Enjte, 06 Maj 2004 http://www.kohajone.com/

BE: KANDIDATI PER PRESIDENT, KUKO, KURBAN I NANOS

Edlira Prenga

Tre ambasadoret shqiptare ne Berlin, Paris dhe Bruksel, ndodhen tashme ne
shenjester sepse nuk mbrojten si duhet qeverine. Diplomatet e akuzuar shihen
si perkrahes te Metes kur ai ishte minister i Puneve te Jashtme dhe
fajesohen se japin informacione kunder qeverise e kryeministrit. Presidenti
ka kerkuar qe qeveria te reflektoje nga kritikat dhe se nuk do te lejoje
spastrime politike. Raporti i BE-se per ecurine e reformave dhe gjendjen e
demokracise ne Shqiperi ne kuader te negociatave me BE-ne, nuk do te kalohet
vetem me debatin e fundit parlamentar. Burime nga Ministria e Jashtme
konfirmojne se ne kuader te reflektiit dhe analizes se punes se diplomacise
dhe te kritikave nderkombetare, do te jene nje numer i madh ambasadoresh dhe
zyrtaresh te tjere te larte te diplomacise qe do te largohen nga postet e
tyre.

Motivi i largimit eshte kritika zyrtare se nuk kane arritur te krijojne
lobing dhe te shmangin kritikat nderkombetare per qeverine shqiptare. Ne
kete menyre, pritet qe viktimat e para te kritikave nderkombetare per
paaftesine e qeverise per permbushjen e standarteve te integrimit duket se
do te jene disa nga ambasadoret kryesore te Shqiperise ne shtetet
perendimore.

Ne krye te kurbaneve, Kuko

Ne krye te listes eshte ambasadori Kuko ne Bruksel, i cili me 2002 ishte
emri qe bashkoi Nanon e Berishen per zgjedhjen si President konsensual. Kuko
akuzohet se nuk ka arritur te ule tonet e kritikave te BE-se dhe sidomos te
komisionerit Cris Patten, nderkohe qe bashke me te akuzohen edhe ambasadore
te tjere, perfshire edhe ai ne Gjermani, Turdiu dhe ai ne France, Hoxha.
Bashke me ta mund te kete levizje te reja edhe ne Angli dhe ne qytete te
tjera kryesore europiane.

Kjo vale largimesh eshte parashikuar te ndodhe gjate muajve te veres ne
menyre qe ne vjeshte qeveria te prese vleresime te tjera nga diplomatet
nderkombetare.

Spastrimet ne diplomaci, pas reagimit te Nanos

Spastrimet ne diplomaci vijne pas reagimit te ashper te Nanos menjehere pas
publikimit te raportit kritik te bashkimit Europian, kur kryeministri me
tone te ashpra kritikoi disa diplomateve shqiptare qe sherbejne ne
kryeqytetet me te njohura europiane. Nano tha se ata kane deshtuar ne
perpjekjet per prezantimin si duhet te punes se qeverise shqiptare dhe ne
krijimin e nje imazhi pozitiv te saj ne bote. Ne analizen tre mujore te
punes se Ministrise se Jashtme, kryeministri Nano kritikoi ashper drejtuesit
e kesaj ministrie dhe disa nga amabasdoret kryesore shqiptare ne bote. Nano
kerkoi prerazi se "drejtuesit e Ministrise duhet te luajne nje rol te dores
te pare ne drejtim te ndreqjes se imazhit te vendit ne bote, pertej
retorikes se zbrazet dhe permes nje diplomacie gjithnje e me te zhdervjellet
dhe agresive".

Kritikat e Nanos shkuan edhe me tej duke thene se diplomacia aktuale eshte
anakronike dhe jo efektive.

------------------------------
DO SHIHET CESHTJA CAME
Kryeministri Fatos Nano, duke nisur dje programin e takimeve te tij ne
Athine, zhvilloi takim e tij te pare me kryeministrin grek Kosta Karamanlis.
Gjate ketij takimi kryeministri Karamanlis i premtoi kryeministrit Nano se
persa i perket prespektives evropiane te Shqiperise Greqia do te jete ne
krah te vendit tone. Gjithashtu ai theksoi se ne kete drejtim po hidhen hapa
te rendesishem, por kerkohen shume perpjekje per te arritur objektivin qe ka
parashtruar Komisioni Europian. Gjate bisedimeve te tyre zyrtare u konstatua
se marredheniet mes dy vendeve kane hyre tashme ne nje rruge te qendrueshme
dhe te pakthyeshme drejt progresit te vazhdueshem. Nje ceshtje me rendesi e
cila u diskutua gjate ketij takimi ishte dhe ceshtja e minoritetit grek qe
jeton ne Shqiperi, respektimi i te drejatave, te drejta te cilat burojne nga
Konventa Nderkombetare. Gjithashtu kryeministri Karamanlis vuri ne dukje
hapat teper pozitive qe ka marre Greqia dhe qeveria greke, per integrimin
ekonomik dhe social te emigranteve shqiptare te cilet, sipas tij, kane dhene
nje kontribut ne stabilitetin ekonomik te Greqise por edhe ne zhvillimin e
Shqiperise. Kryeministri Nano gjate fjales se tij falenderoi homologun e tij
lidhur me mbeshtetjen qe qeveria greke i jep qeverise shqipatre ne procesin
e integrimit te vendit ne Bashkimin Europian dhe ne Aleancen e Antlantikut
Verior. Por gjithashtu kryeministri Nano theksoi dhe nevojen e konsolidimit
te metejshem te inisiativave te bashkepunimit dhe te partneritetit dypalesh
dhe europian midis Shqiperise dhe Greqise. Gjithashtu kryeministri Nano
gajte fjales se tij theksoi gjithe mbeshtetjen dhe bashkepunimin proaktiv te
te gjitha strukturave te qeverise dhe te shtetit shqiptar, per mbarevajtjen
dhe zhvillimin me sukses te Lojrave Olimpike te Athines dhe kjo, sipas tij,
perben nje sfide jo vetem per Greqine, por per te gjitha vendet e rajonit,
Europes dhe Botes se qyteteruar ne luften pa kompromis kunder terrorizmit
dhe krimit te organizuar. Gjate qendrimit te tij ne Athine kryeministri Nano
do te zhvilloje takime me personalitete te politikes greke.

TE ZGJIDHET CESHTJA CAME

Shoqeria per te Drejtat e Njeriut pasi u informua se takimi qe kryeministrit
Nano zhvilloi dje me kryeministrin Karamanlis, diskutoi edhe problemin e
minoritetit cam qe jeton perkohesisht ne Shqiperi, u shpreh se e drejta
nderkombetare, te drejtat e njeriut dhe dialogu jane rruga e vetme e
zgjidhjes se ketij problemi. SHDNJ gjykon se ceshtja e minoritetit cam te
shperngulur dhunshem nga shtepite e veta prej bandave te bashkepunetorit te
nazisteve, Mlladiqit te Greqise, gjeneralit famekeq Zerva, eshte problem i
mirefillte i te drejtave te njeriut. Ne kete menyere, kjo ceshtje nuk mund
dhe kurrsesi nuk duhet te reduktohet thjesht ne nje pazar per shuma
kompensimesh. Anetaret e SHDNJ, nuk deshirojne asgje me shume se sa te
drejten e kthimit ne shtepite e tyre, te drejten e ri-marrjes se shtetesise
greke, si dhe ne zbatim te plote te ligjeve te shtetit grek dhe te Bashkimit
Europian. "Pragu i festave te ardhshme olimpike te Athines, qe edhe ne
lashtesi ishin simbol i paqes dhe i gares sportive vellazerore, eshte nje
shans i rralle per qeverine greke qe te rishikoje qendrimin e saj anakronik
dhe te hape rrugen per zgjidhjen e plot` te problemit cam", theksoi
sekretarja e SHDNJ, Vera Gjata. SHDNJ konsideron se Shqiperia dhe Greqia, si
dy vende demokratike dhe mike, si dhe SHBA, Bashkimi Europian, OSBE dhe
Keshilli i Europes, duhet te punojne per zgjidhjen sa me pare te te drejtave
te njeriut te minoritetit cam.



06/05/2004  http://www.korrieri.com/

Komision shqiptaro-grek per pronat came
Shqiperia dhe Greqia, angazhohen per zgjidhjen e ceshtjes se pronave te
cameve ne token helene, por edhe te tokave te minoritareve greke ne vendin
tone. Eksperte nga dy vendet do te punojne duke u nisur detyrimet qe
rrjedhin nga Traktati i Fqinjesise se Mire, te vitit 1996. Nano: "Shprehem
vullnetin e perbashket politik per te zgjidhur te gjithe ceshtjet e mbetura
pezull nga e shkuara historike"

Ergys GJENCAJ

Ceshtja e pronave te cameve do te ndiqet nga nje komision i perbashket qe do
te ngrihet me eksperte shqiptare dhe greke. Kjo eshte vendosur ne takimin e
djeshem mes Kryeministrit shqiptar, Fatos Nano dhe atij grek, Kosta
Karamanlis. Te dy shefet e qeverive kane rane dakord per krijimin e ketij
komisioni, i cili do te shqyrtoje ceshtjet e pasurive te shtetasve shqiptare
ne Greqi. Ketu perfshihen te gjitha pasurite e sekuestruara si pasoje e
ligjit te gjendjes se luftes te vendosur ne vitin 1940, ne Greqi. Por ne te
njejten kohe edhe te shtetasve greke ne Shqiperi. "Nisur nga sensibilitetet
e shprehura kohet e fundit ne e shqyrtuam me vemendjen e duhur dhe te
posacme dhe shprehem vullnetin e perbashket politik per te zgjidhur te
gjithe ceshtjet e mbetura pezull nga e shkuara historike si ceshtja e
pronave te shtetasve shqiptare ne Greqi dhe atyre greke ne Shqiperi dhe ndaj
vendosem per te filluar me gjere konsultimet e perbashketa te eksperteve per
implementimin e detyrimeve qe rrjedhin nga Traktati i Fqinjesise se mire,
Bashkepunimit dhe Sigurise midis dy vendeve tona, ne menyre te vecante nga
neni 15 i ketij Traktati, i nenshkruar ne vitin 1996 dhe i ratifikiuar nga
parlamentet e dy vendeve tona ne 1997", ka deklaruar Kryeministri Nano gjate
konferences se perbashket per shtyp me homologun e tij grek.

Dy shefat e qeverive, kane zhvilluar takimin e pare te tyre dje ne diten e
pare te vizites zyrtare te kreut te ekzekutivit shqiptar ne Greqi, ne seline
kryeministrore te Athines. Fillimisht, dy kryeministrat kane zhvilluar nje
takim koke me koke, i cili ka zgjatur rreth 15 minuta dhe me pas dy
kryeministrat kane vazhduar bisedimet zyrtare mes dy delegacioneve. Nga ana
e tij, kryeministri Karamanlis i konfirmoi homologut te tij shqiptar
mbeshtetjen pa rezerva ne procesin e integrimit euroatlantik te Shqiperise.
Karamanlis premtoi gjithashtu pershpejtimin e procedurave te legalizimit te
emigranteve shqiptare ne Greqi. Kryeministri grek ka theksuar se nje nder
preokupimet e qeverise se tij eshte minoriteti grek ne Shqiperi. "Sic e
dini, u japim rendesi te vecante ceshtjeve te minoritetit grek qe jeton ne
Shqiperi, te drejta qe burojne nga konventa nderkombetare", ka theksuar ai.
Duke shtuar se pjesmarrja e Partise per Bashkimin e te Drejtat e Njeriut ne
qeverine aktuale shqiptare, "eshte fakt qe tregon kontribut e minoritetit ne
jeten politike dhe sociale te vendit fqinj, mik". Gjithashtu, Karamanlis, ka
pohuar se qeveria e tij po punon per integrimin ekonomik dhe social te
emigranteve shqiptare te cilet kane dhene nje kontribut ne stabilitetin
ekonomik te Greqise por edhe ne zhvillimin e Shqiperise. Nje tjeter ceshtje
qe u prek ne takimin mes dy lidereve ka qene edhe bashkepunimi ne kuadrin e
luftes kunder terrorizmit, kjo duke pasur parasysh qe shteti helen eshte ne
prag te Lojerave Olimpkie. Ne kete pike, Kryeministri Nano ka shprehur
angazhimin e plote te Shqiperise per bashkepunim ne fushen e sigurimit.

----------------------------------------------------------------------------


Shqiperia ne BE, ne vitin 2020
Qendra Europiane per Studime Politike, (EPC), nje Institut europian me
qender ne Bruksel, ka shprehur mendimin e saj se vendi yne, do te jete pjese
e Bashkimit Europian ne vitin 2020. Sipas EPC, Shqiperia do te anetaresohet
ne BE ne vitin 2020, ne te njejten kohe me Kosoven. Ne nje kumtese me titull
"Ku mbaron Europa", te publikuar ne internet, drejtori i Institutit per
studime politike, Fraser Kameron, parashikon raundet e ardhshme per
zgjerimin e BE-se. Ai e bazon vleresimin e tij ne pervojen e ish-vendeve
kandidate te Bashkimit Europian dhe kohen qe u nevojitet atyre per t'u
pergatitur per anetaresim. Sipas vleresimit te tij, Bullgaria dhe Rumania do
te anetaresohen ne BE ne vitin 2007, Kroacia, Norvegjia dhe Islanda ne vitin
2009, Turqia, Maqedonia, dhe Zvicra ne vitin 2012, Serbi e Mali i Zi, Bosnje
e Hercegovine, Shqiperia dhe Kosova ne vitin 2020, ndersa Ukraina, Belarusi
dhe Moldova do te anetaresohen ne vitin 2025. Kameron mendon se Rusia,
Gjeorgjia, Armenia dhe Azerbajxhani do te mbeten jashte Bashkimit Europian.
Ky parashikim i Institutit, vjen nderkohe qe qeveria shqiptare eshte
angazhuar ne reformat integruese dhe shume kohe pas berjes publik te
raportit te BE mbi ecurine e ketyre reformave. Ne lidhje me procesin
integrues, polet e politikes shqiptare akuzojne njeri-tjetyrin per pengese
te ecurise dhe perparimit te ketyre reformave. Gje e cila u vu re edhe ne
debatin e fundit parlamentare, kur deputetet diskutuan mbi kete raport.

----------------------------------------------------------------------------

http://www.shekulli.com.al/
Nano-Karamanlis, drejt zgjidhjes rikthimi i pronave të bllokuara që nga 1940

Nano pritet në Athinë nga kryeministri grek "Shqipëria për në BE ka në krah
Greqinë"

"Zgjidhje për pronat e shqiptarëve në Greqi dhe grekëve në Shqipëri"

Altin Metaj

ATHINE- Kryeministri Fatos Nano dhe ai grek Kostas Karamanlis, kanë rënë
dakord, dje, gjatë takimit të tyre në Athinë për ngritjen e një komisioni në
nivel ekspertësh, për shqyrtimin e kthimit të pronave të shtetasve shqiptarë
në Greqi dhe atyre grekë në Shqipëri. Kjo është bërë e ditur pas takimit nga
vetë kryeministri Nano, i cili tha se "vendosëm për të filluar më gjerë
konsultimet e përbashkëta të ekspertëve për implementimin e detyrimeve që
rrjedhin nga Traktati i Fqinjësisë së Mirë, Bashkëpunimit dhe Sigurisë midis
dy vendeve tona, në mënyrë të veçantë nga neni 15 i këtij traktati, i
nënshkruar në vitin 1996 dhe i ratifikuar nga parlamentet e dy vendeve tona
në 1997". Është hera e parë që në një takim të tillë zyrtar midis palës
greke dhe shqiptare flitet edhe për pronat e shtetasve grekë në Shqipëri.
Kryeministri shqiptar Fatos Nano ka filluar dje, në Athinë një vizitë
zyrtare disaditore dhe Nano është kryeministri i parë që viziton Athinën pas
zgjedhjeve greke të 7 marsit. Gjatë takimit me kryeministrin e sapozgjedhur
Karamanlis, i cili zgjati rreth një orë, të dy kryeministrat shprehën
vullnetin dhe dëshirën e mirë për të forcuar marrëdhëniet ndërmjet dy
vendeve si dhe për zgjidhjen e problemeve që kanë të dy vendet nga e
kaluara.
Pronat
Ngritja e një komisioni, i cili do të merret me rikthimin e pasurive të
sekuestruara nga të dy vendet pas 1940, përshpejtimi i legalizimit të
emigrantëve si dhe përkrahja greke për integrimin shqiptar në Bashkimin
Evropian ishin pikat kryesore, mbi të cilat edhe u zhvilluan bisedimet.
Përsa i përket çështjes së pronave, të dy vendet angazhohen që të zbatojnë
nenin 15 të Traktatit të Miqësisë dhe Bashkëpunimit të nënshkruar nga të dy
vendet më 1996 dhe të ratifikuar nga parlamentet e të dy vendeve më 1997.
"Nisur nga sensibilitetet e shprehura kohët e fundit ne shqyrtuam me
vëmendjen e duhur dhe shprehëm vullnetin e përbashkët politik për t'u
angazhuar në zgjidhjen e çështjeve të mbetura pezull nga e shkuara historike
si çështja e pronave të shtetasve shqiptarë në Greqi dhe të shtetasve grekë
në Shqipëri. Prandaj vendosëm të nisim menjëherë konsultimet e përbashkëta
të ekspertëve për implementimin e detyrimeve që rrjedhin nga Traktati i
Miqësisë, i Sigurisë dhe i Bashkëpunimit midis dy vendeve tona, në mënyrë të
veçantë nga neni 15 i këtij traktati që u nënshkrua në vitin 1996 dhe që u
ratifikua nga parlamentet e të dy vendeve tona në vitin 1997", -tha Nano pas
takimit në konferencën për shtyp. Nga ana e tij, kryeministri grek vlerësoi
ecurinë e Shqipërisë dhe siguroi mbështetjen greke për integrimin e saj në
Europë. Pjesëmarrja e PBDNJ-së në koalicionin qeveritar është një garanci që
qeveria "Nano" jep për zbatimin e të drejtave të minoritetit grek në
Shqipëri, tha nga ana e tij Karamanlis. Kryeministri grek u shpreh se
"marrëdhëniet tona kanë hyrë tashmë në një rrugë të qëndrueshme dhe të
pakthyeshme drejt progresit të vazhdueshëm". "Jam i kënaqur që qeveria
shqiptare përmes kryeministrit të saj rikonfirmon angazhimin dhe vullnetin
për forcimin e mëtejshëm të marrëdhënieve tona, duke e konsideruar Greqinë
si një mik dhe partner të sinqertë", -u shpreh kryeministri grek.
Kryeministri Nano, përveç të tjerash shprehu mirënjohjen për mbështetjen
greke dhe nisur nga kjo u shpreh i sigurt se Shqipëria do të nënshkruajë
Marrëveshjen e Asociim -Stabilizimit deri në mesin e 2005. "Sa i përket
perspektivës evropiane të Shqipërisë, sigurisht që tani bëmë hapa të sigurtë
dhe po bëhet një përpjekje e madhe për arritjen e objektivave që ka vendosur
Komisioni Evropian dhe se vendi fqinj në përpjekjen e tij të madhe për
integrim në BE do të ketë në krah të tij Greqinë",-tha Karamanlis. Në
kuadrin e Lojërave Olimpike të Athinës, Nano garantoi qeverinë greke se do
të ketë një bashkëpunim të të gjitha strukturave të qeverisë dhe të shtetit
shqiptar, veçanërisht të atyre të Rendit, të Mbrojtjes dhe të shërbimeve
tona inteligjente për mbarëvajtjen dhe zhvillimin me sukses të Lojërave
Olimpike të Athinës, e cila është një sfidë jo vetëm për Greqinë, por edhe
për ne fqinjët e vendeve të tjera të rajonit, për gjithë Evropën në luftën
pa kompromis kundër terrorizmit dhe veprimtarive të krimit të organizuar.
Kryeministri Nano pati një takim me ministrin e Jashtëm grek Moliviatis dhe
kryetaren e Parlamentit grek znj. Benaqis.

06/05/2004

-------------------------------
 © 2003 Gazeta Panorama http://www.panorama.com.al/

Faqe 2 - Politikë
6Maj 2004

Karamanlis - Nano propozimi

Karamanlis e Nano bien dakord mbi komisionin për pronat e shqiptarëve në
Greqi dhe të grekëve në Shqipëri

Çamëve u bashkangjitet "çështja greke"
Nano: Ramë dakord të zgjidhim ato që kemi lënë pezull

Nga Athina Luljeta Progni & Marko Caka

Kryeministrat e Greqisë dhe Shqipërisë bien dakord për shqyrtimin mes
grupeve të veçanta të ekpertëve nga të dy vendet për të drejtat për pronat e
shqiptarëve në Greqi dhe pronat e grekëve në Shqipëri.

Takimi mes Karamanlisit dhe Nanos, që ka zgjatur mbi 45 minuta, ka shmangur
termin "çamët", duke e zëvendësuar atë "me të drejtat e shqiptarëve për
pronat në Greqi dhe të drejtat e grekëve për pronat në Shqipëri". Të dyja
zyrat e kryeministrave kanë pohuar dje se, gjatë takimit të zhvilluar pa
praninë e medias, çështja e emigrantëve shqiptarë në Greqi dhe e minoritetit
grek në Shqipëri janë konsideruar mes dy kryeministrave si dy urat lidhëse
mes dy vendeve, ndërkohë që siguria e kufijve të përbashkët në prag të
Lojërave Olimpike do të jetë prioritet i të gjitha strukturave të
specializuara, si nga Tirana, ashtu dhe nga Athina.

Menjëherë pas takimit dy kryeministrat kanë bërë deklarata për shtyp. Në
fjalën e tij Karamanlis tha se qeveria greke do ta mbështesë plotësisht
Shqipërinë në përpjekjet e saj në integrimin e saj në proceset e integrimit
evropian dhe në struktuarat euroatlantike. Gjithashtu, Karamanlisisi theksoi
se qeveria e tij po vazhdon me hapa pozitivë në integrimin e ekonomik dhe
social të emigrantëve shqiptarë. "E informova kryeministrin shqiptar për
hapat tepër pozitivë që ka marrë Greqia dhe qeveria greke, për integrimin
ekonomik dhe social të emigrantëve shqiptarë, të cilët kanë dhënë një
kontribut në stabilitetin ekonomik të Greqisë, por edhe në zhvillimin e
Shqipërisë", tha Karamanlis gjatë konferencës për shtyp. Ndërkohë, në
deklaratën e tij për shtyp, Karamanlis nuk e shtjelloi fare problemin më
serioz që ekziston ndërmjet dy vendeve, atë të çështjes çame, një konfirmim
që pritej me shumë interes nga ana e mediave shqiptare, ku siç ishte
vendosur në Samitin e Sarajevës, që të dy krerët e lartë do ta bisedonin dhe
do të kërkonin gjetjen e një formule të përbashkët në lidhje me këtë
çështje. Madje, këtë pikë tepër të rëndësishme për palën shqiptare,
Karamanlis e la ta konfirmonte më mirë kryeministri shqiptar, Fatos Nano.
Ajo që theksoi si të një rëndësie të veçantë kryeministri grek ishte çështja
e minoritetit grek në Shqipëri. "Siç e dini, u japim rëndësi të veçantë
çështjeve të minoritetit grek që jeton në Shqipëri, të drejta që burojnë nga
konventa ndërkombëtare. Partia Bashkimi për të Drejtat e Njeriut është pjesë
e koalicionit qeveritar në Shqipëri, fakt që tregon kontributin e
minoritetit në jetën politike dhe sociale të vendit fqinj e mik", tha
Karamanlis.

Deklaratat e Nanos
Kryeministri shqiptar, në deklaratën e tij për shtyp menjëherë pas takimit,
ka falënderuar homologun e tij grek për ftesën, si kryetari i parë i një
qeverie që viziton Athinën pas konstituimit të qeverisë së re. Ai ka
falënderuar gjithashtu edhe mbështetjen e hapur të kryeministrit Karamanlis
në përpjejet e Shqipërisë në rrugën e integrimit në NATO dhe BE. "Unë mora
mbështetjen e qartë të kryeministrit Karamanlis që Greqia do të vazhdojë të
jetë përkrah Shqipërisë në këtë proces historik që ndikon edhe në zhvillimin
e mbarë rajonit, duke synuar edhe mbylljen e negociatave dhe nënshkrimin e
marrëveshjes së asocimit të Shqipërisë në Bashkimin Evropian, para mesit të
vitit 2005, si dhe për të përcaktuar një rrugë dhe kalendar të qartë për
antarësimin e Shqipërisë në NATO, ku Samiti i Stambollit, në qershor të
këtij viti është një kartë e rëndësishme", tha Nano. Ndërkohë, kreu i
qeverisë shqiptare komunikoi edhe bisedimet lidhur me atë që njihet prej
vitesh si "çështja çame", por pa e prekur me këtë emërtim. "Nisur nga
sensibilitetet e shprehura kohët e fundit ne e shqyrtuam me vëmendjen e
duhur dhe të posaçme dhe shprehëm vullnetin e përbashkët politik për të
zgjidhur të gjithë çështjet e mbetura pezull nga e shkuara historike, si
çështja e pronave të shtetasve shqiptarë në Greqi dhe atyre grekë në
Shqipëri", tha Nano, duke deklaruar se mes tij dhe homologut grek ishte rënë
dakord për të filluar më gjerë konsultimet e përbashkëta të ekspertëve për
implementimin e detyrimeve që rrjedhin nga Traktati i Fqinjësisë, firmosur
në vitin 1996 dhe ratifikuar nga Kuvendi në vitin 1997.

Takimet e ardhshme të Nanos
Kryeministri Nano, i cili shoqërohet në këtë vizitë nga ministri i Shtetit,
Marko Bello, kreu i Komisionit të Politikës së Jashtme, Zela, si dhe kreu i
PBDNJ-së, Vangjel Dule, do të takohet sot në mesditë me biznesmenët në
lidhjen e industrialistëve grekë. Më pas Nano do të takohet me liderin e
opozitës, Papandreu, me ministrin e Mbrotjes, Spiliotopus, dhe me kryetaren
e Bashkisë së Athinës, Dora Bakojani. Ndërkohë, nesër Nano do të takohet
edhe me presidentin grek, Stefanopulos. Ndërsa takimi i fundit do të jetë në
ambientet e ambasadës shqiptare në Athinë me komunitetin e shqiptarëve në
Greqi.



Karamanlis cakton "njohësin e Shqipërisë"
Iliopulos, ambasadori që do koordinojë "çështjen çame"

Ish-ambasadorit grek, Iliopulos, do t´i duhet të kthehet sërish në Tiranë,
por këtë herë jo si diplomat, por si ekspert për një nga çështjet më të
diskutueshme mes dy vendve, atë të pronave të popullsisë çame. Sipas
burimeve pranë shefit të qeverisë shqiptare, mësohet se në momentin që
kryeministri Nano ka hedhur çështjen çame në tavolinë për diskutim,
kryeministri grek, Karamanlis, ka thirrur ish-ambasadorin grek në Shqipëri,
Iliopulos, duke e udhëzuar atë që menjëherë të marrë në dorë rolin e
koordinatorit mes grupit të ekspertëve grekë dhe atyre shqiptarë, që do të
merren me zgjidhjen e çështjes së pronave shqiptare në greqi dhe
anasjelltas. Ish-ambasadori Iliopulos pritet të vizitojë së shpejti Tiranën
për të filluar menjëherë nga puna si koordinator për çështjen në fjalë.

Për këtë çështje edhe qeveria shqiptare pritet të ngrejë me shpejtësi grupin
e ekspertëve. Roli i këtij grupi ekspertësh, ngritur nga të dy palët, është
të përcaktojë edhe një afat kohor të zgjidhjes së kësaj çështjeje, duke e
futur këtë problem në një rrugë tjetër debatimi.

Ndërkohë, burime pranë kryeministrit Nano kanë pohuar dje për "Panorama" se
termi "popullsi çame" apo "pronat çame" janë shamngur nga fjalori i dy
shefave të qeverive me argumentin se, "çamët janë popullsi shqiptare dhe, si
e tillë, nuk është e nevojshme të ketë përcaktime të tjera".



Sherri në parti
Dule-Karamanlis, diskutohet për PBDNJ

Në mënyrë të befasishme me delegacionin shqiptar në Athinë është shfaqur
edhe kreu i PBDNJ-së, Vangjel Dule. Përfshirja e partisë së tij në qeverisje
ka qenë pjesë e diskutimit mes dy kryeministrave, ndërkohë që prania e tij
në tryezë është servirur si argument i integrimit në jetën shqiptare të
minoritetit grek që jeton në Shqipëri. Më pas, nga pjesëtarët e delegacionit
shqiptar është folur edhe për një takim të veçantë mes Karamanlisit dhe
Dules, ku janë diskutuar debatet e fundit ne gjirin e kësaj partie e,
sidomos, sherri mes kreut të PBDNJ-së dhe deputetit Karamelo. Sipas të
njëjtave lajme, mësohet se Dule ka marrë mbështetjen e kreut të qeverisë
greke për qëndrimin e mëtejshëm në krye të formacionit politik të PBDNJ-së.
Por, dje vonë, lajmi për një takim të tillë është mohuar nga këshilltarët
pranë Nanos, të cilët kanë pohuar se i vetmi takim mes Karamanlisit dhe
Dules ka qenë momenti kur ai është ndodhur në tryezë së bashku me
delegacionin e udhëhequr nga Nano.



Tre bomba alarmojnë Athinën

Tre shpërthime të lehta, të paralajmëruara më parë nga një telefonatë
anonime, kanë dëmtuar dje në mëngjes stacionin e policisë në lagjen Kalithea
në qendër të Athinës. Shpërthimi, që ka ndodhur vetëm 100 ditë përpara
fillimit të Lojrave Olimpike, ka sjellë plagosjen e një polici dhe shumë
frikë. Megjithatë, drejtuesit e Komitetit Olimpik Ndërkombëtar kanë pohuar
se ky shpërthim nuk ka lidhje me Olimpiadën.