13/06/2004 http://www.korrieri.com/

PLL mbeshtet Levizjen e Zogut

Kryetaret e Partise "Levizja e Legalitetit", ne qender dhe ne baze, kane shprehur dje vendosmerine e tyre per te mbeshtetur nismen e Leka Zogut, te quajtur "Levizja per Zhvillim Kombetar". Ky qendrim i kryetareve te degeve te legalitetit u be publik, pas nje mbledhje te zhvilluar dje ne Tirane, si shprehje edhe e nje kerkese te lakuar nga zyrtare te larte te Oborrit Mbreteror, te cilet i kishin kerkuar lidershipit te kesaj partie te pozicionohej qarte, nese do te vazhdonte te ishte ne mbeshtetje te koalicionit opozitar te drejtuar nga PD, "Bashkimi per Fitore", apo do te mbeshteste Levizjen.

 

"Mbreti Leka i eshte drejtuar kombit shqiptar me nje mesazh me rastin e shpalljes se "Levizjes per Zhvillim Kombetar". Kjo levizje eshte pritur mjaft mire nga mbare shqiptaret, kudo qe jane. Nisma e Mbretit sigurisht qe eshte mirepritur nga legaliste, te cilet nen moton "Atdheu mbi te gjitha", kane mbeshtetur ne vazhdimesi Mbretin ne te gjitha nismat politike", ka nenvizuar Kryetari i PLL, Eqerem Spahiu. Kryetaret e degeve, ne fjalen e tyre, ne vija te pergjithshme, kane deklaruar se sapo Leka Zogu shpalli kete Levizje, kuptohet se ajo natyrshem permbledh ne gjirin e saj edhe PLL-ne. Ky qendrim, i cili u kthye edhe ne vendim, le te kuptohet qarte se, tashme PLL, nga pikpamja organizative dhe politike, eshte barazlarguar nga "BF", duke u bere pjese natyrale e Levizjes. Te pranishmit kane deklaruar se pozicionimi i plote ne mbeshtetje te Levizjes, nenkupton qartazi dhe venien ne sherbim te saj, te te gjitha resurseve politike dhe organizatiove te PLL. Ne fakt vendimi per te mbeshtetur Levizjen e Lekes ishte i pritshem, po te kihet parasysh fakti se, ecja ne drejtim te kundert rrezikon ta nxjerre jashte loje PLL-ne.

 

A. META

 

--------------------------------------------------------------------------------

http://www.shekulli.com.al/

PLL në mbështetje të lëvizjes së Lekës

N. Përndoj

Partia Legaliste zyrtarizoi dje mbështetjen politike për lëvizjen e inicuar nga pretendenti për Fronin Mbretëror, Leka I. Në takimin e parë të zhvilluar dje në hotel “Dajti” mes gjithë kryetarëve të degëve, kryetari i PLL-së, Eqerem Spahia deklaroi se lëvizja mbetërore është pritur mirë nga elektorati.
“Sikurse jeni vënë në dijeni, Mbreti Leka I më datë 29 maj 2004 i është drejtuar kombit shqiptar me një mesazh me rastin e shpalljes së “Lëvizjes për Zhvillim Kombëtar”. Kjo lëvizje është pritur mjaft mirë nga mbarë shqiptarët, kudo që janë. Nisma e Mbretit sigurisht që është mirëpritur nga legalistët, të cilët nën moton “Atdheu mbi të gjitha” kanë mbështetur në vazhdimësi Mbretin në të gjitha nismat politike.
Menjëherë, sapo Mbreti Leka I shpalli këtë lëvizje, që natyrshëm në gjirin e saj ka Partinë Lëvizja e Legalitetit, sikurse e ka shprehur vetë Mbreti Leka i Parë në media, ne u pozicionuam në mbështetje të plotë të lëvizjes, duke vënë në shërbim të saj të gjitha resurset politike, organizative e strukturore”, -tha Spahia. Reforma zgjedhore, sipas tij, është problemi kryesor dhe i papërfunduar nga politika shqiptare.
“PLL është përpjekur të unifikojë qëndrimin opozitar për të mundësuar hartimin e një Kodi Zgjedhor pa defekte, si hallka kryesore e një procesi zgjedhor demokratik e që ofron shanse të barabarta për të gjithë konkurruesit. Shpresojmë t’ia arrijmë këtij qëllimi, pasi OSBE/ODIHR, BE, Asambleja Parlamentare e KE-së dhe Departamenti Amerikan i Shtetit janë shprehur hapur dhe qartë se “Shqipëria do të ketë sanksione në proceset integruese në BE dhe NATO, nëse nuk zhvillon zgjedhje të lira dhe të ndershme”, -tha ai