16032004pronat

Socialistet dhe demokratet shprehen per nevojen e renies dakort mbi projektligjin per kthimin dhe kompensimin e pronave. Kryetari i Grupit parlamentar te PS, Gramoz Ruci: "Politika shqiptare, gjate diskutimit ne seance, do te kete shume gjera per te konverguar". Per kreun e deputeteve demokrate, Bamir Topi, "ose te konsiderohet qe te behet konsensual, ose ky ligj nuk behet"

Ligji per kthimin dhe kompensimin e pronave kerkon nje konsensus mes te gjitha partive politike, te majta e te djathta, ne menyre qe ai te jete i zbatueshem. Kreret e grupimeve te partive parlamentare, ne debatin e djeshem ne Byrone e Kuvendit, kane theksuar se pa arritur kete konsensus, gjithcka qe mund te behet e miratohet ne Parlament, do te jete e kote. Kryetari i grupit te PD, Bamir Topi, ka theksuar se opozita kerkon hartimin e nje ligji konsensual per pronat. "Ose te konsiderohet qe te behet nje ligj konsensual, ose ky ligj nuk behet", ka deklaruar i prere Topi. Duke theksuar, se ne menyren sesi po trajtohet nga ana proceduriale, ky projekt nuk mund te jete konsensual. Ai ka theksuar se komisionet parlamentare kane punuar shume mbi kete projektligj dhe ne shume nene eshte gjetur konsensusi, "por kur vjen puna dhe votohet, secili shkon ne pozicionet e veta politike". Topi, duke kerkuar kete konsensus, ka deklaruar gjithashtu se nderkohe qe ne komisione punohet per kete projektligj kaq te rendesishem, "zyrtare te larte shkojne ne tokat preferenciale dhe jane bere pronare dhe nuk kane asnje lloj interesi qe ligji te miratohet sot". "Sa kohe qe do te vazhdoje kjo lloj amullie, natyrisht ai qe eshte i veshur ne nje pozicion te caktuar, ai qe ka mundesi te marre nje toke ne nje zone te caktuar, do te rrije, do te beje qejf dhe eshte ne vullnetin e tyre qe ky projektligj te shkoje ne pafundesi keshtu", ka verejtur kreu i grupit parlamentar te PD.

Nderkohe kryetari i grupit te PS, Gramoz Ruci, ka mbeshtetur idene e Topit per konsensus. "Komisionet e Parlamentit, pothuajse me konsensus, kane punuar dhe jane ne fund te punes se tyre. Edhe politika shqiptare, gjate diskutimit ne seance do te kete shume gjera per te konverguar qe mundesisht ky projektligj te miratrohet me konsensus", ka deklaruar ai. Duke u gjetur ne nje moment delikat, ku projekti ka mbetur ne komisionin e Ligjeve per te perfunduar se diskutuari, Ruci ka kerkuar qe te vazhdohet te punohet ne komisione. "Te vazhdojme te japim dhe te marrim midis grupimeve te ndryshme parlamentare, me qellim qe te vijme ne nje dite te zakonshme per diskutimin dhe miratimin e kesaj ceshtje", tha kreu i deputeteve socialiste.

"Problemi i prones eshte nje problem madhor per shqiptaret dhe per Shqiperine. Do te doja te qartesoja pozicionin e grupit tone parlamentar, qe ky projektligj nuk mund te jete, nga menyra sesi po zhvillohen procedurat ne Parlament, nje ligj konsensual, ashtu sikurse po mundohet te krijohet nje psikoze per shqiptaret. Neper komisione, sa diskutohen per nene te vecante te projetkligjit, te gjithe bien ne konsensus, kur vjen puna dhe votohet, secili shkon ne pozicionet e veta politike. E kemi deklaruar edhe ne komisione, nuk mund te jete ky nje ligj konsensual, kurresesi, sepse pozicionet kane precipituar si njehere e nje kohe. E majta mban pozicionin e vet, e djathta mban pozicionin e vet. Keshtu qe une kam mendimin, qe ky problem duhet te qartesohet fare mire. Ose te konsiderohet qe te behet nje ligj konsensual, ose ky ligj nuk behet. Nderkohe qe ne po diskutojme per kete projektligj kaq te rendesishem, zyrtare te larte shkojne ne tokat preferenciale dhe jane bere pronare dhe nuk kane asnje lloj interesi, qe ligji te miratohet sot ne interes te pronareve legjitim. Sa kohe qe do te vazhdoje kjo lloj amullie, natyrisht ai qe eshte i veshur ne nje pozicion te caktuar, ai qe ka mundesi te marre nje toke ne nje zone te caktuar, do te rrije, do te bej qejf dhe eshte ne vullnetin e tyre qe ky projektligj te shkoje ne pafundesi keshtu".

"Do te kerkoja qe ky problem te mos politizohet sipas ndarjeve partiake. Eshte hera e pare qe ne Shqiperi ka punuar nje grup specialistesh, te miratuar edhe nga ne (deputetet). Eshte hera e pare qe partneret tane kane dhene nje kontribut shume te vyer sipas pervojes se vendeve te ish-Lindjes dhe kjo eshte pershendetur nga pjesa derrmuese e spektrit politik shqiptar. Politika shqiptare eshte me afer se cdo here tjeter per kete ceshtje. Ekzekutivi shqiptar ka bere nje studim shume serioz, te cilin une kam kerkuar qe t'u vihet ne dispozicion te gjithe deputeteve. Te tre komisionet e Parlamentit, pothuajse me konsensus, kane punuar dhe jane ne fund te punes se tyre. Edhe politika shqiptare, gjate diskutimit ne seance do te kete shume gjera per te konverguar qe mundesisht ky projektligj te miratohet me konsensus. Pra, ky vullnet i mire politik, te cilin e degjova edhe nga perfaqesuesit e shoqates "Per pronesi me Drejtesi", per kthimin dhe konpensimin e pronave ish-pronareve, le t'i japim kohen e duhur dhe pavaresisht se nuk eshte per kete jave apo tjetren, le te vazhdojme te punojne komisionet, te vazhdojme te japim dhe te marrim midis grupimeve te ndryshme parlamentare, me qellim qe te vijme ne nje dite te zakonshme per diskutimin dhe miratimin e kesaj ceshtje".

Te enjten, rezoluta per Camerine
Projektrezoluta per ceshtjen e popullesise came do te diskutohet dhe do te miratohet gjate seances parlamentare te dites se enjte. Parlamentaret shqiptare, pas disa debateve, rane dakort qe seanca e ardhshme te jete dhe e fundit per kete ceshtje qe ka kohe qe diskutohet. Ne seancen e djeshme, deputetet opozitare, kerkuan qe projektrezoluta te miratohej, por kjo nuk u pranua nga Kryetari i Kuvendit, Servet Pellumbi. Nderkaq, Kryetari i Komisionit parlamentar te Jashtem, Ilir Zela kerkoi qe t'i jepej edhe pak kohe ketij komisioni per ta shqyrtuar ceshtjen dhe per te hartuar tekstin, i cili do t'i paraqitet per miratim Kuvendit. Nderkohe, dhjetera aktiviste te shoqates "Cameria", protestuan perpara Kryesise se Kuvendit, duke kerkuar miratimin e nje rezolute per zgjidhjen e problemit cam. Gjate protestes, ata hodhen parrulla ku shkruhej "Cameria eshte e jona", "Shqiperi e Cameri jane nje" dhe "Votoni rezoluten".

Debate për çmimin e tokës. Komisioni për Kthimin e Pronave jep katër variante. Ish-pronarët: Vetëm me vlerën e tregut

Shekulli

TIRANË – Kompensimi i pronarëve do t’i kushtojë buxhetit të shtetit rreth 160 milionë dollarë. Ky ka qenë përfundimi që ka nxjerrë grupi i punës, i cili është duke përgatitur tashmë fazën e dytë të studimit për llogaritjen e vlerës së tokës që do të përdoret për kompensimin e ish-pronarëve. Kjo vlerë u deklarua tri ditë më parë nga kryetari i Komitetit Shtetëror të Kthimit dhe Kompensimit të pronave ish-pronarëve Sokrat Sina, gjatë një mbledhje të komitetit të politikave ekonomike, ku merrte pjesë edhe kryeministri Nano. Ndërkohë ai ka deklaruar se tokat e lira të evidentuara nga faza e parë e studimit mund të plotësojnë vetëm 70-80 % të kërkesave të pronarëve për kompensim fizik. Nga ana tjetër këto janë kundërshtuar nga pala e pronarëve. Sipas sekretarit të përgjithshëm të shoqatës “Pronësi me Drejtësi”, Agim Toro, e gjithë kjo sipërfaqe toke që deklarohet e lirë për t’u kthyer, nuk është realisht e dobishme për t’u kthyer. Sipas tij, shifra e deklaruar nga komiteti prej rreth 135 mijë ha tokë duket sikur përmbush kërkesat e pronarëve për tokë, por duhet të kuptojmë se çfarë është realisht kjo tokë. Sipas kësaj shoqate, nuk ekziston realisht asnjë metër katror tokë bujqësore e lirë për të kompensuar ish-pronarët dhe jo vetëm që nuk ekziston, por nuk ka as vlerë ekonomike, pasi është e pafrutshme. Kjo shoqatë deklaron se në të gjithë Shqipërinë mund të ketë rreth 700 mijë ha tokë bujqësore dhe nga e gjithë kjo, 135 mijë ha janë toka të pafrutshme. Këto toka nuk janë planifikuar asnjëherë për t’u ndarë ose nuk janë pranuar nga vetë ish-pronarët. Ndërkohë kjo shoqatë këmbëngul që kompensimi të bëhet me vlerën e tregut dhe sipas tyre, këtë gjë e parashikon edhe Kushtetuta. Por sipas vetë Sinajt, “nëse një e tillë sanksionohet në Kushtetutë, atëherë kjo është çështje, me të cilën duhet të merren ekspertët e saj”. Ky komitet propozoi që llogaritja të bëhej në bazë të kapitalizimit të të ardhurave, bazuar në të ardhurat që sjell kjo tokë, bazuar në cilësinë e brendshme, sipas ankandit direkt dhe një ndër propozimet që ka ardhur ishte edhe ai sipas vlerës së tregut. Megjithatë shoqatat e pronarëve kërkojnë kthimin e plotë të tokave ish-pronarëve, gjë që do të ishte shumë e vështirë për shtetin.

Rezoluta për çamët, sot në Kuvend

Anila Rama

TIRANE - Kuvendi do të diskutojë të enjten në seancë plenare miratimin e projektrezolutës për çështjen çame. Pas zvarritjes për të shqyrtuar kërkesën e bërë nga një grup deputetësh të opozitës, u vendos që komisioni i Jashtëm të hartojë sot projektin përfundimtar që do të diskutohet më pas nga të gjithë deputetët. Debatet e zhvilluara nga përfaqësuesit e opozitës dje në byronë parlamentare dhe më pas në seancën e pasdites, konkluduan me përfshirjen e çështjes në fjalë në rendin e punimeve të Parlamentit. Ndërkaq kreu i opozitës Sali Berisha, kundërshtoi dy projektligje të hartuara nga qeveria, të cilat kanë mbërritur së fundi në Parlament. Ai e cilësoi të papranueshëm draftin për ndarjen e re administrative të vendit, pasi binte ndesh me kongresin për autonominë vendore. Berisha tha se ligji nuk ishte në përputhje me standardet e kërkuara nga Bashkimi Europian dhe ishte hartuar pa konsulencën e duhur. Berisha u shpreh kundër dhe ndaj ndryshimeve të propozuara në ligjin “Për koncesionet”, të cilat përcaktojnë se subjektet private mund të marrin me koncesion realizimin e projekteve publike.