikepyetjet e para. Ende nuk eshte
njoftuar programi, ndersa kane nisur perlasjet me strukturat e Partise
"Levizja e Legalitetit"

Armando META

Levizja per Zhvillim Kombetar (LZHK), e nismuar muaj me pare nga metonjesi
per fronin mbreteror Leka i I, duket se tashme eshte nen peshen e
komponenteve te nje krize ende te padukshme. Fill pas shpalljes publike te
Levizjes, nga vete Leka Zogu, linden edhe pikepyetjet e para, jo vetem nga
analistet, partite politike, por edhe nga vete legalistet dhe simpatizantet
e monarkise. Leka Zogu deklaroi se do ta kryesonte vete kete Levizje.
Gazetareve ne konferencen per shtyp u tregoi kapaket e nje materiali
voluminoz, te cilin e quajti "program te Levizjes", te cilin premtoi t'ua
bente te ditur shume shpejt te gjithe shqiptareve. Por qe nga ajo dite ka
kaluar mjaft kohe dhe te interesuarit nuk kane mundur te mesojne asgje rreth
kesaj platforme. Madje, ka zera qe thone se ajo nuk ekziston, jo vetem e
shkruar ne leter, por as ne kokat e atyre qe metojne te shpallen lidere te
Levizjes.

Me vone, vete Leka Zogu e mohoi abdikimin, qe nenkuptonte kryesimi i nje
Levizjeje te tille te ngjashme me ate te Simeonit ne Bullgari dhe deklaroi
se, vazhdonte ta pretendonte kuroren dhe fronin e Mbreterise se babait te
tij. Fatkeqesia e vdekjes se bashkeshortes Suzane, e ka shtyre perkohesisht
angazhimin e tij ne krye te LZHK. Burimet nga Oborri Mbreteror informojne
se, "shtatori do te jete muaji i zhvillimeve te reja ne kuader te Levizjes".
Permendja e Levizjes dhe vleresimi i saj dhe nga Nikolla Pano ne Komitetin e
Helsinkit te Kongresit te SHBA, duket se e ngriti pak enthuziazmin e
simpatizanteve te saj. Por problemet qe kane lindur ne baze dhe ne qender,
kane krijuar nje konfuzion tek mbeshtetesit potenciale te saj. Keshtu, shume
simpatizante e kane quajtur deklaraten e shpalljes se Levizjes, si "nje
shumesi sloganesh qe nuk thone dhe nuk premtojne asgje lidhur me vizionet
politike, zgjedhore dhe qeverisese te metuara prej nismetareve, me ne krye
Leka Zogun". Gjithashtu, nga mbreteroret dhe legalistet nuk eshte mirepritur
aspak deklarimi se, "kjo levizje do te perfshije elemente dhe interesa nga e
majta ne te djathte te spektrit politik". Me te ndjeshmit ndaj kesaj
thirrjeje per gjitheperfshirje jane legalistet, te cilet ne statutin e PLL e
kane te ndaluar bashkepunimin me ish- komunistet dhe pranimin e tyre ne
partine ku ata militojne (neni 11). Angazhimi i tyre ne Levizje, si dhe
afrimi i mjaft intelektualeve te pavarur, ish- politikaneve, apo krereve te
partive te vogla, ka krijuar shqetesim edhe tek drejtuesit e PLL-se, te
cilet e shohin veten te konkuruar politikisht, nderkohe qe mendohet se votat
e Levizjes do te jene pak me shume se rezultatet zgjedhore te kesaj partie,
e cila mendohet te jete baza e Levizjes, qofte si infrastrukture
organizative, qofte si kontigjent elektoral.

Shqetesim ka krijuar gjithashtu edhe paqartesia se si do te regjistrohet
Levizja, si subjekt zgjedhor konkurues ne zgjedhjet e ardhshme dhe PLL do te
perfshihet nen siglen e LZHK. Ne rastin e dyte, mjaft legaliste mendojne se
partia e tyre, me e vjetra ne vend, "do te humbase identitetin politik dhe
ate te perfaqesimit zgjedhor". Ne kete mishmash, duket se nuk gjendet askush
qe te sqaroje ligjerisht problemin, duke iu referuar Kodit Zgjedhor.

Levizja dhe legalistet, mishmash organizativ ne baze

Por problemi me i mprehte i Levizjes eshte trysnia qe strukturat e bazes se
PD ushtrojne ndaj atyre te PLL, me autoritetin e aleatit te madh, me
kritikat se "legalistet po bashkepunojne me te majten" dhe me joshjet qe u
behen krereve te bazes se PLL me poste ne pushtetin e ardhshem. Konfuzionin
ne bazen e PLL e shtojne edhe disa perfaqesues te Levizjes, qe metojne se
kane mandat nga qendra e saj, e qe kane filluar prezantimin e tyre ne qytete
te ndryshme. Madje, ata kane bere edhe organizime, ku legalistet mungojne
ose konsiderohen me rendesi periferike. Kete konfuzion te krijuar, e kane
shtuar edhe disa drejtues partish te vogla, te cilat metojne se jane pjese e
Levizjes dhe ne kontaktet me bazen e tyre e kane injoruar rolin e
legalisteve, duke trumbetuar rolin e tyre te "rendesishem" ne shtabin
drejtues te Levizjes. Burime nga rrethet bejne te ditur se, metonjes te
vetdeklaruar si perfaqesues kryesore te Levizjes, jane shfaqur disa ish-
drejtues te degeve te PLL, te cilet pasi kane humbur postet drejtuese
synojne te riciklohen politikisht nepermjet angazhimit ne Levizje, duke
injoruar drejtuesit aktuale te bazes, te cilet i rivalizojne hapur.
Gjithashtu mesohet se disa krere te Levizjes kane kerkuar qe tani
percaktimin e listave shumemerore te saj, si kusht per angazhimin e tyre
konkret, dhe kane kerkuar qe keto lista te miratohen edhe nga PLL, si partia
kryesore e Levizjes. Edhe konkursi me studente te Akademise se Arteve,
organizuar para nje muaji nga djali i pretendentit, Leka II, per realizimin
e emblemes se LZHK, ka shqetesuar shume simpatizante te saj, sepse eshte
konsideruar si "hapi i pare per ligjerimin dhe regjistrimin e saj si subjekt
zgjedhor", duke prishur shume skemat politike per perfaqesimin e drejtuesve
kryesore legaliste ne Parlamentin e ardhshem. Paqartesia e simpatizanteve te
Levizjes shkaktohet kryesisht nga mungesa e informacionit per hapat e saj te
metejshem, per te cilat drejtuesit kryesore te saj prane Leka Zogut nuk te
thone asgje. Madje, pergjigjet e tyre te mjegullta, deshmojne se ethet ne
kampin e Levizjes jane te shtuara dhe lidhen me ambiciet e fryra politike,
te pambeshtetura ende nga platforma e munguar deri me tash, si dhe nga
pozicioni i paqarte i secilit nga metonjesit per lidere te kesaj Levizje te
nisur me shume buje e te rene tani ne apati te plote. Shqetesimet aktuale te
shefit te Levizjes, pretendentit Leka Zogu, e kane shtuar dozen e ankthit te
metonjesve politike prane tij, nepermjet largimit ne kohe te fillimit te
Levizjes dhe mundesive te pakta per ngopjen e ambicieve te shumta qe gelojne
prane tryezave "mbreterore".

---------------------------
   Komunitetet fetare letër Nanos: Na jepni pronat pronat pa ligjin 7501

Lajmi i ores 12:40 PM http://www.balkanweb.com/

arkiv
 TIRANE (4 Gusht) - 4 komunitete fetare në vend, komuniteti mysliman,
katolik, ortodoks si dhe komuniteti bektashi, me një letër të përbashkët i
kërkojnë qeverisë dhe parlamentit që të merret parasysh kërkesa e tyre për
kthimin e pronave dhe objekteve te kultit të komuniteteve fetare. Letra ka
më shumë se një muaj që ka mbërritur në zyrat e kryeministrisë ndërkohë që
kërkesat e tyre janë bazuar në realitetin para votimit të ligjit të pronave
nga kuvendi. Megjithatë 4 komunitetet kërkojnë pronat e tyre ashtu sikurse u
ka premtuar edhe kryeministri Nano gjatë vizitave dhe kontakteve që ka pasur
me drejtuesit e këtyre komuniteteve. Pronat e komuniteteve janë bërë në të
vërtetë objekt debati shpesh herë për aktorët kryesorë të shoqërisë
shqiptare. Komunitetet fetare kwrkojne qe drejtuesit e shtetit te marrin
parasysh pretendimet e tyre jashte ligjit 7501. Por me miratimin e ligjit te
pronave ne parament, komunitetet fetare nuk perfituan asgje. bm/bm
(News24/Balkanweb)


----------------------------------------------------------------------------
Faqja 5 - POLITIKE Gusht 5, 2004  http://www.balkanweb.com/gazeta/gazeta.htm





PARA SE TE MIRATOHEJ LIGJI PER PRONAT NE KUVEND

Komunitetet fetare letër Nanos
"Na jepni pronat tona, pa marrë parasysh ligjin 7501"

Katër komunitete fetare në vend, komuniteti musliman, ata katolik e ortodoks
si dhe komuniteti bektashi me një letër të përbashkët i kërkojnë qeverisë
dhe parlamentit që të merret parasysh kërkesa e tyre për kthimin e pronave
dhe objekteve të kultit të komuniteteve fetare. Letra ka më shumë se një
muaj që ka mbërritur në zyrat e kryeministrisë ndërkohë që kërkesat e tyre
janë bazuar në realitetin para votimit të ligjit të pronave nga kuvendi.
Megjithatë, katër komunitetet kërkojnë pronat e tyre ashtu sikurse edhe
kryeministri u ka premtuar gjatë vizitave dhe kontakteve që ka pasur me
drejtuesit e këtyre komuniteteve. Pronat e komuniteteve janë bërë në të
vërtetë objekt debati shpeshherë për aktorët kryesorë të shoqërisë
shqiptare.

Si lindi ideja
Katër komunitetet, pasi panë se kontaktet me drejtuesit e qeverisë rezultuan
të pasuksesshme, vendosën që gjithçka ta bëjnë publike për kryeministrin dhe
parlamentin me anë të një letre. Në këtë mënyrë ata do të "zyrtarizonin"
edhe pretendimet e tyre. Ata i kërkojnë drejtuesve të shtetit që të marrin
parasysh pretendimet e tyre për pronat, jashtë ligjit 7501. Kërkesat e tyre
u bënë në një kohë që në kuvend po diskutohej ligji për pronat, por kur dy
partitë më të mëdha, PD e PS kishin rënë dakord që të mos preknin ligjin
7501. Me mosprekjen e këtij ligji, edhe për komunitetetet fetare, nuk do të
kishte shumë shpresë nëse ata do të arrinin të merrnin sipas dëshirave të
tyre si pronat, ashtu edhe objektet e kultit. Ndaj ata e panë më të
arsyeshme qe ti drejtoheshin me një letër qeverisë dhe parlamentit, por
gjithçka u mbajt e fshehtë dhe nuk u bë publike. Ndër të tjera, një ndër
argumentat që ata kanë paraqitur në pretendimin e tyre është se këto
institucione fetare, janë institucione sociale, e jo buxhetore dhe kërkesat
e tyre janë të ligjshme për sa kohë që kanë qenë pronarë të këtyre tokave.
Ndryshe nga pronarët privatë dhe partia republikane, të cilat kërkuan hapur
shfuqizimin e ligjit 7501, shfuqizim ,i cili do të mundësonte edhe "kthimin
e pronës tek i zoti" për pronat e komuniteteve fetare nuk u bë asgjë. Sot
pas miratimit në kuvend të ligjit për pronat, vetëm me votat e socialistëve,
del në pah që ka pasur edhe një tjetër kategori që ka kërkuar shfuqizimin e
ligjit 7501 dhe këto kanë qenë komunitetet fetare.

Reagimi
Nga ana e parlamentit, por në mënyrë të njëkohshme dhe nga ana e qeverisë,
nuk është bërë asgjë për të zgjidhur problemin e pronës së komuniteteve
fetare. Madje, edhe komiteti ndërministror për kultet, i varur nga Këshilli
i Ministrave, nuk ka dhënë ndonjë zgjidhje apo propozim për problemet e
ngritura shpeshherë prej tyre. Nuk dihet nëse komunitetet do të vazhdojnë
përpjekjet e tyre për të marrë deri në fund gjithçka u takon, por asgjë nuk
është vendosur deri më tani. Në fakt, edhe mes komuniteteve fetare ka pasur
nga ata që kanë mbetur të kënaqur nga "qeveria" aktuale, por edhe ata që
kanë qenë të zhgënjyer prej saj. Ndërkohë që pas miratimit të ligjit të
pronave nga kuvendi, nga ana e këtyre komuniteteve, nuk pati asnjë lloj
reagimi publik, ndërkohë që vetë komunietetet janë po aq të prekura nga 7501
sikurse edhe pjesa tjetër e pronarëve.


Nano: Komunitetet fetare do t'i marrin pronat e tyre

Gjatë vizitës që kryeministri Fatos Nano zhvilloi në komunitetin musliman
për zgjedhjen e kryetarit të ri të komunitetit, tha se qeveria shqiptare do
të bëjë të pamundurën për kthimin e pronave të komuniteteve dhe njëkohësisht
objektet e kulteve. "Komunitetit musliman dhe komuniteteve të tjera fetare
do tu rikthehen pronat dhe objektet e kultit" premtoi kryeministri në selinë
e komunitetit musliman. Selim Muça kreu i ri i komunitetit e ka falenderuar
kryeministrin shqiptar për interesimin e tij direct për çështjen e pronave.
Por ndërkohë, që nga ai takim, qeveria shqiptare ende nuk ka mundur të
ndërmarrë ndonjë hap serioz lidhur me problemet e pronave të komuniteteve.
Sipas informacioneve të marra nga nënkryetari i komunitetit musliman, këta
të fundit, i kanë kërkuar komisioneve dhe grupeve parlamentare, një
interesim të qartë për pronat e tyre. Shqetësimi i tyre është bërë serioz
edhe më shumë, kur parlamenti ka votuar ligjin e pronave dhe kur është lënë
në fuqi ligji 7501 i cili ndër të tjera cënon edhe komunitetet.


Komuniteti Musliman me skandale shitjesh tokash

Drejtuesit e Komunitetit Musliman shqiptar janë përplasur shumëherë ndërmjet
njëri-tjetrit përsa i përket çështjes së pronave që andministrohen nga ky
institucion. Vetëm dy vitet e fundit krerët e muslimanëve shqiptarë kanë
janë akuzuar nga besimtarët për më tepër se 10 raste abusive në vlera shumë
të mëdha. Në fund të vitit të kaluar besimtarët elbasanas pretenduan se
Komuniteti Musliman dhe Myftinia Elbasan u kishin shitur "namazgjanë", (një
sipërfaqe e madhe toke pranë qendrës së qytetit). Ndërsa në selinë e KMSH-së
u evidentuan një sërë vjedhjesh të reja pronash, si dyqane, qera të lira dhe
një sipërfaqe e madhe truajesh ndërtimi, një pjesë e mirë e tyre pranë
qendrës së kreyqytetit.


Pas xhamisë, një kishë në mes të Tiranës

Një kishë ortodokse është duke u ndërtuar mes ministrisë së mbrotjes dhe
selisë së Partisë Socialiste. Ndërtimi i këtij objekti në qendër të
kryeqytetit, solli pështjellim për një kohë të gjatë në institucionet
kryesore të shtetit, KRRTRSH, Këshill Bashkiak, Qeveri, por gjithçka u
finalizua në favor të Kishës. E gjithë ajo zonë ka qenë në pronësi të kishës
dhe këta të fundit, kërkuan që nga viti 1998 që të merrnin atë që ju
takonte. Ishte koha kur kryetari i bashkisë së kryeqytetit Edi Rama kishte
prishur kioskat që ndotnin atë pjesë dhe kishte ndërtuar aty një lulishte.
Sot nuk ekziston më një lulishte e tillë, sepse prona e marrë nga
institucioni fetar të cilit i përkiste, ka filluar menjëherë ndërtimin e
objektit të vet të kultit, një kishe e projektuar vetë nga komuniteti fetar
dhe që sipas tyre, do të jetë një object arti ndër të tjera. Por marrja e
kësaj toke, në qendër të kryeqytetit, nga ana e komunitetit ortodoks, solli
pakënaqësi tek institucionet e tjera fetare. Menjëherë institucioni musliman
kërkoi që ti jepej toka që I takon te parlamenti. Debatet që lindën ishin të
shumta përsa I përkiste faktit nëse do të mund të tolerohej një xhami në
krah të institucionit ku populli vetvendoste me anë të deputetëve. Një xhami
në oborrin përpara selisë së Kuvendit të Shqipërisë, do të linte një shije
të hidhur. Megjithatë, komuniteti musliman nuk i ka rreshtur përpjekjet e
veta për të ndërtuar një tjetër xhami në kryeqytet, përveç xhamisë qendrore
e cila është në qendër të Tiranës. Por nga ana e njerëzve që vendosin për
urbanistikën e qytetit por edhe në vend, deri tani nuk është marrë asnjë
vendim lidhur me këtë projekt

----------------------