18 Qershor 2004 http://www.kohajone.com/

ZOGU MERR RACIONIN E BERISHES

Zhvillimet qe vijne nga kampi mbreteror duket se me shume se askend tjeter,
po alarmojne Partine Demokratike te Sali Berishes. Pas nje qendrimi ne
heshtje prej shume kohesh te Leka Zogut, ai shpalli para disa ditesh
Levizjen per Zhvillim Kombetar. Ndersa dje, ai mblodhi perfaqesues nga
familjet e medha historike, perfaqesues te ish-pronareve, etj, te cilet nuk
ngurruan ta mbeshtesin hapur aleancen me pasardhesin e fronit mbreteror
shqiptar.

Ne gjithe kete levizje te Leka Zogut, pa shume buje e propagande, duket ne
radhe te pare serioziteti i kesaj levizjeje. Mbeshtetesit e djeshem te tij
te bejne te besosh se Partise Demokratike do t'i ike ne zgjedhjet e ardhshme
nje pjese e konsiderueshme e elektoratit, madje nga pjesa me aktive e saj.
Ky elektorat, edhe pse shumica e tij nuk synon monarkine, do te jete
padyshim "racioni" i votave ne favor te Sali Berishes dhe Partise
Demokratike, e cila duket se marredheniet me pretendentin e Fronit Mbreteror
i ka te turbullta kohet e fundit. Perfaqesues te Partise Legaliste ne
parlament, shpeshhere jane shfaqur ndryshe nga fryma e demokrateve, madje jo
rralle jane akuzuar per nje bashkepunim te fshehte ne interes te
kryeministrit Nano. Madje per kete te fundit, eshte aluduar shpeshhere se po
bente tratativa ne menyre te fshehte per nje rregullim te marredhenieve me
pretendentin e fronit mbreteror pikerisht per faktin se cdo vote e shtuar ne
arken e Lekes eshte ne te njejten kohe nje vote me pak ne arken e Berishes.
Duke ditur kete fakt, shume veta shkojne me tej, kur thone se Levizja e
Lekes eshte nje inspirim direkt i Fatos Nanos. Ne fakt, mund te kete arsye
per ta besuar dicka te tille, nese marrim parasysh poziten rrenuese
elektorale ne te cilen ndodhet Partia Socialiste e kryeministrit. Pas
perplasjeve te fundit ne PS dhe daljes se ish-kryeministrit Meta dhe nje
grupi te rinjsh e deputetesh me nje platforme te qarte te Levizjes
Socialiste per Integrim (L.S.I) dhe mundesise se daljes si nje formacion me
vete i saj ne zgjedhjet e ardhshme, Nano dhe partia e tij do te
ndeshkoheshin rende, duke shkuar drejt humbjes se sigurte te zgjedhjeve. Ne
nje perpjekje te tille, dalja e Zogut do t'i shkaterronte perfundimisht
Partise Demokratike te Berishes shansin per te rimarre pushtetin pas kaq
vitesh ne opozite. Kjo duket shume e veshtire per t'u suportuar nga
elektorati i partise Demokratike, kur drejt pushtetit te pengon pikerisht
aleati yt.

Leka Zogu mbeshtetet nga familjet e medha

"Levizja per Zhvillim Kombetar", per here te pare mori dje nje mbeshtetje
publike nga elektorati i djathte. Perfaqesuesit e familjeve te medha
shqiptare, te njohura historikisht per bindjet e tyre politike, por dhe per
kontributin qe kane dhene ne forcimin e institucioneve shteterore ne
periudha te ndryshme, vendosen te behen pjese e kesaj nisme, te perfaqesuar
nga trashegimtari i fronit mbreteror, Leka Zogu I. Nje moment qe shenon dhe
hapin e pare drejt zgjerimit te koalicionit qytetar, te grupuar rreth
idealeve te kesaj levizjeje politike. Per ta bere me konkret forcimin e
bashkepunimit me kete shtrese te shoqerise, pretendenti i fronit zhvilloi
dje nje takim konfidencial me perfaqesuesit e ketyre familjeve. Kryefjala e
kesaj tryeze, u perqendrua kryesisht ne shpalosjen e alternativave konkrete
qe ndihmojne ne realizimin e misionit politik, per te cilin eshte angazhuar
para shqiptareve, "Levizja per Zhvillim Kombetar". "Eshte detyre e te
gjitheve qe te marrim pjese ne kete koalicion per ta shpetuar Shqiperine nga
politika individuale, duke dhene nje kontribut te perbashket per te
zhvilluar ekonomine, per te forcuar shtetin shqiptar qe te beje politika
zhvillimi ekonomik per te punesuar njerezit, rinine e Shqiperise, por edhe
per te luftuar varferine ne fshat e ne qytet", u shpreh ne fillim te ketij
takimi Zogu I, duke shpalosur njekohesisht dhe nje pjese te platformes se
tij politike. Ai foli per drejtimet kryesore te levizjes qe perfaqeson, duke
e percaktuar synimin e saj, si te vetmen alterantive prej nga kalon
integrimi ne Europe. Nga familjet me kontribut historik kombetar dhe ne
zhvillimet e demokracise ne Shqiperi folen disa nga perfaqesuesit me te
degjuar. Ne fillim e mori fjalen zoti Eduart Ypi, qe e percaktoi kete nisme
si te vetmen rrugezgjidhje qe mund t'i jape pergjigje idealit kombetar, duke
sjelle per pasoje moralin ne politiken shqiptare. Me pas fjalen e moren te
tjere perfaqesues, qe gjate fjales se tyre garantuan bashkepunimin me
Levizjen per Zhvillim Kombetar, duke shprehur bindjen se kontributi i te
gjithe perfaqesuesve te popullit shqiptar ne te, do te mund te ofronte nje
alternative te besueshme dhe te votuar ne zgjedhjet e ardhshme parlamentare.

Tedi Blushi

---------------------

KOMPENSIMI ME PARA NE DORE

Kompensimi me para ne dore shihet prej ish-te burgosurve politike, si e
vetmja rrugezgjidhje optimale, nga ku mund te kaloje procesi i
demshperblimit te tyre. Perfaqesues te kesaj shtrese te pervuajtur, e
mbeshteten me force kete qendrim, duke servirur si argument lehtesirat
proceduriale qe ofron kjo menyre kompensimi. Kryetari i nje prej tre
shoqatave homologe te ish-te perndjekurve, Kurt Kola, gjate nje prononcimi
te tij dhene dje per "KJ" e percaktoi kete alternative si mjaft efikase.
"Kjo eshte dhe nje nder kerkesat tona kryesore, pra per te disaten here po e
perseris se ne duam thjesht kompensim ne leke, vuri ne dukje ai duke lene
keshtu te nenkuptohej se per kete pike, ish-te persekutuarit politike qe ai
perfaqeson, nuk do te pranojne asnje forme kompromisi qe presupozon te
kunderten. Kategorik ne qendrimin e tij lidhur me kete ceshtje, Kola shkoi
dhe me larg duke percaktuar madje dhe faturen financiare qe duhet te paguaje
ne kete rast shteti shqiptar. Fale gjuhes se perllogaritjeve ai kerkoi, ne
baze dhe te dispozitave kushtetuese, qe cdo dite e humbur ne burgjet e
diktatures t'i korespondoje shifres prej 340 leke, qe sipas tij ishte mese e
perballueshme per buxhetin e shtetit. Kete forme zgjidhjeje, ai e shihte si
pjese te pandashme te kerkesave qe per 14 vjet me radhe kane ngritur ish-te
burgosurit e ndergjegjes. Nje praktike te ngjashme demshperblimi ne nje fare
menyre e sugjeroi po dje dhe Komisioni i Venecias. Ne pergjigjen e kthyer
per kryesine e Kuvendit, ky institucion fale konsulences se tij juridike i
meshonte pikerisht idese se kompensimit ne leke te kesaj shtrese shoqerore,
duke qendruar keshtu ne te njejten linje me propozimin e bere kohe me pare
nga qeveria jone. Gjithashtu po sipas Venecias, duhet te jete legjislativi
ai qe duhet te percaktoje shumen e parave qe do te perdoren per kompensim.
Te ardhura qe pa medyshje duhet te jene ne perputhje dhe me detyrimet e
tjera financiare te buxhetit te shtetit, pa harruar ketu dhe sasine e lekeve
qe derdhen ne te brenda nje viti nga taksapaguesit shqiptare. Por
pavaresisht ketyre detajeve konkrete, qe padyshim kane dhe rolin kryesor ne
te gjithe kete proces, e vecanta ne kete rast duhet pare ne nje tjeter
aspekt. Pasi ana tjeter e medaljes qendron pikerisht ne ndryshimin e kursit
qe pesuan kerkesat e ish-te perndjekurve, qe nga politike u perqendruan
tashme ne financiare. Nje fakt te tille e pohoi dhe vete kryetari i tyre
Kola, sipas te cilit kalimi nga protesta ne paraqitjen e kushtit financiar
perben nje domosdoshmeri per kohen. Megjithese nuk harroi te permendte se
tubimet do te rikthehen sa here qe do te shihet nje mungese vullneti nga ana
e mazhorances roze per ta futur kete proces drejt zgjidhjes perfundimtare.
Por ne baze te qendrimeve publike te vete politikes, dihet tashme se fjalen
e fundit per kete ceshtje do ta thone vete komisionet parlamentare. Keto te
fundit do te merren ne menyre me specifike me shqyrtimin e ligjit per
demshperblimin e ish-te burgosurve te ndergjegjes, per te percaktuar keshtu
jo vetem faturen financiare, por dhe vete formen e demshperblimit. Pas kesaj
faze, projektligji ne fjale do kaloje per diskutim ne seancen plenare te 24
qershorit, date kur pritet te arrihet dhe miratimi i tij perfundimtar.

Tedi Blushi
------------------------------------

http://www.balkanweb.com/
OSBE është e gatshme të mbështesë zbatimin e ligjit të pronave

Lajmi i ores 4:15 PM


arkiv
 TIRANE (18 Qershor) - Prezenca e OSBE-së në Tiranë ka kontribuar në
hartimin e ligjit të pronave dhe po ashtu ajo është e gatshme të mbështesë
dhe zbatimin e këtij ligji. Kështu deklaroi të Premten Ambasadori i OSBE-së
në Tiranë Osmo Lipponen, gjatë një takimi me gazetarët. "Ne mendojmë që
konsensusi kryesor për ligjin e pronave tashmë është arritur, ndonëse në
votimin përfundimtar ai nuk arriti të miratohej edhe nga opozita", tha
Lipponen. Sipas tij, ekspertët e OSBE-së kanë bërë një punë mjaft të mirë në
konsulencën për këtë ligj. "Ne nuk jemi parlamenti, por ne ndihmojmë
parlamentin, kur ai na e kërkon këtë. Parlamenti është institucioni që merr
vendimet dhe në këtë mënyrë edhe përgjegjësia për ligjin e pronave, bie mbi
të dhe jo mbi OSBE-në', tha Lipponen në përgjigje të pyetjes së gazetarëve,
nëse ligji do të rikthehet sërish për shqyrtim në Kuvend. Sipas Ambasadorit
Lipponen "ligji ka ende dy paragrafë që mund të diskutohen, por në
përgjithësi ai është një ligj i mirë". bm/bm (BalkanWeb)

------------------------------------
18/06/2004 http://www.shekulli.com.al/

Kreu i OSBE-së ndërpret mandatin e ambasadorit. Emërohet Konsull i
Përgjithshëm i Finlandës në SHBA


Ankesa për pronat, ikën Lipponen

Në emër të presidentit, Hajdaraga i ka dorëzuar Këshillit të Përgjithshëm të
OSBE-së në Vjenë një ankesë

Nevila Perndoj

TIRANE-Osmo Lipponen nuk do të kryesojë më Prezencën e OSBE-së në Tiranë,
duke lënë në mes mandatin e ambasadorit. Nga tetori ai do të marrë një
detyrë të re në shërbimin diplomatik finlandez. Sipas zyrës së shtypit të
OSBE-së, dje ai i bëri të ditur stafit të tij shqiptar, se ai është caktuar
Konsull i Përgjithshëm i Republikës së Finlandës në Nju York, duke filluar
që nga data 1 tetor 2004. Caktimi në detyrën e re i është bërë e ditur më 11
qershor nga presidentja e Republikës së Finlandës në Këshillin Shtetëror
Finlandez. Ambasadori Lipponen u zgjodh kryetar i Misionit të OSBE-së në
Tiranë më 1 shtator të vitit 2002 dhe vetëm pas dy vitesh, atij i ndërpritet
mandati për të kryesuar një tjetër detyrë.
Konflikti
Por emërimi në një tjetër detyrë i ambasadorit të OSBE-së, Osmo Lipponen
fsheh prapa një konflikt të madh mes tij dhe kryetarit të shtetit,
presidentit Alfred Moisiu. Burime diplomatike thanë dje për "Shekullin" se
zv/ministri i Jashtëm Luan Hajdaraga i ka paraqitur Këshillit të
Përgjithshëm të OSBE-së në Vjenë një ankesë në emër të presidentit Alfred
Moisiu kundrejt veprimtarisë së deritanishme të ambasadorit të OSBE-së, Osmo
Lipponen. Prej disa kohësh mes Lipponen dhe kreut të shtetit ka pasur një
kontradiktë të heshtur që lidhej kryesisht me çështjen e pronave dhe Kodit
Zgjedhor. Për të dyja këto, pak kohë më parë burime zyrtare nga Presidenca
shprehën pakënaqësinë ndaj punës së ambasadorit të OSBE-së në Tiranë.
Burimet cituan se presidenti ishte i pakënaqur ndaj veprimtarisë së Lipponen
për faktin se ky i fundit nuk arriti që të vendoste një pakt të premtuar mes
maxhorancës dhe opozitës për ligjin e pronave, si dhe nuk përfundoi brenda
afatit të kërkuar rekomandimet për përmirësimet në Kodin Zgjedhor, që për
lokalet e tetorit 2003 e kishte bekuar vetë. Këto pakënaqësi të kreut të
shtetit duket se i janë raportuar direkt ambasadorit të OSBE-së, Lipponen
nga Prezenca e OSBE-së në Vjenë, përderisa Lipponen dje paradite ka
zhvilluar një takim edhe me zv/ministrin e Jashtëm Luan Hajdaraga. Ndërsa
konflikti më i freskët i Lipponenit me politikën ishte ai me sekretarin e
përgjithshëm të PS -së Ruçi po për ligjin e pronave, ku kreu i OSBE-së
kritikoi miratimin e tij vetëm nga PS.
Premtimet
Pak kohë më parë, në intervistën e fundit të dhënë për një nga mediat e
përditshme, ambasadori i OSBE-së Osmo Lipponen ishte shprehur i sigurt se dy
partitë politike, PS dhe PD do të mund të arrinin një marrëveshje për
rikompozimin e KQZ-së ashtu siç rekomandoi pak kohë më parë edhe Komisioni i
Venecias. Lipponen u shpreh gjithashtu se kishte kohë të mjaftueshme për të
bërë ndryshimet në Kodin Zgjedhor. Kryetari i Prezencës së OSBE-së, ishte aq
optimist sa shpresonte edhe në arritjen e një konsensusi politik për të
ndryshuar sistemin zgjedhor. Të gjithë këto Lipponen mendonte se do t'i
përmbushte deri ne mesin e verës, por ndërprerja e negociatave për shkaqe të
paarsyetuara nga përfaqësues të dy partive të mëdha, do ta zgjaste me tej
afatin. Lipponen kishte premtuar gjithashtu se së afërmi do të kishte edhe
tryeza politike për të shpejtuar ndryshimet në Kod, pasi të merreshin
sinjalet nga dy partitë e mëdha se ishin pranuar plotësisht rekomandimet e
ndërkombëtarëve. Kryetari i Prezencës së OSBE-së, shpresonte gjithashtu të
kontribuonte në zgjedhjet e ardhshme parlamentare për të cilat ai shprehej
gjithnjë se duhet të ishin të lira dhe të ndershme.

----------------------------

http://pages.albaniaonline.net/rd/
Spahiu: Qeveria "Nano", e implikuar direkt në trafiqe

Krerët legalistë denoncojnë implikimin e qeveritarëve shqiptarë në trafikun
e qenieve njerëzore. Pasi janë njohur me deklaratën e Departamentit Amerikan
të Shtetit mbi trafikimin e qenieve njerëzore, legalistët konkludojnë se ky
trafik ende vazhdon të kryhet me bashkëpunimin e strukturave shtetërore.

Në deklaratën e djeshme për shtyp, PLL denoncon gjithashtu entuziazmin e
qeveritarëve shqiptarë, të cilët konsiderojnë si sukses daljen nga grupi i
tretë në të dytin dhe mundohen të kapen nëpër shprehje të ndryshme të këtij
raporti, ku në aparencë duket edhe ndonjë vlerësim për "monitorimin e
qeverisë për zyrtarët e vet".

PLL rikthekson se shkaku i përmasave alarmante të trafikut njerëzor në
Shqipëri është mazhoranca në pushtet, e cila, siç përmendet edhe në raport,
është e implikuar direkt në trafiqe.

Në këto kushte, kreu legalist Spahiu bën thirrje që qeveritarët e lartë të
mos mbrojnë më tej trafikantët e qenieve njerëzore dhe protektorët e tyre në
zyra të larta të shtetit. Kjo, sipas tij, për faktin se shkalla alarmante e
trafiqeve të kryera, të denoncuar në Raportin e Departamentit të Shtetit,
dëshmon mungesën e një vullneti për t'i luftuar ato.

"Pohimi i Raportit se qeveria shqiptare nuk i përmbush as standartet
minimale për eleminimin e trafikimit, është një shpartallim total edhe i
propagandës bajate qeveritare për luftë ndaj trafikut njerëzor", thekson
Spahiu. Gjithsesi, duke shprehur keqardhjen që Shqipëria vazhdon të bëjë
pjesë në listën e zezë të vendeve prodhuese dhe eksportuese të trafiqeve,
lideri legalist thekson se kjo bëhet dyfish më e rëndë kur në raportet
autoritare si ky i Departamentit të Shtetit, përmenden edhe zyrtarët
qeveritarë si bashkëpunëtorë të këtij trafiku. Pikërisht për këto arsye, PLL
u bën thirrje dhe u kërkon qeverisë dhe institucioneve të specializuara
shtetërore që, si shprehje e vullnetit minimal për të luftuar trafikun e
qenieve njerëzore, të lokalizojnë, identifikojnë e publikojnë sa më parë
emrat, vendndodhjet dhe fatin e fëmijëve shqiptarë të birësuar nga të huajt
me vendim gjykatash, që nga viti 1991 në kohën e qeverisë së parë "Nano".
Dhe po këtë gjë ta bëjnë edhe për ata fëmijë që sot banojnë jashtë vendit,
në një kohë që familjet i kanë në Shqipëri.

H.RAMA

-----------
Mediu: Kompensimi i ish-të burgosurve politikë, detyrim kushtetues


- Ç'përbën për kryetarin e PR-së, Fatmir Mediu, përgjigja që vjen nga
Komisioni i Venecias për kompensimin financiar të ish-të persekutuarve
politikë të regjimit komunist?


Përgjigja që vjen nga Venecia është e qartë. Është detyrim i qeverisë
shqiptare që brenda të gjitha mundësive dhe kushteve të buxhetit, në
respektim të Kushtetutës dhe të Kodit Penal të kompensojë ish-të
persekutuarit politikë. Mendoj që kjo është zgjidhje e detyrueshme për
qeverinë shqiptare, duke marrë fund kështu një lojë e gjatë që është bërë me
ish-të burgosurit politikë për shkak të konsiderimit të tyre si një
kontigjent kundër Partisë Socialiste.

Unë mendoj që ka ardhur koha që Parlamenti shqiptar, në një marrëveshje të
plotë me ish-të burgosurit politikë, sepse do të jetë një dëmshpërblim i
zgjatur në kohë, duhet ta miratojë këtë projektligj.


- Cili është mendimi juaj për faturën financiare të këtij ligji?


Ky ligj duhet të ketë një faturë financiare të përballueshme brenda
respektimit të të drejtës të ish-të burgosurve politikë.

Natyrisht që buxheti i shtetit përcaktohet nga Parlamenti dhe buxheti i
shtetit i ka të gjithë parametrat dhe mundësitë për të konsideruar kërkesën
e të përndjekurve politikë. Por nëqoftëse flasim për një të drejtë
kushtetuese dhe një të drejtë të përcaktuar në ligj, buxheti i shtetit është
i detyruar t'i përgjigjet të drejtës kushtetuese apo të drejtës të
parashikuar në ligj. Megjithatë unë do të thoja që në përgjithësi ka një
ngopje me përgjigje të dyfishta të disa institucioneve, që nga njëra anë u
japin të drejtë, në anën tjetër nxjerrin justifikime për papërballueshmërinë
e faturës financiare.


- Sipas jush, kush është zgjidhja më e pranueshme?


Logjika është e thjeshtë dhe e saktë: Shqipëria ka ndërmend të respektojë
Kushtetutën dhe Ligjin apo do të jetë një shtet ku qeveria vepron sipas asaj
që ajo se është më e mira, në përputhje me interesat e veta.

Nëqoftëse respektojmë Kushtetutën dje Ligjin, ish-të përndjekurit politikë
duhet që të kompensohen financiarisht. Nga ana tjetër më duhet të theksoj që
nuk ka asnjë vend tjetër në botë, ose të paktën në Europën Juglindore që të
mund të krahasohet me Shqipërinë, jo vetëm për shkak të izolimit, por edhe
për shkak të një represioni masiv që është kryer mbi shoqërinë shqiptare,
mbi të përndjekurit politik, mbi familjet e tyre, duke mos konsideruar
kështu edhe një element shumë të rëndësishëm që duhet ta ketë parasysh
qeveria dhe gjithë shoqëria shqiptare, që kontributi i tyre ka qenë i
jashtëzakonshëm në ndërtimin e shumë veprave ekonomike të asaj kohe që kanë
qenë pjesë e përfitimit të gjithë shoqërisë shqiptare.