http://www.balkanweb.com/
Partia Lëvizja e Legalitetit i kërkon Presidentit Moisiu të mos e dekretojë
'ligjin për kthimin e pronave'

Lajmi i ores 4:35 PM

  TIRANE (9 Qershor) - Partia Lëvizja e Legalitetit (PLL) i kërkoi të
Mërkurën Presidentit Alfred Moisiu, të mos e dekretojë ligjin "për kthimin
dhe kompesimin e pronave". Në një konferencë për shtyp, kryetari i PLL-së,
Ekrem Spahia, i sugjeroi kreut të shtetit që ta kthejë ligjin në fjalë për
rishqyrtim në Kuvendin e Shqipërisë,pasi ai nuk e zgjidh çështjen e pronave.
"PLL, në qëndrimin e saj për zgjidhjen e problemit të pronave, ka refuzuar
spekullimet politike, duke synuar kthimin realisht të saj tek pronari
legjitim', theksoi Spahia. Një ditë më parë, Kuvendi miratoi projektligjin
'për kthimin dhe kompensimin e pronave' me 64 vota pro, 5 kundër dhe 4
abstenim. bm/bm(BalkanWeb)


Mercredi, Juin 9, 2004 Signalé: 5:05 PM

Le PLL demande au Président Moisiu de ne pas décréter la loi pour la
"restitution des propriétés"

TIRANA, 9 juin /ATA-Anila Struga/ Le Parti le Mouvement de la Légalité (PLL)
a demandé mercredi au Président albanais, Alfred Moisiu, de ne pas décréter
la loi pour "la restitution et
la compensation des propriétés".
Lors d'une conférence de presse, le chef du PLL, Ekrem Spahia, a suggéré au
Président Moisiu la réexamination de cette loi par l'Assemblée d'Albanie,
parce qu'elle ne résolue pas la question des propriétés".
L'Assemblée a approuvé hier le projet de loi pour "la restitution et la
compensation des propriétés" avec 64 votes "pour", 5 "contre" et 4
"abstention".


Mercredi, Juin 9, 2004 Signalé: 1:55 PM

Le Parlement albanais met un terme au débat sur le projet de loi "pour la
restitution des propriétés et la compensation des propriétaires"

TIRANA, 9 juin /ATA/ Par Anila Struga/ - Le Parlement albanais a adopté hier
sans la présence de l'opposition le projet de loi "sur la restitution des
propriétés et la compensation des propriétaires". Après les discussions lors
de plusieurs séances plénières, le Parlement a mis un terme à l'adoption
d'une des lois les plus importantes et les plus contestables de cette
législature.
L'opposition a boycotté les travaux du Parlement et n'a pas participé au
vote. Pourtant, aux députés de la majorité il a fallu beaucoup de temps pour
adopter les trois articles restés de
la loi auxquels étaient ajoutés certains amendements. Lors de la séance de
la veille, il a été décidé que le plafond pour la restitution de la terre
agricole sera jusqu'à 60 ha, bien qu'il
ait été proposé que ce plafond atteigne 100 ha.
Le projet de loi adopté hier, a été discuté durant environ trois semaines au
Parlement. Au début des discussions, les députés républicains et de certains
petits partis de la droite se
sont pronconcés contre ce projet de loi, car, il viole les droits des
anciens propriétaires. En même temps, les députés socialistes ont adopté les
14 premiers articles de cette loi en consensus avec les députés du Parti
démocratique. La suppression de l'article 4 "sur l'impôt extraordinaire"
était la principale condition du PD pour l'adoption de cette loi.
Mais, le consensus politique entre les deux parties a été rompu lundi quand
la majorité a adopté l'article pour la nomination du président du Comité
public pour la Restitution des
Propriétés et de la Compensation des Propriétaires. L'opposition prétendait
qu'il devait être nommé par le président, alors que la majorité prétendait
que sa nomination devait être faite par le Premier ministre. Après de longs
débats, les socialistes ont adopté leur variante.
Le vice-président du PD, Bamir Topi, a préavisé la veille du boycot du vote
de la loi sur les propriétés par les démocrates. En même temps, le PD a
annoncé son détachement du
processus de la restitution des propriétés, car, selon les députés du PD, ce
processus ne sera pas transparent./klod/JDE



http://www.balkanweb.com/
Pronat, Reagon OSBE: Do monitorojmë zbatimin e ligjit

Lajmi i ores 6:50 PM


Osmo Liponnen
 TIRANE (9 Qershor) -Pas miratimit të ligjit për kthimin dhe kompensimin e
pronave mbrëmjen e së martës në kuvend, ka reaguar sot dhe shefi i misionit
të OSBEsë në Tiranë, Osmo Liponnen. Sipas News24, OSBE nëpërmjet një
deklarate për shtyp ka shprehur keqardhje për prishjen e konsensusit të
arritur në seancat e mëparshme të parlamentit ndërmjet dy partive më të
mëdha politike në vend. Pakti PS-PD, mbi heqjen e nenit mbi tatimin e
jashtëzakonshëm, u prish nga një debat tjetër që lindi mes dy partive mbi
emërimin e kryetarit të Komitetit të Kthimit dhe Kompensimit të Pronave. Nga
ana e tij Liponen, shprehu me keqardhje se nuk u respektuan parimet kryesore
dhe është vënë në rrezik besimi dhe zbatimi i ligjit. Kompetencat e shumta
që ju dhanë Komitetit të kthimit dhe kompensimit të pronave dhe ndryshimet
me vonesë nga ana e tyre sollën vonesa në debatet e zhvilluara në parlament.
Në deklaratën e tij shefi i OSBE-së në Tiranë, vlerësoi bashkëpunimin për
përgatitjen e draftit nga ana e deputetëve Ylli Bufi, Spartak Braho, Emin
Gjana dhe të tjerë. Në fund të deklaratës së tij Liponen theksoi me forcë se
nga ana e OSBE-së do të vazhdojë monitorimi i zbatimit të ligjit. bm/bm
(BalkanWeb)


PS miraton ligjin për pronat, PD braktis kuvendin

Lajmi i ores 8:45 AM

 TIRANE (9 Qershor) - Ligjvënësit miratuan mbrëmë ligjin për kthimin dhe
kopmensimin e pronës, pa konsensus, pasi opozita nuk ishte e pranishme.
Ligji kufizon kthimin e pronës deri në 60 hektarë, ndërkohë që në raste të
dhënies së zonave turistike hapësira mbështetëse është deri në 70 hektarë.
Socialistët me 64 vota pro, 5 kundër dhe 4 abstenime, përfshi 10 ministra, e
miratuan ligjin, i cili përveçse nuk mori konsensusin, kufizon kthimin e
pronës deri në 60 hektarë, sikurse kishte vendosur në mesditë grupi
parlamentar i tyre. Votuan kundër Maksim Begeja, Bahri Kollçaku, Sadedin
Balla, Nard Ndoka, Qazim Tepshi dhe abstenuan Mustafa Muçi, Vangjel Dule,
Zyhdi Pepa dhe Limoz Dizdari. Parlamenti u mblodh fillimisht për seancën,
por kur u votua për prezencë me elektornikë, dolën 71 deputetë, 61 plus 10
ministra. Ligoraq Karamelo i PBDNJ-së, kundërshtoi dhe tha se numri nuk
ishte i saktë, pasi ishin 44 dhe jo 61 deputetë. Paskësaj, Kryetari
Kuvendit, Servet Pëllumbi kërkoi rifillimin e punimeve në 19.30. Pavarësisht
se ora mblodhi deputetët, ata nuk shprehën ndonjë shenjë pajtimi për t'i
hapur rrugë shtyrjes së kërkuar sërish nga Karamelo, të seancës me
argumentin se në sallë mungonte opozita. I pranishëm gjatë punimeve ishte
shefi i Pranisë së OSBE-së, Osmo Liponen, i cili pas seancës tha se nuk i
kishte pëlqyer bojkoti i opozitës. Po ashtu Liponen pasi vlerësoi
bashkëpunimin midis komisioneve parlamentarë me ekspertët, shtoi se ky
bashkëpunim duhet të kishte vazhduar deri në fund. Kufizim të së drejtës për
kthimin e pronës e kanë quajtur kufirin e 60 hektarëve deputeti republikan
Maksim Begeja dhe ai socialst Meza Malaj. Begeja kundërshtoi për dhënien
ish-pronarëve të 60 hektarëve, duke e quajtur gjithashtu si "turp" faktin që
indvidivët e stimuluar të kenë marrë nga 70 hektarë, ndërsa pronarët 60.
Sipas Begesë, duhet të qartësohej se si do të veprhej me këto toka të dhëna
me qera për personat stimuluar, që i kanë marrë në fshatrat turistikë. Mezan
Malaj mbështeti Begenë duke shtuar se nuk është e drejtë që pronarëve t'u
kthehen 60 hektarë dhe një kategorie tjetër t'i jepen 70. Në tërësi Begeja,
Karamelo dhe Gaqo Apostoli kanë kërkuar shpjegime. Socialdemokrati Apostoli
ka kërkuar që për të gjitha propzoimet e bëra duhet të kishte shpjegime
juridike, sepse sipas tij, në rastin e heqjes së qerasë, ajo çfarë ka
saktësuar komisioni i ligjeve (koncension dhe qera) ka më shumë baza
juridike dhe ishte më e vlefshme për t'iu miratuar. Mustafa Muçi kundërshtoi
qëndrimin e Bufit, se me heqjen e qerave, invenstitorët do të ishin më të
sigurtë dhe nuk do të kishin probleme me ish-pronarët duke u lidhur me
shtetin. Për këtë Muçi tha se ishte nonsens, sepse ligji për koncensionin
nuk krijon marrëdhënie koncensionale mes shtetit dhe pronarit, por
marrëdhënie koncensionale vetëm me ndërtesën, pra jo me truallin dhe kjo
duhet të shoqërohet me një kontratë shit-blerjeje. ro/ro
(GazetaShqiptare/BalkanWeb)



09/06/2004 http://www.shekulli.com.al/

"Do të kthehen deri në 60 ha tokë dhe pronarët e fshatrave turistikë do të
blejnë tokën tek ish-pronarët"

PS miraton ligjin e pronave pa PD

PD bojkot seancës. PS me 67 vota pro, 4 kundër dhe 5 abstenime kalon tre
nenet e fundit

Darina Tanushi

TIRANË - Deputetët socialistë kanë miratuar dje, pa praninë e opozitës
ligjin "Për kthimin e kompensimin e pronave" . Me 67 vota pro, 4 abstenim
dhe 5 vota kundër, Parlamenti ka mbyllur kështu historinë e miratimit të një
prej ligjeve më të rëndësishme, por edhe tepër të debatueshme. Megjithë
pakënaqësitë e deputetëve republikanë dhe shoqatave të ish-pronarëve,
deputetët socialistë kanë kaluar mbrëmë tre nga nenet e prapambetura, për të
cilat ishin bërë edhe propozime. Kështu, përfundimisht është vendosur që
tavani për kthimin fizik të tokës bujqësore të jetë deri në 60 ha,
megjithëse ishte propozuar që kjo të shkonte deri në 100 ha. Kjo është
vendosur edhe në mbledhjen e paradites të grupit parlamentar socialist dhe
është përkrahur nga shumica e deputetëve. Deputetët kanë miratuar edhe një
ndryshim në pikën 4 të nenit 8, i cili përcaktonte se "në rastet e
ndërtimeve të ligjshme të bëra në truallin e dhënë nga shteti me qira ose
koncesion, pronari i ndërtesës pas mbarimit të kontratës me shtetin mund të
paguajë vlerën e truallit mbi të cilin është bërë ndërtesa sipas çmimeve të
tregut. Ndërsa tani fjala është vetëm për "rastet e ndërtimeve të ligjshme
të bëra në truallin e dhënë nga shteti me koncesion, për të cilat ligji i
miratuar dje i jep mundësinë pronarit të ri (fshatrat turistikë) të blejë
truallin tek ish-pronari me çmimet e tregut, nëse ky i fundit vendos për
shitjen. Pronarit të vjetër i njihen të gjitha të drejtat e pronësisë që
deri para hyrjes në fuqi të ligjit i gëzonte shteti". Kryetari i komisionit
parlamentar të Ekonomisë Ylli Bufi ka shpjeguar se bëhet fjalë për kontrata
afatgjata të shtetit me ndërtuesit e fshatrave turistike dhe kjo është
arsyeja pse mbështeten, tha ai. Por ka ardhur kundërshtimi i deputetit
socialist Mustafa Muçi. Ai është shprehur se "ajo që ka thënë Bufi është
nonsens juridik, pasi ligji mbi koncesionet nuk lejon marrëdhënie me tokën.
Këto, sipas tij, janë marrëdhënie të tjera. Deputeti Ligoraq Karamelo ka
kërkuar më pas mosmiratimin e ligjit, pa praninë e opozitës, por edhe pa
praninë e kryeministrit Nano, sepse sipas tij, ky është një ligj i
rëndësishëm dhe duhet të ketë vëmendje më të madhe. "Në bregdet janë të
lidhura interesat e pushtetarëve. Nëse do ta miratoni këtë ligj, tha
Karamelo, ky do të kthehet në një ligj interesash dhe që po fundos
ish-pronarët".
Më pas diskutimet kanë vijuar për pak kohë edhe me debate mes vetë
socialistëve siç ka qenë ai midis deputetit Zyhdi Pepa dhe kryetarit të
grupit Gramoz Ruçi. në këto debate e sipër zv/kryeministri Namik Dokle është
shprehur se "nëse opozita po bën bojkot, disa këtu bëjnë kot". Deputeti
republikan Maksim Begeja, ndërsa ka kundërshtuar disa herë miratimin e
ligjit, është shprehur se kështu i hapet rruga korrupsionit dhe pastrimit të
parave të pista, që zoti Bufi po mundohet t'i mbyllë në komisionin e
Ekonomisë, u shpreh Begeja. Begeja është shprehur edhe në mbyllje të
seancës, pas përfundimit të votimit se "pronarët nuk e marrin atë ç'ka është
e tyre". Ai ka kritikuar edhe pozicionin e PD-së, e cila nuk ishte e
pranishme në këtë seancë, por edhe për mirëkuptimin, që sipas Begesë ajo ka
arritur me PS-së pikërisht për kthimin deri në 60 ha të tokës. Deputetët
Zyhdi Pepa, Limoz Dizdari, Mustafa Muçi dhe Vangjel Dule kanë abstenuar,
ndërsa 5 deputetët e tjerë, Maksim Begeja, Nard Ndoka, Bahri Kollçaku,
Sadedin Balla dhe Qazim Tepshi kanë votuar kundër ligjit për kthimin dhe
kompensimin e pronave.

Neni 6

Tavani për kthimin fizik të tokës bujqësore ish-pronarëve të jetë deri 60 ha

Neni 8 Trualli
Pika 4
"Në rastet e ndërtimeve të ligjshme të bëra në truallin e dhënë nga shteti
me (qira ose- hiqet fjala qira) koncesion, subjektit të shpronësuar i
rinjihet pronësia dhe i kalojnë të gjitha të drejtat pronësore që deri me
hyrjen në fuqi të këtij ligji i gëzon shteti, me kusht që ai të respektojë
kontratën e nënshkruar. Në përputhje me Kodin Civil, pas përfundimit të
kontratës, subjekti i shpronësuar vendos vetë për marrëdhëniet e mëtejshme
me të tretët. Subjektet e shpronësuara kanë të drejtë të heqin dorë nga
prona e tyre kundrejt kompensimit, sipas nenit 11 të këtij ligji".


Neni 17/ Komisionet Vendore për Kthimin dhe Kompensimin e Pronave

1. Komisionet Vendore për Kthimin dhe Kompensimin e Pronave krijohen dhe
ushtrojnë veprimtarinë aty ku funksionojnë qarqet. Kompetencat tokësore për
secilin komision shtrihen në të gjithë territorin e mbuluar nga qarku. (KL:
anëtarët e opozitës propozojnë që: fjala "prefekti" të bëhet "Këshilli i
qarkut" dhe të shtohet fjalia "Të paktën dy kandidatë përzgjidhen nga
propozimet e pakicës në këshillin e qarkut")
2. Komisionet Vendore për Kthimin dhe Kompensimin e Pronave të Paluajtshme
përbëhen nga 5 anëtarë të cilët propozohen nga prefekti dhe emërohen në
detyrë nga Komiteti Shtetëror i Kthimit dhe Kompensimit të Pronave.
3. Anëtar i Komisioneve Vendore për Kthimin dhe Kompensimin e Pronave mund
të emërohet shtetasi shqiptar i cili: a) ka mbaruar shkollën e lartë për
jurist, ekonomist, agronom, pedagog ose në fushat inxhinierike që kanë
lidhje me procesin e kthimit dhe kompensimit të pronave; b) nuk është dënuar
me vendim gjyqësor të formës së prerë për kryerjen e një krimi; c) ka jo më
pak se 5 vjet përvojë pune në profesion; d) nuk është marrë masë disiplinore
e shkarkimit nga puna; nëse ka punuar në administratën publike; (hiqen KL)
e) ka zotësi të plotë për të vepruar; f) nuk është në konflikt interesash me
detyrën e anëtarit të Komisionit Vendor.
4. Anëtarësia në Komisionin Vendor të Kthimit dhe Kompensimit të Pronave
është e papajtueshme me çdo veprimtari tjetër shtetërore ose politike.



PD: Pronat, përgjegjësia për ligjin i mbetet PS-së

N.Perndoj

TIRANE- Nënkryetari i PD-së Bamir Topi deklaroi dje se fatura e
përgjegjësisë për ligjin e pronave do t'i mbetet vetëm maxhorancës. Duke
marrë shkas nga debati i dy netëve më parë, ku u rrëzua me shumicë votash
kërkesa e opozitës për emërimin nga presidenti të Komitetit Shtetëror të
Kthimit dhe Kompensimit të Pronave si dhe vendimi për të bojotuar seancën e
djeshme ku PS miratoi përfundimisht ligjin nënkryetari i demokratëve shtoi
se konsensusi mes PD-së dhe PS-së tashmë është prishur. Kërkesa e opozitës
mbështetej plotësisht në variantin fillestar të OSBE-së, sipas së cilës,
kryetari i këtij komisioni duhet të zgjidhej nga presidenti dhe jo nga
kryeministri. "Ka qenë një moment delikat për të cilin ka qenë e nevojshme
edhe një pozicionim i qartë i OSBE-së. Ju e dini se ky projekligj ka qenë në
çdo hap të tij në supervizionin e OSBE-së pasi fillimisht kanë qenë
pozicione shumë të polarizuar politike, gjë që nuk ofron asnjë lloj shansi
që ky projektligj të miratohej me një përqindje disi më të gjerë sesa
vullenti i maxhorancës, të cilët realisht kanë numrin e mjaftueshëm të
kartonave për të votuar projekligjin sipas vullnetit të tyre. Unë ju them se
dje është prishur ajo klimë e bashkëpunimit, por ju them se është spekuluar
me këtë term "konsensus" se nuk ishte konsensus dhe nuk mendoj se do të kemi
konsensus, përdersa pozicionet e PD-së dhe të PS-së janë jashtëzakonisht
larg edhe për problemet e pronave", -tha dje Topi. Ai shpjegoi arsyet se pse
kryetari i komisionit për pronat nuk duhet të emërohej nga kryeministri. "Së
pari, ka të bëjë me një komision, i cili duhet t'i shkëputet praktikave të
ekzekutivit shqiptar, që edhe sot e kësaj dite ka ndarë tokën dhe trojet në
mënyrë abuzive në zonat që janë menduar për kompensimin e ish-pronarëve. Së
dyti, nuk mund t'i lihet në dorë emërimi i një pozicioni kaq të rëndësishëm
një njeriu si Nano, që ka humbur totalisht kredibilitetin. Së treti ka të
bëjë me iniciativën presidenciale, sepse për një çështje kaq të rëndësishme
kërkojmë drejtësi. Eshtë presidenti që mori një iniciativë, por nga ana
tjetër ka dhe aksesin e nevojshëm në tërë hallkat e sistemit të drejtësisë.
Kemi një nen 94 të Kushtetutës që i jep presidentit atributet në nene të
veçanta të ligjeve që Parlamenti ia ngarkon atij", -tha Topi.




http://www.gazeta55.com/
Fati i pronave, në dorë të kasapit të qeverisë

Përfaqësues të opozitës deklaruan dje, para miratimit përfundimtar të ligjit
për pronat se, nuk mund t'i lihej procesi në dorë një njeriu si Nano, që ka
humbur kredibilitetin e që s'provon dot as ndershmërinë e pronës së vet

Nënkryetari i Partisë Demokratike, z.Bamir Topi, ka sqaruar dje para shtypit
qëndrimin e grupit parlamentar të PD, një ditë më parë, në seancën
parlamentare, kur po diskutohej çështja e projektligjit për pronat. Topi,
gjatë deklarimit të tij është shprehur se "ne u futëm për të diskutuar në
seance parlamentare, mbasi ramë dakord ta votonim projektligjin në parim,
për t'i hapur më pas rrugë diskutimit nen për nen dhe praktikisht, pati një
debat të gjerë lidhur me nenin 15 të këtij projektligji,  pikërisht me atë
që ndan pozicionet në mënyrë të qartë, me ate te mazhorancës dhe Partisë
Demokratike". Nënkryetari demokrat ka sqaruar nenin 15 që, sipas tij, ka të
bëjë me kompozimin dhe funksionimin e komisionit për njohjen, kthimin dhe
kompesimin e pronave. Ka qene nje moment delikat për të cilin ka qene i
nevojshem edhe nje pozicionim i qartë  i OSBE-së. Topi ka sqaruar se ky
projektligj ka qene në çdo hap të tij, në supervizionin e OSBE-së, pasi
fillimisht, kanë qenë pozicione shume të polarizuara politike, gjë që nuk
ofron asnjë lloj shansi që ky projektligj të miratohej me nje perqindje disi
më të gjerë sesa vullneti i mazhorancës, të cilët realisht kanë numrin e
mjaftueshem të kartonëve, për të votuar projektligjin, sipas vullnetit të
tyre. Sipas demokratëve, me menyrën e trajtimit të seances së nje dite më
parë, nga mazhoranca socialiste, është prishur ajo klimë e bashkëpunimit,
por ju them se është spekuluar me atë term konsensusi, se nuk ishte
konsensus dhe nuk mendoj se do të kemi konsensus, tha Topi, përderisa
pozicionet e PD dhe të PS  janë jashtëzakonisht larg, edhe për problemet e
pronave. PD sqaron më tej se, ka qene nje inisiative e presidentit Moisiu,
për të mbledhur krerët e partive parlamentare per t'u informuar atyre nje
zgjidhje konsensusi të gjerë, çka do të thotë për problemin në fjalë që, do
të thotë, palet ne fjale për qëndrime te ndryshme për problemin në fjale, të
ofronin një zgjidhje, jo më për të kenaqur interesat dhe vullnetet politike,
por për t'i dhene nje zgjidhje me interes të shtresave te gjera të
popullsisë shqiptare, ku ish-pronarët nuk ishin të trajtuar, natyrisht të
pakënaqur me ligjin 7501, fillimisht të aprovuar në vitin '91 dhe pastaj, me
disa amendamente te vitit '92. Topi shprehet se, neni  15 është i
rendesishëm, sepse komisionin do ta drejtonte nje njeri i zgjedhur
drejtpërdrejt nga Nano, ndërsa PD thoshte që ai person që do të drejtonte
kete komision, të zgjidhet nga presidenti. Arsyet pse e kontestuam variantin
e mazhorances, tha nënkryetari demokrat jane disa,

së pari, ka të bëjë me nje komision, i cili duhet t'i shkëputet praktikave
te ekzekutivit shqiptar që, edhe sot e kësaj dite ka ndarë toke dhe troje ne
menyrë abuzive, ne zonat që janë menduar për kompensimin  e ish-pronareve.
Së dyti, nuk mund t'i lihet në dorë emerimi i një pozicioni kaq të
rëndësishem, nje njeriu si Nano, që ka humbur totalisht kredibilitetin, pasi
jemi ne kulmin e diskutimeve që Nano ka humbur kredibilitetin edhe per
deklarimin e pasurisë së tij.

Së treti, ka të bëjë me inisiativen presidenciale, sepse për nje çeshtje kaq
të rëndësishme, kerkojme drejtësi. Eshtë presidenti që mori nje inisiative,
por nga ana tjetër, ka dhe aksesin e nevojshem ne tere hallkat e sistemit të
drejtesisë. Sipas Topit, PD kerkon që ky komision të ishte ne paritet të
plotë, përsa i përket kompozimit nga forca politike, por personi i pestë të
ishte jashtë kampeve politike. Topi tha se, ne kishim kerkuar që ky komision
te raportonte ne komisione nje here ne tre muaj dhe para parlamentit, nje
here ne gjashte muaj. Nuk behet fjale për nje komision që do të vazhdoje
pafundesisht, por është një komision, që e ka jeten te shkurtër, pasi pjesa
më e madhe e trojeve dhe pronave, jane ndarë. Por per disa prona dhe troje,
duhet nje shmangie nga njerezit e veshur me pushtet".

Eva Gjura


http://www.panorama.com.al/ © 2003 Gazeta Panorama

Faqe 10 - Opinion
9 Qershor 2004

opinioni i lexuesit

Pronat

Dhjetëra letra për rubrikën e re "Opinioni i lexuesit"

Ashtu siç kishim lajmëruar para disa ditëve, gazeta "Panorama", për të qenë
më pranë lexuesit të saj të nderuar, ka vendosur të hapë një rubrikë të re
me opinionet e vetë lexuesve. Rubrika që fillon sot, me titull "Opinionet e
lexuesit", do të jetë e përqëndruar në temat që përzgjedhim ne si redaksi,
duke pasur në vëmendje çështjet më të diskutueshme të momentit. Tema që
tashmë është e hapur, dhe që lexuesit tanë të nderuar i kanë dërguar
mendimet e veta, është ajo e PRONËS. Ne kemi vendosur që të botojmë vetëm
mendimet e lexuesve në këtë rubrikë, pasi lajmet dhe komentet tona mbi këtë
temë apo tema të tjera, ne i`a transmetojmë lexuesit çdo ditë.

Ndërkohë, duke qenë se gjatë këtyre ditëve në redaksi kanë ardhur shumë
letra, qoftë nëpërmjet postës elektronike, qoftë edhe në zarfe në adresën e
gazetës, ne nuk kemi mundësi t'i botojmë të gjitha njëherësh, por kemi
përzgjedhur disa prej tyre, që ngrenë probleme të mprehta për Pronën.
Ndërkohë, ne ju lutemi lexuesve që të vazhdojnë të na shkruajnë në adresat

e-mail: letra_panorama@hotmail.com letra_panorama@yahoo.com

posta: Gazeta "Panorama", Rruga "Gjin Bue Shpata"
pranë shkollës "Emin Duraku", Tiranë


Pse është i papranueshëm ligji aktual i pronave

Klasa aktuale politike shqiptare (dy bandat rivale te shkatërrimit të
Shqipërisë), më së fundi e hoqi maskën dhe ja arriti qëllimit të përfundimit
të misionit të tyre në zbatimin e përkryer të strategjisë famëkeqe të
Katovicës. Ligji i Kthimit dhe Kompesimit të Pronave që po gatuhet në
Parlament aq sa i padrejtë është absolutisht i papranueshëm pr pronarët
legjitimë të Shqipërisë, sepse:

Ky ligj shkel hapur dhe në mënyrë flagrante Kushtetutën e Shqipërisë (Nenin
41 dhe 181) dhe Kartën Evropiane të të Drejtave të Njeriut, detyrimisht e
zbatueshëm për vendet nënshkruese ku është dhe Shqiperia.
Me këtë ligj abuzohet rëndë dhe mashtrohet hapur opinioni i brendshëm dhe ai
ndeërkombëtar, nga njëra anë, sikur vihet në vend e drejta e pronës e mohuar
nga sistemi totalitar dhe nga ana tjetër duke lënë në fuqi Ligjin famëkeq
7501 dt.19.07.1991 "PËR TOKËN", Ligjin 8053 e të tjera ligje; zbaton
urrejtjen patologjike të luftës së klasave në kushte të reja,të cilën e
servir si zgjidhjen më të mirë të mundshme kur në fakt është zgjidhja më e
keqe e mundshme, sepse mohon trashëgiminë pronësore, si një ligj i
pacënueshëm dhe i përbotshëm.
Në këtë ligj legalizohen të gjitha abuzimet, vjedhjet dhe korrupsioni i bërë
me pronat në këto katërmbëdhjetë vjet të së ashtuquajtur "Demokraci", duke
zhveshur nga e drejta e pronës legjitime në breza një pjesë të shqiptarëve,
për t´ua dhënë falas pjesës tjetër, duke e veshur me petkun e reformës, nën
termin absurd "Shpronësim për nevoja publike", por që në fakt janë interesa
private me qëllime të përcaktuara politike dhe elektorale.
Ligji që po aprovohet nga ky Parlament i vitit 2004, është shumë më i keq
edhe se Ligji 108 i "Reformes Agrare" të Enver Hoxhës i vitit 1946, që u
linte pronarëve nga 20 deri 40 ha nga prona e tyre, kurse ky ligj nuk jep
asnjë pëllëmbë, sepse shteti nuk ka në pronësi tokë eficente sipas
përqindjes respektive për kthim fizik 70 %, dhe as 10 miliardë dollarë të 30
% të kompesimit financiar.
Ky ligj nuk vendos në vend të drejtën e pronës së grabitur nga sistemi
diktatorial, por përkundrazi, e varros këtë të drejtë; nuk qetëson gjendjen
sociale, por përkundrazi e acaron edhe më shumë atë dhe për më tepër do
gjenerojë tension social të ri; nuk krijon premisa për zhvillim shoqëror të
Shqipërisë, por përkundrazi e pengon at; nuk nxit e ndihmon në integrimin e
Shqipërisë, por e bllokon përfundimisht atë.
Ky ligj, jo vetëm që nuk ka konsensusin e forcave politike pjesëmarrëse në
Parlament, por për më tepër ka kundërshimin kategorik të pronarëve
legjitimë, në kurriz të të cilëve bie kjo tragjedi të cilët janë zotër të
vërtetë me legjitimitet të plotë kushtetues, si trashëgimtarë autoktonë.
Me këtë ligj bandat politike në Parlament legjitimojnë përfundimisht
vendimin antikushtetues të dhunimit të së drejtës së pronës të trashëguar në
breza, me "bekimin" e plotë të OSBE-së, gjë që e vë në pozicion
kompromentues direkt këtë institucion të madh europian, tek i cili
shqiptarët janë ende të detyruar të "besojnë".
Me aprovimin e këtij ligji Parlamenti zyrtarisht me vetëdije shkel
Kushtetutën, duke humbur kështu legjitimitetin dhe pronarët legjitimë të
Shqipërisë nuk e njohin këtë Parlament, sepse precedenti i shkeljes së
Kushtetutës nga institucioni më i lartë, është tragjik për një popull.
- Ju bëjmë thirrje çdo parlamentari të përgjegjshëm dhe çdo politikani
patriot të reflektojnë menjëherë;

I bëjmë thirrje Presidentit të Republikës të mos e dekretojë këtë ligj, si
garant i Kushtetutës dhe unitetit të popullit.

I bëjmë thirrje të gjithë intelektualëve dhe opinionit publik, që duan
Shqipërinë dhe shqiptarët, qetësinë dhe zhvillimin, përparimin dhe
integrimin e Shqipërisë në familjen e madhe Europiane, të reagojne, sepse
jeta dhe prona kanë karakter hyjnor.

U bëjmë thirrje institucioneve europiane dhe ndërkombëtare të mos e lejojnë
këtë tragjedi të vjetër në kohët moderne, si gjithmonë në kurriz të
Shqipërisë dhe shqiptarëve.

Ferdinand SULAJ
Vlorë



A zotëroni ndonjë faturë-pagese takse për pronën?

Çështja e pronës është bërë e mprehtë në Shqipëri. Por ende nuk është
arritur të bëhen dallime midis pronës si pasuri kombëtare, pronës si pasuri
shtetërore dhe pronës private. Më qartë, historikisht, këto dallime i ka
bërë kapitalizmi gjatë rrugës së gjatë të zhvillimit. Këtë trashëgimi
historike, për fatin e mirë e gëzon edhe Shqipëria. Për të qenë sa më
konkretë, le të ecim në rrugën e shembujve:

Prona në shfaqjen e saj, në drejtim vertikal, përmban sipërfaqe si në rastin
e një prone të paluajtshme toke, si fond bujqësor, tokë si truall apo pasuri
në formë ndërtese me çfarë ka brenda. Sipër saj, vjen atmosfera; nën të vjen
nëntoka. Kuptohet, që nëntoka ka qenë dhe mbetet gjithnjë jo thjesht pasuri
kombëtare, por edhe pronë shtetërore e përcaktuar në një shkallë thellësie;
mbetet gjithashtu pronë shtetërore edhe atmosfera në një lartësi të caktuar
mbi sipërfaqen dhe lartësinë e objektit, si të thuash ajri dhe pastërtia e
tij ose mbrojtja nga ndotës industrialë, pavarësisht nga subjekti që i sjell
ato, qoftë dhe ndotje elektronike.
Në pikëpamje të regjistrimit, në kohët e para deri para kolektivizimit
socialist në fshat e qytet, pronat ishin të regjistruara PËR EFEKT TAKSE OSE
DETYRIMI NË NATYRË NDAJ SHTETIT. Pikërisht, një dokument i tillë ka
vërtetuar me metër në dorë ose masë tjetër ekzakte, se cila ka qenë madhësia
dhe veprimtaria mbi një pronë me të vërtetë private, e njohur botërisht si e
përcakton Kushtetuta, Kodi Civil dhe Kodi i Procedurës Civile i çdo vendi,
edhe i Shqipërisë.
Sot në fshat e qytet, është në veprim Ligji i Regjistrimit të Pronave të
Paluajtshme. Sipas këtij ligji të ri e modern, pronat në tri format, si
pasuri kombëtare, si pronë shtetërore dhe pronë private, ndahen në prona me
titull dhe prona pa titull. Ligjet tona dhe të përbotshme, pronat pa titull
ose ato me titull të shuar, për faqe ose arsye të ish-pronarit, që i ka
poseduar në të vërtetë dhe me ligj, kalojnë në pronë shtetërore, por
gjithnjë me vendim gjykate.
Sipas dallimeve të mësipërme, për fatin tonë të keq, diskutimi i
deritanishëm për pronat në të gjitha nivelet e shtetit, duke përfshirë edhe
Kuvendin e Shqipërisë e gjykatat, janë tepër konfuze. Prandaj ndodh që të
pretendohen e shpallen prona private deri burime uji e brigje deti e
sipërfaqe të tij; qiell e nëntokë, duke penguar investime shtetërore. Ky
konfuzion dëmton sot edhe ende më rëndë shkatërron të ardhmen e shoqërisë e
të krejt vendit. Këtë e sqaron dhe e parandalon kjo: Unë, shteti, ta njoh
pronën si pronë private për aq sa për të cilën ke paguar taksa. Më tutje,
nuk mund të shkosh zotëri! Pra, më jep, krahas tapisë, edhe faturën e taksës
kur të është njohur si burim prone. Dihet, që informacioni të jetë i
besueshëm, duhet të ketë, së paku, dy burime. Kjo tezë vlen edhe për pronën
e kujtdoqoftë.
Nga Osman Allkja
Ekonomist
Tiranë



Edhe ne, të shpronësuarit, duam dëmshpërblim

Jam një trashëgimtar i shumë pronave, si në qytet ashtu edhe në fshat.
Nëpërmjet jush dua të pyes se a mundet shteti të na japë edhe para për kohën
që këto prona janë shfrytëzuar nga ai vetë, duke përfituar gjatë 60 vjetëve
shumë të mira, si në ndërtim ashtu edhe në prodhim. Shteti shqiptar mori
miliona dallarë nga pasuritë e pronave tona. Ashtu si të përndjekurit po
marrin paratë e burgut, edhe ne të shpronësuarit duam dëmshpërblim, përveç
pronës qind për qind, pasi unë vetë, jam i tatuar edhe me tatimin e Luftës
me 1,989,800 franga ari të asaj kohe. Ju lutem, shkruani e komentoni diçka
për këtë problem.

Andi Shkodra
Shkodër


Faqe 11 - Politikë

9Qershor 2004

Mazhoranca miraton përfundimisht Ligjin për Pronat. Kritika nga shefi i
zyrës së OSBE

Liponen: PS shmangu konsensusin

Opozita bojkoton. Votimi me numrin minimal të deputetëve


Nikolin Todolli

Kuvendi ka miratuar dje në tërësi projektligjin për kthimin dhe kompensimin
e pronave me 64 vota pro, 5 kundër dhe 4 abstenime.

Gjithçka ka ndodhur pasi i është dhënë fund marrëveshjes së fillimit me
opozitën, e cila nuk ka qenë e pranishme, pas një paralajmërimi që kishte
bërë në mesditë për bojkot. Ndërkohë, kreu i OSBE-së në Tiranë, Osmo
Liponen, menjëherë pas votimit në Parlament, është shprehur me tone negative
për debatin e pronave. Ai ka deklaruar për "Panorama" se nuk i ka pëlqyer
bojkoti i djeshëm i opozitës. Pasi një takimi me kryeparlamentarin Pëllumbi
dhe me kryetarin e grupit parlamentar të PS-së Ruçi, kreu i OSBE-së ka
kritikuar mazhorancën se nuk ka arritur dot konsesusin për miratimin e këtij
projektligji. Sipas tij, debati për pronat në parlamentin shqiptar nisi
mirë, duke qenë edhe opozita e pranishme, por fryma e konsesusit duhet të
kishte vazhduar deri në miratimin e ligjit. Liponeni e ka quajtur ndërkohë
të pamjaftueshëm bashkëpunimin e komisioneve parlamentare me njëri-tjetrin
dhe me ekspertët për hartimin e draftit për pronat. "Por, për fat të keq,
bashkëpunimi nuk vazhdoi deri në fund", tha Liponeni.

Debati në seancë
Ligji për Pronat, edhe pse i votuar thuajse që një natë më parë, është
rikthyer për miratimin e disa neneve të kapërcyer gjatë seancave të kaluara.
Shumica parlamentare ka miratuar me shumicë votash amendamentin e paraqitur
nga Komisioni i Ekonomisë, sipas të cilit, toka e pazënë duhet t'i kthehet
ish-pronarit. Ky i fundit duhet të kompensohet ndërkaq për tokën e zënë nga
një palë e tretë. Deputetët e PS-së kanë miratuar gjithashtu propozimin e
deputetit Ndriçim Hysa, që toka buqjësore të kompensohet deri në 60 ha,
ndërkohë që është hedhur poshtë varianti i Ylli Bufit, sipas të cilit,
tavani i kompensimit të ishte 100 ha. Pas debatesh mes deputetëve të PS-së,
Kuvendi ka miratuar gjithashtu variantin e Komisionit të Ekonomisë për pikën
4 të nenit 8. Kështu, personat që kanë marrë me kontratë koncesioni një
sipërfaqe toke në zona turistike dhe në bregdet, kanë të drejtë ta blejnë
atë me vlerën e tregut, ndërkohë që ish pronarët do të kompensohen nga
shteti. Por, këtë pikë e ka kundërshtuar republikani Maksim Begeja, sipas të
cilit, KKRT-ja u ka dhënë firmave të ndryshme sipërfaqe ndërtimi dhe
përdorimi deri në 70 ha në bregdet, ndërkohë që ligji i sapomiratuar e
kufizon pronarin e ligjshëm që të kompensohet deri në 60 ha. Variantin e
tokës së lëshuar me koncesion e ka kundërshtuar edhe socialisti Mustafa
Muçi, anëtar i Komisionit të Ligjeve, sipas të cilit, personi që e ka marrë
tokën me koncesion ka të drejtë vetëm mbi ndërtimin dhe jo mbi tokën.
Pavarësisht nga këto vërejtje, deputetët e PS-së e kanë miratuar variantin e
propozuar nga kryetari i Komisionit të Ekonomisë, Ylli Bufi.

"Indiferenca" e deputetëve
Në votimin e djeshëm mazhoranca mezi ka arritur të plotësojë prezencën e
mjaftueshme prej 71 deputetësh për të votuar projektligjin. Pëllumbi është
detyruar të ndërpresë për 30 minuta votimin e projektligjit derisa deputetët
e PS-së dhe të partive të tjera të majta të mblidheshin në një numur të
mjaftueshëm. Me rifillimin e votimit, është vënë re prania e 15 ministrave,
ndërkohë që ka munguar kryeministri Nano, ish-kryeministri Meta dhe deputetë
të tjerë të PS-së. Kështu, pas një debati brenda për brenda grupit të PS-së,
por me ndërhyrje të republikanit Begeja, Kuvendi ka miratuar, pa praninë e
opozitës, ligjin e ri për kthimin dhe kompensimin e pronave. Për këtë ligj
kanë votuar kundër deputetët Kollçaku, Ndoka, Begeja, Balla dhe Tepshi,
ndërsa kanë abstenuar deputetët Dule, Dizdari, Pepa dhe Muçi.



Votimi
Pepa kundër grupit të PS dhe Ruçit

Deputetët e PS-së kanë qenë të përçarë në mendime gjatë votimit përfundimtar
të ligjit për kthimin dhe kompensimin e pronave. Zydi Pepa ka dalë madje
edhe kundër kryetarit të grupit të PS-së dhe shumicës së deputetëve të tjerë
kolegë të tij, duke theksuar se miratimi i projektligjit për pronat u bë në
shkelje flagrante të rregullores së Kuvendit. "Ju e kufizoni kompensimin e
pronave në 60 ha, duke e rritur kështu shumë herë faturën financiare të
kompensimit të pronave", tha Pepa. Por të pakënaqur janë dukur edhe Braho
dhe Bizhga, të cilët nuk kanë arritur dot të bindin grupin e tyre për të
miratuar amendamentin, sipas të cilit familjet që rrinë me qira në shtesat e
kateve të kenë të drejtën e blerjes së tyre.



Topi: PS humbi shansin për kompromise të tjera

Mazhoranca e hodhi vetë tutje shansin për kompromis. Kështu është shprehur
dje nënkryetari demokrat Bamir Topi, duke deklaruar se, votimi i ligjit të
pronave sipas variantit të mazhorancës, pa përfillur as OSBE-në, vë në
dyshim edhe mundësinë për marrëveshje të tjera mes forcave politike. Sipas
drejtuesve të PD-së, dredhimi i socialistëve ve në dyshim jo vetëm
kompromisin që u arrit në fillim të diskutimit të ligjit, por edhe tryezat e
pritshme për Kodin Zgjedhor. Vetëm disa ditë më parë, aleatët e PD-së i bënë
thirrje Berishës të mos votojë ligjin e pronave dhe të mos përqafojë asnjë
tolerancë të mazhorancës, pasi gjithçka do të ishte në kurriz të të
djathtëve. "Unë ju them se dje është prishuar ajo klimë e bashkëpunimit, por
ju them se është spekulluar me atë term konsensues, se nuk ishte konsensus
dhe nuk mendoj se do të kemi konsensus përdersa pozicionet e PD-së dhe të
PS-së janë jashtëzakonisht larg", tha Topi. Sipas tij, në rastin e ligjit të
pronave, mazhoranca kishte nxjerrë jashtë të gjithë përpjekjeve për
kompromis jo vetëm OSBE-në por edhe Presidentin Moisiu, i cili gjatë gjithë
ditëve të fundit, pati apeluar për zbulimin e rrugëve që do të çonin në
gjetjen e kompromisit.



Flet Fatos Beja
Pse u larguan përfundimisht demokratët

"Ne jemi të vendosur që të mos marrim pjesë në seancat plenare. Nuk do të
bëhemi pjesë e këtyre monopolizimeve që tentohen të bëhen në lidhje me
projektligjin e pronave. Socialistët kanë forcën e kartonit dhe le ta
kalojnë atë, ne nuk do të pajtohemi kurrë". Kështu u shpreh dje anëtari
demokrat i Komisionit të Ligjeve, Fatos Beja, duke sulmuar socialistët se
kishin programuar të nxirrnin jashtë loje jo vetëm opozitën por edhe
OSBE-në, e cila kishte theksuar që anëtari i pestë në Komisionin e Kthimit
të Pronave, i cili është njëkohësisht edhe kryetari, të emërohet nga
Presidenti. "Ne kemi pasur takime me OSBE-në dhe ata e mbështesnin këtë
 pikë", tha Beja, duke kujtuar se edhe disa socialistë, si rasti i Brahos, e
kishin kundërshtuar këtë variant, që sipas tij kërkon të lërë në fuqi
dhënien e fshatrave turistikë firmave të mbështetura nga qeveria.

 © 2003 Gazeta Panorama


http://www.zeripopullit.com/
Pronat/neni 15/ Komiteti I Pronave, 3 anetare te caktohen nga maxhorana, 3
anetare nga opozita, anetari I shtate te caktohet nga Parlamenti

1. Për zbatimin e këtij ligji krijohet Komiteti Shtetëror për Kthimin dhe
Kompensimin e Pronave. Komiteti Shtetëror përbehet nga 5 anëtare të cilët
emërohen dhe shkarkohet nga Kuvendi. Një anëtar propozohet nga Këshilli i
Ministrave, dy anëtare propozohen nga pozita dhe dy anëtare nga opozita
parlamentare. Anëtari i propozuar nga Këshilli i Ministrave është Kryetar i
Komitetit Shtetëror për Kthimin dhe Kompensimin e Pronave.

2. Anëtari i Komitetit Shtetëror për Kthimin dhe Kompensimin e Pronave mund
të emërohet shtetasi shqiptar i cili:

a) ka mbaruar arsimin e lartë për jurist, ekonomist, agronom apo në fushën
inxhinierike që ka lidhje me procesin e kthimit dhe kompensimit të pronave;

b) ka jo më pak se 7 vjet përvoje pune në profesion;

c) gëzon reputacion të mirë dhe aftësi profesionale të spikatura në fushën e
tij;

d) nuk është anëtar i organeve drejtuese të ndonjë partie politike;

e) nuk është dënuar me vendim gjyqësor të formës së prerë për kryerjen e një
krimi;

f) nuk është marrë masë disiplinore e shkarkimit nga detyra; nëse ka punuar
në administratën publike; (hiqen KL)

g) ka zotësi të plotë për të vepruar;

h) nuk është në konflikt interesash me detyrën e anëtarit të Komitetit.

3. Anëtaresia në Komitetin Shtetëror është e barabartë me pagën e
zëvëndesministrit ndërsa ajo e Kryetarit 10 përqind më e lartë se e
anëtarit.

Ruçi: Presidenti I Republikës nuk ka atribut kushteues që të caktojë
anëtarin e shtatë të Komitetit shtetëror për kthimin dhe komopesimin e
pronave. Parlamenti s'mund t'I shtojë as t'I heqë kompetenca Presidentit,
është antikushtetuese



TIRANE- Debati mes maxhorancës dhe opozitës ka vijuar gjatë diskutimit dhe
miratimit të projektligjit për njohjen, kthimin dhe komopesimin e pronave.
Dhe më konkretisht gjithë debati I djeshëm në Parlamenti ka qënë për nenin
15 të këtij projektligji që ka të bëjë me miratimin e Komitetit Shtetëror
për Kthimin dhe Kompesimin e pronave. Debatet kanë qënë me të vërtetë të
ashpra dhe gati të gjithë diskutantët e opozitës kanë kërkuar që ët jetë një
komision I ballancuar, ku anëtarin e pesët apo të shtatë ta caktojë
Presidenti I republikës. Berisha, Topalli, Topi kanë deklaruar se edhe në
bazë të përgjigjies së dhënë nga ana e OSBE, ku është kërkuar përvoja e
vendeve të tjera me probleme të këtij lloji që janë vendet e lindjes, duhej
një Komitet I Balancuar, pavarësisht nga ajo cka deklaroi Topalli asgjë nuk
lihej për të kuptuar në atë përgjigjie, pasi nuk ishte precizuar gjë
konkretisht. Kryetari I Komisionit parlamentar të Ekonomisë, Ylli Bufi ka
deklaruar në parlament se është më se e domosdoshme që kryetar I Komitetit
Shtetëror për kthimin dhe kompesimin e pronave të jetë I caktuar nga
kryeministri. Ndërkohë që kryetari I grupit parlamentar ët PS, në replikë me
Topallin, nënkryetaren e Parlamentit dhe të PD, ëhstë shprehur se nisur nga
përvoja e vendeve të tjera të lindjes rezulton se Presidenti në asnjë rast
nuk futet në cështjene pronave. Konkretisht sipas Rucit, në Hungari Komiteti
shtetëror quhet Zyra Qëndrore e kthimit dhe kompesimit të pronave dhe varet
nga Ministria e Drejtësisë. Drejtuesi I kësaj zyre propozohet nga Ministri I
Drejtësisëd he miratohet nga Këshilli I Ministrave. Ndërsa në Cekui, pranë M
inistrisë së Drejtësisë dhe Ministrisë së Finacave. Kurse në Poloni meren
vetëm gjykatat dhe nuk ka fare Komitet Shtetëror për kthimin dhe kompesimin
e pronave. Kryetari I grupit parlamentar të PSH, Gramoz Ruci ka deklaruar
prerë dhe qartë që pronat nuk do t'I ndajnë partitë politike, pasi ky do të
ishte një absurditet dhe I pangjashëm me asnëj vend tjetër të lindjes
ish-komuniste që ka kaluar të njejtën përvojë që po kalojnë tashmë ne sot.
Ruci e ka konsideruar absurditet shmangjen e qeverisë nga drejtimi I
Komitetit shtetëror të kthimit të pronave. Nga ana tjetër ai ka nënvizuar se
I rëndësishëm është fakti I bërjes së një ligji të zbatueshëm, të
aplikueshëm që do të zgjidhë njëherë e mirë cështjen e pronave dhe pronarëve
në Shqipëri. Pas ndërhyrjes së Berishës, sërish Ruci ka deklaruar se I vetmi
shqetëism është miratimi I një ligji për kushte e Shqipërisë, miratimi I një
ligji të zbatueshëm për pronat. Ruci ka nënvizuar se duhen analizuar nëse ka
kompetencë presidenti, parlamenti apo qeveria për caktimin e anëetarit të
pestë apo të shtatë të Komiteit shtetëror për kthimin dhe kompesimin e
pronave. Ruci ka nënvizuar se Presidenti nuk e ka të drejtën kushtetuese,
nuk e ka kompetencën kushtetuese për kryerjen e një veprimi të tillë dhe
Parlamenti nuk mund t'I shtojë dhe as ti heqë kompetenca presidentit të
Republikës. Ndërkohë mbetet tashmë që të vendosë ose parlamenti ose qeveria
për anëtarin e pestë apo ët shtatë të Komitetit për kthimin e pronave.
Kryetari I grupit parlamentar të PS, Gramoz Ruci ka propozuar që Komiteti
Shtetëror për kthimin dhe kompesimin e pronave ët përbëhet nga shtatë
anëtarë, tre anëtarë t'I propozojë maxhoranca, tre anëtarë t'I propozojë
opozita dhe anëtarin e shtatë ta caktojë Parlamenti. Ky është propozimi që
ëhstë miratuar dje në parlament, pavarësishts e opozita ka kërkuar që ta
zgjedhë vetë anëtarin e shtatë të Komitetit shtetëror për kthimin dhe
kompesimin e pronave. Ndërkohë deputetët e PD në fund të diskutimeve të
projektligjit për kthimin dhe kompesimin e pronave janë larguar nga salla e
parlamentit duke dëshmuar edhe njëherë se as kanë qënë, as janë dhe as do të
jenë për një ligj për kthimin dhe kompesimin e pronave, tregon më së miri se
Berisha dhe kamikazët e tij kanë dashur vetëm zvarritjen e miratimit të
këtij projektligji, duke kërkuar gjithnjë që cështja e pronave të mbetet e
pazgjidhur ashtu sec ka mbetur gjatë pesë viteve të qeverises së PD. Dhe në
fund ata e kanë nxjerrë kokën, teksa kanë deklaruar se miratimi i një ligjit
për njohjen, kthimin dhe kompesimin e pronave do të jetë një suksesd i PSSH
dhe PD nuk ka se si ta njohë një ligj të tillë, pavarësisht se nuk kanë
asnjë lloj kontestimi për ligjin, përpos fushatës elektorale që janë munduar
të bëjnë nëpërmjet këtij projektligji.

S.Vuciterna