© 2003 Gazeta Panorama

Faqe 6 - Politikë
6Korrik 2004

Të vegjlit përforcojnë lëvizjet

Marrëveshja Ruçi-Topi, në Gjykatën Kushtetuese


Të vegjlit kanë bërë dje tentativën e parë për t'iu kundërvënë të mëdhenjve,
duke projektuar edhe alternativa politike. Menjëherë pas braktisjes së
byrosë parlamentare, ata janë mbledhur në mënyrë të fshehtë në një nga zyrat
e Kryesisë së Kuvendit, për të vendosur paraprakisht se si do të manovrojnë
me situatën. Dhe, duket se kanë pasur rezultatet e para. Të vegjlit kanë
dalë dje me dy alternativa, përsa i përket qëndrimit të tyre, pas paktit
PS-PD, me Kodin Zgjedhor. Ata kanë hedhur idenë e bashkimit të forcave të
tyre politike, në një të vetme si dhe t'i drejtohen Gjykatës Kushtetuese për
interpretim nga ana ligjore për barazinë e votës. Gjithashtu, të vegjlit
kanë vendosur që të zyrtarizojnë propozimet në një deklaratë të vetme, duke
organizuar nesër tryezën e paralajmëruar nga Nard Ndoka dhe Ekrem Spahia,
javën që kaloi.

Poli i tretë
Pakti zgjedhor PS-PD, ka detyruar aleatët e tyre që të nisin tentativat për
mbijetesë, duke kërcënuar me krijimin e një koalicioni më vete. Madje, ka
dhe një kandidat për drejtimin e polit të tretë, që është pretendenti i
fronit mbretëror, Leka I. Megjithatë, dje është diskutuar, parimisht, rreth
kësaj lëvizjeje të re, pasi gjithçka do të varet nga sjella e PS-së dhe
PD-së. Burimet prezente, gjatë takimit, theksojnë se tani për tani është
lënë që të mos merren me emra konkretë për drejtimin e koalicionit të ri,
por me alternativën që do t'i bashkojë. Shkak për këtë vendim, janë bërë
precedentët e mëparshëm, duke qenë se edhe herë të tjera është tentuar një
gjë e tillë. "Dështimet e deritanishme kanë ardhur si shkak i pretendimeve
të liderëve të këtyre partive, ku çdonjëri prej tyre ka shfaqur bindjen se
është më i votuar se tjetri. Nuk mund të bëjmë të njëjtin gabim sërish, aq
më tepër, në këtë situatë", thanë burimet.

Denoncimi
Të vegjlit kanë ndjekur edhe anën ligjore për t'iu kundërpërgjigjur vendimit
të dy partive të mëdha, për Kodin Zgjedhor. Ata kanë gjetur argumente
juridike për të hedhur poshtë marrëveshjen dypalëshe. Kështu, burimet bënë
të ditur se protokolli zgjedhor ka shkelje të së drejtës së votës, ndaj, dhe
do të çohet në Gjykatën Kushtetuese. Duke sqaruar motivin, burimet theksuan
se "komisioni bipartizan është një shkelje e standarteve ndërkombëtare për
proceset zgjedhore, duke përjashtuar padrejtësisht spektrin politik nga
ndryshimet në legjislacionin zgjedhor". Sipas tyre, e drejta e vendimmarrjes
në komsion, u është lënë PS-së dhe PD-së, ndërkohë që të vegjlit kanë vetëm
të drejtën e propozimeve. Kjo do të jetë edhe logjika, që do të ndiqet kur
çështja t'i kalojë Gjykatës Kushtetuese për interpretim.

------------------------
Mediu kritikon motivimin e kthimit të ligjit të pronave

"Moisiu, të mbrojë Kushtetutën"

Republikanët përshënd-esin vendimin e presidentit Moisiu, për të kryer
ligjin e pronave, por nuk janë dakord me motivimin që i bëhet. Kryetari i
Partisë Republikane, Fatmir Mediu, ka deklaruar dje se "thelbi i
kundërshtimit dhe i mosdekretimit duhet të ishte mungesa e kushtetueshmërisë
së këtij ligji". Sipas tij, presidenti i Republikës nuk është në krye të
shtetit për të kënaqur shijet e njërës apo tjetrës forcë politike, por për
të garantuar që legjislacioni shqiptar që të jetë komform Kushtetutës. Ai i
ka kërkuar Kuvendit dhe opozitës që ta shohë me seriozitet problemin e
pronave private në Shqipëri, në mënyrë që të respektohet kjo e drejtë. Për
më tepër, Mediu është i bindur se ky ligj do të krijojë edhe probleme shumë
të mëdha sociale, sepse shkel të drejtën e pronës private. Për të eliminuar
pasojat, ai bën thirrje për rishikimin e Ligjit 7501. "Partia Republikane e
konsideron pozitive mosdekretimin e ligjit për pronat, nga presidenti i
Republikës, por nga ana tjetër, qëndrojmë në bindjen tonë që ky projektligj
nuk është i pavlefshëm, thjesht për faktin se nuk janë të kënaqur dy forcat
politike që kanë të njëjtin qëndrim parimor për çështjen e pronave; marrjen
e pronës private nga pronari i ligjshëm, por mungesa e kushtetueshmërisë së
këtij ligji", tha dje Mediu, i cili ka sqaruar se partia që drejton, ka
tashmë gati të gjitha amendamentet që duhen për ta kthyer pronën tek i zoti.
Sipas tij, në rast se parlamentarët kanë dëshirë të provojnë se janë të
zgjedhurit e popullit, atëherë ky është një shans që u jepet.

-----------------------------

http://www.korrieri.com/

Pronat, PS rrezon dekretin e Moisiut
E Marte, 06 Korrik 2004

Partia Socialiste paralajmeron se nuk do te miratoje dekretin e Presidentit
per rishqyrtimin e ligjit per kthimin dhe kompensimin e pronave. Sekretari i
Pergjithshem, Gramoz Ruci: "Kthimi i ligjit eshte bere per arsye politike
dhe ai nuk do te ndryshoje"

Ergys GJENCAJ

Mazhoranca socialiste do te rrezoje dekretin e Presidentit te Republikes per
rishqyrtimin ne Parlament te ligjit per kthimin dhe kompensimin e pronave.
Socialistet vleresojne se dekreti presidencial nuk ka asnje baze ligjore dhe
kushtetuese, qe ky ligj te kthehej per shqyrtim ne komisionet parlamentare.

Sekretari i Pergjithshem i Partise Socialiste, Gramoz Ruci, ka pohuar se
kthimi qe Presidenti Alfred Moisiu, i beri ligjit per pronat nuk ka asnje
arsye kushtetuese. Per Rucin, "mosmiratimi i ligjit te pronave eshte thjesht
per arsye politike". Sekretari socialist pohon se ai nuk eshte ne njohje te
argumentave te Presidentit, por se nga nje bisede qe ka zhvilluar me Kreun e
Shtetit, ka mesuar prej tij (nga Moisiu) se mosarritja e konsensusit per
nenin 15 te ligjit, qe ka te beje me kryesimin e Komitetit Shteteror per
Kthimin dhe Kompensimin e Prones, ka sjelle edhe kthimin ne Parlament te
ligjit. Ruci shprehet, se "meqe minoranca (opozita) u largua ne nenin 15 te
projektligjit dhe meqe ky konsiderohet nje ligj i rendesishem, atehere
perdoren aresye te ndryshme jokushtetuese". Por, sipas Sekretarit te
Pergjithshem te PS, ligji i vertete per kthimin dhe kompesimin e
ish-pronareve jane 14 nenet e para dhe jo neni 15 e pas tij. "Nuk eshte neni
15 e mbrapa, pasi ky nen dhe nenet pas tij, kane vetem procedura", theksoi
ai. Ndersa gjithcka tjeter qe deklarohet nga opozita, per perfaqesuesin e
PS, "ishte nje qendrim politiko-elektoral". Pasi, sipas tij, deri ne nenin
14, gjithcka ka pasur bekimin dhe konsensusin e pozites dhe opozites. "Duke
pare qe ish-pronaret ngelen te pakenaqur nga opozita kryesore shqiptare,
atehere per t'i mbajtur me shprese dhe per t'i mbartur si barre sociale per
votimet e radhes, beri ate veprim politiko-elektoral dhe kjo eshte e drejte
e tyre. Une nuk mund ta paragjykoj. Por kjo nuk eshte aresye qe une te
anulloj ligjin, apo te ndryshoj qendrimin. Sepse cfaredo lloj qendrimi te
ndryshoj une, nuk ndryshon ligji i kthimit dhe kompesimit te pronave",
deklaroi Ruci. Nje deklarim qe paralajmeron rrezimin e dekretit te Moisiut.

Socialistet, qe diten e kthimit te ligjit per shqyrtim nga ana e
Presidentit, fundjaven e kaluar, kane theksuar se jane kunder ketij veprimi.
Ata kane vleresuar se veprimi i Presidentit Moisiu nuk ka pasur asnje baze
ligjore dhe kushtetuese dhe ne kete menyre ata kane shprehur pozicionin e
tyre per rrezimin e dekretit ne Kuvend. Por, miratimi i vendimit te PS ne
Kuvend eshte ne dyshim, duke pasur parasysh pozicionin qe do te marrin
deputetet e vete PS, pjesetare ne Levizjen Socialiste per Integrim, te
drejtuar nga Ilir Meta. Ne kete menyre, eshte ne rrezik arritja e numerit te
votave qe mund te bejne te mundur miratimin e dekretit te Presidentit, pasi
gezon mbeshtetjen e te gjithe deputeteve te opozites dhe grupit te Metes.


------------------
PR: Moisiu veproi drejt per ligjin e pronave
E Marte, 06 Korrik 2004
Partia Republikane ka pershendetur dje, mosdekretimin e ligjit "Per Kthimin
dhe Kompensimin e Pronave" nga Presidenti i Republikes, Alfred Moisiu, duke
e cilesuar ate si nje vendim pozitiv. Kryetari i republikaneve, Fatmir
Mediu, u shpreh se forca qe ai drejton, vazhdon te qendroje ne bindjen, qe
ky projektligj eshte i pavlefshem, jo vetem per faktin se nuk jane te
kenaqur dy forcat politike kryesore, por edhe per mungesen e
kushtetuetshmerise qe ka sipas tij, ky ligj. "Presidenti i Republikes nuk
eshte ne krye te shtetit per te kenaqur shijet e njeres apo tjetres force
politike, por per te garantuar qe legjislacioni shqiptar te jete komfort
Kushtetutes. Ne i kerkojme Kuvendit dhe vecanerisht opozites qe ta shikoje
me seriozitet problemin e pronave private ne Shqiperi, ne menyre qe ajo te
respektohet. Kerkoj qe Presidenti te jete me i qenesishem ne qendrimet e
tij", deklaroi dje, ne nje konference per median, Mediu.

---------------------------------------

06/07/2004 Shekulli http://www.shekulli.com.al/

Pronat, kthimi për arsye politike

Sekretari i përgjithshëm i PS-së Gramoz Ruçi u shpreh se ligji për pronat
është kthyer nga presidenti për arsye politike. "Nuk jam njohur ende se ç'
motive ka patur presidenti që e ka kthyer ligjin e pronave. Nëse ka motive
kushtetuese, sigurisht do të ketë ndryshim qëndrimi, por mesa di unë që jam
marrë gjatë me këtë ligj, nuk ka arsye kushtetuese. Mosmiratimi i ligjit të
pronave është thjesht për arsye politike", -u shpreh Ruçi. Sipas tij, kjo do
të thotë që meqë minoranca, opozita u largua në nenin 15 dhe meqë ky
konsiderohet një ligj i rëndësishëm, atëherë përdoren arsye të ndryshme
jokushtetuese, megjithatë nuk kam lexuar argumentet, por nga bashkëbisedimi
që kam bërë me presidentin këtë më ka paraqitur. Unë i kam thënë
presidentit, tha Ruçi, se ligji i vërtetë për kthimin e kompensimin e
pronave ish-pronarëve janë 14 nenet e para. Sipas Ruçit, nuk është neni 15
dhe ato pas tij. "Ato kanë procedura, pra qëndrimi ose kthesa e menjëhershme
e opozitës e deri tek ligji i vërtetë, janë miratuar me votat e pozitës dhe
të opozitës, ky ishte një qëndrim politiko-elektoral. Duke parë që
ish-pronarët ngelën të pakënaqur nga opozita kryesore, atëherë për t'i
mbajtur me shpresë dhe për t'i patur si bazë sociale për votimet e radhës
bëri atë veprim politik", -shpjegoi Ruçi. Është e drejtë e tyre. Unë nuk
mund ta paragjykoj, tha Ruçi, por kjo nuk është arsye që unë të anuloj
ligjin apo të ndryshoj qëndrimin se çfarëdolloj qëndrimi të ndryshoj unë nuk
ndryshon ligji i kthimit dhe kompensimit të pronave.