BERISHA: KOALICION VETEM ME FATMIR MEDIUN

NGA NIKOLLE LESI

Ky vit edhe pak dite dhe e mbyll siparin e tij te nje viti problematik per qeverisjen dhe shpresedhenes per opoziten qe te rikthehet pas 8 vitesh ne pushtet. Fatos Nano, ndonese nuk leshon kocka per aleatet pa iu thithur edhe lengun e fundit, perseri ne zgjedhjet e ardhshme do te paraqitet si nje Koalicion PS + PSD + PBDNJ + PAA + PDS qe do te thote do te kene vetem nje kandidat te tyre. LSI e drejtuar nga Ilir Meta sic dhe ka deklaruar publikisht do te futet ne 100 zonat elektorale me kandidatet e tij. Pra tabloja nga e majta eshte e percaktuar me dy kandidate majtiste per cdo zone elektorale. Ndersa ne spektrin e djathte situata eshte paksa me kaotike , megjithese jane shanset me teper se kurre per te marre pushtetin. Varianti PD+PR+PDR+ PLL+PDK+ PBL+ PBK+PDRn tashme eshte zhdukur nga tryeza e Berishes. Ndonese ka njefare te drejte lideri i PD-se zoti Berisha per disa lekundje te segmenteve te partive te opozites qe ai solli me votat e tija ne Kuvend perseri duhet qe ai te kishte gjetur konsensusin me te tijte dhe me pas edhe me partite e tjera te djathta, te cilat nese perbashkohen fitojne mbi 60 perqind zgjedhjet e vitit te ardhshem. Edhe gjoja testi i fundit i Dushkut nuk eshte test real, pasi ajo zone mbetet teresisht socialiste dhe aq me teper nuk u be fushate nga disa parti te djathta. Deklarimi i fundit i kryetarit te PD-se zotit Berisha se " do te futem vetem me PR ne zgjedhje" ose me sakte vetem me Fatmir Mediun ka krijuar nje kenaqesi ne rradhet e pushtetit, pasi e dijne se keshtu fillon percarja e madhe ne kampin e opozites. Pra me pak fjale e majta ndonese e ndare ne dy pjese PS dhe LSI ne fund te fundit kur vjen puna per te ndare torten bashkohen dhe krijojne qeverine e re PS+LSI, ndonese tashme deklarojne se jane armike me njera tjetren. Nga e djathta sa me shume ofrohet dimri dhe ngricat e tij aq me shume kallkanoset percarja dhe punon "sejcili per vete e Zoti per te gjithe"! Nisur nga deklara e fundit e zotit Berisha e cila me gjuhen e diplomacise se politikes se dites i vuri kapak koalicionit te ardhshem PD+PR mendoj se problemet nuk mbyllen per te djathten , por tashme fillojne. Ndersa LZHK kandidon si nje levizje qe gjithsesi eshte vetvetja pra qe do te thote 100 kandidate te djathte ne 100 zonat elektorale. PDR e zotit Pollo 100 kandidate. PDK 100 kandidate. Ndofta edhe Partia e Ballit Kombetar me ndonje konglemerat dhe keshtu nga e djathta behen ne cdo zone minimumi 4 kandidate qe hane njeri tjetrin, pasi sistemi zgjedhor eshte vetem me nje raund, cka e perkthyer ne gjuhen praktike edhe sikur te mos fitojne direkt kandidatet vecmas te LZHK, PDR dhe PDK do te sjelle pasojen qe i heqin aq vota kandidatit PD+PR aq sa i duhet te fitoje PS. Natyrisht nuk flitet per te gjitha zonat bastione te PD , por ne shumicen e zonave elektorale "brisku" LZHK, PDR dhe PDK , sejcili vecmas do ti heqe "l`kuren" kandidatit te PD+PR, pasi do te zbatohet parimi i nisur " sejcili per vete e Zoti per te gjithe"!

Pra rrezikohet qe te vijme praktikisht tek formula PS + LSI> (PD+PR) + (LZHK)+ (PDR)+ (PDK)+ etj, cka ne gjuhen e Ritvan Bodes si financier perfekt do te thote se vihet ne dyshim fitorja e se djathtes , megjithese PS eshte ne kuotat e saja me te uleta historike te ketyre 13 viteve. Por PS ka pushtetin qe do te thote parane, policine, ofertat, doganat, blerjen e votes, fuqine ekonomike per fushate, etj, kurse PD dhe partite e tjera te djathta kane idealin dhe programqeverisjen me te mire. Edhe ne Dushk para disa diteve opozita kishte alternativen me te mire, por fitoi PS-ja ! Edhe dje KQZ-ja e rinovuar ia hodhi poshte PD-se kerkesen per mosnjohjen e zgjedhjeve te Dushkut cka i dha sinjalin se keshtu do te perfundojne edhe kontenstimet e vitit te ardhshem, nese humbet.

Berisha ka nevoje te binde veten e tij pikesepari se duhet gjetur nje zgjidhje per te konsiliduar te djathten qe eshte shkermoqur mu para "dasmes " se vitit te ardhshem. Natyrisht qe ardhja e figurave nga shoqeria civile ka vlera per PD-ne e jo per siglat partiake te partive te tjera, pasi sejcila vecmas ka aq vota aq sa i duhen PD+PR per te siguruar fitoren. Mund te kete te drejte Berisha per disa pirueta te PDR ne disa momente, porse politika mbart kompromisin si nje shenje e forces. Po keshtu Berisha ka te drejte per pakenaqesi nga disa deputete te dy partive te djathta qe e tradhetuan ne momente delikate dhe vendimtare per opoziten, por lideri i PD-se ka te drejten per thirrjen publike te tryezes se partive te djathta dhe kerkimin per te mos kandiduar deputetet qe u blene nga e majta. Ne te vertete PD ka gjetur nje aleat si PR, e cila ka nje kryetar mik te Berishes, sic eshte Fatmir Mediu, porse nuk mund te bejme strucin pasi ishte pikerisht PR-ja qe e "masakroi" Berishen ne Kuvend kur nenkryetari i PR zoti Robert Ceku pranoi oferten e Moisiut dhe te Nanos per kryetar te Kontrollit te Shtetit. Apo ishte pikerisht Maks Begeja, nenkryetari tjeter PR-se qe e la partine e tij dhe kaloi tek monarkistet, gje qe nuk kishte ndodhur ne historine parlamentare qe nga republikan te konvertohesh ne monarkist brenda nje dite! Ndonese "dashuria" e re PD+PR eshte ne muajin e pare, porse sipas aritmetikes "pjella" e kesaj dashurie i bie te dale ne gusht te vitit te ardhshem, pra pasi kane mbaruar votimet ! Nese eshte shtate muajsh "pjella" e dashurise se re PD+PR atehere i bie te dale para zgjedhjeve dhe nuk do te kete kerce per te ndenjur ne kembe. Nga te gjitha anet qe ta shohesh kete dashuri te imponuar apo te lindur nga marredheniet prej 13 viteve mendoj se pesha e "pjelles" nuk do te kete peshen e dashurise se lecitur PS+LSI , nderkohe qe PDR, LZHK dhe PDK do ti kene hequr shtatzanine lidhjes PD+PR.

Sejcili per vete e Zoti per te gjithe!

-----------------------------------------------

 

http://www.panorama.com.al/ © 2003 Gazeta Panorama Faqe 7 - Politikë

Rizgjedhjet/ Porosia e Berishës për përfaqësues të shoqërisë civile has vështirës

PD, dyshim për “fytyrat e reja”

Mentor Petrela e Beqir Meta, dy emrat e “listës së re”

Luljeta Progni

Hapja e dyerve të selisë “blu” për shoqërinë civile duket se do të jetë një mision i vështirë për t’u realizuar. Porosia e veçantë e kreut demokrat, Sali Berisha, për emra të rinj në zgjedhjet e degëve të partisë, pritet të mos ketë shumë sukses. Një gjë e tillë konfirmohet duke u nisur nga emrat e propozuar për degën e Tiranës, e deri në zgjedhjet e papërfunduara të disa degëve të mëdha të PD-së në rrethe, ku edhe baza mendohet të jetë më konservatore. Në degën e Tiranës, emrat e propozuar nga baza janë gati të gjithë funksionarë të lartë të partisë, drejtues lokalë ose të qeverisjes vendore. Që në këtë moment, hapja e dyerve për shoqërinë civile dhe përthithja e elementëve të rinj për Kuvendin e Tretë të partisë duket e kufizuar. Burime në degën e Tiranës thonë se të vetmet kandidatura të propozuara deri tani, në seksione dhe nëndegë, si përfaqësues të shoqërisë civile, janë ato të mjekut të njohur Mentor Petrela dhe historianit Beqir Meta. Por, të paktën për mjekun Petrela bëhet e ditur se nuk do të pranojë të zgjidhet, edhe nëse kryesia e madhe e partisë do ta konfirmojë në listën përfundimtare të kandidatëve për kreun e degës së Tiranës. Kështu, mbledhja e sotme e kryesisë së Tiranës, e cila do të përfundojë shqyrtimin e kandidaturave dhe procesverbaleve të të gjitha seksioneve pritet të dalë me kandidatë, që nuk janë aspak emra të shoqërisë civile, por funksionarë të PD-së në qendër dhe në bazë. Kjo mbedhje mësohet se do të jetë mbledhja e parë e kryesisë së degës së kryeqytetit, për përzgjedhjen e kandidaturave të shumta, që kanë mbërritur nga seksionet. Në bazë të statutit të PD-së, kjo kryesi ka të drejtën që në listën përfundimtare që do t’i dërgohet për seleksionim kryesisë qendrore, të shtojë edhe emra të propozuar prej saj. Deri tani, të njëjtat burime thonë se nuk ka ndonjë emër konkret për t’u propozuar nga ana e kryesisë së Tiranës, ndërsa lista e ardhur nga baza edhe pas seleksionimit sipas kritereve, mbetet mjaft e gjatë. Porosia e Berishës Kreu i selisë “blu” në aktivin e degës së Tiranës, dy javë më parë, vuri në dukje se PD e Tiranës duhet të bëjë hapin më të madh për hapjen drejt shoqërisë civile. Ai i angazhoi ata të sjellin sa më shumë anëtarësime të reja nga shoqëria civile, dhe ka porositur për sa më shumë emra të rinj nga bota akademike, intelektualë dhe njerëz të paangazhuar direkt në politikën e PD-së. Në këtë aktiv, Berisha kërkoi emra të rinj nga PD e Tiranës, por duket se kjo mundësi për zgjedhjet e afërta në këtë degë shihet si jo shumë e realizueshme. Përsa i takon anëtarësimeve të reja, zyrtarët e degës së Tiranës nuk kanë ende evidenca të plota.   Lista e kandidatëve ¨ Bamir Topi Nënkryetar ¨ Ritvan Bode Sekretar i përgjithshëm ¨ Spartak Ngjela Shef i marrëdhënieve me publikun ¨ Besnik Mustafaj Shef i marrëdhënieve me jashtë ¨ Sokol Olldashi Shef i Partneritetit me shoqërinë civile ¨ Fatos Beja Shef i burimeve njerëzore ¨ Ilir Rusmajli Shef i ligjeve ¨ Bujar Nishani Nënkryetar i degës Tiranë ¨ Omer Stringa Shef i Marrëdhënieve ekonomike ¨ Aleksandër Biberaj Sekretar i degës Tiranë ¨ Haki Mustafa Kryetar i minibashkisë Laprakë ¨ Mentor Petrela Mjek, shoqëria civile ¨ Beqir Meta Historian, shoqëria civile etj…   LAJME TE TJERA Meta: Liria e shqiptarëve kërcënohet nga varfëria Gjashtëqind anëtarë dhe simpatizantë të Lëvizjes Rinore për Integrim themeluan dje, degën në rrethin e Kukësit. Në një takim në Pallatin e Kulturës së qytetit, bashkë me të rinjtë, merrte pjesë edhe kreu i Lëvizjes Socialiste për Integrim, Ilir Meta, nënkryetari Pëllumb Xhufi, kreu i LRI-së, Elvis Mataj, kreu i LSI-së së Kukësit, Qemal Elezi dhe të tjerë anëtarë të KDK-së. “Eshtë tërësisht e padrejtë dhe aspak njerëzore, që Kukësi të jetë çdo ditë nga dhjetë orë pa drita, ndërkohë që i jep dritë gjithë Shqipërisë”, ka thënë Meta në fjalën e tij. Këtë ai e cilësoi si tregues i humbjes së plotë të ndjeshmërisë së qeverisë për hallet e banorëve të këtyre zonave. “Sot, liria e shqiptarëve nuk rrezikohet as nga kushtetuta dhe as nga ligjet e shkruara, por ajo kërcënohet seriozisht nga varfëria e thellë, e cila po përdoret nga grupi që është në pushtet si një mënyrë për të depersonalizuar qytetarët e këtij vendi”, ka thënë Meta. Ai shprehu besimin e plotë se 2005-a do jetë një vit i mbarë për Shqipërinë, qoftë edhe për shkak të mbështetjes që do të gjejnë tek LSI, ëndërrat dhe shpresat e të rinjve. Nëkryetari i LSI-së, Pëllumb Xhufi në fjalën e tij evokoi traditat, historinë dhe patriotizmin e Kukësit dhe të kuksianëve. Pas tij, përshëndeti edhe kreu i LRI-së, Elvis Mataj i cili paralelizoi pritjen e kosovarëve në Kukës, në vitin 1998, me pritjen që i është bërë në këtë qytet edhe Lëvizjes Socialiste për Integrim.   “Dushku”, rrëzohet kërkesa e PD-së Komisioni Qendror i Zgjedhjeve ka rrëzuar dje kërkesën e Partisë Demokratike për të shpallur të pavlefshme zgjedhjet e pjessshme, të zhvilluara në komunën Dushk të rrethit të Lushnjës. Kundër kërkesës së PD-së, këtë radhë, kanë votuar edhe anëtarët e KQZ-së, të cilët janë propozuar në këtë institucion nga partia më e madhe e opozitës. Me gjashtë vota pro, asnjë kundër dhe asnjë abstenim kjo kërkesë është hedhur poshtë. Tre anëtarët Dodë Prenga, Klement Zguri dhe Çlirim Gjata, të njohur si përfaqësues të opozitës, së bashku me tre kolegët e tyre, Ilirjan Celibashi, Dëshira Subashi dhe Tomorr Malaj e kanë cilësuar si jo të drejtë kërkesën e PD-së për pavlefshmëri të zgjedhjeve, duke mos patur prova të konsiderueshme. Në fillim të mbledhjes, KQZ-ja administroi në cilësinë e provave procesverbalet e KZQV-ve, materialin filmik të publikuar në një kanal televiziv, si dhe deklaratën e OSBE-së mbi zgjedhjet në Dushk. Sipas kryetarit të KQZ-së, Ilirjan Celibashi, nga të gjitha provat e administruara nga ky komision, nuk u provua që kryetari i komunës së Dushkut ka përdorur mjete financiare për të favorizuar një subjekt të caktuar zgjedhor. “Në bazë të nenit 117 të Kodit Zgjedhor nuk është paraqitur nga përfaqësuesit e PD-së asnjë dokument zyrtar që të vërtetojë shkeljet ligjore të kryera nga kryetari i komunës së Dushkut”, theksoi kreu i KQZ-së. Rezultati i shpallur nga KZQV-ja e Dushkut është lënë në fuqi nga ana e KQZ-së, duke i cilësuar zgjedhjet të rregullta.   Bufi: PS do votojë kundër hartës elektorale Partia Socialiste është kundër hartës së re elektorale të paraqitur nga ana e Komisionit Qendror të Zgjedhjeve. Një nga anëtarët e komisionit parlamentar bipartizan, socialisti Ylli Bufi, deklaroi dje se PS është kundër ndarjes së re të 100 zona zgjedhore, pasi ato janë antikushtetuese. Sipas Bufit, një ndarje e tillë është në kundërshtim për Kushtetutën, pasi “kriteri për ndarjen e 100 zonave nuk është mbi numrin e përgjitshëm të zgjedhësve, por mbi numrin e atyre që kanë votuar në zgjedhjet e vitit 2003”. “Ky kriter sjell mosvotimin e atyre personave që kanë mbushur moshën 18 vjeç, duke iu mohuar të drejtën e votës”, ka theksuar Bufi. Ndarja e re 100 zonave është depozituar prej disa ditësh në Kuvendin e Shqipërisë.   PDR: Do votojmë kundër projektbuxhetit Demokratët e reformuar nuk do të votojnë projektbuxhetin e qeverisë, për shkak se ai nuk plotëson nevojat më imediate që kërkojnë reformat në Shqipëri. Nënkryetari i kësaj partie, Ferdinand Xhaferri tha dje, se pasi kishin shqyrtuar projektin e qeverisë, PDR ka vendosur të mos e votojë atë, duke e cilësuar si projektbuxhetin e reformave të munguara. Sipas Xhaferrit, ndarja e fondeve në buxhet nuk merr parasysh prioritetet e vitit të ardhshëm dhe ka mangësi të theksuara përsa i takon fushave të shëndetësisë dhe arsimit. Këto dy fusha, konsiderohen vitale nga ana e PDR-së, e cila ka nënvizuar edhe më parë, vërejtjet e saj përsa i takon fondeve të pakta për arsimin. Në këtë mënyrë, në votimin e projektbuxhetit në Kuvend, do të shtohen edhe pesë vota kundër draftit të qeverisë.   Spahia: Ndryshimet në Kod, s’garantojnë zgjedhje të lira Legalistët protestuan dje, në lidhje me ndryshimet në Kodin Zgjedhor, të cilat, sipas tyre, garantojnë dy partitë e mëdha, por jo gjithë spektrin e politikës shqiptare. Kreu legalist, Ekrem Spahia tha se PLL protestonte për procedurat që do të ndiqen në lidhje me numërimin e votave në komisionet zonale. Sipas tij, përjashtimi i partive parlamentare nga ky numërim dhe përqëndrimi i procesit në duart e dy partive të mëdha nuk garanton aspak zgjedhje të lira dhe demokratike. Në lidhje me këtë çështje, Spahia tha se e kishte ngritur si shqetësim edhe në takimin me përfaqësuesin e lartë të OSBE-së, Nikolai Vulçanov.