21042004pll

21 Prill 2004 http://www.shekulli.com.al/

Spahia: Greqia, 60 vjet sekuestro mbi ish-ambasadën shqiptare në Athinë

A.Rama

Partia Lëvizja e Legalitetit, disponon të gjitha dokumentet që vërtetojnë pronësinë e shtetit shqiptar mbi selinë e ish -ambasadës shqiptare në Greqi, gjatë kohës së Mbretërisë së Ahmet Zogut. Kryetari i PLLS-së tha dy ditë më parë në Parlament se godina e ambasadës, ishte vënë nën sekuestro konservative pas miratimit nga Greqia të Ligjit të Luftës, duke u kthyer në një muze nga shteti grek. Spahia tha se për mbi 60 vjet selia e ish- ambasadës ishte bllokuar, dhe shteti shqiptar nuk kishte kurajo të kërkonte pronën e tij. “Përveç pronave të popullsisë çame, në Greqi ka edhe prona të tjera të shqiptarëve dhe të shtetit shqiptar, që janë nën sekuestro. Unë mund t’ju tregoj ju, dhe të gjithë shqiptarëve, që një nga
këto prona të mbajtuara nën sekuestro, është edhe godina, e cila ka qenë ambasada e Mbretërisë Shqiptare në Greqi. Ndërsa sot është kthyer në një muze prej të cilit shteti grek vjel të ardhura të pandërprera.
Pra, ky ka qenë serioziteti dhe autoriteti i shtetit shqiptar në shërbimin diplomatik dhe imazhin politik. Ndërsa shteti i sotëm, nuk e ka kurajon të kërkojë pronën e tij, që t’i shërbejë sipas funksionit për të
cilin është ndërtuar”, -tha Spahia. Kjo është hera e parë që bëhet publike ekzistenca e një ndërtese të tillë të bllokuar nga shteti grek. Aktualisht qeveria shqiptare ka shpenzuar 3.4 milionë euro për të blerë godinën e re të ambasadës sonë në Greqi, e vendosur në një nga lagjet më të pasura të Athinës.
-------------------

I lirë dhe avokati Ylli Kosova, kundrejt 30 mijë eurove. Gjykata lë në burg pa afat agjentin doganor dhe dy të tjerë

Shefi i Tatimeve, i lirë për 60 mijë euro

Llambi Kallço

Në foto: Ish-ambasada shqiptare në Athinë në kohën e mbretit Zog, e cila është vënë në sekuestro konservative nga shteti grek

DURRËS - Drejtori i pezulluar i tatim-taksave të Durrësit, ndaj të cilit dy ditë më parë u mor masa e arrestit nën akuzën e kontrabandës së mallrave të akcizës është lënë dje i lirë përkundrejt garancisë pasurore prej 60 mijë eurosh. Kjo masë sigurie e kërkuar nga prokurori i çështjes, Ferdinad Elezi, u mbështet nga trupi gjykues i gjykatës së Durrësit, i cili i dha lirinë drejtorit të pezulluar të tatim- taksave të Durrësit, Ramazan Myrto, përkundrejt garanacisë pasurore. Gjykata e Durrësit ka dhënë dje sipas kërkesës së prokurorisë dhe vendimin për 4 personat që u arrestuan se bashku me Myrton. Kështu avokati Ylli Kosova është lënë i lirë përkundrejt garancisë prej 30 mijë eurosh, ndërsa ndaj të pandehurve Gëzim Kosova, Alfred Hoxha dhe Olsi Çuko është dhënë masa burg pa afat. Ramazan Myrto dhe Ylli Kosova janë lënë të lirë pas paraqitjes zyrtare të origjinalit të pasurisë statuore. Gazetarët kanë qënë të pranishëm në këtë seancë, por ata nuk janë lejuar që të fotografojnë.

Seanca
Të pesë personat, midis të cilëve dhe kreu i pezulluar i tatim- taksave të Durrësit, u arrestuan të dielën nga policia e Durrësit. Prokurori i çështjes, Ferdinant Elezi, gjatë prezantimit të provave materiale dhe
argumentimit të akuzës, midis të tjerash, ka bërë të ditur rrethanat e zhvillimit të veprave penale nga të pandehurit. Sipas tij, i pandehuri Gëzim Kosova, pronar i një agjencie transporti në bashkëpunim dhe me shtetasin Olsi Çuko kanë transportuar nga Austria 50 t malto (lëndë e parë për prodhimin e birrës), duke falsifikuar dokumentet e importit të mallit fiktiv në emër të firmës “Alfa Butrinti”, Gjirokastër. Po sipas prokurorit Elezi, ka qenë Alfred Hoxha, agjenti doganor, ai që ka përpiluar dokumentacionin për procedurat doganore, për dy kamionët e ardhur nga Austria me lëndë të parë për prodhimin e birrës me dy trajlerë. Me anë të NIPT-it (term doganor) si dhe licensës të firmës “Alfa Butrint” procedurat doganore për këtë sasi malli janë bërë në datat 19 dhe 21 dhjetor të vitit 2002. Sipas Elezit, ka vepër penale për falsifikim dokumentesh dhe shmangie të akcizës. Si rezultat i kësaj veprimtarie të paligjshme, sipas Elezit, shtetit shqiptar i është shkaktuar një dëm prej 17 milionë lekësh të reja. Përsa i përket pozicionit të kryetarit të degës së tatim-taksave në Durrës, prokurori Elezi deklaroi se ai (Myrto) së bashku me një shtetas tjetër, janë pronarë të një fabrike birre dhe një pjesë të lëndës së parë të futur kontrabandë e kanë përdorur në këtë fabrikë. Të gjitha veprimet, sipas Elezit, janë kryer në bashkëpunim midis pesë personave të akuzuar dhe kallëzimi në lidhje me këtë çështje është bërë nga ana e drejtorisë së përgjithshme të doganave në datën 26 tetor të vitit të kaluar. Importi i mallit është bërë fiktiv dhe NIPT-i është bërë për vitin 2000, në një kohë që veprimet doganore janë bërë në vitin 2002. Sipas prokurorit Gëzim Kosova, Olsi Çuko dhe agjenti doganor që duhet të vërtetonte deklaratën doganore dhe NIPT-in, në bashkëpunim kanë bërë shmangien doganore të mallit. Ndaj ai kërkoi për të tre burg pa afat. Ndërsa për Ramazan Myrton dhe Ylli Kosovën, akuza kërkoi që të lihen të lirë pas pagesës së garancisë pasurore, e barazvlefshme me dëmin që i
kanë shkaktuar shtetit shqiptar. Ai kërkoi që Myrto të paguajë 60 mijë euro, ndërsa avokati Ylli
Kosova, që sipas akuzës nuk ka pasur lidhje të drejtpërdrejtë në këtë vepër penale duhet të paguajë 30 mijë euro. Elezi kërkoi gjithashtu që drejtori i degës së tatim -taksave të Durrësit, Ramazan Myrto, të jetë i pezulluar nga detyra deri në përfundim të hetimeve.

-----------

21/04/2004 http://www.korrieri.com/

PLL zgjedh pasuesin e Balles ne postin e Sekretarit te Pergjithshem
Kryesia e PLL, e Senatit dhe Kryetari i Keshillit Kombetar, analizojne veprimtarine e PLL si dhe bejne vleresimin e qendrimit politik te grupit parlamentar te PLL ne Kuvend, persa i perket ceshtjes came, projektligjeve per demshperblimin e ish te burgosurve dhe te perndjekurve politike, te pronareve legjitime, ate per statusin e ushtarakut si dhe per projektligje te tjera me rendesi. Mbledhja diskutoi edhe per vakumin strukturor te krijuar mbas doreheqjes se ish- Sekretarit te Pergjithshem te PLL, Sadedin Balla ne mbledhjen e fundit te Keshillit Kombetar. Ne keto rrethana u konsideruan si domosdoshmeri zevendesimi i tij dhe disa ndryshime te pjesshme ne strukturat e PLL me qellim, sipas kryetarit te PLL Eqerem Spahiu, "per t'i dhene nje impuls te ri aktivitetit te partise". "Ne kete mbledhje, duke vleresuar kontributin ne PLL dhe aftesite, u vendos qe te beheshin ndryshimet e meposhtme ne strukturen drejtuese, ku Artan Tujani u zgjodh Sekretar i Pergjithshem i PLL; Blerim Kamberi u zgjodh Sekretar i Burimeve Njerezore, njekohesisht edhe Kryetar i deges se PLL Tirane i zgjedhur ne konferencen e fundit. Kjo levizje u be mbas doreheqjes se tij si Sekretar i Marredhenieve me Publikun per te qene ne kushte me optimale per t'i kontribuar deges se Tiranes dhe Neritan Kolgjinin, Sekretar per Marredheniet me Publikun", ka informuar Spahiu. Keto procedura e vendime do t'i kalohen Komitetit Drejtues dhe Keshillit Kombetar te PLL ne mbledhjen e pare te tyre.

A. META

7 Prilli, konteksti dhe konsekuencat
Ka hedhur nje ide te bluar prej kohesh, autori: Me 7 Prill 1939 shqiptaret luftuan me heroizem, me fuqite e pakta qe paten, nen udheheqjen e Majorit te Ushtrise mbreterore, Abaz Kupit, duke pergjakur forcat pushtuese dhe duke i hedhur disa here ne det. "7 Prilli shkaterroi perspektiven e vendit dhe risolli ne pushtet forcat me te errta te shoqerise shqiptare gjate disa brezave, duke sjelle konsekuenca qe do te kerkojne kohe te gjate per t'u riparuar", thote ai, ne emer te monarkisteve shqiptare

Nga Murat BASHA

Ne kujtesen historike te shqiptareve si popull, si komb e si shtet, 7 prilli i vitit tragjik 1939, do te mbetet ngjarja me permasa fatale, qe ndryshoi rrjedhen e zhvillimit shoqeror dhe strukturen juridiko-konstitucionale te shtetit politik shqiptar. Kjo date startoi nderprerjen dhe rrenimin e arkitektures solide, te cilen Mbreteria Shqiptare e kish projektuar dhe po e zbatonte me sukses, madje qe prej 14 vjetesh.

Perkunder ideve dhe praktikave politike majtisto-liberale, qe vershuan ne Europe e Euro-Azi ne vitet 20-30 te shekullit XX, ne Shqiperi ishin hedhur themelet e nje shteti me orientim konservator, si pasqyrim kreativ dhe prosperues i ideve dhe filozofise se Rilindjes Kombetare, prej nga vinte me energjine dhe formimin e tij edhe kryetari i ketij shteti, Presidenti, e me pas, Mbreti Zog.

Ne bashkepunim dhe nen udheheqjen konstitucionale te Tij, ishte mbledhur elita e ndergjegjshme politiko-atdhetare dhe intelektuale, e cila shihte ne figuren e Tij madhore sintezen e formesimit te liderit qe garantonte krijimin dhe, ne perspektive, edhe realizimin e nje shteti solid, dinjitoz e me fytyre europiane, qofte nga prirjet dhe frymezimi demokratik, qofte edhe nga qartesia e sendertimit te nje sistemi politik garantues - sikunder ishte Mbreteria konstitucionale.

Ky frymezim iluministo-etatist, qe buronte nga Rilindja Kombetare, gjeti misherim dhe zbatim te plote ne aktin me madhor politiko-konstitucional - Miratimin e Statutit Themeltar, me 1 Shtator te vitit 1928. Kjo kryeveper e mendjeve dhe vullneteve te ndritura te Kombit, me ne krye "Shpetimtarin", e nxirrte shtetin shqiptar nga amullia dhe pasiguria juridike.

Njemendesia dhe vendosmeria e bashkeluftetareve, me "Shpetimtarin" si Prijes, ne rrokjen me mencuri te ideve dhe vizioneve madhore te Mbretit, ishin mrekullia qe konkretizoi endrren shekullore te shtetformimit shqiptar.

Nderkohe, epidemia komuniste dhe fashiste, mjerisht, kishin gjetur vend edhe ne mjediset shqiptare, duke krijuar kushtet, hapesirat dhe duke pritur rastin e volitshem per t'u shfaqur ne skene dhe per te rrenuar ate cka po ngrihej me stermundim e perkushtim. Elemente dhe qarqe ne sherbim te armiqve historike, me ngjyresa te panumerta politike apo ideologjike, u bene pengesa kryesore e zhvillimit dhe shperfaqjes me efikasitet te plote te efekteve jetike te struktures konservative te shoqerise shqiptare, reflektuar zgjuaresisht ne sistemin politik te Monarkise kushtetuese.

Me ane te demagogjise per "progres, barazi e fryme te re", bartesit e pikepamjeve fashiste e komuniste, shpesh te infiltruar edhe ne politike, si deputete, dhe ne administrate, kerkonin te realizonin permbysjen e regjimit dhe rrenimin e shtetit shqiptar per llogari te fqinjeve.

Nga ana tjeter, zbatuesit e politikave ekspansioniste te shtetit fashist italian dhe atyre jugosllav e grek, vijuan presionet dhe diversionet mbi Mbretin Zog dhe shtetin shqiptar deri ne fund, pra deri ne zbarkimin e trupave pushtuese me 7 Prill.

Stoicizmi dhe lufta e shkelqyer diplomatike e Mbretit Zog dhe e diplomateve te Tij, demaskuan dhe diskretituan diplomacine e Cianos dhe Musolinit, gje qe i detyroi keta te fundit te perdornin gjuhen e forces, si vetmi mjet nenshtrimi.

Keshtu, politikes agresive te Duces i mbeti vetem pushtimi ushtarak i Shqiperise per te realizuar qellimet ekspansioniste te Italise fashiste ne drejtim te Ballkanit, sikunder kishte vepruar edhe ne Abisini, per te kontrolluar Veriun afrikan, dhe per te shtrire keshtu sundimin e enderruar romako-perandorak ne Mesdheun Lindor. Ne kete hulli, edhe pakti Ciano-Stojadinovic kishte sherbyer si instrument kunderveprimi ndaj vendosmerise se Mbretit Zog per ruajtjen e sovranitetit te shtetit shqiptar dhe intensifikimin e rezistences antikoloniale.

Pra, italianet dhe jugosllavet lidhen kauze te perbashket kunder Shqiperise, per asgjesimin dhe copetimin e saj, si pengesa e realizimit te aspiratave te tyre agresive.

Periudha 1912-1939 eshte kronika me e turpshme e pushtimeve italiane, jugosllave greke, pra e copetimit te trojeve shqiptare dhe e nderhyrjeve ushtarake e agjenturore per shkaterrimin e shtetit shqiptar, cka perkoi ne kohe edhe me periudhen e ndritur te kontributit madhor te Ahmet Zogut ne politiken, formimin dhe drejtimin e shtetit shqiptar pas 5 shekujsh pushtimi nga Perandoria Turke.

Me aktin kriminal te pushtimit te 7 Prillit 1939, Musolini shkeli marreveshjen italo-britanike te vitit 1938 "Per ruajtjen e statukuose ne Mesdhe" dhe, njekohesisht, nxori zbuluar shperfilljen e Fuqive te Medha ndaj fateve dhe te drejtave te popullit dhe Kombit shqiptar.

Tolerimi i pushtimit fashist te Shqiperise dhe pranimi i politikave te faktit te kryer, me shpresat e ruajtes se paqes se rreme te kohes, me vone u kthye ne nje boomerang per mbare Europen.

Kjo miopi politike dhe injorimi i fatit tragjik te popullit shqiptar, eshte padyshim shprehja me e mjerueshme e cinizmit te Fuqive te Medha karshi interesave te popullit te vogel shqiptar. Pushtimi i Shqiperise cmontoi strukturen fluide te Lidhjes se Kombeve dhe shperfaqi deshtimin e ketij organizmi, qe rezultoi instrument i deshtuar ne funksionin e ruajtjes se Paqes dhe ekuilibreve politiko-ushtarake mbareboterore. Fakti me domethenes i pafuqishmerise dhe papergjegjshmerise se Lidhjes se Kombeve, ishte refuzimi i shqyrtimit te Deklarates se Protestes se Qeverise Shqiptare prej saj, pas pushtimit fashist, nderkohe qe Shqiperia ishte anetare me te drejta te plota e kesaj strukture qe ish krijuar per sigurine mbareboterore pas LPB.

Pushteti komunist i pas '44-es dhe historiografia zyrtare e tij, e fshehen faktin se perfaqesuesi i Bashkimit Sovjetik ne Lidhjen e Kombeve, ishte kundershtari me i eger i shqyrtimit te Protestes se Qeverise shqiptare per aktin banditesk te pushtimit te Shqiperise, sepse kerkonte te sfumonte efektet e agresionit te BS ndaj Finlandes, republikave priballtike, Besarabise, Transilvanise, Bukovines dhe Moldavise. I njejti qendrim i historiografise enveriste, eshte mbajtur edhe per fshehjen e qendrimit te Stalinit ndaj fateve te Shqiperise dhe Kombit shqiptar ne Takimin e Teheranit dhe Mbledhjen e Jaltes.

Me 7 Prill 1939 shqiptaret luftuan me heroizem, me fuqite e pakta qe paten, nen udheheqjen e Majorit te Ushtrise mbreterore, Abaz Kupit, duke pergjakur forcat pushtuese dhe duke i hedhur disa here ne det. Durresi u la me gjak dhe u be qendra kryesore e rezistences kunder pushtimit fashist. Po keshtu ngjau edhe ne Vlore, Shengjin Sarande, Shkoder dhe ne grykederdhjen e Semanit, ku dhane jeten afro 300 luftetare.

Nderkohe, asnje komunist apo majtisto-liberal nuk mori armen per te mbrojtur Atdheun nga pushtuesit, por, perkundrazi, me shpejtesi u inkuadruan ne radhet e administrates se pushtimit. Madje ata ishin te paret qe e priten me gezim pushtimin, ngaqe nje pjese e tyre u lirua edhe nga burgjet.

Sot, ata qe mbajne dekoratat e "Heroit te Popullit", te marra per vrasjen e shqiptareve gjate LDB, kane filluar ta mohojne pushtimin fashist. Dhe jo rastesisht, sepse me renien e Mbreterise Shqiptare, domethene me asgjesimin juridiko-politik te shtetit shqiptar, per komunistet realizohej edhe nje nga detyrat e dhena per ta nga qendrat sllavo-internacionaliste te komunizmit, qe ishin armiqesore ndaj kombit shqiptar, shteti dhe sistemit politik monarkist, i cili e kish nxjerre jashte ligjit komunizmin, madje bartesit e tij i denoi me gjyqe publike per veprimtarine e tyre subversive, antikushtetuese, ne sherbim te paguar ndaj fashizmit e komunizmit, sikunder kane vertetuar edhe proceset gjyqesore. Aleanca fashisto-komuniste kunder shtetit shqiptar, frymezohej nga Pakti Molotov-Ribentrop, i cili i kaperceu dasite midis dy kampeve ideologjike te totalitarizmit, qe ish krijuar pas Luftes se Spanjes.

Si gjithmone, kunder pushtimit fashist luftuan ata qe kishin luftuar brez pas brezi kunder pushtimeve serbe, greke, italiane, duke shkrire jeten dhe pasurine per Atdheun dhe Kombin.

Lufta civile qe pasoi pushtimin, solli mjaft te vrare dhe shkaterrime, te cilat kulmuan pas fitores se komunisteve, nepermjet eleminimit te shtreses qe perbente palcen kurrizore te shoqerise shqiptare - eliten dhe inteligjencen konservatore e djathtiste.

Shkaterrimi i substratit konservativ kombetar dhe permbysja e raporteve politike, ekonomike dhe sociale, ishin kryeveprat e genocidit sllavo-komunist.

Gjate LDB dhe pas saj, aleate te fuqive antifashiste u vetshpallen vrasesit e popullit, nderkohe qe armiqte historike u shpallen "vellezer dhe aleate ideo-strategjike". Edhe pas vendosjes se Pluralizmit, me 1990, internacionalistet u vetshpallen "adhurues dhe aleate te Perendimit!!!".

Ne kete kendveshtrim, 7 Prilli shkaterroi perspektiven e vendit dhe risolli ne pushtet forcat me te errta te shoqerise shqiptare gjate disa brezave, duke sjelle konsekuenca qe do te kerkojne kohe te gjate per t'u riparuar. Por demi me i rende i shkaktuar nga kjo epidemi, eshte atrofizimi i aftesive shtetformuese dhe legalizimi i padrejtesive shoqerore.

Ndaj, me te drejte, 7 Prilli konsiderohet si menxyre kombetare me pasoja fatale per shqiptaret, ndonese shenon edhe kulmimin e lavdise dhe gjakut qe legalistet dhe mbreteroret derdhen per Atdhe.

http://www.kohajone.com/

PLL ANALIZON SITUATEN E SAJ

Kryesia e Partise Levizja e Legalitetit, Kryesia e Senatit te PLL, dhe Kryetari i Keshillit Kombetar, zhvilluan para dy ditesh nje takim ne te cilin analizuan veprimtarine e PLL nga mbledhja e fundit e Keshillit Kombetar e zhilluar me 21 nentor 2003 dhe deri tani. Konferencat e degeve neper rrethe jane zhvilluar ne shumicen e tyre dhe ne keto konferenca eshte analizuar me pergjegjesi te plote veprimtaria e tyre politike, por ne vecanti rezultati i zgjedhjeve vendore te tetorit 2003. Gjate kesaj analize rezulton se keto konferenca jane zhvilluar konform statutit dhe udhezimeve te dhena ne Keshillin Kombetar. Ato kane qene model per nga menyra e organizimit, procedurat demokratike per zgjedhjen e kryetareve dhe komiteteve drejtuese te degeve, duke u kthyer ne nje model per partite lokale. Gjithashtu, ne kete takim u analizua situata politike ne vend dhe kontributi i PLL-se ne levizjen mbareqytetare "Nano ik". Kjo mbledhje beri vleresimin e qendrimit politik te grupit parlamentar te PLL ne Kuvend, persa i perket ceshtjes came, projektligjeve per demshperblimin e ish te burgosurve dhe te perndjekurve politike, te pronareve legjitime, ate per statusin e ushtarakut, si dhe per projektligje te tjera me rendesi.