20/04/2004 http://www.shekulli.com.al/

Kryeministri në interpelancë për pronat e çamëve. "Ka vullnet dypalësh që
shtetasit të gëzojnë pronat në Shqipëri ose Greqi". Ligji i Luftës nuk
ekziston".

Nano: Çamët, me Greqinë do të gjejmë zgjidhje ligjore

Anila Rama

TIRANE- Kryeministri Fatos Nano deklaroi dje në Parlament se çështja e
pronave të popullsisë çame të vendosura nën sekuestro konservative nga
shteti grek, do të zgjidhet nëpërmjet kontakteve në nivele qeveritare të të
dy shteteve. Kreu i qeverisë, i thirrur dje në një seancë pyetjesh nga
deputeti i PLL-së, Eqerem Spahia, tha se ekzistonte një vullnet dypalësh që
qytetarët e të dyja vendeve të gëzonin pronat respektive si në Greqi dhe në
Shqipëri. Ai shtoi se pavarësisht se pyetjet drejtoheshin për rezolutën e
miratuar në qershor të vitit të kaluar nga Parlamenti, disa prej tyre dilnin
jashtë përmbajtjes së këtij dokumenti. "Ekziston një vullnet dypalësh që
shtetasit e të dyja vendeve të gëzojnë pronat në Greqi ose Shqipëri. Kjo
gëzon mbështetjen e të dy qeverive për të gjetur një zgjidhje të konceptit
legal", -tha Nano pa sqaruar detaje dhe pa caktuar afate kohore. Ndërkaq ai
vijoi duke pohuar se marrëdhëniet mes dy vendeve cilësoheshin strategjike,
dhe nuk do të mbaheshin peng nga probleme të trashëguara nga historia, ose
që sipas tij janë të krijuara nga lobingje të caktuara. Kryeministri Nano
sqaroi se raportet bilaterale, nuk do të dominoheshin nga konfliktet dhe kjo
nuk ishte në interes të shqiptarëve.
Ligji i Luftës
Ai ripërsëriti sërish se pala greke ka pranuar se ligji i Luftës nuk
ekziston. "Qeveria greke ka deklaruar se " ligji i Luftës nuk ekziston,
është zgjidhur juridikisht dhe politikisht. Nga pala greke për sekuestrot
konservative të vendosura mbi pronat e popullsisë çame, është rënë dakord që
të shihen mundësitë për gjetjen e mekanizmave ligjorë. Është rënë dakord që
të ngrihet grup pune nga të dyja palët që të punojnë për të gjetur zgjidhje"
, -vijoi Nano. Ai sqaroi se tashmë qeveria shqiptare kishte ngritur grupin e
ekspertëve me përfaqësues nga Ministria e Jashtme, Ministria e Drejtësisë,
Ministria e Financave, Fakulteti i Drejtësisë dhe Dhoma e Avokatëve, por për
shkak se Greqia ndodhej në prag të zgjedhjeve, nuk ka pasur asnjë kontakt.
Kreu i ekzekutivit tha se grupi i punës do të shqyrtojë të gjitha procedurat
për të krijuar lehtësi legale për qytetarët çamë të interesuar për këtë
çështje. Ndërkaq deputeti Spahia tha se kryeministri kishte anashkaluar
thelbin e problemit. Ai shtoi se ishte skandaloze që një dokument i miratuar
në seancë plenare ishte transformuar, duke kërkuar që të zbardhej seanca e
miratimit të Rezolutës për marrëdhëniet Shqipëri-Greqi. "Nga rezoluta e
publikuar është hequr pjesa për problemin e pronave, sipas variantit të
miratuar në Parlament", -tha Spahia. Ai tha se Greqia dispononte dokumente,
të cilat vërtetonin ekzistencën e Ligjit të Luftës. Sipas Spahisë nën
sekuestro konservative nga ky ligj që nga 1940, ndodhej edhe ish -ambasada e
Shqipërisë në Greqi në kohën e Mbretërisë, ai tha se shteti shqiptar duhet
të luftonte për të marrë pronën që i përket, sepse ka shpenzuar 3.4 milionë
euro për të blerë selinë e ambasadës. Pas këtij qëndrimi të mbajtur nga
Spahia, kryeministri Nano tha se e konsideronte si informacion alternativ.

---------------------------------

Faqe 7 - Politikë
20Prill 2004 http://www.panorama.com.al/

Mosuksesi i protestave sjell dëshpërim mes aleatëve të Berishës. Nisin
replikat me PD

Përçahet e djathta se nuk "ik Nano"
Lesi: Në 24 orë si kreu i opozitës, do rrëzoja qeverinë

Elisabeta Ilnica

Rryma të ashpra po përshkojnë lëvizjen "Nano, ik" të opozitës. Debati mbi
radikalizimin e protestave, rrezikon të përçajë sërish të djathtën.

Alarmi është vënë nga vetë krerët opozitarë, të cilët paralajmërojnë
fraksione të lëvizjes antiqeveritare. Ndërkohë që PD-ja nuk lëshon pe nga
tubimet paqësore në të gjitha anët e vendit, të vegjlit kryesisht
këmbëngulin për një "finale" të madhe, duke rrëzuar në një ditë të vetme
Kryeministrin Nano. Tashmë, pika e përbashkët e opozitës ka mbetur vetëm
kërkesa për zgjedhje të lira e të ndershme, kurse rrugët për të arritur këtë
qëllim, duket se janë krejt të ndryshme. Por, e gjithë kjo "çorbë", mund të
parandalohet në rast se ndërhyn Presidenti Moisiu. Ai është i vetmi person
që ka të drejtën kushtetuese për të afruar apo larguar deri në tre muaj
datën e zgjedhjeve. Pra, nisur nga presionet e opozitës për të rrëzuar
qeverisjen, por dhe nga ndërkombëtarët për të shmangur rrëmujat, atëherë e
vetmja rrugëzgjidhje që i mbetet Moisiut, është zhvendosja e zgjedhjeve nga
qershori 2005 në mars të këtij viti.

"Rebelët" e djathtë
Radikalët e protestave kanë arritur deri aty sa i kanë kërkuar "skeptrin"
liderit demokrat vetëm për 24 orë, me qëllim eliminimin e qeverisjes
aktuale. "Në qoftë se për një ditë Berisha do të më jepte drejtimin e
opozitës, unë do të rrëzoja Nanon menjëherë me të gjitha mjetet demokratike"
, ka garantuar kreu demokristian, Nikollë Lesi, i cili ka bërë edhe
paralajmërimin për fraksione të opozitës brenda opozitës. Sipas tij, nëse
Nano nuk largohet brenda 31 majit, atëherë pas kësaj date e djathta mund të
përçahet në disa grupime brenda saj. Ndërprerjen e protestave dhe kalimin në
një strategji të re të opozitës, e kërkon edhe kryetari i PDRn-së, Dashamir
Shehi, që njëkohësisht sugjeron që e djathta të organizohet politikisht. Në
këtë "korridor" gjendet edhe shefi legalist, Ekrem Spahia, që pavarësisht se
vlerëson lëvizjen në rrethe, propozon që stafetën kësaj here ta marrin vetë
deputetët, duke u ngujuar në parlament.

Mbështetësit e lëvizjes
"Fanatikët" pro "Nano, ik", janë funksionarët e lartë në Partinë
Demokratike. Kështu, nënkryetarja demokrate, Jozefina Topalli, këshillon që
opozita të mos nxitohet me radikalizimin e protestave. Sipas saj, mitingjet
nuk kanë patur asnjëherë si qëllim kryesor zgjedhjet e parakohshme, por
garantimin e tyre. Ndërkohë, Sekretari i Përgjithshëm i PD-së, Ridvan Bode,
konsiston në krijimin e një qeverie të përkohshme, por fatin e protestave ia
lë në dorë tryezës opozitare. Në këtë linjë është radhitur tashmë edhe
aleancisti Preç Zogaj, edhe pse ka qenë një ndër ideatorët e radikalizimit
të protestave. Ndërsa, kreu republikan, Fatmir Mediu, shprehet se "protesta
duhet intensifikuar edhe me kontakte të tjera, siç është reforma zgjedhore".

Propozimet e partive të djathta

PD- Protesta me karakter social në çdo cep të Shqipërisë kundër
Kryeministrit Nano
PR- Protestat le të vijojnë, por paralelisht me to të arrihet një konsensus
për zgjedhjet
PDK- Të rrethohet Kryeministria, të bllokohen rrugët, protestuesit të ulen
në shesh deri në rrëzimin e Nanos
PLL- Deputetët të marrin vetë "timonin" e protestave, duke u ngujuar në
Kuvend
PDRn- Të ndërpriten menjëherë protestat, të rihartohet platforma e djathtë
politike dhe Kodi Elektoral


Reagimet

Jozefina Topalli
Mitingjet nuk kanë patur asnjëherë si qëllim kryesor zgjedhjet e
parakohshme, por garantimin e tyre. Ne kemi arritur të marrim pikët
maksimale qoftë nga ndërkombëtarët, apo vetë qytetarët dhe nuk mund të
ndalojmë në këto momente, ndërsa në fund të majit kjo lëvizje do të bëhet
edhe më e fortë.

Nikollë Lesi
Në qoftë se për një ditë Berisha do të më jepte drejtimin e opozitës, unë do
të rrëzoja Nanon menjëherë me të gjitha mjetet demokratike. Nëse Nano nuk
largohet brenda 31 majit, atëherë pas kësaj date, e djathta mund të përçahet
në disa grupime brenda saj.

Dashamir Shehi
Duhet pregatitur një platformë e re politike. Realisht, duhet të fusim në
popull idenë e alternimit të qeverisjeve, pra duhet t'i afrohemi programit
elektoral. Dhe, së dyti, duhet të krijojmë një Kod të tillë Elekoral, që t'i
japë një mundësi gare të barabartë gjithë forcave opozitare.


-------------------

Lundi, Avril 19, 2004 Signalé: 10:58 PM

Nano: Amélioration sensible des droits des Albanais en Grèce

TIRANA, 19 avr /ATA/ Par K.Pinderi/ - Le Premier ministre
albanais Fatos Nano a déclaré ce lundi, durant la séance
plénière, qu'"on constate une amélioration sensible des droits
des émigrés albanais en Grèce".
Répondant à une interpellation faite par le député Ekerem
Spahia, M.Nano a considéré cette situation "comme une réussite
conformément à l'esprit du Traité d'amitié Albanie-Grèce, adopté
en 1996".
Selon le Premier ministre, "quelque 80% des émigrés
albanais dans le pays voisin ont été légalisés". En se référant
aux informations officielles, M.Nano a affirmé que "les tensions
et la discrimination des albanais en Grèce sont tranquillisées".
Interrogé sur le travail du gouvernement sur l'attenuation
des effets de 'la loi de guerre' avec l'Albanie, le Premier
ministre a dit que "les premières mesures ont été entreprises dès
l'adoption du Traité d'amitié en 1996. Selon ce traité, la Grèce
est engagée à lever les restrictions sur les propriétés des
ressortssants albanais.
"La Grèce et l'Italie sont les avocats idéaux de l'Albanie
Pour son intégration", a dit M.Nano. "Les relations entre les
deux pays n'ont pas de problèmes".
Quant à l'enseignement des enfants albanais en Grèce, il a
dit que le ministère de l'Education a assuré des textes en
albanais pour tous les éleves albanais dans ce pays. M.Nano a
mentioné l'initiative pour l'ouverture de 120 écoles privées pour
les Albanais résidents en Grèce./lola/bv