E Enjte, 19 Gusht 2004 http://www.korrieri.com/

Inerci dhe surprize 

Nje analize politike per ate qe mund te sjelle ne Kampin e Djathte- Levizja e pretendentit per fron dhe nga Kampi i majte -Levizja e Metes. Kjo e fundit ?mund te jete me me fat. Se pari, sepse socialistet deri me tani nuk e kane konsumuar efektin e ndarjes?, argumenton autori

Nga Andi Bushati

Shterpesia e veres si dhe mungesa e nismave serioze politike ka bere qe ditet e fundit te flitet jo pak per dy levizjet me te fundit ne te djathten dhe te majten shqiptare: Ate te pretendentit per fronin mbreteror, Leka Zogu dhe Levizjen Socialiste per Iintegrim te Ilir Metes. Ndoshta koha e njejte e lindjes, nevoja per rinovim e gjithe spektrit politik, si dhe shpresa qe ngerthen bashke me vetveten cdo levizje te re, kane bere qe midis tyre te vihet shenja e barazimit. Jo per filozofine politike, por per rezultatin, qe priten te marrin ne zgjedhjet e ardhshme.

Ne fakt ka nje ndryshim te madh midis levizjes se Zogut te ri dhe asaj qe po perpiqet te ngreje Meta. Sepse rezultati i tyre elektoral pritet te jete diametralisht i ndryshem. LSI ka te gjitha shanset qe te perfundoje si surprize, ndersa levizja mbreterore si nje inerci. Pse? Pasi pavaresisht qellimeve te mira, levizja e Leka Zogut, ka pak gjasa te jete e sukseshsme. Megjithese iniciatori i saj pretendon per nje rol mbi palet, votat e tij do te mblidhen vetem brenda te djathtes. Mire po kjo e djathte e ka kryer procesin e fragmentarizimit te saj. Me pak apo me shume te sukseshem, te gjithe shiizmat kane konfirmuar Partine Demokratike, si motorin politik te se djathtes shqiptare. Ndaj duket se ka pak vend per forca politike, qe mund te mbledhin shume vota ne kete kamp.

Ndoshta ate qe po ben sot, Leka Zogu e konsumoi kur konkuroi per referendumin e ?97. Atehere Berisha e kish perdorur aq keq pushtetin, sa mund te pritej nje surprize politike brenda te njejtit spekter. E njejta situate e favorshme mund te ishte edhe viti 2000- 2001, kur Berisha tregoi se po keqperdorte edhe opoziten. Kohe nga e cila perfituan reformatoret e Pollos. Leka Zogu i humbi ne menyra te ndryshme te dyja keto mundesi. E bashke me to, edhe shansin per te qene nje Simeon shqiptar. Ndaj levizja e tij nuk mund te mbetet me teper se nje inerci, nje ndarje me shume brenda te djathtes.

Ndoshta per te njejtat arsye, LSI mund te jete me me fat. Se pari, sepse socialistet deri me tani nuk e kane konsumuar efektin e ndarjes. Dhe sot, 13 vjet pas krijimit, kur Partia Socialiste nuk ka me si qellim grupimin nen cadren e mbrojtjes nga revanshizmi antikomunist i Berishes, por te tjera interesa, dalja e nje grupimi te ri mund te kete efektin e surprizes. Ky efekt mund te jete edhe me i madh, pas konsumimit moral, zvetnimit politik dhe moseficences qeverisese qe kane treguar ne dy mandate socialistet. LSI po e pergatit shiizmen e saj pikerisht ne ditet me te keqia te pushtetit socialist, kur PS ka humbur mbi 270 mije vota qe nga ?97 dhe 180 mije vota qe nga 2001. Ndaj Meta dhe te tijte kane shume me teper shanse sesa levizja e Leka Zogut me te cilen shpesh i barazojne gabimisht. Varet nga ata nese do t?i shfrytezojne apo jo.