20102004

Legalistet: Per ceshtjen came, rishtazi per votim ne Kuvend

Legalistet, nepermjet grupit parlamentar te Levizjes per Zhvillim Kombetar (LZHK), do te kerkoje rifutjen per votim ne Kuvend te projekt-rezolutes per ceshtjen came. Lajmi ne fjale eshte bere i ditur nga Kryetari i PLL, Eqerem Spahiu. Sipas tij, deri me sot qeveria greke ishte munduar ne menyre te kamufluar, te mbulonte ose anashkalonte ceshtjen came, por edhe qeveria shqiptare, dhe Kryeministri Fatos Nano, here pas here, jane deklaruar se marredheniet Shqiperi-Greqi jane te shkelqyeshme. "Nuk mund te kemi marredhenie te shkelqyeshme me Greqine, pa u abroguar Ligji i Luftes, si dhe pa u zgjidhur ceshtja e pronave te popullsise shqiptare came. Pa folur ketu per keqtrajtimin e emigranteve shqiptare ne Greqi qe eshte teme me vete", ka nenvizuar Spahiu. Sipas tij, deklarimet e hapura te Presidentit Stefanopullos per ceshtjen came, nxoren bllof, jo vetem qeverine greke, por edhe qeverine shqiptare e Kryeministrin Nano, te cilet here pas here deklaronin se problemet do te gjejne zgjidhje, pasi eshte nenshkruar ne vitin 1996, Traktati i Miqesise dhe Bashkepunimit mes Shqiperise dhe Greqise, si dhe po vazhdohet me negociata dypaleshe ne nivel ekspertesh per t'i dhene zgjidhjen e drejte juridike problemit te pronave te popullsise came ne Greqi. Spahiu nenvizon se mosmiratimi ne Kuvendin e Shqiperise te projekt-rezolutes per ceshtjen came nga ana e maxhorances socialiste, ishte nje akt i turpshem dhe nenshtrues ndaj politikes greke.

20/10/2004 http://www.shekulli.com.al/

Kreu i Zyrës për Mbrojtjen e Qytetarëve tha se kryeministri ka fyer shtetasit që pretendon se i qeveris

Spahiu: Nano, fatkeqësia e radhës për shqiptarët

A.Rama

TIRANE- Kreu i lëvizjes “Për mbrojtjen e qytetarëve”, Kreshnik Spahiu, e konsideroi shkelje të rëndë të etikës protokollare qeveritare, mungesën e kryeministrit Fatos Nano Ditën e Zisë kombëtare. Duke komentuar pamjet filmike të transmetuara nga “TV Klan”, ku shfaqej kryeministri Nano ditën e shtunë duke festuar në një buzuk të Greqisë, ndërkohë që në Malishevë të Kosovës, kryhej varrimi i 15 gjimnazistëve të aksidentuar në veri të vendit, Spahiu tha se Nano kishte fyer shtetasit e tij që ai pretendon se i qeveris. “Nuk është e panjohur për realitetin e politikës shqiptare. Ka shumë lidershipë shqiptarë që janë shkëputur nga kontaktet me qytetarët shqiptarë dhe rasti i kryeministri Nano manifeston qartë se kemi të bëjmë me një denigrim moral të tij. Ky rast përbën diçka specifike se u provua dhe u faktua se kryeministri në ditën e zisë kombëtare bënte harem tek vendi fqinj”, -tha Spahiu. Sipas tij kjo ngjarje dëshmon se Nano është një rast i paprecedent në politikën ballkanike dhe fatkeqësia e radhës për shqiptarët. “Çdokush ka bindjen se kryeministri shqiptar dhe politikanët e tjerë që rrinë rrotull tij e bëjnë shpesh një gjë të tillë, vetëm se këtë radhë kryeministri u filmua nga mediat e vendit fqinj. Ai ka shkelur rëndë standardet e etikës protokollare dhe etikës qeveritare. Ka pasur detyrimin moral etik dhe ligjor që të respektojë dhimbjen dhe zinë e popullit që pretendon se qeveris. Për këto arsye do të thoja se Nano është fatkeqësia e radhës për historinë e popullit shqiptar dhe rast i paprecedent në politikën rajonale”, -tha Spahia.

-------------------

Kreu i Kuvendit kërkon zgjidhjen e çështjes çame. Berisha: Pronat të sanksionuara në traktatin e miqësisë së ‘96

“Pronat e çamëve, të zgjidhen juridikisht”

Sërish kundërshti mes presidentit grek dhe përfaqësuesve të lartë të shtetit e politikës shqiptare

N.Perndoj

TIRANE- Edhe pse një ditë më parë presidenti grek, Kostandinos Stefanopulos, deklaroi se nuk ekziston problemi çam, dje politikanët dhe zyrtarët e lartë shqiptarë janë shprehur se çështja e pronave të çamëve duhet të zgjidhet në rrugë ligjore dhe sipas marrëveshjeve të nënshkruara mes dy palëve. Pas takimeve të zhvilluara, dje në hotel “Sheraton”, kryetari i Kuvendit, Servet Pëllumbi ka deklaruar se çështja e çamëve duhet të zgjidhet përmes dialogut dhe rrugëve ligjore, ndërsa lideri i opozitës, Sali Berisha i është referuar traktatit të miqësisë së nënshkruar në vitin 1996 mes tij dhe presidentit grek, ku parashikohet bashkëpunimi mes dy qeverive për zgjidhjen e problemeve të pronësisë të ngelura pezull.
Pëllumbi
Takimin e parë të zhvilluar me përfaqësuesit e politikës, Stefanopulos e ka zhvilluar me kryetarin e Kuvendit. Ky i fundit vlerësoi dje pas takimit me presidentin grek, Konstantinos Stefanopulos, angazhimin e Greqisë për përshpejtimin e procedurave të legalizimit të emigrantëve shqiptarë. Lidhur me çështjen e pronave të shtetasve shqiptarë në Greqi dhe atyre grekë në Shqipëri, Pëllumbi sqaroi se ky problem nuk mund të cënojë marrëdhëniet mes dy vendeve. Nga ana e tij, presidenti Stefanopulos e cilësoi “strategjik” bashkëpunimin dypalësh dhe theksoi kontributin e Greqisë në procesin e integrimit të Shqipërisë në strukturat euroatlantike. “Kontributi ynë ndaj jush është ndihmesë për vetë Greqinë dhe progresin e të gjithë rajonit”, -tha ai. Stefanopulos theksoi se, “duhet të shohim drejt një të ardhmeje më të mirë e të merremi me problemet e qenësishme të së sotmes dhe jo me ato të së shkuarës”.
Ndërsa në takimin e zhvilluar me liderin e opozitës, Sali Berisha, ky i fundit premtoi zgjidhje juridike, për çështjen e pronave të çamëve. Pas takimit të zhvilluar me presidentin grek, Stefanopulos, kryetari i PD-së, Sali Berisha deklaroi se, “me presidentin Stefanopulos ne kemi rënë dakord që të gjitha problemet e pronësisë në të dyja anët të trajtohen sipas procedurave juridike dhe këto janë të sanksionuara në traktatin, që ne kemi nënshkruar së bashku. Një gjë është e sigurtë, që shqiptarët kanë parë tek presidenti Stefanopulos një mik të vendosur si shqiptarët në Shqipëri, ashtu edhe qindra mijëra shqiptarë në Greqi”. Kryetari i demokratëve shtoi se, kreu i shtetit helen mbetet një arkitekt i vendosur i ndërtimit të marrëdhënieve të miqësisë dhe bashkëpunimit mes dy vendeve. “Unë shpreha mirënjohjen time për kontributin e madh që presidenti Stefanopulos ka dhënë gjatë këtyre viteve në miqësinë, bashkëpunimin mes dy vendeve tona. Ne kemi pasur një raport miqësor në të gjitha takimet e mëparshme. U takuam si dy miq të vjetër dhe jemi të bindur se e ardhmja e marrëdhënieve shqiptare dhe greke është e shkëlqyer”,- tha ai.

20 Tetor 2004 http://www.kohajone.com/

NANO-STEFANOPULOS, "HARROJNE" CAMET

Ceshtja came krejtesisht e anashkaluar gjate takimit qe kryeministri Fatos Nano zhvilloi dje me presidentin e Greqise, Kostandinos Stefanopulos. Keshtu gjate ketij takimi te dy bashkebiseduesit e pane me te arsyeshme qe te trajtonin ne takimin e tyre informacionin per sektoret prioritare te shkembimeve dhe te partneritetit strategjik, qe ekziston midis Shqiperise dhe Greqise, i cili sipas kryeministrit Nano perben nje element jetik per procesin e integrimit europian te vendit. Ne kete menyre, takimi Nano-Stafanopulos, la menjane nje ceshtje jo pak themelore, e pikerisht ceshtjen came. Kujtojme se vetem dy dite me pare presidenti grek, Stefanopulos, zhvilloi nje takim me kreun e shtetit shqiptar, Alfred Moisiu, ne te cilin ceshtja came perbente nje nga ceshtjet kryesore te kesaj bisede. Madje presidenti Moisiu gjate prononcimit te tij beri me dije se sebashku me homologun e tij grek kishi rene dakord per zgjidhjen urgjente te "ceshtjes came", mbeshtetur kryesisht sipas parimit te se drejtes juridike. Nderkohe qe reagimi i presidentit grek, Stefanopulos, ishte ne kundershtim me ate cfare pretendoi homologu i tij shqiptar, duke e cilesuar ceshtjen came si nje kapitull te mbyllur. "Nje problem i tille tashme s'ekziston dhe detyrimisht ai duhet te shkoje drejt shuarjes. Per mendimin tim ceshtja came eshte mbyllur qysh ne vitin 1944", u shpreh Stefanopulos lidhur me kete ceshtje. Ardhur serish tek takimi Nano-Stefanopulos, theksojme se edhe pse kjo ceshtje nuk eshte prekur ne kete takim, vete kryeministri Nano ne takimin qe pati ne muajin maj te ketij viti ne Greqi me kryeministrin Karamanlis, mori premtimin e ketij te fundit per zgjidhjen e ceshtjes came, ne respektim te te drejtave, te drejta te cilat burojne nga Konventa Nderkombetare. Madje presidenti Moisiu, duke u bazuar ne kete premtim u shpreh se "ne mendojme sikurse kane rene dakord kryeministrat, te fillojne sa me pare negociatat dypaleshe ne nivel ekspertesh per t'i dhene zgjidhjen e drejte juridike problemit te pronave te popullsise came dhe te shqiptareve ne Greqi si dhe te atyre greke ne Shqiperi. Rame dakord qe keto probleme te shkojne drejt zgjidhjes se tyre". Megjithate vlen te permendet se gjate takimit presidenti grek, Stefanopulos, duke pergezuar dhe shprehur vleresim per progresin dhe ndryshimet e prekshme ne Shqiperi, i cilesoi marredheniet mes dy vendeve mjaft te rendesishme, duke u shprehur se "marredheniet me Shqiperine kane karakter strategjik". Madje presidenti grek i shprehu kryeministrit Nano mbeshtetjen per integrimin e shpejte te Shqiperise ne Bashkimin Europian. "Per integrimin tuaj, ju do te keni mbeshtetjen tone te gjithanshme, te vendosur dhe te panderprere", vuri ne dukje Stefanopulos. Nderkohe qe kryeministri Nano gjate ketij takimi vleresoi dhe nxiti hapat qe jane bere ne funksion te legalizimit dhe normalizimit te qendrimit te emigranteve tane ne Greqi, duke theksuar se "ashtu sikurse minoriteti grek ne Shqiperi dhe emigrantet shqiptare ne Greqi, duhet te konsiderohen si ura te cmuara miqesie dhe bashkepunimi mes dy vendeve". Gjithashtu gjate takimit, kryeministri Nano dhe presidenti grek, Stefanopulos, u ndalen edhe ne bashkepunimin ekonomik mes dy vendeve. Ata vleresuan hapat e deritanishem, si dhe ndane te njejtin mendim per nxitjen me tej te bashkeveprimit ne kete drejtim.

Oli Xhilaga

Faqja 4 - POLITIKE

Tetor 20, 2004

Në takimet e ditës së djeshme nuk u vërejt një qëndrim radikal

Grekët tërhiqen: Çamëria, zgjidhja me rrugë ligjore

Denion Ndrenika

Kryetari i shtetit grek, Kostas Stefanopulos ka pranuar se ekziston çështja e pronave të shqiptarëve në Greqi. Pavarësisht se i është shmangur përdorimit të fjalës "çam", Stefanopulos, përkundër qëndrimit të ashpër të një dite më parë, pranoi se dialogu dhe ligji duhet ta zgjidhin problemin e pronësisë.

LAJMI

Çështjet e pronave të shtetasve shqiptarë në Greqi dhe anasjelltas duhet të ndiqen në rrugë ligjore dhe me dialog". Deklarata e sotme e presidentit grek, ishte krejt e ndryshme nga ajo e bërë një ditë më parë. Këtë deklaratë, kryetari i shtetit fqinj, e bëri pas takimit të djeshëm me kryetarin e Kuvendit shqiptar Servet Pëllumbi. Nga ana e tij Pëllumbi iu referua ligjit. "Kërkesa për njohjen e pronave reciproke është kërkesë e ligjshme që duhet të gjejë rrugën e zgjidhjes sipas ligjit" tha Pëllumbi. Qëndrimet për Çamërinë, ishin të ndara me Moisiun, pasi Stefanopulos dëshmoi se Greqia mendonte se çështja çame ishte harruar. Por, në bisedimet e djeshme, përpos kësaj çështjeje, që lidhet me dëbimin e shqiptarëve etnikë nga Çamëria, Pëllumbi e Stefanopulos treguan vullnetin për marrëdhënie të mira e të pacënueshme nga problemet e ndryshme. Në këtë kuadër janë përfshirë çështjet e ligjërimit të emigrantëve, pakicave, lëvizjes së lirë dhe në politikat e Greqisë, si anëtare e përkohshme në dy vitet e ardhshëm e Këshillit të Sigurimit. Bisedimet me Nanon kanë pasur emërues të përbashkët pikërisht nivelin e mirë të marrëdhënieve mes të dy vendeve, paçka se një ditë më parë, barra e problemit të çamëve i ishte kaluar përgjegjësisë së qeverive. Nano shprehu angazhimin për vijimin e bashkëpunimit, që sipas tij mbështet "nxitje të rëndësishme të të gjitha marrëdhënieve prioritare që zhvillojmë dhe nismave në rajon dhe në procesin e demokratizimit të Ballkanit, garanci për të drejtat e pakicave, të lirisë së besimit, të pronës dhe arsimimit".

Takimi me Berishën
Kreu i selisë blu Sali Berisha tha se gjatë takimit me presidentin grek Stefanopulos është rënë dakort që të gjitha problemet e pronësisë në të dyja anët të trajtohen sipas procedurave juridike të sanksionuara në traktatin e nënshkruar mes tyre. "Një gjë është e sigurtë që shqipëtarët kanë pasur një mik të vendosur, si shqiptarët në Shqipëri dhe qindra-mijëra shqiptarë në Greqi", u shpreh Berisha. Ai e cilësoi presidentin grek si një nga personalitetet më të shquara në krijimin e marrëdhënieve miqësore mes të dy vendeve. "Gjatë gjithë periudhës së tij si president, mbeti një arkitekt i vendosur i ndërtimit të marëdhënieve miqësore midis dy vendeve tona",-tha Berisha. Lideri demokrat u shpreh se takimi ka qenë mes miqsh të vjetër, duke nënvizuar se marrëdhëniet mes dy vendeve do të jenë miqësore edhe në të ardhmen.

Rama i dorëzon çelësin
Funksionimi i pushtetit vendor dhe mundësitë e bashkëpunimit mes qendrave të mëdha Tiranë dhe Athinë ka qenë më shumë temë bisede e presidentit grek me kryetarin e Bashkisë së kryeqytetit, Edi Rama. Një çelës të artë për kreun grek nga Rama dhe një disk me firmën e e Stefanopulosit, kanë qenë dhuratat e shkëmbyera.

Traktati i Miqësisë, zgjidhja për problemin çam

Referenca e të gjitha palëve në takimet e presidentit të Greqisë në Shqipëri, mbështetej te zgjidhja e problemit të pronësisë sipas Traktatit të Miqësisë, Shqipëri-Greqi të viti 1996. Ky traktat është nënshkruar nga vetë Stefanopulos me presidentin e atëhershëm të Shqipërisë, Sali Berisha. Çështja e pronave të çamëve të dëbuar nga Greqia gjatë viteve '40-të, emigrantët, respektimi i të drejtave të pakicës greke dhe Kosova, kanë qenë temat thelbësore të bisedimeve të Stefanopulosit në Tiranë. Kryeministri Nano sakaq, ka vlerësuar rolin e Greqisë në proceset integruese të Shqipërisë dhe po ashtu ka thënë se çështjet kryesore të biseduara lidheshin me nxitjen e rëndësishme për të gjitha marrëdhëniet, që qeveria e Tiranës i cilësonte si "prioritare". Këto, sipas Nanos, duhet të zhvilloheshin, sikurse nismat në rajon dhe për procesin e demokratizimit të Ballkanit. Garancia për të drejtat e pakicave, të lirisë së besimit, të pronës dhe arsimimit gjithashtu janë diskutuar në takime, ku pala greke thekson sidomos këtë të fundit. Vërehet kjo, në deklaratat e drejtuesve të pakicës greke në Shqipëri, Jani Jani, kryetar i shoqatës "Omonia" dhe kryetarit PBDNJ-së, Vangjel Dule pas takimeve me presidentin grek.

Stefanopulos: S'ka problem çam

Një ditë më parë, kreu i shtetit grek ishte i ashpër në qëndrimin e tij për Çamërinë, kur u shpreh se "është e mbyllur përfundimisht çështja çame. Çështja çame është e harruar. Nuk ekziston nevoja e zgjidhjes së problemit çam dhe nuk kemi përse t'u kthehemi sërish pretendimeve për këtë çështje". Kreu i shtetit grek shokoi shoqërinë shqiptare me këtë deklaratë krejt të papritur. "Nuk kam dëshirë të kujtoj të kaluarën që i përket vitit 1944. Greqia ka hequr dorë nga ide dhe pretendime të tilla" tha Stefanopulos. Me orgjinë nga Shqipëria, fshati Dhrovjan, të cilin e viziton sot, Stefanopulos, tha pas takimit me presidentit Moisiu për këtë çështje se "unë nuk e di, se cilat janë problemet politike mes qeverive".

-------------------------------------------------------------

Faqe 6 - Politikë

Kryeministri Nano pritet ta propozojë së shpejti te presidenti Moisiu kandidaturën

Sina, kandidat për kreun e Pronave

Kush është kandidati për kryetar të Komisionit të Pronave

Bledar Hoti

Sokrat Sina është një nga kandidatët më potencialë për postin e kreut të ri të Komisionit Shtetëror për Kthimin e Pronave.

Sipas burimeve, kryetari aktual i Komitetit Shtetëror të Kthimit të Pronave, Sina, pritet të jetë një nga emrat më të mundshëm për t’u propozuar te presidenti Moisiu si kandidaturë për postin e ri të kreut të këtij komisioni. Sipas burimeve pranë qeverisë dhe PS-së, Sina pritet të jetë një nga kandidaturat e mazhorancës socialiste për këtë post. Emri i tij pritet të jetë së shpejti edhe pjesë e diskutimeve politike, mes pozitës dhe opozitës, përpara se kryeministri ta paraqesë atë për dekretim te presidenti Alfred Moisiu. Sina, që nga korriku i vitit 2003 ka mbajtur postin e kryetarit të Komitetit Shtetëror të Kthimit të Pronave dhe tani pritet të ripropozohet, pasi institucioni që ai drejton do të ketë një përbërje të re, pas miratimit të ligjit të ri “Për kthimin dhe kompensimin e pronave”. Ai ka një eksperiencë të madhe në fushën e bujqësisë dhe është lektor në disa universitete evropiane.
Komisioni dhe emrat e opozitës

Në bazë të nenit 16 të këtij ligji, Komisioni i Kthimit të Pronave përbëhet 5 anëtarë. Në këtë ligj do të përdoret formula 2+2+1, ku dy anëtarë do t’i ketë opozita, dy mazhoranca dhe anëtari i pestë, që do të jetë kryetar i këtij komiteti, do të caktohet nga kryeministri, i cili e paraqet për dekretim te presidenti. Pas këtij dekretimi, kreu shtetit paraqet kandidatin për kryetar për miratim në Kuvend. Ndërkohë që PD-ja ka shpallur dy emrat e saj për këtë komision. Ylli Asllani dhe Agim Toro janë dy kandidatët e opozitës për këtë post. Ndërkohë që për kreun e këtij komisioni pritet të zhvillohen negociata politike mes PS-së dhe PD-së, në mënyrë që kandidatura e Nanos që do të paraqitet te Moisiu të jetë sa më konsensuale. Për këtë po zhvillohen negociata mes Ruçit dhe Topit, si dy krerët e grupeve parlamentare të pozitës dhe të opozitës. Sekretari i Përgjithshëm, Ruçi, sipas burimeve, ka hedhur për diskutim emrin e Sinës për këtë post dhe është në pritje të marrjes së një konfirmimi, nëse demokratët janë pro ose kundër emrit të tij.

Kush është Sokrat Sina

Datëlindja: 10 nëntor 1956
Vendlindja: Vlorë
Kombësia: Shqiptare
Statusi civil: I martuar, me dy fëmijë
Korrik 2003 dhe në vazhdim: Kryetar i Komitetit Shtetëror të Kthimit dhe Kompensimit të Pronave ish-Pronarëve, Këshilli i Ministrave, Tiranë. Lektor i jashtëm në disa universitete evropjane.
2000 – 2003: Profesor i asociuar (Oberasistent) dhe drejtues i grupit shkencor “Roli i proceseve abiotike në ciklin e fosforit dhe metaleve të rënda në tokat bujqësore”, Katedra e të Ushqyerit të Bimëve, Departamenti i Agronomisë dhe Shkencave të të Ushqyerit, Shkolla Politeknike Federale e Zyrihut (ETH-Z), Zvicër.
1995 – 2000: Lektor, Katedra e të Ushqyerit të Bimëve, Departamenti i Agronomisë dhe Shkencave të të Ushqyerit, Shkolla Politeknike Federale e Zyrihut (ETH-Z), Zvicër.
1999 – 2000: Qëndrim Sabatik në Zelandën e Re (Soil, Plant & Ecological Science Division, Lincoln University) dhe në Shtetet e Bashkuara të Amerikës (USDA ARS, Pasture Systems and Watershed Management Research Laboratory, University Park).