E Enjte, 16 Shtator 2004 http://www.kohajone.com/

 

LEKA ZOGU, MESAZH PER KONFERENCEN E PEZES

 

Kryetari i Levizjes per Zhvillim Kombetar, Leka Zogu, artikuloi dje nje pershendetje me rastin e 62-vjetorit te mbajtjes se Konferences se Pezes. "Shteti Shqiptar eshte brenda zemres se cdo shqiptari patriot, qe e ka per nder emrin shqiptar, pavaresisht bindjeve politike, besimeve fetare dhe perkatesise shoqerore e krahinore. Ky eshte mesimi me i madh i historise sone kombetare, qe na e percjell sot edhe Konferenca e Pezes. Kete mesim ne duhet ta zbatojme edhe sot, ne keto kohe te veshtira, qe po kalojne te gjithe shqiptaret", deklaroi dje Leka Zogu. Ai shtoi se Shqiperia nuk eshte prone e asnje politikani apo shtetari, por eshte pergjegjesi e te gjithe shqiptareve. "Prandaj te gjithe ne duhet te jemi perseri te bashkuar, per te punuar me pergjegjesi kombetare, per ta bere Atdheun tone te perbashket, nje shtet modern me dinjitet kombetar. Levizja per Zhvillim Kombetar kerkon qe shteti shqiptar te mendoje dhe te punoje per te gjithe shtetasit, qe ata te kene pune e mireqenie, te arsimohen dhe t'u sigurohet vazhdimesia, ketu ne Shqiperi! Keshtu te gjithe se bashku, ne shqiptaret do te japim kontributin tone per vatrat ku kemi lindur, duke mbajtur me dinjitet kombetar Atdheun tone te shtrenjte, Shqiperine, qe na ka dhene emrin shqiptare!", thuhet ne mesazhin e Zogut. Sipas tij, bashkimi i te gjithe shqiptareve e ka shpetuar gjithmone Shqiperine. "Kete e ka treguar Kuvendi i Vlores me shpalljen e Pavaresise, Kongresi i Lushnjes me organizimin modern te shtetit shqiptar, Konferenca e Pezes me organizimin mbarekombetar te Luftes Antifashiste", tha Zogu. Ai shtoi se te gjithe e kujtojne me respekt kete ngjarje historike, qe kerkoi bashkimin e te gjithe shqiptareve ne lufte kunder pushtimit fashist, pavaresisht nga perkatesia shoqerore, fetare, krahinore dhe nga bindjet politike. "Thirrja per bashkim - si nje beselidhje kombetare - eshte nje mesim i madh i Konferences se Pezes. Themelet e ketij bashkimi kishin idealin kombetar per clirimin e Shqiperise. Te gjithe luftetaret kombetare, qe luftuan per Atdheun e kryen detyren duke derdhur gjakun per Shqiperine! Ne i nderojme sot te gjithe keta burra dhe gra patriote, intelektualet dhe martiret, qe dhane mendjen dhe gjakun e tyre per Atdheun tone te dashur", u shpreh kryetari i LZHK-se.

 

--------------------------------

 

Faqe 6 - Politikë     16Shtator 2004  http://www.panorama.com.al/ 

© 2003 Gazeta Panorama

 
LAJME SHKURT
 
  Pretendeti për fronin mbretëror, mesazh për 62-vjetorin
Leka: Konferenca e Pezës, apel për bashkim kombëtar

 

Pretendeti për fronin mbretëror, Leka I, u ka bërë dje thirrje shqiptarëve të bashkohen për të ndërtuar shtetin modern, në një mesazh me rastin e 62-vjetorit të Konferencës së Pezës. Në këtë mesazh, Leka I përmend faktet historike që argumentojnë se bashkimi i gjithë shqiptarëve ka bashkuar gjithmonë Shqipërinë. “Këtë mësim ne duhet ta zbatojmë edhe sot, në këto kohë të vështira që po kalojnë të gjithë shqiptarët”, thuhet në këtë mesazh. Leka vëren se Shqipëria nuk është pronë e asnjë politikani apo shtetari, por është përgjegjësi e të gjithë shqiptarëve dhe, për këtë arsye, sipas tij, nevojitet bashkimi. “Lëvizja për Zhvillim Kombëtar kërkon që shteti shqiptar të mendojë dhe të punojë për të gjithë shtetasit, që ata të kenë punë e mirëqenie, të arsimohen dhe t’u sigurohet vazhdimësia, këtu në Shqipëri!”, ka theksuar Leka. “Shteti shqiptar është brenda zemrës së çdo shqiptari patriot, që e ka për nder emrin shqiptar, pavarësisht bindjeve politike, besimeve fetare dhe përkatësisë shoqërore e krahinore. Ky është mësimi më i madh i historisë sonë kombëtare, që na e përcjell sot edhe Konferenca e Pezës”, përfundon mesazhi i Lekës i me rastin e 62-vjetorit të kësaj konference.