10092004

E Premte, 10 Shtator 2004 http://www.kohajone.com/

LEKA ZOGU SHKUND "DARDHA" PER NANON

Nga Andi Nano

Kur u rikthye familjarisht Leka Zogu ne Tirane para disa vitesh, shumica e shqiptareve thane se duhej qe familja mbreterore te kishte nje status te vecante, pasi pretendenti per mbret eshte mbi partite dhe nuk merret me politike. Natyrisht qe ishte prej vitesh, bile parti e tradites, nje parti zogiste e cila mori emrin PLL e qe kishte si filozofi rikthimin e monarkise se Zogut. E drejte e saj, ashtu sic eshte dhe e drejte e shqiptareve qe e kane votuar diku tek 2.5 per qind. Referendumi i vitit te mbrapshte 1997 thuhet se u manipulua dhe rezultati u vodh nga socialistet. Akoma mbetet enigme rezultati, porse duhet pranuar se nje pjese jo e vogel e votuesve, te merzitur me rremujat e vrasjet e atij viti, mund e duhet te kene votuar per Leka Zogun. Por ama jo si partiak, por si nje kurore qe duhej e qe kishte themeluar shtetin e pare shqiptar. Ahmet Zogu nga sa tregojne e shkruhet ka qene nje burre shteti i permasave historike. Si ai ne sojin e tij mbreteror nuk lind me. Ai ishte edhe shtetar i forte, por dhe njeri me shpirt popullor. Por Ahmet Zogu u ka mbetur arshivave te historise kombetare dhe ne cdo pervjetor duhet ta respektojme. Por kjo nuk do te thote se cdo emer nga familja mbreterore ka vlerat e tij. Leka Zogu kur erdhi ne Tirane dhe u ngulit ne tokat e tij (qe i duhen kthyer plotesisht) doli neper media e ne popull, duke na recituar fjalet e bukura se "une nuk bej politike partiake, por jam mbi partite", duke nenkuptuar me te drejte se si te majtet, ashtu dhe te djathtet, kane si strehe kuroren mbreterore, nese merr fuqi ligjore. Deri ketu nuk ka gabuar aspak Leka Zogu. Por ne momentin qe tre deputetet e partise zogiste votuan ne nje votim vendimtar per Fatos Nanon dhe nga votat e tij u zgjodh kryeministri aktual i qeverise, atehere u vu ne dyshim djathtizmi i forces politike qe perkrahte monarkine sic eshte PLL. Kryetari aktual, (nuk i dihet me vone se cilin do te vendosin) zoti Ekrem Spahia, ndonese mund te kete defekte anesore sic kane te gjithe politikanet, ishte me i perkushtuari ne Parlament e ne politike per siglen mbreterore. Ato tre vota zogiste qe shkuan per Fatos Nanon vune ne dyshim sterilitetin e partise zogiste. Hamendjet dhe informacionet filluan te dalin nga kampi i majte se tre votat e zogisteve u dhane per kryeministrin e majte pasi Nano i kishte premuar vete ne telefon Leka Zogut rikthimin e disa pronave, qe natyrisht i takojne, por qe po zvarriteshin kastile. Si rezultat Nano doli pa u lagur nga kundershtaret e tij brenda Partise Socialiste. Realisht Fatos Nano eshte akoma kryeminister ne saje te tre votve zogiste dhe te nje ballisti deputet. E djathta e mori nje krisje ne kete moment, ndonese nga shumekush qe ben politike u be nje sy qorr, duke menduar se pretendenti per fronin mbreteror ishte ne hall pasuror. Por nderkohe vdiqen Mbreteresha e shqiptareve, nje katolike qe iu perkiste te gjithe shqiptareve dhe gruaja e Leka Zogut. Asnje nuk guxonte te thoshte nje fjale per votat e zogisteve qe ishin me shume nanoiste sesa djathtiste. Pretendenti per fronin mbreteror theu dhe kemben, nje fatkeqesi fizike, e dukej se do ta linte atje ne krye per mbi krye te te gjitheve pa u marre direkt me politike. Edhe Nano nuk dukej se kishte nevoje me per te, pasi tre votat zogiste i kishte bere tashme te tijat nisur nga biznese qe shteti nuk ua takson. Por ne skenen e se majtes u ngjit fort Ilir Meta, ish-kryeministri me i suksesshem ne keto 13 vite. Mori deputete nga mazhoranca e Nanos. Emertoi nje levizje qe tani eshte bere parti politike. U trondit elektorati i majte, aq me teper qe Meta njihet per kurajon e tij ne perballjen me Nanon. Sondazhet jo te mirefillta tregonin per nje fitore tek 15 per qind te LSI-se. Kryeministri po rrezikohej seriozisht. Me carjen e se majtes, qe prej 63 vitesh nuk kishte ndodhur, partia e Nanos kalonte ne opozite te sigurte. Forcohej Meta, ikte Nano dhe rikthehej Berisha ne pushtet. Por zoti Nano duke qene nje politikan i sprovuar e finok beri nje levizje qe cuditi politiken. U fut ne loje nga e djathta, nderkohe qe te gjithe prisnin te levizte ne te majten duke perdorur makinacionet qe ai i njeh mjeshterisht. Informacionet e besueshme tregojne se ai ka komunikuar direkt me Leka Zogun dhe i ka kerkuar qe te futet ne loje, ndonese me kembe te thyer. Leka Zogu duke u munduar te qendroje larg politikes direkte nuk ka pranuar, por financuesit e oborrit mbreteror qe paguajne qerane, sherbimet, qe duan prona e qe nuk iu pelqen Ekrem Spahia si kryetar i grupit parlamentar zogist nxituan ta mbyllnin marreveshjen me Nanon. U gjet nje zgjidhje ideale; te thuhet se krijohet Levizje per Zhvillim Kombetar e jo parti. Por kjo levizje a do te votohet? Natyrisht qe po. Por ne KQZ regjistrohen partite e jo levizjet e perditshme! Edhe Levizja Socialiste e Ilir Metes ne forme te tille si LZHK-ja ishte dhe perfundoi ne parti politike keto dite. Marreveshja u be: Dilte Leka Zogu ne lojen e politikes se dites qe te shkepuste vota nga e djathta, e cila e ka me shume se kurre pushtetin. Ajo cka merrej nga Meta nga e majta, hiqej nga Leka Zogu nga e djathta, pasi votimet jane me nje raund. Pra Nano rifiton prape pushtetin, kurse si kompensim Leka Zogut i jepej e drejta per referendum dhe le te merrte kuroren e monarkut pa monarki. Hiqet Moisiu, pasi nuk iu hyn me ne pune vitin e ardhshem. Pra qeveri socialiste me Nanon ne krye e Leka Zogun permbi krye! Ose me sakte nje levizje brilante e Nanos per te gjetur menyren, sipas tij, per te shkaterruar disi te djathten e cila mjafton vetem te mos bertase e te rrije poshte dardhes me thes ne dore, pasi votat shkojne per ta. Ne menyre qe "dardhat" te binin para kohe, kryeministri Nano ngjiti ne dardhe Leka Zogun qe t'i shkunde ato pa u pjekur!
-------------------------------

BEGEJA: LEVIZJA E ZOGUT NUK ESHTE MONARKISTE

Deputeti i PR-se, Maksim Begeja, deklaroi dje se Levizja per Zhvillim Kombetar nuk eshte nje levizje monarkiste. Ne kete menyre, deputeti republikan shpreh se nuk ka asgje te keqe qe ai eshte rreshtuar me kete grup parlamentar. "Kjo levizje nuk eshte nje levizje monarkike. Perkundrazi kjo eshte nje levizje jashte partive politike, bindjet e mia jane republikane, mbeten republikane dhe sigurisht jane kunder bindjeve monarkike. A do te mbetem une apo s'do te mbetem anetar i Partise Republikane kjo varet nga strukturat e partise. Por dhe une jam i bindur se mua nuk ka pse te me mohohet pjesemarrja ne Partine Republikane", deklaroi Begeja.

Kryetaret e grupeve parlamentare

Grupi LZHK Maksim Begeja
Grupi Te Gjelbrit Lufter Xhuveli
Grupi Qendra Liberaldemokrate Ligoraq Karamelo
Grupi PSD Gaqo Apostoli
Grupi PDR Nard Ndoka
Grupi LSI Sabit Brokaj
Grupi PD Bamir Topi
Grupi PS Gramoz Ruci
Grupi Te Djathtet Uran Metko

---------------------------------------------------------

BAMIR TOPI, KRITIKA NDAJ LEVIZJES SE LEKA ZOGUT

"Nuk besoj qe krijimi i nje grupi pervec anes formale te kete ndonje element tjeter per te rritur forcen dhe reputacionin. Krijimi i shume grupeve te reja parlamentare, e ka bere kompozicionin disi qesharak", deklaroi dje nenkryetari i PD-se, Bamir Topi. Sipas tij, keto jane manovra qe nuk do i sherbenin konsolidimit te grupeve realisht te forta ne Parlament. "Nuk jap ndonje mendim pozitiv lidhur me levizjen e re te naltmadhnise per te krijuar nje force te tille, gje qe po projektohet dhe ne Parlament. Gjithsesi eshte nje perzgjedhje e tyre. Forcat e verteta te se djathtes jane ato qe i kane anashkaluar keto lekundje", u shpreh nenkryetari i PD-se, Bamir Topi.

PD-JA U HUAZON NJE DEPUTET REPUBLIKANEVE

"Nuk eshte problemi yn-_-_deputeti Begeja fle republikan dhe zgjohet ruajalist". Keshtu u shpreh dy dite me pare kryetari i Partise Demokratike, Sali Berisha, i cili ka mbeshtetur Partine Republikane dhe grupin e saj parlamentar. Ai u shpreh se "Partia Republikane eshte nje parti aleate e cmuar per ne dhe une mendoj se grupi parlamentar i Partise Republikane me dinjitet te madh ka operuar gjate gjithe kesaj legjislature". Berisha nuk perjashtoi dhe mundesine e huazimit nga grupi republikan te nje deputeti demokrat per te plotesuar vendin vakant pas ikjes se Maksim Begese nga ky grup.

---------------------------------------------------------------------------

10/09/2004 http://www.shekulli.com.al/

Harta e Parlamentit me 12 grupe

A.Rama

TIRANE- 12 grupe parlamentare, të konfirmuara dje në Kuvend do të zhvillojnë aktivitetin e tyre politik gjatë këtij sesioni. Buxheti i shtetit do të akordojë më shumë fonde për këtë sesion për të 12 grupet në krahasim me sesionin e shkuar ku numri tyre ishte 11. Grupi më i ri i Parlamentit është ai i LSI-së i përbërë nga 9 deputetë, të gjithë të shkëputur nga maxhoranca socialiste. Grupim tjetër i ri, me deputetë të përkatësive të ndryshme politike, është edhe ai Lëvizjes për Zhvillim Kombëtar, nismë e ndërmarrë nga pretendenti i fronit mbretëror Leka Zogu, që do të jetë e përfaqësuar në Kuvend me 6 deputetë. I ri në emërtim është edhe grupi parlamentar i djathtë, që do të zëvendësojë grupin e Partisë së Ballit Kombëtar. Ndërkohë janë konfirmuar të gjitha grupet e tjera të sesionit të kaluar, grupi Liberal-Demokrat, grupi parlamentar i Djathtë, grupi i PR-së, Aleanca për Demokraci, grupi i Qendrës Liberal-Demokrate, grupi i të Gjelbërve, i PDR-së, i PSD-së, i PD-së dhe grupi i PS-së.

Grupet Parlamentare:
Grupi i PS-së
Grupi i PD-së
Grupi i LSI-së
Grupi i PSD-së
Grupi i PDR-së
Grupi i LZHK-së
Grupi Liberal-Demokrat
Grupi Parlamentar i Djathtë
Grupi i PR-së
Aleanca për Demokraci
Grupi i qendrës Liberal-Demokrate
Grupi i të Gjelbërve

-----------------------------------------

“Unë mbeten republikan dhe bindjet e mia janë kundër monarkisë”

Begeja: LZHK, nuk është lëvizje monarkike

D.Tanushi

TIRANË –Deputeti Maksim Begeja sqaroi dje, se bashkimi i tij me Lëvizjen për Zhvillim Kombëtar në një grup parlamentar ka ardhur për arsye se kjo lëvizje nuk është një lëvizje monarkike, por një lëvizje intelektualësh që luftojnë për një Shqipëri më të mirë. Edhe pse ai është konfirmuar zyrtarisht pjesëtar i këtij grupi parlamentar, kundërshton përjashtimin e tij nga Partia Republikane. “Kjo lëvizje nuk është një lëvizje monarkike. Përkundrazi kjo është një lëvizje jashtë partive politike. Bindjet e mia janë republikane, mbeten republikane dhe sigurisht janë kundër bindjeve monarkike. A do të mbetem unë apo jo anëtar i PR-së kjo varet nga strukturat e PR-së. Unë jam i bindur që mua nuk duhet të më mohohet pjesëmarrja në PR”, -është shprehur Begeja. Por ndryshe nga ai, deputeti republikan Aleksandër Garuli tha se “tani që qëndrimi i deputetit që u largua nga grupi ynë u zyrtarizua mbetet një formalitet i strukturave për të zbatuar këtë pikë të statutit për të marrë vendim që të mos jetë më pjesë e strukturave të PR-së”. “Deputetët e PR-së janë të detyruar të ndjekin linjat e saj politike. Në rastin e zotit Begeja, i cili meqë është në grup tjetër do të ndjekë të tjera linja, nuk mund të jetë më pjesë e PR-së, pra as anëtar i saj. Kjo është e përcaktuar në statut”, -u shpreh Garuli. Sipas Begesë lëvizja për Zhvillim Kombëtar nuk kërkon në asnjë pikë kthim të monarkisë. “Së shpejti ne do të shpallim edhe programin e kësaj lëvizjeje, po punojmë për të dhe do të shikoni se nuk ka asgjë të përbashkët me monarkinë, as nuk kërkohet monarkia, pra përkundrazi ky është një bashkim njerëzish që janë në përgjithësi intelektualë, që janë njerëz me aspirata, njerëz të ndershëm, njerëz që punojnë dhe luftojnë për një Shqipëri sa më të mirë, për një të ardhme sa më të mirë të të gjithë popullit”. Ai tha se ka 13 vjet republikan dhe kjo nuk mund t’i mohohet.

--------------------------------------------------------------------------------

Faqe 7 - Politikë

10Shtator 2004

Begeja shpjegon largimin nga PR-ja

“Jam republikan, e mbes i djathtë”

b.h.

Deputeti Maksim Begeja, kryetari i LZHK-së, jep arsyet e tij se përse e braktisi PR-në dhe përkrahu alternativën e pretendentit për fronin mbretëror, Leka i Parë. Sipas tij, kjo alternativë është më e besueshme dhe se shqiptarët janë të zhgënjyer nga dy partitë e mëdha, PS-ja dhe PD-ja.

Përse kjo lëvizje e tillë nga ana e juaj? Pse u bashkuat me lëvizjen e pretedentit të fronit mbretëror?
Jemi dëshmitarë që qytetarët shqiptarë gjatë këtyre 13 viteve janë të zhgënjyer, kanë humbur dhe po humbin besimin te partitë politike. Ata kërkojnë një alternativë ndryshe nga ajo që ofrojnë dy partitë e mëdha. Prandaj, duke qenë i bindur se alternative e Lëvizjes për Zhvillim Kombëtar është ajo që kërkon populli shqiptar, unë e mbështeta këtë alternativë, pasi shoh se është ajo që e ringjall besimin e humbur për të ardhmen te njerëzit. Është kjo alternativë që e nxjerr vendin nga ky kaos dhe nga kjo gjendje e mjeruar ekonomike e politike ku e kanë zhytur pushtetarët e sotëm. Unë dua të theksoj diçka, se kjo lëvizje nuk ka të bëjë me monarkinë, në programin e saj politik flitet thjesht për zhvillim kombëtar të vendit. Kjo nuk është një lëvizje mbretërore apo monarkiste. Në kontaktet që kam pasur me Lekën e Parë, ai më konfirmoi se kjo lëvizje nuk kërkon të jetë lëvizje monarkiste që do të kërkojë rikthimin e monarkisë. Ajo është një çështje e një të ardhmeje të largët në lidhje me sistemin e qeverisjes. Momenti i dytë është se duhet duhet kuptuar diçka kjo është një lëvizje e djathtë. Në përbërje të saj sot kanë hyrë në grupin parlamentar përfaqësues nga të gjitha partitë e djathta. Gjithashtu, në të kanë hyrë edhe shumë personalitete të shquara në fusha të ndryshme, politike, ekonomike, kulturore, të letrave dhe të artit. Këta përfaqësues kërkojnë një Shqipëri ndryshe, një Shqipëri që të mos jetë më peng i partive politike, por i qytetarëve të ndershëm për të ndërtuar vendin e tyre.

Si i komentoni deklaratat e Berishës për largimin tuaj nga PR-ja dhe koalicioni i djathtë?
Dua të theksoj diçka tjetër, për lexuesit e gazetës suaj, në lidhje me personin tim se, i garantoj të gjithë që unë kam lindur i djathtë, jam ngrysur i djathtë dhe kam gdhirë përsëri i djathtë. Dhe ky grup parlamentar, i ngritur tani do të mbështesë opozitën e djathtë dhe do të luftojë të realizojmë rrëzimin e qeverisë “Nano” për të krijuar një qeveri të djathtë.

Si jeni ndarë me drejtuesit e PR-së, si e kanë pritur ata vendimin tuaj?
Unë jam një nga republikanët e parë në Shqipëri, që në mars të vitit 1991. Bindjet e mia kanë qenë dhe mbeten republikane. Sigurisht, kolegëve të mi nuk u erdhi mirë nga largimi im, por kjo nuk do të thotë që ata të mbajnë kokën mënjëanë. PR-ja është një forcë e konsoliduar në spektrin e politikës, gëzon mbështetje brenda dhe jashtë vendit dhe atë nuk e dëmton largimi i një apo pesë personave.

-------------------------------------------------------

http://www.zeripopullit.com/

Berisha sajon tre grupe parlamentare kundër Zogut

TIRANE- Dje janë konturuar edhe grupet parlamentare në Parlamentin shqiptar. Po t'u hedhim një sy emrave të deputetëve që përbëjnë këto grupe, është me të vërtetë e dhimbshme, teksa sheh që pjesa më e madhe e grupeve parlamentare të partive të djathta, janë të përbërë nga deputetë të PD, duke sjellë në këtë mënyrë edhe një mungesë të theksuar serioziteti në parlamenti shqiptar, nga vetë parlamentarët shqiptarë, të cilër me një gjasme demokraci kanë sjellë një gjasme grupe parlamentare, të anancuara si zhvillim demokratik edhe në media nga disa kapterrë të shkolluar në Zallherr të OJF-ve shqiptare.

Për të qënë sa më konkreët, por marrin grupin parlamentar Liberal-Demokrat. Vetëm emrin ka ky grup dhe dy deputetë të mjerë në një grup me pesë deputetë, kur tre deputetë janë të PD.

Më konkretisht akoma, në këtë grup Liberal-demokrat marrin pjesë liberaldemokratët Laco e Starova dhe deputetët e PD Bardhyl Londo, Shaban Memia dhe Valentin Palaj. Të paktën dreci e mori baza e grupit të ishte e liberaldemokratëve që të merrte emrin dhe jo më shumë deputetë të PD.

Një fiktivitet me të vërtetë I dhimbshëm, aq më tepër që kur sheh në këtë grup Shaban meminë që vetëm me liberaldemokracinë nuk ka asnjë lidhje. Imagjinoni në parlament kur tërhiqet grupi Liberaldemokrat për të marrë ndonjë vendim, vendim I cili është marrë më parë në PD pasi tre deputetë janë të PD dhe liberaldemokratët nuk kanë as shumicën në grup, për të parë se sa qesharakë janë kthyer tashmë grupet parlamentare.

LZHK, grupi Parlamentar real i së djathtës shqiptare

TIRANE- Dje në seancën parlamentare është konfiguruar një grup I ri parlamentar, grupi Parlamentar Lëvizja për Zhvillim Kombëtar e iniciuar dhe drejtuar nga Leka Zogu. Një grup parlamentar me të vërtetë I pastërt I djathtë dhe përbën edhe palcën e së djathtës shqiptare dhe të opozitës në Shqipëri. Deputetët e këtij grupi Parlamentar janë me të vërtetë nga e njëjta prejardhje, nga e djathta reale shqiptare. Më konkretisht, Maksim Begeja, deputet I PR, kryetar, Shpëtim Roqi, deputet I PBK, Ekrem Spahija, deputet I PLL, Bahri Kollcaku, Fejzollari, deputet I PLL, Sadedin Balla, deputet I PLL janë gjashtë deputetët e Lëvizjes për Zhvillim të Leka Zogut, të cilët kanë formuar edhe grupit parlamentar të Lëvizjes për Zhvillim Kombëtar, një lëvizje e re e iniciuar nga pretendenti për fronin mbretëror, leka Zogu, I cili duke parë se tashmë e djathta shqiptarë nën drejtimin e Berishës është rrënuar tërësisht, duke parë se Berisha jo vetëm që po shkatërron të djathtën traditcionale por nuk po I jep shpresë opozitës për të pretenduar të paktën për pushtet, ka vendosur të iniciojë dhe të drejtojë Lëvizjen për Zhvillim Kombëtar. Në këtë mënyrë I vetmi grup parlamentar realisht I djathtë dhe I saktë në tërë spektrin politik shqiptar, pra nga e djathta traditcionale është grupi parlamentar I Lëvizjes për Zhvillim Kombëtar.

S. Vuciterna

-------------------------------------------------------